المساعد الشخصي الرقمي

مشاهدة النسخة كاملة : أبيات من ذهب


سعيد الحمالي
22-09-2004, 08:13 AM
خطرت ببالي فكره بزعمي أنها جميله إن رأيتوا أن نمضي فيها فلكم ذلك وإن أجمعت أغلب الآراء علي عدم جدواها فسوف أتخلى عنها.


يقال بأن العرب كتبت المعلقات بماء الذهب وعلقتها داخل الكعبه, وربما فعلنا هذا في النداوي ولكن بطريقة مختلفه...


الفكره تقوم على إختيار كل مشارك بيت او مجموعة أبيات على أن لا تتجاوز 3 أبيات لك مشاركه, ويستطيع العضو إقتراح أي عدد يريده من الأبيات له أو لغيره من شعراء النداوي على أن تكون هذه الأبيات قد نشرت في النداوي.

مثال:

يستطيع حمد السحيمي أن يشارك باقتراح بيت واحد الى 3 ابيات له , وبيت الى 3 ابيات لشايع العيافي , وبيت الى 3 ابيات لحسن الوطري , ومثلها لسعود الدهيمي..... الخ
ليس هناك عدد محدد للاقتراحات او المشاركات ولكن الحد الاٌقصى لكل أقتراح او مشاركه 3 ابيات فقط.

ترسل هذه المشاركات على بريدي الخاص او تكتب في الموضوع مباشره وسوف نقوم بحذف المشاركات التي لا تنطبق عليها الشروط.


هل إستوعبتم الفكره أخوتي الأفاضل؟؟

اكتب لكم الشروط بطريقة مبسطه مرة أخري :

1- كل أعضاء النداوي لهم حق المشاركه بأبيات من بدعهم او من بدع زملائهم النداويه فقط.
2-تكون الأبيات قد سبق نشرها في النداوي.
3-بيت واحد الى 3 ابيات فقط لكل مشاركه.
4- يستطيع العضو المشاركه بأي عدد يريده من المشاركات.



بعد ان نكتفي بالمشاركات وبعد اعطائها مدة كافيه حتي يشارك اكبر عدد ممكن في الموضوع, سوف نجمع المشاركات ونعرضها على لجنة تحكيم محايده , شعراء ونقاد متمكنين ومحايدين, ليس لهم ابيات مشاركه او مقترحه وربما كانوا من خارج النداوي . سوف نعلن اسماؤهم لاحقا ان شاء الله.

الأبيات المختاره سوف تعلق مثل مافعلت العرب بالمعلقات في موضوع مستقل يبقى مثبتاً ويطلع عليه كل متصفح للموقع ...



في إنتظار آراؤكم وإقتراحاتكم !!!!!!

مسعود اليامي
22-09-2004, 08:47 AM
سعيد الحمالي



انا اقترح تسوي لها بنر خاص كما هو متبع في المساحات الاعلانيه يطلع البيت وتحته اسم قائله وبعد ذلك البيت اللي يليه


ويكون مثبت لمده شهر مثلا ويأتي بعده مجموعه اخرى لخلق جو تنافسي ولأعطاء الفرصه لأكثر من عضو


وسلامتك


والفكره حلوه مره

ثامر شبيب الدقباسي
22-09-2004, 04:01 PM
سعيد الحمالي ...


مساك الله بالخير ...


فكره رائعه وفيها من الفائده الكثيره لي الشاعر والمنتدى والزائر وتخدم الشعر بشكل كبير ...


انا راح اشارك في ثلاث بيوت لي موجودات قصائدهم بالنداوي سبق نشرهم بالنداوي ...


لا تفهق الفرصات لاجتك ياصفوق ... بعض الفرص راحت على اللي فهقها

الثاني ...

اضحك حبيبي دام وقتك مسليك ... بكره تموت من القهر لانسيتك

الثالث ...

لاتلومني لاجيت كلي من اقصاي ... مافيه غيرك لاتضايقت جيته


وشاكر لك جهودك ...



ثامر ...

سعود الدهيمي
22-09-2004, 11:43 PM
هلا يابو ناصر

الفكره ممتازه
وان كنت ارى ان يوضع مايتم اختياره من البيوت من قبل اللجنه في الصفحه الريئسيه للنداوي
تحت مسمى بيت من ذهب...


الطيبين انظارهم شبحها فوق=والخايبين انظارهم تحت الاقدام
ولاهوب صح ان كل مطرود ملحوق=ماحدٍ لحق من طول الايام الايام







لاتطوّل فالغياب وخافقي محتله=خافقٍ حتى بطى ليله ماعاد يداني
رد نصف القلب ولاهاك قلبي كله=لاتخليّني بنصف ومعك نصفٍ ثاني





ماكل من يصخر بيوتٍ مقفّاه=ودي بمعرفته وممشى مماشيه
احدٍ ليا ناداني اسمع مناداه=واحدٍ يناديني لكن ما التفت فيه





لولايه اخشى من كلام الجواسيس=من يوم قلبي بالمظاليل صبته
لافرج عن اللي في عيوني محابيس=واكشف عن اللي في ضلوعي حجبته
اسمك على حيد الضلوع المقاويس=كنك براس اصبعك الايمن كتبته







ترى التواضع لامنّه زاد عن حده=يضعفك في عين غيرك ونت ماتدري

فهد بن دلباح
23-09-2004, 02:32 AM
فكره جميله جداً يا سعيد

ابدااء مشاركتي بثلاث ابيات لي


ماني على الدنيا شفوقً وولهان=وش لي بها ما دام حظي جفاني
صكت علي بقعا تصاريف الازمان=همً يصبحني وهمً ظواني
عمري يزيد وحالة الحظ نقصان =وان زان حظي زان بضعة ثواني

سعيد الحمالي
23-09-2004, 06:02 AM
اخواني الافاضل:


مسعود : إقتراح البانر رائع وسوف نطبقه بإذن الله. اما فكرة التثبيت لمدة شهر فقط فسوف فجدير بالبحث وإن شاء الله لن نغفله..





ثامر الدقباسي:

شكرا للمشاركه وأن كانت النيه بأن نفرد موضوع خاص لها ولكن حصل خير سوف نستقبل مشاركاتكم هنا بما أنك فتحت الباب :)



سعود :
شكرا لمشاركتك وإقتراحك .




فهد بن دلباح:

حياك الله وشكرا للمشاركه

مطر العضياني
23-09-2004, 06:17 PM
رائع...بحق ياسعيد الحمالي


الله لا يهينك يابو ناصر

نايف العويمري
24-09-2004, 01:10 PM
السلام عليكم ورحمة الله وبركاته
هذه الابيات من اولويات اختياراتي واعجابي منذ نشرها في النداوي قبل فترة ليست بالقصيرة
يسعدني المشاركة بها وسيكون لي مشاركات اخرى لاحقا في هذا الموضوع الشيق
والفكرة اكثر من رائعة
لاهنت يابو ناصر



في مقام العز ساعه ولو وضعك خطير = خير من دهر تعيشه وتشكي الذل فيه
اصرخ بوجه المنيه وطيرها تطير = دوك عمري يامنيه بحوضك ورديه
ودون عرضك ارخص الروح في اليوم الشرير = ما يباع المجد بالرخص ياللي تشتريه

سعيد الحمالي

أحمد هادي
24-09-2004, 03:04 PM
السلام عليكم .. الفاضل: سعيد الحمالي .. إقتراح رائع ..
تم نشر هذه الأبيات في النداوي منذ زمن تحت مقالة : الشاعر المتمكن والتاجر ..
وفي توقيعي الدائم ..



أجمل قصيده تعيش إحساسي الذابل
0 0 0 0 0 0 عـديم الإحـسـاس مـايـقـدر يغيّرها

وإليا إخـتـلط حـابل الإحساس بالنابل
0 0 0 0 0 0 خل القصيده تعيش بقلب شاعرها








إحترامي

عادل بن مطرود
25-09-2004, 01:56 AM
شكرا اخي الاستاذ / سعيد الحمالي

على هذا الطرح المميز والمفيد



وهذى ابيات للشاعر الجزل / سعود الدهيمي


ازوااال بثياب الاوادم مخفّاه=وكلٍ تزيّن له ظنونه مساعيه
والرابح اللي عنهم الخالق اغناه=عرضه ستير وواجبه مايخليه
يعز نفسه لين تبرك مطاياه= ولغير ربه مايكثّر مشاكيه
سعود الدهيمي

سعد بن شليه السبيعي
25-09-2004, 02:11 AM
الاخ سعيد الحمالي

اشكرك على هذا الطرح المميز والمفيد


واشارك بهذه الابيات

الاول
من لا قضب دينه وخلقه ومبدئه= يعيش عمره دايم الدوم هاينه

الثانى
ياشين فرقا من تحبه وتغليه= لا صار فرقن ماوراها اجتماعى


الثالث
عزاه يا عز ٍ ذرته الذوارى= من عقب ماهو مرتفع طاح من فوق

تقبلوا تحياتى

نايف العويمري
25-09-2004, 08:06 AM
ابيات من قصيدة للشاعر سعود الدهيمي
ياعديل الروح لاقلت لك هرج افطن له=ماهرجت الا من اللي كاوي ٍ وجداني

قمت قلبي كل ليلـه بالغـرام اتّلّـه=وكل ليل تشب في وسطه من النيراني

كل ماقلت الك ابا ظنك تـداو العلـه=زدت علتك القديمـه علـة ٍ بالعانـي

سعود الدهيمي

خالد سعد بن حطاب
25-09-2004, 12:48 PM
اخي الكريم :

عندي سؤال

انا توجد لدي ابيات يتيمه
اي لم اقم بكتابتهم ضمن قصيده
ولم اقم كذلك بنشرهم ضمن اي منتدى مشترك به

فهل استطيع المشاركه بهم

ولك تحياتي

اخوك

حسن الوطري
25-09-2004, 02:18 PM
ابو ناصر

بيض الله وجهك على ما تقوم به من افكار واقتراحات رائعه

ولكن هناك سؤال

هل من شروط اختيار الابيات تكون على نفس القافيه والبحر


بمعنى اوضح عندما اختار ابيات لمجعد هل يجب علي عند اختيار ابيات للحمالي تكون على نفس قافية ابيات مجعد


لك تحياتي

همس النسيم
25-09-2004, 02:45 PM
السلام عليكم


الغالي سعيد الحمالي



فكره اكثر من رائعه






وارجو قبول ابياتي المتواضعه هذه



.....................................................



• منك اتعلمت كيف اقسى وكيف ابدي الشفاعه ** كيف ازيف رقة اسلوبي وتأثير اندفاعي

• طار طيرك في فضا غيري وبالغ بارتفاعه ** والنتيجه تاه عن دربي وساهم بالتيــــاعي

• شيى مؤسف لو تخلا الخل عن خله وباعه ** وانكر العشره وخان الود ذي له كان راعي

• قمة المأساه لو صار الوفا مثل البظاعه ** بالرخص ينباع ياسوء السلوك الاجتماعي

ضاوي العصيمي
26-09-2004, 12:53 AM
ابو ناصر اشكرك على هذه الفكره الرائعه
واشكر جميع من تفاعل معها
وهذه مشاركتي
وهي ابيات من قصائدي ارجو ان تحوز على رضاكم



من يوم مات الوفاء والصدق والخوّه=ماعاد يبكي حياته واحدٍ صاحي

********
الحكيم اللي ليامنه نهى نفسه قدرها=والردي جرفٍ ليا هب الهواء قام يتهايل

********

من لاينال الطيب باول شبابه=ماظن يظفر به بعد عارضه شاب
ومن لايميّز غلطته من صوابه=لو صاب مره عشر مرات ماصاب
ومن لا على جسمه يفصل ثيابه=والله ليعلج فوق ضرس وتحت ناب

**********
شح به لبس العفاف ومت في محظوره=ادري انه مايدس الا الثمين الغالي

********
سترها بخمارها الاسود وخالقها سترها=وهي تحت ذاك السواد اطهر من رشاش المخايل

********

السيف قوة سلته من نصابه=ولاخير في سيفٍ يجّرب في الاقراب

*********
مع كريمين الايادي قدم اليمنى الكريمه=والجمايل مدها جزله ولاتحصي عددها
الردي لو مد مده مدته دايم يتيمه=بيضةٍ من ديك جت مره ويمكن ماقصدها

اخوكم/ضاوي العصيمي

نايف العويمري
26-09-2004, 01:45 PM
يا اللي مكانك بين رمشي والاهداب=خذ قلبي العب بـه وزود عذابـه
طابت جروحي مابقى جرح ماطاب=ياكود جـرح منـك زاد التهابـه
لوكان حبي للهوى حبـر وكتـاب=صمت الجنون ولا جنون الكتابـه
محمد بن حوقان
.
.
.
.
.
.


تسكّـعت حتى خرافات الاحلام=ياليت اشوفك لو ماشوفك حقيقي
عسى تسوق بشارتي فيك الايام=قبل أتبعثر مع حنيني وضيقي
نايف العويمري
.
.
.
.
.

تدرون انا ليه اخدم الشعر بالذات؟=من شان عندي في جذوره قناعه
حمد السحيمي
.
.
.
.
.


اقسى زمان الي من الصـدق معـدوم = ماذاق لوعة قسوتـه غيـر حسـاس
ماطاح دمعـه ذل مـن عـزه يقـوم= دايم شموخه معتلن جـرح الانجـاس
شف انكسار الليل طـوح لـه انجـوم= يسجم عليه الكون مـا دنـق الـراس
سحايب فيصل
.
.
.
.
.

لك الله يالطريق المر خذيت من العمر اضعاف=ولابه مابقى يحمل شقاي وغربة ايامي
تحملتك ابي مره جحودك يسبقه انصاف=وياليت الهنا مره تحقق لو بالاحلامي
بداية حلم واكملته حسبت ان القلوب نظاف=حسبت ومادريت الوقت مر ولابعد دامي
ريم - قطر
.
.
.
.
.

صحت: كيف الغدر في بحرك بلا رحمه رماني= ؟جيتك بكفي شموس ورحت في عينـي ظـلام
كنت تقطف من عيونك لي تباريـح ٍ وأمانـي=ليه صار الحلم لعبه واصبح الماضي كـلام..؟
كان لي قلبك بساط الريح وضلوعـك موانـي=كيف تنثرني هديـة صـد فـي بـرد المـلام
النايفة

سعد السبيعي
26-09-2004, 03:13 PM
ابو ناصر اشكرك على هذه الفكره الرائعه
واشكر جميع من تفاعل معها
وهذه مشاركتي
الشعر له قيمه وحشمه ومقدار=بين الرجال اللي تثمن معانيه
اطخم وجهه ولو انه حديد=والسماحه في الحديد وفي البشر
حاور وحط الساس محور عمدها=والا سعى حامد على هد محمود

محمد بن حوقان
26-09-2004, 11:01 PM
سلام عليكم
فكرة جميلة ورائعة شكرا يا ابو ناصر


أمتي ماهي بمقتولة ولا هي حية "=" كلما ينهض لها فكري يعود ادراجه

اي معنى صار للشرعية الدولية "=" اصبحت فلّة حجاج لمن يفل حجاجه

مشكلتنا ضعفنا واحلامنا الوردية"=" والاخوة بيننا والدين حسب الحاجة

*****

والله وانا عمك لا اوفي لك الدين "=" ولتشوف شياُ ما خطر لك على بال

ان كان ما ارجع لك الصاع صاعين "=" لا تعدني رجال من ظهر رجال

جاذبية
26-09-2004, 11:35 PM
فكره جميله يا أخ سعيد ..

ودعماً مني لهذه الفكره سأشارك بثلاث أبيات هي


لحظه! قبل لا ترجّع السيف للغمْد = قلبٍ بدونك وش يبي في حياته؟
ب يقرا على موت الهوى سورة (الحمْد) = وان تمّم (آمين) إكرمه في مماته
عندي تساوت طعنة الطّيش والعمْد = وعنده تساوت كلمته مع سكاته
جاذبيّة

فهد الشبيعان
27-09-2004, 11:42 AM
-
-
الفاضل

سعيد الحمالي

جميله هالفكره الرائعه والتي تنسج الجمال
الشعري.للنداويه .....بحرف من ذهب

ولكم اختياراتي


احزن الاموات موت الحلم ثم موت الفجاءه=وارذل نفوس البشر نفسٍٍ(ن)تخلت عن شرفها
واكثر اللي يذبح الرجال كسرة كبرياءه=واسخف دموعه دموع(ن)لغير وجه الله ذرفها
-
سعد الدوسري



<
>

>
<

لك الله ما ملا عيني بهالدنيا عرب واجناب=سواك ولا لي بغيرك حشى لو كنت مشقيني
_
فهد الشبيعان



>
<

>
<

اسامر الدمع واحرث موقده وافضي=لله بامري واسوق العذر لجفوني
واقول للعين دمعك والحزن مقضي=واهون الامر واسبل دمعة عيوني
_
مسعود اليامي



>
<
>
<

ياهيه جددت المواجع وش بعد وش تحتري=يكفي تشوف اغلا محبينك جفونه غارقه
ما عاد باقي لك سوى شعر(ن)يذوب بدفتري=اما سرق منك الدفا ولا انت منه سارقه
_
مسعود اليامي



<
>
<
>

ما عاد تفرق لو خذاك الوقت او جابك=فالحالتين الموت اقرب لي من ظلالي
اما اموت من الوله لا طول غيابك=ولا بموت من الفرح لا شفتك قبالي
_
محمد الجارالله السهلي



>
<
>
<


عندي امل ابقى انا دوم وياك=في ناظرك في دنيتك في لياليك

فهد الشبيعان

داهم العصيمي
27-09-2004, 01:24 PM
الاخ : سعيد الحمالي ..
والاخوة الكرام النداوية ...

السلام عليكم ورحمة الله وبركاته

إقتراح رائع .. وفكرة مبتكرة .. اجد ان المشاركة ضرورية ... وسأشارك بابيات مختارة جميعها من ابياتي التي ارجوا ان تكون بمستوى ذائقتكم .. لم اورد لزملائي الشعراء لعدم احاطتي برائع ما ابدعوا وكثرته ... لكن ربما كان لي عودة لايراد مجتزءات لآخرين طالها جمال الابداع وروعة النهج

مختارات ..

أروح مع الفيافي مهنتي سوقة نجيب الذود
وأخلي للتجارة بين بايعها وشاريها

أخلي سحبة البشت المقصـّـب للوجيه السود
منافقة الرجال اللي سواد الفعل كاسيها

******

غربة الفكر لامن صرت غير الجميع
ولو عبارتك سهلة جالك امية سؤال

ودك بشي فوق معاصرينك رفيع
وصار تفكيرك ابـ همٍ بعيد المنال

******

الطيب من الروح لو هو نسانا
خطاه روض علّه الوسم بمزون

حتيش لو هو بالرخا ما لقانا
ميقافنا بالضيق تطرب له عيون

******

عاداتنا نحري بها هبة الريح
علم الشرف يا كيف نحيا بدونه

وليا فعلنا الطيبات المواضيح
خل الهمج عرقوبنا يشذبونه

******

انا ليا شفت العنود الصافن اخم الرسن
مابين كف ن صامل ومابين نفس ن رايفه

وليا استوتلي طايعه روحي لخاطرها ثمن
والفارس المقدام يغلى بالولع عسايفه

******

ياطيبها جيره حصان الاطاليب
اما سبق بالبر ولا تبره

وياكودها جيرة مخل المواجيب
لو هو فعل له خير قفاه شره

******

كم دمعة حايره في عين ذارفها
ارخصلها القرم بالدينار والحالي

ماصد يوم الردي كلمته ناصفها
يمناه لامدها تقول شلالي

تفداه الأبيات يوم انا نصرّفها
ماغير اليوم ياكود الخلا الخالي

******

عارضوني كلهم عتبان منّا
وقفه وياعنك مافيهم هداني

وسندوا في ضفهم منهو شحنّا
ياحجاز العز جاك اللي براني

لد في وابتسم ثم صدعنّا
وعقب سيد البيض مدري وش دهاني

******

هواجيسي غزير وبلها ما يعذله تبرير
ابنسى الكل يالهاجوس واذكر مهجتي (ساره)

تجيني تركض واشيلها هي والغلا وأسير
تقول : ابوي شخبارك , وهي عمره واخباره

ألا ياحلم ابوها والطفولة ياعيوني غير
حلالك روح ابوك وفوقها الأموال واشعاره

******

رجل ٍ الى العليا سمت به مواريد
للطيب مستودع وللمرجله بنك

حر ٍ معلمه الوفا يقطع البيد
خوف الوطا والذل والموقف الضنك

******

أغضيت ثم جاك متهايل من القمة
ومثنيت نظرتك داخل جرحه الدامي

حتى دريت انك ادوا العاشق وسمه
وأسرجت همه وخليت اليمن شامي

وجريت في كل أركانه كما دمه
وسقيت بأقصاه أصل ن للهوى نامي

وخامسته اب ثلج والنيران في كمه
وغرست به ولعة المصيوب بالرامي

******

احب الشعر يوم الشعر يشبه مطلع البستان
يغرد في ركونه مستهيم الصادح الشادي

اسجه بين طلع الورد والنرجس وغصن البان
ولايرضيني الا مرجعي بالفل والكادي

******

صاحب لي يوم كحلها عماها
واستخار أي الجفا ولاجحودك

قص حبل للمواصل والمشورة
يالمشورة جعل ربي ما يعودك

ظن له هقوة .. ولكن ما حسبها
وغاب عنه انه فلا رجل يقودك

******

ليا تكلم كلامه كنه الشيره
شملول عذب ٍ تعاقبه المغاريبي

له غرة لو يقابل تشعل منيره
نصف القمر بالجبين ونصف بالجيبي

******

ماحجب نورك الطاغي عريض الوشاح
يوم ترخيه يزداد الحلا والخفر

الحلا ميّـزك يا سيد كل الملاح
لو تقـّلب مزاجك بين كرٍ وفر

لك عذوبة زلال الما بوادي (نساح)
ولك تبسم ربيع ٍ في حدود (الحفر)

******

أنت و الفكر و الزين ومنال الوطر
حالم الورد في كاس من السنديان

أوعيتك اللجين وانت فيها عطر
وبين أناملك حط السحر له صولجان

******

ليلة العيد الكبير الترف غـاوي
يا ضحايا العيد بالفتنه صرعهـا

يوم طب السوق قلّب للكسـاوي
وقلّب قلـوب يكسرهـا ولعهـا

مد يمنى الموت ويسار الرجاوي
وراحت العالم مضيعة ٍ سنعها

******

بس قولو لها مالي برد البريد
جعل ربي يخليها لشيبانها

للعذارى ترى مانيب خصم ٍ عنيد
وفاتلين الشوارب نهدم اركانها

******

النفس لو هي ما تحب الذل وسفوح الوطا
لكن شهوتها لها فعل ٍ يزلزل نرجسه

دايم إلى التغيير تجري ما يلائمها البطا
ترمي لها ثوب وتدوّر ثوب ٍ آخر تلبسه

******

الردي لو حطه الله وسط ريف
ماعرف لبنانها من هندها

داله وان شمّر الوقت الكليف
كل شده قام يبكي عندها

******

رفع للصوت بيهلي ورد لمبسمه يمناه
وقامت تضحك عيونه وفيها خوف وإيثاره

و أول ما نشد: وين الهدية ؟ جعلها تفداه
هدية طيب له وأنا هدية مثلي أخباره

******

يالله اني طالبك حسن الصنيع
والقدا بالدين والدنيا جميع

والخوي الالمعي ابن الرجال
نبذل المعروف فيه ولا يضيع

والخيال اللي من المنشا يسوق
يزعج الما مع مقاديم الربيع

******

نصوب المزن علـّتها تنثّر فوقها العبرات
لعوج البارق الهمّال هل ودنت رعوده

يسيل الما ويركض به خفيف الحمل شلالات
ويشربه الثرى لا كن فيه كبود ملهوده

******

طروق الشعر قامت تنتخي في سجن ظالمها
ظلمها بالركاكة والكسور وساذج الترميز

شكت من كل منهو من جزيل البدع حارمها
شعاره قلة التطوير والابداع والتركيز

يصفق له مسوّ قة المشاعر : يا معلمها
وقالوا: شاعر ، ولو كان من تغريز في تغريز

******

ياعيون الريم سود ن واخلفنّا
لامشيتوا درب عج القحوياني

لو على قلبي مصاريع المهنّا
تنكسر مابين رفه وخفقاني

رحت مثل الوصف بالبيت المبنّى
عاشق ن شاف العشر تصفي ثمان

******

فدوة لخد ها الصافي وراس النهيد
كل حسادي اللي قام شيطانها

اتبعتهم وغروها بشي زهيد
مبطنين العداوه صارو أعوانها

******

جمعنا مجلس ٍ فاتت على الحساد لا تلقاه
تفاصيل اللقا حفظتها من جملة أسراره

على طهر وشرف والله ثم والله ثم والله
أموت الموتة الكبرى ولا المس طارف إزاره

وسلامتكم .. وعذرا للاطالة

اخوكم
داهم العصيمي

النور
27-09-2004, 03:31 PM
فكره رائعه
وسأشارك بأبيات للأخت الفاضله أبعاد التركي


من قصيدة مثلي يطاع هذه الأبيات
:
:

عدّيت عن صدر الهجوس وشفتنى باخر مدا
*******************************تفنى سنيني وادري انى مامشيتك يالضياع

هذا انت يالى كل ماراحت بك ادروبك سدا
**********************************وش بك ؟ترد الصدق يومك ماقدرت المستطاع

ثبّت عقالك وانتهض ياهيه !عن وجه الردا
*******************************مانى وانا بنت الشجاع ارضى باقل من الشجاع


ولها ايضاً من قصيده نفس المكان

افـتـرقـنــا والـمـقـاديــر مـامـنـهــا ضــمـــان
حالـة الدنـيـا وقـصّـر عــن الــدرب اجـهـدي

ان نسـيـتـه لـــه بـقـلـبـي شـواهـيــد وكــيــان
وان سريتـه حلـم لـيـل00 وخـيـالٍ سـرمـدي

آه 0لو يـدري وش اللـي عقـب فرقـاه 0كـان
ماتوصّـى دمـع عيـنـي00 وصـحّـا مـرقـدي
................................................

وايضاً
لـو يحـس بقسـوة الظلـم 0يمكـن مااستهـان
واتّقـى دمعـة وداعـي 00 وشرهـة مـوعـدي

ولو ذكر ما كل قلبٍ 00يبي يرضى الهـوان
قــدّر انــه مايـسـاوم عـلــى الـعــز اجـــودي

يالله الـمـعـبـود يـاعـالــمٍ فــــي كــــل شــــان
بـمــرك يـضــل الـبـنـادم وبـمــرك يـهـتـدي

محسن بن فطيس
27-09-2004, 03:52 PM
اسعد الله اوقاتكم بكل خيــر

لاهنت يابو ناصر على الفكره

وهذه مشاركتي


*


*


*


من نساك وماذكرك ولا يفيدك في الحياه = مايسّرك عقب تركيز النصايب فالقبور


*
*
*
*

البدو والحضر فيهم نشمي وفيهم سفيه = من عمل حسنه فله وان منفعت ماضرته


*
*
*
*


فيـك متفائل لو ان الكاس عند النص مائه = ايه اعرف ان نصها فارغ وقلت انها مليـئه

بس قد قال المثل ينّضح بما فيهِ إنائه = والجوارح منك تجرح في حراكاتٍ بطيـئه


*
*
*




تحيــاتي لكم

ضحية صمت
28-09-2004, 12:37 PM
الأستاذ الفاضل : سعيد الحمالى ابو ناصر
شكرا لهذا الطرح الرااائع الذى نرى من خلاله حرص واهتمام

عشـرتـى ويــاه ســارت كـنـهـا دربِ مـحــال
$$$$$$$$$$ افترقنا والعـواذل تشمـت ابقلبـى وتهيـن

امـشـى ابـدربـه يمـيـن ويلتـفـت عـنـى شـمـال
$$$$$$$$$$ ماعرفنا من شمـال وماعرفنـا مـن يميـن


تمنياتى لكم بالتوفيق

بدر العوفي
28-09-2004, 05:09 PM
يعطيك العافيه أخوي سعيد فكرة رائعه قطفنا ثمارها قبل أن يتم ما عمل بالحسبان , فقد أطلعنا على درر شعرائنا النداويه وقد وجدت الروعه الشعريه كلها هنا من خلال مطالعتي لأبيات الأخوة الذين سبقوني ... وهذا بحد ذاته يميز الفكره كثيرا



ويسرني أن أشارككم بهذه الأبيات ...






كنت واقف من وراها ووجهها قبال المرايه=والغريب أن المرايه ما ظهر فيها أحد

ويوم بينت العجب قالت لي أسمع يا منايه=لا تظن أن الحسن يقبل بتكرار العدد

وحدة وحتى المرايه ما تبين لك سوايه=مستحيل أنك بتلقى لي شبيه بهالبلد

فهد بن محفوظ
29-09-2004, 10:55 PM
السلام عليكم ...


في بداية ردي هنا ترددت كثيرا لأني تعبت لأكثر من ثلاثة أعوام

في كتابة هذا (( الشطر ))

والذي يقول .. بالفصحى :



عَاشَ فِيكَ الهمُّ مَهلاً كَيفَ شَاع = أنتَ قَلبِي كَيفَ لِي قَلبٌ يُبَاع

لَستُ أدْرِي كَيفَ أُخْفِيْ عِلّتِي = تَعلَمُ النّاسُ جُرُوحِي فَتُذَاع



ملحوظة :


الشطر الاول من البيتين يمكن أنك تقرأه من اليمين إلى اليسار أو العكس ...

كما أنه مكتمل الفكر والمعنى والوزن

:cool:

حمد الدحابيب
30-09-2004, 10:36 PM
لاهنت يابو ناصر على الموضوع

وعندي بيتين لعنان الدحابيب


إكتب إسمي وإمسح النون الأخيرة=وإلتقط بي للعنا مليون صورة
وشوف دمعٍ حمّض العين السهيرة=وطلعت كل الصور مليون نورة

عنان الدحابيب

فايز الشمري
02-10-2004, 08:35 AM
لاهنت
يابو ناصر على الموضوع

وعندي مشاركة معكم من قصائدي

لك محبتي


للصخى . للطيب / ناس (ن) / ينزلون بروظته=والمفاخر " متنها" ما كل رجال أعتلاه


$
$
$

لاتـعــزون شــمــر والـرشـيــد=عــزو الـكـون كـلـه فــي طــلال

$
$
$

لاقام حضك قـام00 قـدرك وعـزك=معزتـك تشوفهـا مـن ..عــدوك
لاجيـت كـلاً يـم مـركـاه كــز=الكـل رحـبـك وعــلا سـمـوك
تصيـر كـلاً بالصداقـه 00يحـزك=ومن جيت هلابك وسـره 00أوتـوك

$
$
$

غايتي دونه لـو الهـاوي نـوى=المتاهـات الكبيـرة واللحـايـق
كل درب(ن) رد لي مالـك لـوى=وطفلي المحروم بالحزن متضايق

$
$
$

كان العطأ قل العطـأ00 مامـن سـلام ولاعطـأ=عذر البخيل من الكريـم0 اللـي نخـاه وروسـه
ماينفـع الوصـل البعيـد00 اللـي يقربـه البطـأ=مثل النجوم الخافتـه والسحـب 00دونـه قوّسـه
والعذر دون القصد0 واقف00 لايميـل ولا خطـأ=وليامشالـه خطـوة(ن)0 ياقـف زمانـه حوّسـه
والجرح 00كل الجرح جرح(ن)00 مانفع فيه الغطأ=ينزف قهر 00والقصر ضعف القصر0 للي سوّسه
كان الأمل( مثل السحاب )وضاع من فوق الوطـأ=راح السحاب ولابقالي00 غيـر طيـف وهلوسه

$
$

فايزالشمري

$
$

عبدالله القثامي
02-10-2004, 07:39 PM
سعيد الحمالي ...


مساك الله بالخير ...


فكره رائعه وفيها من الفائده الكثيره لي الشاعر والمنتدى والزائر وتخدم الشعر بشكل كبير ...


انا راح اشارك في ثلاث بيوت لي موجودات قصائدهم بالنداوي سبق نشرهم بالنداوي

مهدي حباب البقمي
02-10-2004, 10:56 PM
الفكرة رائعة جدا وستكون دافعا جيدا لبذل المزيد من الابداع.

هذه بعض الأبيات التي اردت المشاركة بها:


أشره على اللي يشوف الرقم ويكبه ********** وأنا ليا شفـت رقـمـه بسـت جـوالي
يـقــول نـايـم وهــو بــيـديـه يـلعــبه ********** هو ما درى انه جفا ويحز في بالي

____________________________________________________________
النوم نوم القــــلوب ودمهـــا يجـــري

مسكين قلبٍ ذبحـــه النـــوم ويمـــاري

إلحق زمانك تــرى في تاليه تــــزري

ترى ربيع العمر بــه ورد وأزهــاري

والورد به شــوك واللي يقطفـــه يدري

يازين قطفـــه لمــن بالبيت متـــواري

____________________________________________________________

حافظ على الدين لايدخلك ذرة جحود ***** دنياك مهما زهت .. مصيرها بايده

احذر على والدينك لايجيهم صدود ***** وابوك لبه ليا ناداك ... لا تعانده

لأشتد عضد الفتى عليه يرقى سنود ***** يرقى بروس الطوال وكلن يشاهده

أخوكم/ مهدي بن حباب

سعود فهاد العتيبي
03-10-2004, 09:05 AM
أحييك يا أبو ناصر على هذه الفكرة


وأتقدم بهذه الأبيات مما قدمته في المنتدى:



الـعين تنـظر للجـمـال وتـنـقـله=للقلب ويا ويـل الذي قـلبـه ضعيف

حرارته تزداد مع زود الولـه=لين المحاجـر دمعـها يذرف ذريف

ترى دموع العين ماهي مشكله=لـكـن دمع الـقـلب يا عـالم نـزيـف

هاجدالسبيعي
03-10-2004, 03:28 PM
الاستاذ سعيد الحمالي مشكور على هذه الجهود الطيبه والا الامام

1 ياهل الخليج اليوم فالوقت ميلات## اخذو حذركم والعداء لاتغدرنا
توحدو ياشعبنا للملمـــــــــــــــات ## اليوم كلٍ طامعٍ في رغدنـــــا
2

خالد الدوسري(غريب الروح)
03-10-2004, 09:37 PM
...............اررررحب يا سعيد...............

فكرة رووووعه يابعدي...تشكر عليها وهذي مشاركتي المتواضعة بين قلوبكم:

هزتني دموعك على هجعة الناس()هزة (غريب الروح) لا سمع تكفى
.......................
تدري ذكرتك ياهوى بالي ازمان()مدري تذكر عاشقك لو ثواني
.......................
احس اني من الحرمان حادي خلفته العيس()او فالبرد حطاب(ن) بليله ضيع الفاسي
........................
قلت احبه وقالوا: لو حجاجك يفله=انت امير الهوى و (القلب للقلب شاهد )
.........................
غربتي لو هي معك ماني غريب()دام صدرك لي وطن واغلى تراب
........................
لي عزة(ن) كنها حوت بعض الاشجار()اموت واقف ما انحني للهواني
انا عريب الجد من نسل الاحرار()بين الجدي وسهيل هذا مكاني
.......................
احبك كثر مايهوى الحيا بالقيظ حادي العيس()الى حل الجفاف وكل عشب(ن) في شعابه يبس
.........................
سلامـتـك تـشـرى...يـا يـمــه بـالالـمـاس()وش فـايـدة عيـنـي لــو اقـفـى نـظـرهـا؟
ياللي "مثل" فـي طهرهـا تضـرب النـاس()تمشي وينبـت عشـب مـن تحـت اثرهـا!
..........................
جيتك..وانا تحتـي مـن الخـوف زلـزال()يقـولـه الـلـي خطـوتـه مــا حسـبـهـا
خايف..وانا انطح حول خمسين رجال()خايف..لاامـوت بفرحتـي لــو سلبـهـا
.........................
لـبـا قليـبـك يـاهـوى الـــروح والـبــال()لـبـا العـيـون الـلـي ذبحـنـي هـدبـهـا
ذيك الرموش ان سلهمت تذبح ابطال()كـل الجـروح بسهمـهـا مــن عطبـهـا
انـا اشـهـد ان العـيـن تـذبـح وتغـتـال()"ســادات" يمـكـن اغتيـالـه سبـبـهـا
........................
ليـتـنـي ويــــاك يــاخــل بـجـزيــرة()ماوطـاهـا انـسـان.. ياحـبـي بـعـيـد
.........................
الـبـيـض يـامــا نـاشــدن طـيــب مـمـشــاي()يـاحـظـهـا الـلـي لامـســت قـلــب "خـالــد"

حكيم الجامعه
04-10-2004, 02:00 AM
مرحبا يابو ناصر ..


فكره جميله واقتراح اجمل ..

انا عندي ملاحظه بسيطه المفروض ان كل واحد يجيب ابيات اعجبته من غيره لان كل واحد عنده ان قصيدته جميله والا كان ماقالها ..

وعلشان كذا تلاحظ ان كل واحد جايب ابيات له وقليل جدا من قال انا اعجبني البيت الفلاني للشاعر فلان والشي الثاني ماهو ضروري يكون ثلاث ابيات حتى لو بيت واحد يكفي لانه اكثر لاحيان تجد قصائد ما فيها الا بيت واحد او بيتين والباقي تكمله عدد

انا اشوف ان الطريقه الان شكلها ما رايح نستفيد منها لانها سرد مطول من غير فائده المفروض ان كل واحد يرسل ما يعجبه من الابيات لغيره وتعرض على اللجنه وكل اسبوع او كل شهر يثبت منها مجموعه لمده محدده حتى يستفيد منها الجميع وانا وجهة نظري انها ما تتجاوز 15 بيت وكل اسبوع تستبدل بغيرها ..


تقبل تحياتي وتقديري

صالح آل مانعه
05-10-2004, 01:56 PM
الله يعطيك العافيه يابو ناصر

فكره طيبه ومفيده


يسلم راسك اللي جابها


ولك مني كل الود واطيب التحايا

محمد القثامي
08-10-2004, 12:42 AM
بسم الله ,,

اخوي سعيد الحمالي

فكره رائعه

ولشرف المشاركه اليكم بعض الابيات


ياخي ارحمني ترى ملّيت من كثر العذاب = لاتجاهلني وجرحك فالضلوع يشدّني
ولاتجرعني كؤوس المر وازداد اكتئاب = يكفي انّ الحظ عن شيٍّ بغيته ردنّي
ويكفي اني قمت اسأل ليه طوّلت الغياب = وانت صرت اقسى عليّه من زمانٍ هدّني

******

من ثلاث شهور مرّت كنت انا سادع ووادع = مستريح البال مايطري عليّه أي طاري
لين غاب اللي غيابه خطب جَمّ وامر فاجع = واحدٍ ماغيره اللي ذقت به طعم انتصاري
حاتميٍ في حنانه يوسفي الحسن فارع = ابدويٍ فيه طبع البدو والمظهر حضاري

****

ورد فيه من البياض وفيه من احلى الوصوف = مكتسي بالعز ويدلّك أنيق قيافته
مرتبك وليا تكلم يمتلي وجهه كسوف = من خجل ,والا كلامه للفصاحه لافته
لبّا قلبه وارتباكه والرموش اللي وقوف = ولبّا ذيك الشيله اللي نور وجهه حافته

******

تدري وش اكبر مشكله واجهتني = اني أعيش وْكلّي احلام وامال
عنها ظروف الوقت غصباً حدتني = والحظ لامن مال ياصاحبي مال

******

عزِّك الله يابلادي والوطـن غالـي ترابـه = والمساس بأمْنك اكبر واعظم من اية جريمه
والنفوس المطمئنّـه قتلهـا جُـرْمُ وْحِرابـه = والغدر من طبع ناسٍ مالها حشمـه وقيمـه

****

ويارب يارب الملا يالواحد الفرد الجليل = تنصر شعوب المسلمين اللي لبابك طارقه
ويارب نطلبك العفو شيٍّ(ن) حصل ماهو قليل = مليار مسلم والوهن فينا علامه فارقه

******

مسرفه في حب نفسك مافْتكرتيني بجيّه = لين شفتيني أموت من العذاب اللي طواني
وجيتي ابْنظرة شماته تلعبين السامريه = فوق جرحٍ من سبايبك ابتليته وابتلاني
ودامك انتي ماعرفتي قدْر نفسٍ لك وفيّه = ارحلي عنّي ترا يكفيني اللي منك جاني

*****

وتدري وشنهي المشكله والمطمّه = لاصرت ابيك وعنّي الوقت يبعدك

*****

عنها حدوني جامعيـن الملاييـن = وانا خذلني فـي هواهـا معاشـي

محمد الميع
09-10-2004, 05:21 AM
فكره رائعه

وكل الشكر للاخ سعيد

مشاركتي هي

يالادمي لا ترفع الــــراس وتهون .. هدي شويه لا يضــرك حماسك
ما زادت الدينار كرعان ومتـــون .. عشان يرهب فاقد المال باسك
مثل البشر عظم ومعاليق وعيون .. مقياس واحد لا تكابر مقاســـك

ان جيت ترمي الذيب حذراك تخطيه .. لا تظـــــرب الا ميقنٍ بالاصابه
فكر ثلاث امرار وشلـــــــون ترميه .. حتى تحاشا ما لا يحمد عقابه

................

لا تلحق الدنيا وتركـــض وراها .. تدخل مداخل ما لها مخرجيه
اقنع بحالك يستـــــر الله حالك .. كب المناوي واتبع الواقعيه
واعرف ترى ما كل شيٍ محقق .. بعض الحقايق ما بها مقدريه

................


اقبل بتصــــريف الولي سبحانه .. والنفس لا تاتي مع الوقت بايحه
فالرابح اللي حكمة الله رضاها .. وكلٍ يواجه ما كتــب في لوايحه

.........
صافي الايـــــــام تتليه انقلابه .. وان صفا لك غيث الايام ارتويه
والفتى لو كان ما يغنم شبابه .. لا كبـــــــر بقعا تراها بتحديه

..............

حتيش لو قصـر الهداني مشيد .. وهـــــو هماليل السحايب تروعه
اصعب عليه من الهنا لقمة اليد .. واسهل عليه من الغنا حب كوعه

..............

الوقــــت ما كل داخل قبةٍ قاسه .. ولا يفتهم في قياسه كل هوجاسي
احدٍ ليا من دخل في قبته حاسه .. واحدٍ دخل له سوات المركب الراسي

................

القول عز وزايد الهرج نقصان .. ومن لا يثمن منطق الهرج عابه

..........

من لا حفظ للطيب الجود حقه .. لا خير في قوله ولا في قرايره


اخوكم محمد الميع

نواف محمد بن شلوان
09-10-2004, 11:10 AM
بسم الله ,,

اخوي سعيد الحمالي

فكره رائعه لاهنت يالقرم يابن القروم

ولشرف المشاركه اليكم بعض الابيات


البارحه نامت العالم وانـا صاحـي =من كتمتٍ بالصدر والهـم متحـدي
شفت الغني لو*** ويدنه اشحاحـي =كلـنٍ يعـزه معـزه مالهـا حـدي
المال يرفع رخمت القوم لاطاحـي=والفقر حيل السنافـي منـه ينهـدي
-----------------------------------------------------------
كـلا يـقــول انــه عـلــى درب الاسـنــاع = حـتـى الــذي مـمـشــاه كـلــه خـطـيــه

وان كـان بـيـدي صـعـب تـغـيـيـر الاوضـاع = اضـعـف لـيـمـان بـداخـل الـقـلـب نـيــه

مـانـي رسـول الـحــق قــدام مــن ضــاع= الــهــادي الـمـعــبــود رب الـبــريــه
----------------------------------------------------------

انا شاعر واشب النار لدله واحـب الـذود=واحب الخيل والصحراء روابي نجد غاياتي
واحب اشوف مزنٍ فيه برقٍ يلتعج ورعود=يسيل السيل والزملوق تشبع فيـه نوقاتـي
ولامن الخزامى والنفل عطر هبوب النـود=الى هبت علي تبعد هموم الصـدر ماتاتـي

الشاعر اخوكم نعير بن شلوان
--------------------------------------------------------

مضواح بن شتوي
09-10-2004, 10:44 PM
ابو ناصر الله يسعد جميع اوقاتك بالخير

مشكور عل الفكرة الممتازة


ياروح روح الروح ياروح من راح= ياروح روح الروح ياروح روحي
ياروح روح الروح ياروح مضواح=روحي وانا باروح وان رحت روحي

****

لصار مالك من رفيقك موده=خله ولاتتعب على شان ترضيه
اللي معك ساعة وينساك مده=وزيارته لك يوم تفضى مخابيه


****

صديقٍ في الشدايد مانفعني=انا وقت الرخا ياويش ابي به
ليا مني زهمته ماسمعني= وليا منه زهمني قمت اجيبه

راشد النصافي
10-10-2004, 11:06 AM
السلام عليكم ورحمة الله وبركاته

اخي سعيد الحمالي الف شكر على جهودك وافكارك الرائعه في خدمة المنتدى

بصراحه انا كل ماادخل اشوف البنر ولا يلفت انتباهي لاني احسبه اعلان موقع او منتدى اخر وخصوصا انه في بنر الاعلاانات

لو يعمم الموضوع على كل الاقسام ويثبت يكون افضل في تصوري وراح يكون فيه تجاوب واقبال اكثر

وخصوصا انه متعلق في افضل الابيات وهذا مايبحث عنه الجميع

بقي ان اشكرك على الايميل وابارك لك ولكل الاعضاء والزوار بحلول شهر رمضان المبارك

تحياتي واحترامي

راشد النصافي
10-10-2004, 12:15 PM
مشاركتي الاولى ابيات من قصائدي

.
.

°ˆ~*¤®§(*§*)§®¤*~ˆ°
.
.
للهوى طاروق به ربي بلاني=ولا بتليته لين شفته مبتليني

له لحونٍ ماتجي مثل الاغاني=ان سكت موّال وان سولف هجيني

.
.

°ˆ~*¤®§(*§*)§®¤*~ˆ°
.
.

حتيش لو انك حدث وتصير ضمن الصايرات=منهو يقول انك مثال احداث قبلـك صايـره؟

شفت النجوم بحكمة الله في فلكهن سايـرات؟=عليك بسهيل اليماني ,, كان تقـدر؟ سايـره

.
.

°ˆ~*¤®§(*§*)§®¤*~ˆ°
.
.

انتي قبيله خـاب منهـو يعاديـك=وفارسك ذيـب ولايهـاب الذيابـه

.
.

°ˆ~*¤®§(*§*)§®¤*~ˆ°
.
.

تحياتي

بندر المحاسن
12-10-2004, 09:14 PM
الفكره اعجبتني وشدتني


والحقيقه انت اشترطت شرطا للاسف لا يمكني المشاركه به

ولكن سأشارك ان سمحتوا لي بدونه


وشرطك ان يكون قد نشر في النداوي

وانا حديث عهد بالنداوي

لذا اقول ان سمحتوا لي بها ونعمه وان لم تسمحوا فهذا شرطكم ولن اتجاوزه





انا ابغى العمر ما ابغى دقيقه=انا ابغاك ما ابغى رساله












انا صغير العمر والعقل كامل= والواهب الله ما شحذته من الناس






اتعبت رجليني بكثر المشاوير=حتى وانا نايم اسير بمنامي

خالد العبدالله
27-10-2004, 01:01 AM
لا هنت يا ابو ناصر

دايم سبّاق للتميز

أنا أؤيد الأخ مشرف الفكر والنقد

حكيم الجامعة / جعيثن العرجاني

أن على كل مشارك أن يرشح لغيره وليس من انتاجه

وللجميع تحياااااااتي

مشاري المري
30-10-2004, 01:13 AM
مساكم الله بالخير .. عز الله انها خووووش فكره



الأبيات ............




إلا حاجتين (ن) تبحث اللي مداه إبعيد === لا طال المرض ولا ليا طالت الطرقه

هذي والله اللي يظهرن الردا والجيد ==== ومن فاز بالثنتين هذي ظهر فرقه

ســـــــــــــــــــــعد بن جـــــــــــــــــدلان


+++++++++++++++++++++++++++++++++++++++++++++++++++++





ليتني يوم أنحر الطيب لحاجه === أنصرف م القاه أو يقظي لزومي


حيث ماني باتلفت للعواجه ==== ما يسب الطيبين الا الرخومي


ســـــــــــــــــــــعد بن جـــــــــــــــــدلان


================================================




يوم اني اشر على صدري وعينك تويق === واقول انتي هنا وتقولي انته هنه

اهاء فاااخر كلماتك بصوت رقيق ==== تشطب على ذاكره سمعي وتستوطنه



ســـــــــــــعد بن عــــــــــــلـــــــوش


===============================================






والله ان اااحر من دمع اليتيم === دمعه الرجال من فرقا مره




مــــــحمــــــد بــــن حــــــمد



======================================




اآلآدمي لولا المكارم والاخلاق === كالحنظله من عرقها لاورقها




ســـــــــــــــــــــعد بن جـــــــــــــــــدلان


===========================






والابيات الزيييييننه والله انها واجد بس ذي اللي تحظرني الان . :) . وسامحوني على القصور

عبدالله الجزلاني
13-11-2004, 11:36 PM
فكرة رائعة بحق



يعطيك العافية

يا بو ناصر





وهذي ابياتي



قال : أول الغيث قطره .. حال الأرزاقي = قلت : أول الغيث قطره .. وآخره قطره!
راح العمر .. والله العالم وش الباقي = والرابح اللي يموت .. وسيرته عطره
الله خلقنا على الفطرة والأخلاقي = بس آآآه .. ياليت موتتنا على الفطرة!!



وللجميع تحياتي ..

وكل عام وانتم بخير

سعيد الحمالي
14-11-2004, 03:12 PM
هذه الأبيات مشاركه من الزميل

خالد سعد بن حطاب




وش فايدة تعداد ربعك ملايين = لاصار فيهم طيب العرف نادر

-----------

ماقدر المولى يصيبك بدنياك = حتى ولو تبذل كثير الجهودي
اصبر على المقسوم والرب يجزاك = واللي صبر يرضيه رب الوجودي

-----------

العمر يقضي والخلايق ترى تزول = والطيب يبقى راسيٍ في محله




الشاعر: خالد سعد بن حطاب





.




.

خليف الوهيداني
15-11-2004, 03:04 AM
واليا نصينـا بـلازم نقـدره قمنـا=*والضيف مانشح في حقـه وتكريمـه
والرزق قسمه ورب البيت يطعمنـا=وألادمـي مايجـيـه ألامقاسيـمـه
والمال منه الكرم والطيـب محرمنـا =والوقت هـذا صعيبات(ن)مفاهيمـه
ومـاراح بالطيـب راح ولاتندمنـا =والقصر صعب(ن)عقب مبناه تهديمـه
والقل يرد العـزوم ويقصـر اليمنـا=والمال يرفع رجال(ن)مالهـم قيمـه

(خليف الوهيداني

عبدالرحمن آل قطر
15-11-2004, 12:51 PM
اللي يعرف الذيب , ما يجرح الذيب *** واللي يعرف الصقر ماهو بشاويه
قلته وانا اللي علمتني التجاريب *** ان الخوي مايترك اللي مخاويه
والطيب (علم رجال) لو ما بقى طيب *** والرجل تلقى فزعته في هقاويه



انا كنت اقول اني جبل مايهزه ريح *** واثاري السنين الماضيه ما نوت برياح



هلا, ولعت ثم ولعت والعلوم صنوف *** جيوش القوافي لـ قبلت ما نودعها
نرحب بها بالسيف والخنجر المعطوف *** ونكرم لحى من قالها ثم نوزعها
وارص المعاني لك, مثل ما يرص صفوف *** عميد يجهز للمعارك مدافعها

عبدالله بن فهد الخالدي
17-11-2004, 10:24 AM
الأخ / سعيد الحمالي


السلام عليكم ورحمة الله

وكل عام وأنتم بخير

اعاده الله على الجميع بالخير والبركات


يسرني المشاركه معكم بهذه الأبيات :




الليالي السود من فيها يجود=كود رجل(ن) جلد ربتّه الحياه
راضي(ن) في حكم خلاّق الوجود=مومن(ن) بأنه مقدّر ما وطاه
هو ضديد الوقت والخل الجحود=من تولع بالمراجل في صباه





قولوا لصدقان الرخا مهما حصل=تفنى الحلول ومشكلتكم مشكله
ما انتم لنا قدوه ولا مضرب مثل=ولا نرتجيكم في حلول المسأله




على لسانك .. وبيدينك تعّذب قلب من يهواك=يا حيثه صار مرهون العيون ورهن امانيها
حبيبي لا تهقوى بي توُثّمْ .. والسبب هقواك=قْصوُر الظن .. ما تعمرْ ولو قامت مبانيها
بيوت الحب ما تكْتب ولا تذْكر .. ترى لولاك=حرام تْردّد ابياتي ولا تفهم معانيها




لا تطلبين الحد الأدنى من الود=الاّ اطلبي كل الذي تقدرينه
قولي وأنا حاضر وممنون فْ الرد=لاجل العيون السود.. تكرم مدينه
سيل العطا ما يعرف الجزر والمد=يروي المشاعر من سواقي حنينه




ما حسبت العمر الأول .. لـو يـروح=انولد حبـك عقـب خمسـة عشـر
منهجك غامض .. وأناكلـي وضـوح=تـاركٍ طبـع القشـر لأهـل القشـر
في رجا من لا خذل .. موسى ونـوح=ينتصف لي منك فـي يـوم الحشـر




بيني وبينه حطْ حاجز حديدي=وإليا طلبته .. قال بكره وبعدين
يوم أن حبّه في ضميري يزيدي=يشتاق لي لحظه وشوقي زمانين
ربحان في قربه .. وأنا المستفيدي=وخسران في بعده ومغلوب فْ الدين




لا تظن اللّي هوى بيديك نردْ=كيف ودّك تجدعه .. ما يجدعك
كان ودك نسرد المكنون سردْ=حآضر وتآمر .. على من طاوعك
لا تزل وتعتذر في بوك وردْ=أنت هنت الورد من شلته معك!!


[/poet]

محمد عطاالله الشراري
18-11-2004, 06:30 PM
الاخ الكريم /سعيد الحمالي
الاخوة والاخوات النداويه
السلام عليكم ورحمة الله وبركاته
هذه مشاركاتي المتواضعه:-

لاصار طول الصداقه مالها قيمه = وش عاد نجني من الدنيا وماضيها
ان جاء رفيقك يدوّر عندك الشيمه = بالك تخيّب ضنون ٍ فيك بانيها
اعطه حقوقه وعجل له بتكريمه = الحق مثل الامانه يوم توفيها

ياصاحبي جعلك عن العيب محروس = أدّ الحقوق وواجب الدين بده
وبالهرج لو لسانك امضى من الموس = حده عن الزلات والظلم حده
واترك قرين السؤ هامس ومهموس = النجس لاتلمس يدينك لــ يّــده

بلّـغ هبيل الراي مانيب طباخ = خله يفرّق بين حبله وسيفي
ماصرت بالعزبه ولاصرت صلاخ = إلاّ لحضرة والديني وضيفي
اقوم بالواجب ولانيب نذاخ = وكرامتي تبقى بثوبٍ نظيفي


الفقر والدين ماهو عيب = قبلي شكى فلان وفلاني
وتذكروا كيف عاش الذيب = مايجمع المال سرحاني
نهار مفلس ويوم مصيب = ورزقه على عالي الشاني


يازين لاتنسى مودة عشيرك = اذكر عهود الحب واخلاص الاحباب
ولاتبتعد عني عسى الله يجيرك = خلك بقربي يابعد كل الاصحاب
ان جيت عندي ماتمنيت غيرك = وان غبت عني كل شيئاً معك غاب


انا احمد الله شفيت وعادت افكاري = مع صادق الحب طبت وطابت العشره
لقيت من لايبيع الحب للشاري = وانا بعد في غرامه ما اقبل الخشره
باخلاص نيّه نصون الحب وإنداري = ونبحث عن اللب مانبحث عن القشره


يامااطول الليل لاصار القمر غايب = ويامااقصر الليل لامن زينّه بدره
من غاب عني وليفي صابني صايب = ماغير اهوجس وصارت ضحكتي ندره
ياونتي من فراقه ونة الشايب = يوم آخر عياله استشهد على صدره


لو يشوفك طفل تعلّق بيّدك = يحسب انك له الاخت المثاليه
ولو يشوفك شويّب كان ماهدك = يحسب انك شبابه والحيويه
ولو يشوفك نحل وقع على خدك = يحسب انه على ورده طبيعيه


متجاورين اجسام وقلوبنا فرق = كثر المشاغل فرقّت بيت الاخوان
احدٍ ميوله غرب واحدٍ الى الشرق = يارب تجمعنا على خير ماكان

صحيح بعض الاوادم الهم هيبه = لو زينّوا بالملابس كبر الازوالي
بعض العرب لانصحته طحت بمصيبه = وبعض العرب لانصحته صار رجالي



مالي جداء إلاّ بالقصيد اتسلىّ = اكتب من الاشعار واعطي خويي



كل ماقلت هانت وانتهينا خلاص = عوّد الهم واثره كان ياخذ نسم



عزة النفس في نفسي لها اكبر مكان = لو تواضعت تبقى هامتي عاليه



الفقر ماعيّب على اذكار حاتم = والمال مانجّـى من الموت قارون



لاتنخدع بالنعم ومتابع الغيمه = كم واحد ٍ لو جمعها مايزكيها
كم من غنيٍ بخيل يعانده ضيمه = يعيش مر المعيشه رغم حاليها
وكم من فقير ٍ كريم بدفع مليمه = يشعر بلذ المعيشه رغم قاسيها



ياالله يارزاق عمي الحيايا = يامدبر المخلوق ياعالم الغيب
عفوك ولطفك عن جميع الخطايا = اغفر ذنوبي ياوسيع المطاليب


والسلام عليكم
اخوكم /محمد عطاالله الشراري

ابراهيم بن هندي
21-11-2004, 09:35 PM
اخوي الكبير : ابو ناصر

مساك الله بالخيرات

والله لا يهينك على الموضوع الرائع


وحبيت اشارككم في ابيات تعد من افضل الابيات لدي
للشاعر الامير محمد السديري


وتقول






كم واحد له غاية ما هرجها= يكنها لو هو للأدنين محتاج




تقبلو تحياتي
ابن هندي

راشد المسحمي
27-11-2004, 12:40 AM
الأخ العزيز أبو ناصر فكرة ممتازة ولا تأتي إلا بالطيب ولا هي غريبة عليك لا هنت
وهذه مشاركتي

يا طيب الرأس يا راعي المواجيبي= يا عزوتي يا أبن عمي يا كحيلاني
يا ذخر جدي ليا قلت مشاريبي= أرمي عليه العلايق ويتلقاني
تكفا وتكفا تراها تظهر الغيبي= يهتز منها الجبل وتهد الأركاني






ثلاث الأبيات الأخرى
ــــــــــــــــــــــــــــــــــــــــ
حنا بدنيا(ن)خطاها لو تحاشيته=يجيك حيث إنها بأتلى لياليها
غثراب خبرا(ن)جهام الذود واطيته=لو تقهر الذود ما يسقيك صافيها
يشرب على غثوها الغافل ومرضيته=لو قلت فيها البلا يقول ما فيها



ثلاث الأبيات الأخرى
يالله يارحمن يالله يالله=تحفظ لنا سلطان من كل تأثير
يالله جعل اللي حصل له وما جاه=فتره وتمضي عن ربيع المعاسير
يالله متعنا بشوفه ولاماه= عقب المرض في ديرة العز والخير

خالد العبدالله
04-12-2004, 02:03 AM
المراجل للبنادم راس مـال=والبنادم راس مـال عيالها
خص لامن سنده جدٍ وخال=تستعز الخيل من خيالها



كل طلعـة شمـس يقفاهـا زوال=تمشـي الدنيـا علـى منوالـهـا
(هكذا الدنيـا نـزولٍ وارتحـال)=شرهـة الكلمـه علـى عقالهـا
وان بغيت اضرب على الدنيا مثال=غترتك مـن حطهـا وعقالهـا


عريمان السبيعي





هامةٍ عاشت تحت ظـل المهونـه=جعلها للسيـف ابـو حـدٍ محنـا




وما يعيب الفقـر يالـي تلعنونـه=لو رفيق الفقر فـي وقتـه تعنـا
و ما ينول المجد من طبعه ليونـه=والاماني غربلـت منهـو تمنـى




والخيـال الـي تعدتنـا مزونـه=ما نخيله عقـب ماعقّـب وطنـا
ولا رضينا منزلٍ فيـه المهونـه=وإن رضينا جعلنـا حـد المحنـا


سعيد الحمالي

جزاء المدهك العتيبي
08-12-2004, 11:13 PM
الاخ سعيد الحمالي


فكره رائعه تشكر عليها

وهذه ابيات لي



اليا هرجت اقطف من الهرج دره = ترى المسامع بالخلايق مقامـات

@@@













العبد تاليه اللحد والنصايـب = والا حياته كلها دون في دون


@@@




الهرج فيه اسمان وجلال ودقـاق = احرص على اسمانه وخل الهزالي



@@@



الطيب زرقة رمح مابه مراوات = والا الردى راعيه ميت وهو حي


@@@




كم ميت(ن) تبقاء على الارض ذكراه = وكم حي ميت مادرى عـن مماتـه

@@@





0

احمد سامي
29-12-2004, 01:18 PM
ما شاء الله ..
أما عن اختياري أنا ، فكان لبيت من قصيدة سجين حبك ، للشاعر خالد العازمي.

سجين حبك ماطلب يـوم الافـراج ****** ولاعلى الاوضاع جـاك احتجاجـي

السنافي
05-01-2005, 08:03 PM
]الاخ العزيز

سيعد الحمالى الله يعطيك العافيه

علا هذه الجهوود


وهذه مشاركتاتى من قائد لى وبعض شعار النداوى





تفخربه الشعار والشـعر ممنون : مثله مع الـــــشعار ماضــــــن تلقـــــا



الشعر يفخربه طواريق واللحون : في عالى القمــــــه بمـــــعناه يرقــــا



والفعل يبقا والــــخلايق يموتون : يموت راع الفـــعل والفعــــل يبــــقا







مثايلٍ جزلـه تفاكيـر عــراف
اللى قراها مـن التعاجيـب يفهـا


جزلات صملات ٍ عفيفـات ونظـاف
واحلا من اللى من عذوقه خرفهـا


الشعر بنك ومعـى للبنـك صـراف
واليا بغيتـه فـي دقيقـه صرفهـا





انـا عضـيـدك ونــا لــك دوم مطـواعـى
وماطـاك يـا ام الغـلا بـالارض ينحـبّـي




يا بنـت شيخـا نزيـه وحلـو الاطباعـى
فيـه المثـل بالكـرم والطـيـب يضـربّـي




انــا حـيـاتـى بـدونــك مـالـهـا داعـــى
ويشفيـك مـن يامـر الانسـام وتهبّـي


يالبيــــب القلب رد العـــــلم عنـــــىّ : التجـــــارب فالزمان علا شـــــهاده


متعـــــب ٍ سود الليــــــالى وتعبــــنىّ : لى مع التجروب والــــصكات عاده



الليالى يــــــــوم مــــــرن علــــــمنىّ : وصار عندى يا فتى صبر وجلاده







ولديـت لقربهـم لقيـتـه يـلالـي ماهو بيمـى يجمـع ريـال والمـاس


وذكرت قولـك يـا حكيـم المقالـي ياللى علا روس المشاريـف نبـراس


ياللى ذكرت بهـا الرفيـق الموالـي ودونتها حكمـه عظيمـه بقرطـاس


ولا ينفع المغبون كــثر التحاسيــف

لو ايتحسف ويش يشـفي غليــله


والحر ميقــــاعه بروس المشــاريف

ما ياقع الا فــوق راس الطويــله


ونا ديارى حكمها الشرع والسـيف

حمر النواظر عزوتى والقبــــيله


كل شي ٍ لجل عينـاك يالغالـى يهون لو تبا المريخ جبناه من عرض السمـا


مستعد وحاضر ٍ لجل خدرات العيـون وياعسي عين ٍ تناظـر لغيـرك للعمـا









محمد الدهيمى


والبنادم هـمّ قلبـه يولّـع فـي حشـاه
لين تطلـع هرجـةٍ مايبـي مطلاعهـا
ارد ياظميان والعـدّ دلـوه فـي رشـاه
والحظيظ اللـي ملاهـا زلال وزاعهـا
احد يرد الماء ويروى ويروون اخويـاه
واحد يقطع من رسنها عقـال ذراعهـا








مدغم ابو شيبه


لا يهمك لا عـذول !! ولاحسـودي
هـد روعـك ياحبيبـي لا تطـيّـر


أنت حبّك كنّه ( الحكم السعـودي )
ثبّتـه ( عبدالعزيـز ) ولاتغـيّـر











سعيد الحمالى


وإن بغيت أسج بين الناس جتني وأحرجتنـي
لين أجر الونّه اللي من سمعها جـض منهـا

أكتم السر الدفين وجامح أشواقـي عصتنـي
رهن إشارتها أنـا والشـوق تامرنـا وتنّهـا

إن خذاني الموت ..وإلا يا مبارك.. هي خذتني
وإن قتلني حبها ؟ ذي غلطتي ... وأدفع ثمنها










حمد بن فطيس المرى


الناس حطّوبك هواجس وتشكيـك يبغـون بـس يبعّـدون المسافـه

امفككين اوصال الاقـراب تفكيـك جمّاعة الوجهين ..خبـث ولطافـه

والحر لو ياخذ على معاشر الديـك تطيح مـا بيـن الثنيـن الكلافـه




حمد السحيمى


تضحك لك الايـام بالكبـر والـزود
ولاحسبـت حسـاب سـود الليالـي
ماتدري انـك بيـن وارد ومـارود
وتطلـق عنـان المخطيـه ماتبالـي
وبعض الكلام هبال وعقـال منقـود
يفرح به الشامت علـى كـل حالـي





حسين الحبابي

لو كل زين غـره الزيـن لاهنـت
كان اعتلى حظ القبيح السما فـوق


لاتفتكرنـي فـي جمالـك تمعنـت
من يعشق المظهر فقد قمة الـذوق


جيتك ادور صدق الاحساس فيك انت
كنت احسب(ن) الحب داخلك مخلوق




سحايب فيصل
امسّرب الدمعه على الخد تدعيـه شوق الوهج يبرق على الخد حله
تسابقت قلبـي ضعونـن تجافيـه يكثرعليه من النيّـا دمـح زلـه
احسب فراق العمر تلهث خطاويه واثره تنصّف باقي العمـر كلـه







محمد فراج




قرب لي الفكـس آر ولا السفـاري
في غربتي صرت المخاوي ورحّال
ضاري على ضرب المشاوير ضاري
درب الملاوي والشقا صار مدهال
حتفي بكتفـي ينتظرنـي وشـاري
مابيع حتى تقطع انفـاس وحبـال








فلاح القرقاح


غشى اللوم روس في بحر الاثم سباحه
وعدى اللوم روس راحت وجات منحرجه
الى حال حول العد ماجاه مياحه
على جاله تموت الضوامي وهي حرجه
ولاعسفت الاصايل بين منحاه وفلاحه
تثنى حملها والحصان التوى سرجه








ابعاد التركى
طلبتك خلنى ماعاد جرحي دمعة وسهاد
كبرت وكبرت جروح الغرام وشان تدبيره

ولانى طفلة تزعل وتضحك للرضا بعناد
يمرجحها الغرور وغرها الوقت ومقاديره

سرت فعيونى طعون الفراق وخاطرى ماهاد
بكيت ولا ذبحت البعد والهوجاس والحيرة







فيصل الرياحى


يعبـر بـي آفـاق الخيـال الـواسـع
ويكتب حضوري في مكان غيابي
أنــا حـزيــن ولابـقـالـي خـاطــر
في مايسمـى الضحـك والإطرابـي
حزني علـى حـال العـرب يتزايـد
ولافي يدي حيـلات غيـر خطابـي









فهد المنجومى



عايش بعزة نفس فاعلى المناصـب
واللي عرف درب المراجل يصلهـا
وصاحب سنافي خير من الف صاحب
لو تنتخية اهـل الوفـا مـا خذلهـا
ما عشت فالدنيـا مـدّور مكاسـب
قانـع وراضـي بالحيـاة وجدلهـا






جزاء العتيبي


حاظر وفكري دايم الـدوم غايـب
ولا ودي العالـم بمافـي يـدرون
أسلا مع السالين والقلـب ذايـب
عايش وكني بين الاموات مدفـون
أقضي ايامي على غيـر طايـب
واقول يمكن تالي العمـر يلفـون











السنافي

حسن المسعودي
12-02-2005, 06:02 PM
بصراحه مقترح اكثر من رائع
والله يعطيك العافيه


تحياتي

عثمان العبدالله
16-02-2005, 09:17 AM
هلا لك أخي الفاضل / سعيد
الفكرة أكثر من رائعة ، وحبذا لو تم تشكيل لجنة من كبار الشعراء قدراً وسناً وشاعرية
لأختيار الأفضل ، ويستحق بالفعل أن يكون بيتاً أو أبيات من ذهب ، فكما تعلم
فكل شاعر يرى أن ما يختاره من أبياته بالنسبة له هي الذهب ، فشعره غالي عليه.
ولكن باختيار اللجنة ، نكون قد نجحنا بالفعل بالوصول إلى مايستحق أن يكون من ذهب
على أن يشتمل جميع أنواع الشعر .
كل الشكر والتقدير لهذه البادرة الرائعة
دمت بخير
تحياتي الطيبة

طراد آل مشرف اليامي
20-02-2005, 11:50 PM
فكره تهول

ورائده

نايف العويمري
16-03-2005, 07:42 AM
حبيبي وانت ماتسوى ملام..ولاانت قد عتاب !!=تعـــــداك الملامه .. والعتاب.. وشرهة ذيابي ؟!
خطاي اني تماديت بغلاك .. وماحسبت حساب=احسب ان الوفاء طبع البشر .. واحبابي ..احبابي
عادل الذيابي الرشيدي

سالم الـمفرّجي
29-03-2005, 02:42 PM
اخوي سعيد



الموضوع جداً موفق



لكن شروطه القصائد المنشوره في منتدى النداوي



وكلنا يعرف وجودها في النداوي معناه توثيق القصيده




ولكن كم شاعر في النداوي كتب ابيات عبر رسائل الجوال وتمر علينا مرور الكرام لانعرف شاعرها






اتمنى الاخذ بالاعتبار هذه النقطه حتى توثق لشاعر على الاقل






اخوكم

حمود عيد
22-04-2005, 06:52 PM
السلام عليكم






آلا ليت الشعر غلطه وآلا ليت الدروب اطوال=مـدام الكلمـه القشـرا تعـود يـم كاتبهـا

نسوا ان الشعر حكمه ونصيحه تلزم الرجـال=ونسوا ان الردي كلمه توطى راس صاحبهـا




الجرح لامن حصل من صاحبن غالي= والله تبطي ونفسي ما تعالجها





تعبت اعيش بالدنيا وانا فـى خاطـري منصـاب=تعبـت اجمـع اجروحـى واشتتهـا وادوايـهـا

حبايب بـس لكنـا حبايـب بالـدروب اغـراب=تعبنـا والـزمـن عـيـا مراكبـنـا يرسيـهـا

انا ماعاد بي شرهه مـدام ان القمـر قـد غـاب=صحيح النار ما تحرق سوي فـى رجـل واطيهـا





على كثر الكلام اللي بقلبي والكلام جروح=اخاف اسكت تعذبني...! واخاف ابدي تحداني...!

اتابع خطوة المقفى وانا ادرى ما بها مصلوح=انا ودي اناديلك وعزة نفسي تنهانى




(هلا) يا فرحة اسنينى (هـلا) يـا ريحـة النـوار
(هلا) يا فرحة الدنيا (هـلا) يـا فرحـة اسنينـى




(هلا) سيد المزايينى (هـلا) يـا معـذب الشعـار
(هلا) يا ملهـم افكـارى (هـلا) سيـد المحبينـى




(هلا) يا حب يكفينـى (هـلا) يـا قبلـة الـزوار
(هلا) يـا غايـة امـراد تـرى حبـك يكفينـى

مبارك بن محيا
21-05-2005, 07:26 PM
أبو ناصر

فكره رائعة من رائع لأن المتصفح صار ينتقل بين المشاركات ليرى ويقرأ من أجمل ما كتب الشعراء

أشارككم بأبيات لي ... منها

أراقب نجوعٍ للوسامي تسوق النّوق=تدلّه عطى الرّحمن يوم الله أسوى له
مداهيلها جوٍ كسى خدّه الرقروق=وكساه الخزامى في نوابيه وسهاله
وتلقى خلوط العشب متشابك الزّملوق=لكن السّحايب كل يومٍ تعنى له
***
إلا أنعس السالي وزان الكيف لأهل البلاد=ولقى خلي البال في ظيعة مسيره خشير
ذبّيت رجمٍ لي معه لا ظاق صدري مراد=وتواردن صدري ظيوفٍ ما تبشّر بخير
وشبيت ظوٍ ما لها عقب التّوقد رماد= ظوٍ حطبها من حروف الشعر ورد وصدير
***
الظيف له ليلةٍ عندك ووش عاده=أما مدح شبّتك والا يعذربها
ومن كان صيد الذّيابه غاية مراده=سيّوووور الأيام وتحدّه يجنّبها
***
أنا لا بغيت أجيك لينك علي بعيد=وأنا موتري لا وقّف الخطّ وقّفته
عسى الله يمهلنا ونشري غرام البيد=حلالاه لامن بأوّل الليل هدّفته
***
لا صار خلّي على المسحوب يلعب لي=من عقب بخّوت طرقٍ ما حدٍ شاله
وإن جيت أحاكيه خالفني وسبب لي=مشواح سوٍ يكايد فيه عذّاله
أبو ثمانٍ كما حب البرد ذبلي=مدري قصد شوفته والا من اهماله
***
قبل لا أودّعه حسيت عنده كلام=يمنعه لا يعلّم به لسانه حياه
قلت يا صاحبي ما عاد فيها مقام=رح بدربك وخل الجرح عندي دواه
قال بآخر حديثه كلمةٍ ثم قام=ما تفهّمت قوله من سبايب بكاه
***
هييه يا اللي تتبعه ما درى بك لو تطير=رح بفالك واترك الدالهه في فالها
حرّةٍ تحسب حساب الصّغيّر و الكبير= خوف لا شيٍ يجي في وجيه رجالها
فدوةٍ له جادلٍ طرفها دومٍ سهير=كل خبلٍ فالبلد عارفٍ جوّالها
***

وان قيل زير النّسا لامن سمح ما يعود = لابدّ من ليلةٍ يرجع على عايده
يجيه ما يبحث اللي فالضماير رقود = لو كان لا فزّ قلبه بالخفا هايده
***
ترى الطّيب عدٍ فالتهالك قراحٍ ماه= طويلٍ ولا كل الأوادم يطولونه
أقوله وأنا من لابةٍ فالحروب دهاه = دواسر عمى عين المعادي و طاعونه
وكل القبايل حقّها بالقنا تحماه = ودون الحمى حوض المنايا يمدّونه


وسلامتكم

سالم الوهبي
22-05-2005, 09:57 PM
~*¤ô§ô¤*~سعيد الحمالي~*¤ô§ô¤*~


رائع...بحق


الله لا يهينك يابو ناصر

وشكراً للطرح الهادف
والفكره الرائعه

وهي من ذهب كما تفضلت
وأنت كلك ذهب ومذهب





أنا مجروح ( وجروحي ) جرحها جارح ٍ ( جراح )
................................... وجرح ٍ داخلي (مجروح ) خبير الجرح ( جراحه )
على هونك على ( روحي ) تمايل كنها ( مسباح )
.................................. تبي ترحل تراك ( الروح ) فرطة خيوط (مسباحه )
أصيح بصوت ( مبحوحي ) أخذ قلبي معاه (وراح )
اشاهد صورته ( ونوح ) نيـاح الـورق ( ماناحه )


( 2 )


ماساقني يمّك سوى دافـع الشـوق
...................................... لولى الغلا والشوق ماجيـت يَمـك
أقفيت من عندي ولا قلت منطـوق
..................................... هلّ ياتُرى ماصابنـي هـو يهمّـك
هَب الصِبأ ثم أرتمَأ قلبُ معشـوق
......................................هلّ للصبابة ِ مـاردٌ غيـر ُ جمّـك
سُقيتُ سماً طيب الطعـم والـذوق
.................................... فهَْْل تراني طِبتُ من رشفِ سْمّـك

.
.
.

وباقة ورد للجميع

.
.

سالم بن محمد الوهبي

فالح بن راشد ال حثلان
14-06-2005, 02:09 PM
تسرني المشاركه وفكره رائده يابوناصر

انا رفيقي محتزم به فالامور اللي كبار=والا الامور الهيّنه تقدر لها حتى المره
الرفقه اللي ماتوصلني مع الناس الخيار=ابيعها وادعس على ابوجدها بالكندره
محمد سعد القويماني السبيعي
يامعدي المرقاب خله لمشتاق=وحول وخل مولع القلب يرقا
ياليت ربي ماخلق حب وفراق=والا خلق حب ٍ على غير فرقا
محمد السديري
والابيات التاليه مقتطفات من قصائد لي (1)
أبيك يعني أُريدك ياحياتي معي=ليست بمعنى (ابيك الله يسامح ابيك)
سبب وجودك وسبب علتي بضلعي=وخلاني العيّ من فراقك واعود عليك
(2)
اكبر خطايا غربتي في زماني=مهيب بس فراق نجد العذيه
اكبر خطايا غربتي وامتحاني=ليلة عرفت النت واليعربيه
اللي خذتني بالكلام وغزاني=طيف ٍ يشكل صورة النرجسيه
اول علاقتنا مواقع واغاني=واخر علاقتنا دموع بدويه
(3)
هيه ياللي تحسب اني من الهرجه زعول=والله انّك جاهل ٍ في رضايه وزعليّ
كل زله لو تجيني من لسان مهبول=اعتبرها عقد (ريحان) يرمى به عليّ
(4)
الشعر لاشك وهبه من كريم=بس مايرفع وطيّ المنزلات
ويش فرق الرجل عن فرق الحريم=غير فرق الورث وافراد الصلاة
لااستووا في صنعة الشعر النديم=الرجل يمتاز في عدة صفات
مااعتقد تخفى على رجل ٍ عليم=واضحه بس الجهل فيها ردات
ماافتخر به لو على عرشه زعيم=افتخر بالتاليات الاولات
افتخر باللي ورثته من عديم=فعل جدي بالسنين الكايدات
بشت ضافي مالبسته من نعيم=غصب ماجاني نتاج محايلات
(5)
عمارة العربيد ياهمّالالي=لبيه ياحيطانها والدرايش
الا بعد لبى الكنّب والزوالي=ولبى المزاج اللي من الصبح شايش
ليله بها ياسعود غير الليالي=اثر قبل ماني على الارض عايش
(6)
انت جوك غير ياليل الكويت=الدقيقه منّك فيني كافيه
لآ اختنقت من الرياض ولك لفيت=كني مصخن وشاف العافيه
(7)
ليل الرياض اغليه واكره نهاره=والكره هو والحب عندي له اسباب
احب ليله كل ماارخى ستاره=واكره نهاره فيه تفريق الاحباب
(8)
يعيش والا يموت ياسر عرفات=زي قلّته لاعاش والا توفى
الموت والله موت شيخ الامارات=شيخ ٍ حضنّ شعبه وكفى وّفى
(9)
ناس ٍ طربها في لحنّ علاّيه=مهيب من جنسي ولا من ثوبي
ياطيب حظي لو تبي فرقايه=وياقشر حظي لو تجي بدروبي
يتعبني الممشى بدون رضايه=مااعرف اسحّب خطوتي مغصوبي
(10)
الله واكبر ياجبل (عمّان) لو انّي كذوب=لقول هزتك المدامع مع ونين البارحه
امدّ لك صوتي وتعطيني صدى صوتي طروب=وانا همومي نوب تسري لي ونوب ٍ سارحه
يمك حدتني لوعة الغربه وتكفير الذنوب=ماجيتك لك مثلي مثل ناس ٍ تجي لك فارحه
(11)
هذا الزمان اللي فلت بعصابه=يزعل عليّه لاطلبته شفي
حسبي عليهم عالم ٍ نصابه=تدري بحاجة خاطري وتقفي
(12)
صح الحقايق من وراها بلاوي=زي المجامل من وراه المخاسير!

عثمان العبدالله
04-07-2005, 12:24 AM
من ابو ناصر لابو ناصر عسى عمره يطول= اختيار الشخص من شعره تراها مشكله
واختياره من شعر غيره من افذاذٍ فحول = يجعله يخطي بحق اللي بشعره يجهله
ولو حيادي فالعواطف جامحه مثل الخيول = صعب يحكمها بتالي لو حكمها باوله
شكّلوا لجنه من الشعّار ورجالٍ عدول = تنتخب أجمل بيوت ولو تطول المسأله

سعيد الحمالي
14-07-2005, 03:07 PM
أخي عثمان العبدالله,




من أبوناصر لابو ناصر طواريقه رسول = والكلام اللي ذكرته فيه حكمه هايله
الهدف واحد ولكن مانبى أنصاف الحلول = وأنت رأيك لو مخالف فيه حل المعضله
قلت رأيك وأعترف لك مابعد ذا القول قول =و "لجنة الشعار" فكره في الحقيقه مذهله
بأمر ربي كل لبس عن قضيتنا يزول = وإقتراحك في الحفظ والصون عندي وإزهله

سالم بن ثامر
13-09-2005, 10:21 AM
اررحب ياسعيد


فكره ممتازه جداً


وللي عوده لطرح والمشاركه




تحياتي للجميع

محمد فهد العرجاني
17-09-2005, 01:48 AM
يامعدي المرقاب خله لمشتاق&& حول وخل مولع القلب يرقا

ياليت ربي ماخلق حب وفراق&& ولا خلق حبن على غير فرقا


السديري


هو مادرى ان الجود يبغا تكاليف&& سـِهر الليالي مقبلاتن أولافي

يبغي ايدينن للعطايا مغاريف && ويبغي رجولن ماتمل الوقافي

&&&&&

صوتي وانا بندر طويلن ليا بان&& ان ماخشيت الرب ويش اختشي له

وان عودت للناس قومن وصدقان&& ماحدن بمانعني لااعد الطويله

&&&&&

والله يالولا كلمةٍ قال ديّان && حقي خذاه ولا نوى انّه يجيبه

لااشهر كما يشهر مع الجو شيهان&& قطع البحور ولاحياة الغليبه

بندر بن سرور


وسلامتكم ويمكن اعود ان طرى لي من ذهب الابيات شي

ودعتكم الله

كبرياء
21-09-2005, 11:10 PM
أستاذي الكبير / سعيد الحمالي


أنا متعصبه

بل متطرفه جدا جدا

للنداوي

ولأهله

وكل شي من النداوي وذيبه نعتبره نبراس

أكيد سأشارك

قريبا انشاالله

وتقبل أحترااااااااااااامي المتراااااااااااااامي


أختك / كبرياء

رياض الأحمري
30-09-2005, 10:59 PM
ياشينها لاحدك الوقت واصبحت في حاجة لاهل النفوس الشحيحه

لاجيت احدهم تشتكي همك وصحت ذلك ولو حاجتك قيمة ذبيحه



00000000000000000000000000000000000000000000000


الحب بلوى وقلبي شال مالا يطيق وحظي لحزني تعصب واعلن ولايته


00000000000000000000000000000000000000000000000

لكن عذابي والالم والكابه اني وحيد وصاحبي ينتظر غير


000000000000000000000000000000000000000000000


والله انه مايحد الرجل حدن اقشر كود لاصعبت ظروفه واستذل لحاجه

ولايهد الحيل زود عالزمان ان كشر غير من كنت اعتزي به واختلف منهاجه


للرائع حسين الحبابي

حسين الحبابي
08-12-2005, 09:42 AM
طراة الفتى لا لحقه من الزمان هموم ====== لايدري بسده كود خيرة بني عمه



للرائع سلطان الهاجري

سعد المشاوي
21-12-2005, 08:19 PM
الاستاذي الكريم سعيد الحمالي

رائع كعادتك بقيت كثيرا ات فيا ظلال هذا النقاء الشعري الجميل وهذه الموائد التي هطلت هنا شذرات وقطوف
لم اجد سببا قويا لتأخري في المشاركة ربما لتمتعي بشعر غيري أو ربما لأني لم أرد أن اكتب شيء هنا من شعري
قررت أخيرا أن أشارك وآمل أن يجمل في أعينكم ما أراه جميلا بعيني

لكم كل التحايا وللجميع




أبيات في موت خادم الحرمين الشريفين رحمه الله واسكنه فسيح جناته





ما خذاك الا الشموخ وهيبته واكفابك @ ما تحملك الجسد حملٍ يهّد أحواله
همتك يا كبرها كن السحاب ترابك@ من بدا بيعد مجدك مات ما قـد طالـه
يا سواد العين يا بسمة شفاه أحبابك@ والله إن ما ودنا ترحل ولكن الله قاله
سعد المشاوي






بين الكبر وأقصى التواضع مسافة @ نفس المسافة بين صــــــــادق وكّذّاب
والظلم يورثك الندم والحســــــــافة@ ويزيد غبـــــــــنك لأنظلم بيدك أقراب
يسهل على الغصن الرطيب التفافه @ وإن قل بالجذع الروى يصبح اخشاب
سعد المشاوي




تريث لا تنام ألا وصدرك بالوفاء مليان @ وعينك خلّها تبقى على ألامال معصوبة
تمهّل نوّخ ركابك تعوّذ من أذى الشيطان @ ترى لا طارت الدنيا ولا الأيام مقلوبه
سعد المشاوي





يا تنامي تحت جفن الانتظار وترقبين @ قلبي الي قلت لك لي غاب يتعبني معه
يا تمري كنّك الطير المهاجر والحزين @ لي خبت قوة جناحينه تمنّاها أربعة
سعد المشاوي





من عروق الصبر وأكواب الركود المطئنة @ يستمد القلب تصبيره وطـــــــــــــــــولة باله
والنوايا السود تغتال الـــــــوفاء مثل الأسنّه @ ينتخي فيها الفــــــــــــــشل بزلابته وحباله

سعد المشاوي




من كسر بالخوف جدران النوايا ؟ @ من ضوى قلبٍ هجادٍ روّعه ؟
ماهقيت إن الأمل يغدي شظايا ! @ راح من عمري سنـــينٍ أجمعه
من نذر عمره لتشتيت البرايا ؟ @ لي لقى درب هـــــــزيلٍ يتبعه
سعد المشاوي





كثرة شقا مرت معي وإحساس ضعف وسالفة @تجمعت في خاطري وأنا على خبرك عنيد
جتني سوى متجمعه معها سيوف العاطفة @مرت على ضلعي الكبير وما لقت عندي رصيد
لإني نسيتك من زمن طحتي بقلبي واقفة @ والهيت من فتره وانا افرش لتــــــــفكيرٍ جديد
سعد المشاوي




جيت يوم أرتب دموعي على جسر الهدب @ عارفٍ جمرة وداعك لي دعوك بترحلون
وأعرف دموعي تهيج وما يسكنّها الأدب @ قلت أهذّب طبعــــــــها لا تورّيك الطعون
سعد المشاوي



شكلي كثرت ارجو المعذرة لكم جميعا كل التحايا

عكاشه
28-12-2005, 10:17 PM
السلام عليكم

فكره رائعه ومتميزه

اسمحوا لي بالمشاركه .. واذا كانت مشاركتي فيها ما يخل بقوانين الموضوع ارجوا المعذره منكم


لعميد النداويين / مجعد بن متعب



الظروف اقيادها مر والحر الطليق =ضاع فكره بين عدل الدروب وعوجها
هقوتي من عاش في غي عمره مايفيق=لويسرح فوجها الصبح ضوا فوجها
ولايغث الادمي كود ميلات الرفيق= لانكشف له والحقيقه طلع منتوجها



وايضاً للعميد



خلي المشتاق في عالي القمه يويق= مايوسع خاطره غير عال ابروجها
في ديارن نبتها الشيح والماطر دفيق=ماتمل الرجل لو كل يوم ادوجها
سجتن في عز تطفي لواهيب الحريق= عن مجالس ناقصين العرب وهروجها




دمتم بخير

محمد الحويله
20-01-2006, 12:08 AM
اربعة ابيات لي في النداوي..............
مع جزيل الشكر لصاحب الفكره سعيد الحمالي



سبحان منهو يصب الغيث في قاعه=ربٍ بحوله رفع سبع وبسط سبعه
اللي على رضاه نفسي دوم طماعه=لاضاق بك جوها يالادمي فدعه
على صلاة الفجر بنوقت الساعه=يمدي على النوم والاحلام والكسعه
الله خلقنا عبيد انقدم الطاعه=وياكثر حلمه على خلقه وياوسعه

عبدالله بن شايع الزهيري
25-07-2007, 01:20 AM
ياطيبك يابوناصر وطيب أفكارك




أتمنى إحياء هذا الموضوع القيّم بالجديد


الله يرعاكم

سعيد الحمالي
16-02-2008, 11:25 PM
ماعليك زود يابوشايع

البركة فيكم جميعا يا رجال النداوي

محمد ظاهر البلوي
18-02-2008, 01:34 AM
السلام عليكم ورحمة الله وبركاته
اتشرف وان احل ضيفا خفيف دم عليكم احبتنا ادارة واعضاء وزوار هذه المنتديات الجميله بمن فيها بدون تحديد
عل وعسى ان نقدم لكم مايليق بالادب والشعر وانني على ثقه بانني سوف استفيد من هذا المنتدى واعذروني
ان اطلت عليكم واول مصافحة لكم ايه الكرام


عزي لمن يشكي همومه على الناس=شكوى لغير الله اكبر مذله
ياما شكيت الهم مع كل هوجاس=ما احد سمع شكواي ولاحد فطن له
اسلي الخاطر وانا اقول لا باس=ياتي الفرج من خالق الكون كله

اخوكم الشاعر والاعلامي محمد بن ظاهر الميهوبي البلوي

ولا يفوتني ان اشكر الاستاذ الكبير والاعلامي المعروف علي الحبابي على دعوته الكريمه التي هي شرف
عظيم ووسام على صدري وانا بين اخوة لي يجمعنا دين واحد ووطن واحد ومصير واحد والله الموفق

فراس المطيري
18-02-2008, 05:18 AM
صباح الخير



صباحكم قصيد ومساكم قصيد بعد



الله لايهينك اخوي سعيد


فكره جميله ورائعه


والله احترت لو بختار بختار جميع شعراء النداوي كلهم يستاهلون بدون استثناء احد



لكن في بالي بيتين للشاعر عبدالله الشهراني ولايهونون الربع كلهم


اربع تبحـث بسـدك كـل خافـي
تجتمع وتكمّـل نصـاب المزكـي
القرين السوووو....والخل المجافي
والزمان الصلف....والحظ المتكّي





لاهنت على الموضوع المتميز



لي عوده



متابع


اخوك

خالد البحيري
13-08-2008, 12:40 AM
الاخ سعيد الحمالي

اشكرك على هذا الطرح المميز والمفيد


واشارك بهذا البيت

اسمع صدى صوتكم بالحلم ياتينـي <<<<< حلم جمعني معاكـم قلـت يازينـا

محمد بن عون
26-09-2008, 02:22 AM
شكراً ياأخ سعود

فكرة جداً رايعه ...

وهذه مشاركتي


ذعذع الشرقي عصير ودارت المحاله =وأرزمت بين الضلوع وحنت المقهورة
مرحبأ والله بذبـذبت الغلا وأرساله =كني أسمع فيه صوت وكني ألمح صورة

تحياتي لكم

خالد البحيري
26-09-2008, 10:13 PM
رائع...بحق ياسعيد الحمالي


الله لا يهينك يابو ناصر

مناور بن هاجد
06-01-2010, 07:55 AM
لاهنت على الفكرة الممتازة أخوي سعيد









حبيت أشارك بهذه الابيات من ضمن قصيدة لي:









شوفتك عندي على نفسي أبديها=وغيرك إذا شفتهم جتني حساسية
أبراجك اللي امشيد لك مبانيها=عمرت من حولها بالحب محمية
أحبك الا أعشقك ولااقدر اخفيها=قد قالوا العشق ماتخفى مواريه







تحياتي لك وللجميع
أبو أحمد