المساعد الشخصي الرقمي

مشاهدة النسخة كاملة : من أجمل ما قرأت لشعراء وشاعرات النداوي .


عبدالله بن شايع الزهيري
17-01-2006, 06:06 PM
بسم الله الرحمن الرحيم

السلام عليكم ورحمة الله وبركاته . كل عام وانتم بخير ... سلامتكم نبي موسوعه لعيون النداويه .

الفكره بسيطه وهي المشاركه بأبيات من أجمل ماقرأت في النداوي من بيت الى خمسة أبيات والمشاركات مفتوحه وليست محدده

يعني تستطيع تكرار المشاركه كما ترغب وتختار الابيات التي تعجبك من قصائد الأعضاء حتى نستطيع فتح موسوعه خاصه

بالأعضاء والأبيات المميزه فقط في جميع أغراض الشعر ؛ النصح الإرشاد الحكمه التجربه والغزل والى أخره .......


وسوف أبدى بهذه الابيات التي أعجبتني جداً وهي للشاعر الجزل والنداوي العزيز / محمد السليس .



إليا تواضعنا بلشنا بالاقزام= واليا تكبرنا ملام ٍ علينا

لكن تعلمنا من صدوف الايام= من عقب جربنا ورحنا وجينا

اللاش مثل الصفر بحساب الارقام= حطه يسارك لاتحطه يمينا


إنشاء الله تعجبكم الفكره ..... يالله .

عبدالله بن شايع الزهيري
17-01-2006, 06:13 PM
وهذه الأبيات للشاعر والنداوي الجزل والغالي / خالد الزهيري .


جنِّب عن الرديان وانـص المطاليـق=
والنفـس يممهـا منـازل صْنَفـهـا
روس الرجال اللي تصـون المواثيـق=
اللـي ملازيـم الشهـامـة ولَفـهـا
مثل الجبـال الراسيـات الشواهيـق=
اللي تزبـن مـن لجـا فـي كنفهـا
لا يخدعك حـس الرعـد والبواريـق=
ولا يعجبـك غـادي سحـابٍ تقفهـى
واصبر على الدنيـا عساهـا توافيـق=
وان بارت الدنيـا علـى الله خلفهـا

ماجد بن شارع العاصمي
20-01-2006, 09:24 AM
بصراحه جميع قصائد سعد بن حبشان

فهو ماشاء الله عليه شاعر بمعنى الكلمه


ويوجد الكثير من شعراء النداوي المميزين

عبدالله بن شايع الزهيري
02-02-2006, 12:12 PM
أبيات للنداوي الغالي الشاعر / سعود الدهيمي .


تنفع دروس المدارس ساعـة الشـده =لاحاضر ابها كبير الشان والقـدري
امـا كبيـرٍ لحـق مالحـق ويعـده =سوالفه لاهرج يشرح بهـا صـدري
ولاّ صغيرٍ يـرد العلـم عـن جـده =ينقى علومه نقـو ماجابهـا كـدري
لعلّهـا للعمـار اعـمـار ممـتـده =مجالسٍ علمها يفلـج ضيـا البـدري
لاجيت فيها استمـد العلـم واعتـده =وافتك من نشـدةٍ مردودهـا مـدري

طالب ابن الطير
02-02-2006, 12:25 PM
لاضاق صدري ذكرتك وانشرح بالي

................. ياسعد من هو تجي دايم على باله

للشاعر الفذ حمد السحيمي

عبدالله بن شايع الزهيري
02-02-2006, 12:30 PM
وهذه أبيات للشاعر والإعلامي الكبير والعزيز / حمد بن فطيس


عن عشا التكريـم يكفـي شندويشـه=
وعن ظلال القصر يكفي ظل عشـه
شايمٍ شومة نـداويٍ صـف ريشـه=
عابرٍ فوق البحـوور وعـاف عشـه
الوقوود امحصّله فـي كـل شيشـه=
وشي ممنووع الوقووف اشلون ادشه
مالفيته من قطـر مـن قـل عيشـه=
يقطع الله راس مـن راسـه يخشـه

عبدالله بن شايع الزهيري
08-02-2006, 05:41 PM
ماجد القحطاني

طالب أل عذبه


هلا وغلا شاكر المرور والمشاركه .

هذه الابيات للاخ العزيز والشاعر الكبير النداوي الغالي / سعيد الحمالي


عقّـب صبـي مايعـرف المعاريـف=
ماهوب يفقد ميـت ولا ينذكـر حـيّ
واللي وقد ناره من الخوص والليـف=
لامدفـيٍ عمـره ولا منضـجٍ نــيّ
المدّعي تكشفـه صعـب المواقيـف=
(والعيّ عيّ ولين يفنى وهـو عـيّ)
من قال: أنا يا أهل الركايب لكم ريف=
يفعل مثل "بوخوذه" و"حاتـم الطـيّ"
الطيـب ياباغيـه دونـه تكالـيـف=
ماحاشه اللي من خلق ماخسـر شـيّ

عبدالله بن شايع الزهيري
12-02-2006, 06:12 PM
وهذه الابيات للشاعر العلم والمحبوب في الساحه شاعر النظم والمحاوره العملاق

النداوي العزيز / فيصل الرياحي



أشهـد إن البـل غـلاهـا فــي فــوادي=
ماغبطـت أهــل التـجـاره والزعـامـه
وأشهد إن البل حلال أهـل الشـدادي=
ماخلقـهـا الله حــلال أهــل الرخـامـه
هـي عمـود المرجـلـه عـلـمٍ وكــادي=
وهي كرامة من بغـى بـاب الكرامـه
زيـنـهــا لاربــعــت والــجــو هــــادي=
فــي مفـيـضٍ ربلـتـه تـركـب ثـمـامـه
والفحل يرجـس علـى الجـل العيـادي=
بينـهـا شـامـخ مـثـل قـصـر اليمـامـه


وله أيضـــاً

ياشبه وضحاً تلاعبها العصافيـري=
في روض عشبٍ عليه السحب دفاقه
بياضهـا ناصـعٍ بيـن المغاتيـري=
مزنة خيالٍ عليها الشمـس لهاقـه
من دونها تقصر فلوس الهواميـري=
منتوقة العنق مزيونـه وعملاقـه
ماجوبهـا للمزايـن والمداويـري=
ولاشافها الحاسد الله يقطع أرزاقـه
مشهورة الزين تضحك بالمشاهيري=
معها صكوكـه وتوقيعـه ومثاقـه
أسطورة العصر حطمت الأساطيـري =
تفوز في مهرجان الزيـن وسباقـه

عبدالله بن شايع الزهيري
26-02-2006, 06:03 PM
وهذه الابيات للشاعر المحبوب شاعر النظم والمحاوره النداوي العزيز / شايع العيافي


يـا شنـاق العنـق ياسيـد تلعـات الرقـاب=
الرضى لجل الزعل ... والزعل لجل الرضى

اخذ فـي خاطـرك منـي وعاتبنـي عتـاب=
من قصاه الود يصبر علـى جمـر الغضـى

قـد عطيتـك نـوم عينـي ولّينـت الجنـاب=
وآتحسـب قـدر عينـك وحشمـة مامضـى

وان كتب ربي وجاء دون باب الوصل بـاب=
ضاقت الأرض الفسيحة .. وضاق بي الفضا


وله أيضــــاً


طمعتك وانته من سنام العز في روس الظبا=
والباقيات الصالحات ..اسمع كلامي وافهمه

ترا المنافق لويقوم الليل في مسجد قبا=
ما للمنافق عن جهنم كود ربي يرحمه

العبد عبد للهوى لو هو على سيده صبا=
يامن يعلم عبدنا لاصار ربي ما ألهمه..!!

لاعادها الله بندق ماثارت الا فالخبا=
الصيد من تفاقها ...وأكرم عسى الله يكرمه


وله أيــضاً


البــــارحه هـــــوجست رجــــم علـــى الغيــــب=
مــــا للهمــــوم الامــــــداويـــر؛؛؛ سجــــــــه




والمقــــــعدات الــــروس حـــمـــر المشـــاهــيب=
اللـــي بهـــا يثـــــبت علــــى الـــذنب؛؛؛ حجـــه



صفــــر عليـــــها تشــــرق النــــاروتغـــــيب=
انطـــــح بهـــــا؛؛.؛ بحـــــر تلقــــــيت لـجـــــه



يفــــرد عـــــزاي ومــــــنوتـــــه شقـــــة الجــــيب=
وان رايــــــع الجمــــع المنـــــــاصر؛....؛ يهـجــــه



لاوالله الا حـــــــزمة الـــــــزقم يـــــاذيــــب=
ماذاقـــــــته نيبــــانك العــــــوج ؛...؛مــجــــه

سعد بن مناحي بن شفلوت
27-02-2006, 01:32 AM
يعطيك العافيه يابوشايع

من اروع ماقرأت قي قرب

للشاعر/هادي بن سعيد

من البارحه وهمـوم قلبـي صدِيـر وورد=
وهـذي طريقتهـا معَـي تـرد وتـصـدّر

تنهّـات وجـد وليلـةٍ مـن ليـال البـرد=
وَلا صاحـبٍ يـدري عـن الحـال ويقـدّر

أنا طيّـبٍ قبـل التفـت والجـوازي شـرد=
وأشوف ادعج ٍ قـدم اوّل الصيـد متصـدّر

يا ليت الصواب اللي حصل من رصاصة فرد=
وَلا النظـره اللـي تاخـذ العقـل وتخـدّر

تسلهامها يُضعف عزايـم زبـون الحِـرد=
لـو انّـه يسنّـد بالطوابـيـر ويـحـدّر

وعلى ما يقولون العـرَب مايفيـد السـرد=
وش الفايـدة والبـال ضايـق ومتـكـدّر

سعد بن شليه السبيعي
27-02-2006, 05:49 PM
هذه ابيات اعجبتنى لشاعر سعيد الحمالى



تطالعنـي الحـوادث بالرزايـا = ورؤي العين قد فـاق الـرواةِ
فكم من هامةٍ هامـت فذلـت = وعز الأمس أضحى ذكريـاتِ

كبرياء
25-03-2006, 04:29 PM
اخي واستاذي / ابن شايع

موضوع قيّم ويستحق المشاركه أكثر من مره لإن النداوي يضم عمالقه من الشعراء وقصائدهم تستحق الإحتفاء



هذه مشاركه أولى

للرائع ( محمد السليس )


الوقت علمنا القسى والخشونه=لاشفت واحدنا الى كنه الذيب
نموت مانرضى الردى والمهونه=والموت قدام المهونه هو الطيب



ولي عوده بإذن الله

*

عبدالله بن شايع الزهيري
25-03-2006, 05:07 PM
وهذه الابيات للشاعر الغالي والنداوي العزيز : على بن حمري رأية الشعر .




ولايعـن الـراس ويـسـوق الـقـدم=إلا مسيـرً فــوق رووس الطايـلـه

على ضعيف الـراس مافـاد الزهـم=لـو تزهمـه بسّمـه وبسـم العايلـه

وأذا فعلنـا الطيـب رفـرف ياعلـم=هـذي وقوعاتـه ,,, وذي دلايـلـه !
عليـك أمـان الله ومـد أم الشـحـم=أنّـا حزامـك فـى الليالـي المايلـه

أمنحريـن البـل عــدوان الغـنـم=سكّينهـم مـن كـل حمـراً سايـلـه

أحـدً لمـا طـرّوه قـالـو والنـعـم=وأحدً لا قيل أسمـه يفشـل قايلـه !!


وله أيضاً




معلمني الزمان أن التجارب =تعرّضك الهزيله والسمينه

كلاني الشيب حتى في رموشي =تقول الرمش دين ومقتضينه !

ياسُرعك ياليالي حسبي الله .. =قطفتي من ثلاثي وحدتينه

لو إنه يمدي أللي راح يرجع ؟ =ما خُلّقت كلمة (أمبيّح كنينه) !!!

لابُد الحاضرين أن قالها الله =تعرف إن ذا ألاسد وإن ذا عرينه

وأنا زودي ونقصي ذنب نفسي =مافي بطني فضل لحداً بعينه

وكسبي للمدايح ؟ من يميني =لذا الرجّال وزنه في يمينه !!

نوض سدير
29-03-2006, 04:14 AM
المشاركة الاولى لي هنا .. وحقيقة لم أجد أحد منكم وضع ابيات لشاعرات النداوي ..فاخترت

لا تلتفت للي كتب في دفتره.. لاجي
بكرا يمسيه الفقر.. ويصبّح أيامه
وأنا.. بوجه اللي غدر شديت مزلاجي
وارخيت له راس القلم.. سيّاف لاعدامه

فكره مشوش.. عايشٍ في برجه العاجي
لو ينهدم برجه!! تبعثر سالف أعوامه
لا هان.. لو خاض البحر تلعب به أمواجي
يمديه يحسب وقتها خطوات أقدامه
ومن غرته قطرة ندى فحلوم ديباجي
بكرا يمسيه العطش.. ويصبّح أيامه


للغالية /نجدية سدير

عبدالله بن شايع الزهيري
12-04-2006, 06:57 PM
وهذه الابيات للشاعر العلم والمحبوب في الساحه شاعر النظم والمحاوره العملاق

النداوي العزيز / فلاح القرقاح .


مزحنا واثر الايام ماهيب مزاحه=
ولاتغلي الهراج لا رخصت الهرجه
بالراحه علينا ياهل الحكي بالراحه=
عرجتوا بناس جالهم خطهم عرجه
تشيب البيوت ويقلب الشاعر الساحه=
الناقد بصير وشدة الوقت منفرجه
غشى اللوم روس في بحر الاثم سباحه=
وعدى اللوم روس راحت وجات منحرجه
الى حال حول العد ماجاه مياحه=
على جاله تموت الضوامي وهي حرجه

وله أيضاً



يا رفيقي لا تضيّـع ملازيـم الرفَـق=
تمّهـا مثـل الرجاجيـل ولاّ خلـهـا
رحت تحفر في طريقي على الغفله نفق=
وأنا اشيّد لـك قصـورٍ يظلّـل ظلهـا
الوجيه البِيض لا راق ماهـا واندفـق=
دفنها في لحود سُود القبور أحسن لها
يا الله انّا في حجاياك من قـلّ الوفـق=
كلها جات بسهولـه وراحـت كلهـا

وله أيضاً



دام للديـن والأيمـان فالقلـب وازع=
وقو عزمي على الشدات ماهوب تـوه

مانـي بكافـر بالله ولانـي بجـازع=
ماضي الحكم في بحره وبره وجـوه

مثل ماللفرج ساعه وللـروح نـازع=
لله الحمد لي عـزوه ورفقـه وخـوه

عبدالله بن شايع الزهيري
15-05-2006, 07:11 PM
السلام عليكم

وهذه الابيات للشاعره النداويه والكاتبه النقيه : كبرياء الشعر .
حاولت أختار من هذا النص ولكن أسمحو لي لم أستطع الاختيار لجودة النص كامل مما
أضطرني لإيراده كامل .



جــر قلـبـي شـاعــر جـــر الـربـابـه سـامـريـه=
حـطـهـا باأحـضـانـه وغـنــا علـيـهـا يـاحـمـامـه

آتـوجـد يــا (عتيـبـه) وابـكـي بصـبـح وعشـيـه=
هـو علامـه ممتحنـي( يارفاقـه ) هــو عـلامـه

إن رقــد ثـمـن تقـلـب قـلـت : يـاحــظ التـكـيـه=
وأن صحا قلت : الحظوظ حظوظ ياحظ العمامـه

إن نسفهـا قلـت : أكيـد أنـه يبـي ذبــح البنـيـه=
وأن تلطـم شفتـه الرمـز الحقيـقـي للشهـامـه

إن تقهـوا حــرت فــي فنـجـال يـحـب الشفـيـه=
الله اكبـر هـو بعـد فنجـالـه أردا بــه غـرامـه!!!؟

إن عـلا قـب الحظيـظـه قـلـت : يـاويـه العبـيـه=
وإن نـزل ماحـط مثلـه قـلـت: يــاالله السـلامـه

الرجـال ابـهـم مـلاحـه بــس هــو مافـيـه زيــه=
قد حباه الله وسامه في وسامه فـي وسامـه

قلت : ناظرني وقال : الشوف للعاشق خطيـه=
قلـت : هرجنـي وقـال : الزيـن لايكـثـر كـلامـه

قلت : أحبك قـال : أحـب دياركـم يـاال.........=
قلت : مشتاقه وقال : حصانك أفخى به لجامه

قلـت : جعـل (عتيبـه) إن عـيـوا عليـنـا للمنـيـه=
جعـل يـوم يبعـدك عنـي قصـا يكـثـر عسـامـه

جعلهم في وجه (قحطان) وبعد معه (جهنيـه)=
كان سلـوا سيفهـم فـي وجـه مريـوم ومرامـه


ولها أيضــاً .


ولاودي مـن الدنـيـا ســوى قـرم(ن)ولـد قرمـيـن =أبــي ماينـظـر لغـيـري وانــا مـاألـد فـــي غـيــره
أبي يجلس على المركى وحوله عزوة(ن) ذربين =احجاجـه يضحـك لضيفـه قـبـل تلـفـي مسايـيـره
أبـي يلبـس شمـاغ وثـوب وعقالـه يميـل ايمـيـن =عشان إن سرت في جنبه تشـب برفقتـي غيـره
أبـي لاقــال منطـوقـه جمـيـع الـربـع قـالـوا زيــن =ولامـنـه حـــزم رايـــه يعيـنـونـه عـلــى الـخـيـره
شجاع(ن) يقطع الفرجه وفيه مـن الكـرم والديـن =حكـيـم ويـوخـذ بـرايــه أصـيــل ويـكــرم الـجـيـره

ولها أيضاً .


أموت به وأرجي من الله كـل لحظـه يقتـرب=
وأهجـع وأقـوم وصورتـه مافارقـت خياليـه
أغليه وأدرا عنـه عنـات الطلايـب والنشـب=
وابكيه وأسـدا علمـه بصـدري وأون لحاليـه
واشب له ضوٍ على حدود السمـا نـار ولهـب=
والنار ماساقت خطى الطرقي ولاهـي مواليـه
وجدي عليه إن كـان ماعـوّد ولاقـال السبـب=
وجد المصاب اللي همومه جـات لـه متتاليـه
ويادجلتـي يالنيـل يافراتـي وياشـط العـرب=
يالعـذب ياشهـل المراويـح القـراح الحاليـه

حفظكم الله

عبدالله بن شايع الزهيري
21-05-2006, 05:52 PM
سعد بن حبشان


هلا وغلا


شاكر مرورك ومشاركتك القيمه




حفظك الله

مسعود اليامي
22-05-2006, 01:41 PM
هلا ابوشايع



اختيار موفق وانا عندي قصيده للشاعر هادي الرزقي


السن يقضا سن ، والعين بالعين
والسلم واضح ، والبلاد امحكومه
من وين بابدا سيّد الهرج من وين؟؟
والرجل مايرخص حمايض اعلومه
حدّوني اللي يطلبون الغلا دين
والنفس ماهي بالحياه امعصومه
وانا ليا سقت الخطا بين حدّين
من زلّتي بيض الوجيه امحشومه
ياماحلا فيّ العصر ياحجا الرين
والاّ ذعاذيع الهوى ياتنومه
ياهيه ياللي هيّضك نازح البين
مافيه قلبٍ ماشكى من همومه
اقلط وتلقى فالمجالس سلاطين
لاجاهم المحتاج يقضي لزومه
تلقا ارجالٍ تقضي الصاع صاعين
بحمولهم صهب الجمال امخزومه
واخذ الكلام اللي عليه البراهين
مافيه داعي تشتكي للحكومه
حطيت وجهك يالغبي بين قوسين
والوجه الاسود ماتبين ارسومه
وحنا فهمنا من رموز العناوين
عاد الظروف المبهمات امختومه
لكن على مين السوالف على مين؟
عيبٍ على الرجّال يترك اسلومه
بدّلت سلمك بالتغنّاج واللين
والرجل ماترهم عليه النعومه
من عقب ماضحكت عليك الشياطين
بانت اوصوفٍ بالرجال امعدومه
برنامج السهره بياليل ياعين
في ظنّي اصعب دور تقدر تقومه



وسلامتكم

عبدالله بن شايع الزهيري
29-05-2006, 12:41 PM
بن شليه


لاهنت ياغالي


وشكراً على حضورك ومشاركتك


الله يحفظك

عبدالله بن شايع الزهيري
19-06-2006, 06:19 PM
كبرياء


هلا وغلا


شاكر مرورك العاطر ومشاركتك


القيمه وأبيات فعلاً جزله للجزل محمد السليس



لاهنتي


حفظك الله

عبدالله بن شايع الزهيري
24-07-2006, 01:14 PM
وهذه الابيات للشاعر العلم والمحبوب في الساحه شاعر النظم والمحاوره العملاق

النداوي العزيز / سعيد الحازبي


واحلـى القصايـد والحكـم والتماثـيـل=
مـن بعـد ذكـر الله تاتـي تساهـيـل
لـرضـاه تسبيح(ن)وحمد(ن)وتهلـيـل=
والحـمـد لله والـشـكـر والثـنـالـه
ومـن بعـد ذكـر الله لفـظ الجـلالـي=
يـا امـة الإســلام يـامـا طـرالـي
واللـي شغـل فكـري وعقلـي وبالـي=
امر(ن)خطـيـر يهمـنـا لامـحـالـه
فـي المجتمـع ياهـل العقـول البيبـه=
عــادات وامور(ن)عليـنـا غريـبـه
مصيبـة(ن) ياكبرهـا مــن مصيـبـه=
والمجتـمـع مشـغـول كل(ن)بحـالـه
بيـن الأمـل واليـاس بيـت القصيـده=
عدوكـم ياهـل الـشـرف والعقـيـده
فـي كـل يـوم وهـو يسـوي مكيـده=
يامـا علـى بـالـه ويـمـا طـرالـه
جـنـد لـغـزو افكـارنـا بالتحـايـل=
كـل الطـرق حـاول بشتـى الوسايـل
عبـر الفضائيـات ســوا الهـوايـل=
تكفـون ياهـل الديـن كيـف المقالـه
كيد من اهـل الغـرب شـر(ن) غزانـا=
واستهدفـو حتـى مشـاعـر نسـانـا
بالمغـريـات ومحـدثـات الـزمـانـا=
واستيـسـرو تفكيـرهـن بالضـلالـه
يابنـت حــوا لاتصيـريـن اسـيـره=
لوهـام وافكـار ومبـادي(ن) حقـيـره
والمسلميـن اهـل عفـاف(ن) وغيـره=
يـوم الشـرف ينخـا شهامـة رجالـه
يالمسلـمـات المؤمـنـات العفيـفـات=
لنـا تقالـيـد (ن)حمـيـده وعــادات
لا والـف لا لا لاماهانـو الشريـفـات=
ولا يدنسـون اعراضنـا اهـل النذالـه
هـذا هـو الموجـز وباقـي التفاصيـل=
قصـه مـن الواقـع وتحتـاج تـأويـل
سمعت صوت(ن) خافت(ن) في دجى الليل=
يسئـال ولكـن مـن يجـاوب سؤالـه

وله أيضاً :



صرخة(ن)في الشرق الاوسط دوت هل من مجيب=
تنتخـي وتصيـح تكفـون ياعـيـال الـعـرب
استبـاح الارض والعـرض سفـاح الصلـيـب=
من يرد الصـوت مـن يشتعـل نـار وغضـب
ياهـل الوقفـات والمجـد والسـاس العـريـب=
يامقابـيـس الـوغـى ياعريبـيـن الـنـسـب
عـدو العـده تـرو النصـر بامـر الله قريـب=
تبت ايـدي اريـل شـارون ويـدي ابـو لهـب
الجـروح ادمـت ولا عـاد ينفعهـا الطبـيـب=
يكفي استنكـار ياهـل النسـب واهـل الحسـب
خـايـن الميـثـاق والعـهـد والله مايطـيـب=
طاغيـه محتـال غـادر نعـم قتـلـه وجــب

وله أيضاً :



ياماحلـى فـي الفـلا فنجـال بريـه =جلابها جابهـا مـن سـوق خولانـي
جابـو حطبهـا مـن ديار(ن)جنوبيـه =عود القرض صافي(ن)مافيـه دخانـي
والمـا قراح(ن)مـن العـد الهلاليـه =عد(ن)زلال(ن)وردهـا كـل ظميانـي
دلـة عصير(ن)تفـوح ونارهـا حيـه =صبابها لي زهمتـه جـاك عجلانـي
ماتقلـط الا مـع تـمـر الحسـاويـه =وقنادهـا هيـل والمعمـال رسلانـي
في مجلس اهل الوفا واهل الشهاميـه =دارت وفنجالهـا مـاهـو بمليـانـي
وابيوت عز(ن)على النامـوس مبنيـه =في وسط روض(ن)خضروالغيث هتاني


حفظكم الله

وعد بنت عبدالله
26-07-2006, 08:09 AM
/

وعليكم .. الـ ســلام ..

/

الـ مـشـرف .. الـ فـاضـل ..


عبدالله ..


جـهــد .. رائـــع ..


لـ أقــلامٍ .. طـالـمـا ..


أمـتـعـتـْـنـا .. بـ الـ بـيـانِ ..


مـن .. الـ قـــوْل !!


وصـ قـلـوبـهــم ــحــت ..


/

دمــتَ .. وطـيـبـتـكـَ ..


بـ / وِصـَـــال ..


أخي .. الـ كـريـم ..

/

محمد السليس
03-08-2006, 02:24 AM
معاد لي في سوق الاسهم علاقـه
حتى ولو قالو ترى طـار جمـاز

من بعد ماحسّن براسـي الحلاقـه
وأصبحت بين الناس مفلس ومعتاز

بيسدّني خيمـه وعشريـن ناقـه
مع التمر والماء وفانوس بالقـاز




عبدالله بن شايـــــع

محمد السليس
03-08-2006, 02:42 AM
ياحبيبي ..والظما والبرد...والظلما وجوعـي=لازبنتك مـن سبايبهـن وخيبتـه رجايـا؟!!
ياتجيني وانت رجّالٍ على الصملـه بتوعـي=أو تروح وجعل مايبقـى لـك بقلبـي بقايـا

كبريااء الشعر

فالح بن راشد ال حثلان
20-08-2006, 10:21 AM
من القصائد التي اعجبتني من غير قصور في الجميع ...قصيدة للشاعر المحبوب محمد الدهيمي



يامستغلّ الصدق بشعور الانسان=باريت للخوّه ويدك نحرتها
اخذت منّي صدق واخلاص الاخوان=والوقفه اللي مارجيت ثمرتها
واعطيتني غدر وتحايل وبهتان=والنفس لاجت من صديق قهرتها
خلاص عن خوتك تايب وندمان=ادخلت نفسي والحظوظ اظهرتها
ارضٍ زرعت ابها معك صدق واحسان=اهدم سواقيها وقص شجرتها
بنيت لي خوّه على ساس واركان=وداريتها بس البشر مادرتها
والنار لاصارت رماده ودخان=لاهبت انسام الهوى طيرتها
وانا لسبّ الناس مانيب طربان=اعط السّعه عن دبكها وغبرتها
فالكون اسج الرجل والكون مليان=ناس سلوم الطيب ماغيّرتها
ناس على تقوى وطاله وبرهان=واليا انهدر دم السلوم نصرتها
واللي جعل فالنفس ميدان شيطان=وادخل بنفسه علّةٍ وحشرتها
واصبح على ماقيل متعب وتعبان=يرهق يمين معاويه وشعرتها
قربه مهو شرطٍ من شروط الايمان=والصاديه جور الزمن صنفرتها

سعد بن شليه السبيعي
21-08-2006, 12:56 PM
الوقت غربه واخر الدرب عنوان = والعمر رحله والتجارب رحايل
مرات ربك يرزقك خوة أنسان = واحد ويسوى في عيونك قبايل
عبدالله ما جد المنصورى

عبدالله بن شايع الزهيري
25-08-2006, 07:43 PM
نقل بواسطتي


الى القسم المناسب وذلك بعد الهيكله الجديده

للأقسام يكون مكانه المناسب هنا


حفظكم الله

كبرياء
25-08-2006, 08:10 PM
1


2


3


4


5

السلام عليكم


هذه ابيات عظيمه للشاعره العظيمه (ابعـــــــــــــــــاد التركي)

ملكة الشعر النسائي


*

لا تسل عن ضيقـة ايامـي وقلبـي لا تمـره
ضاعت دروبك على اخر ليل وجروحي عطايب


وان لمحت اسمي ترفّـق بـه وبادلـه المبـره
كثر مابادلك شوق وكثـر مـا ودّعـك هايـب


لك على يمة عروق القلـب يالمغـرور جـره
ماتواريهـا السنيـن ولا تغيـرهـا النـوايـب


والله ان قربك يسر الـروح وفراقـك مضـره
وأنت علّة خافقي وأنت القريب مـن القرايـب


ماقدرت اتوب عن ذكرك وعن حلـوك ومـره
ليه عن ذبح الغلا ياصاحبـي مانتـه بتايـب؟


هـاك ميـزان الجـروح وقيسهـا ذرة بـذرة
ماوزنت الا غـلاك ولا طعنـت الا الحبايـب


كل مايطري علي ظلمـك تشـب الكبـد حـره
كن في صدري رماح القوم وسيوف وحرايـب


كيف ابنسى ليلة زعزعـت قلبـي مـن مقـره
انفرت كبدي وخفاّقـي غـدا قبـر ونصايـب


هلـت دموعـي وحلّفتـك بربـك الـف مـره
يابن آدم خف من الله مـاورا ذبحـي كسايـب


أنت شخصٍ ماقدرت استوعبـه خيـره وشـره
من عرفتك والدموع دمـوع والخفـاق ذايـب


لا تصدق كذبـة الايـام فـي وجـه المسـره
بسمة في عين طفل ودمعة فـي عيـن شايـب


وان تذكرت الهنوف اللي على صوتـك تشـره
ضمها في صدرك الموحش وعرّضه الهبايـب


انكسر حلم الليـال وطاحـت نجـوم المجـره
أبتدت شمس وتوارت شمس وجروحي عطايب



وأنـــــــــــــــــــــت



أنــــــــــــــــــــــت



انت ماتـدري ولاعنـدك مـن الاحسـاس ذرّه
أشهد ان مصيبتى بك من عظيمـات المصايـب



اتمنى تكون اعجبتكم انتم كذلك

بود

كبرياء

عبدالله بن شايع الزهيري
05-09-2006, 07:42 PM
وهذه الابيات للنداوي الجزل / سعد الجميلي



خل القدم تمشي على ماتشتهيـه=الرزق ماأنت اللي لنفسك جايبـه
لاصار دربك عن ردى الدنيا نزيه=البـال لاتثنيـه عـن ركايـبـه
مالك ومال الناس غبران الوجيه=الناس ماهي عن رداهـا تايبـه
الناس خلّو راعي الحكمه سفيـه=مايفهمون المخطيـه والصايبـه
... الى قوله ...

أقطع فجوج الأرض واللي ماتبيه=خلّه يولّـي دام نفسـك طايبـه
دام الزمن يفرش بدربك راحتيـه=إشرب شهاليل المـزون الذايبـه
العمرفرصه وإغتنمهـا يانبيـه=لاتلتفت يـم الـدروب الخايبـه
...الى قوله ...


العمرزرقة رمح وإفهـم يافقيـه=الوقـت هـذا ياكثرمصايـبـه
الوقت لوهي تبتسم لـك شفتيـه=لازم تشوف الضيم من غرايبـه
أطلق حجاجك وإبتسم للي تجيـه=والخيرمن رب البشـر وهايبـه



حفظكم الله

عبدالله بن شايع الزهيري
10-10-2006, 12:57 PM
وهذه الابيات للنداوي الجزل / بطي الأكلبي



مايوفي بالمواقف غيـر وافـي=
يوم ولد الـلاش محـدٍ يلتفتلـه

مايسد اللازمـه كـود السنافـي=
لو رصيده صفر دورها وجتلـه

للحمول رجال والتعبيـر كافـي=
كل حبل ينعرف نقضـه وفتلـه

من يبي يشرب زلال الجم صافي=
مايوردها بـدون زنـود عتلـه

والزمان امان والدنيـا عوافـي=
والله الدايـم وغيـره ماصفتلـه

وله أيضاً


التجارب لها عند المجـرب مكـان=
والطبيـب المـداوي مانفعنـي دواه

علتـي مايبينهـا فحـوص وبيـان=
علتي من مشاكل ذا الزمان وغثـاه

كل مامد عشـري عودتلـي ثمـان=
ازرع الطيب والقى عكس ذلك جزاه

عند بعض العرب والا بعضهم تكان=
والتكانه على عيني وراسـي وفـاه

للمطاليق شان وللخراتيـت شـان=
وكل رجلٍ نميز طيبتـه مـن رداه

وله أيضاً


يامشاهيـر القصيـد وبراهينـه=
كلمة الشاعر على الشعر عربونه

شاعر ٍ مايعطي الشعـر تثمينـه=
يتركه للي يعرفـون مضمونـه

القصيد اليـوم كثـرة شياطينـه=
ناس يعلونـه ونـاس ٍ يوطونـه

والكلام اللي ماترجح موازينـه=
مايجـوز ان الاوادم يقولـونـه

مااخبل اللي يظلم الشعر وايهينه=
هيه ياللي تسرقونـه وتشرونـه

خلو تراث الغلا عنـد مغلينـه=
دام له ناس ٍ عن النقص يوفونـه

الذهب يعرف وتعرف مخازينـه=
غالي ٍ سوقه عليكـم ومثمونـه


حفظكم الله

مناور بن هاجد
23-10-2006, 02:02 PM
فالبداية لاهنت أخوي أبو شايع على الموضوع والفكرة الأكثر من رائعه
فعلا تستحق الإشادة
بيض الله وجهك يالسنافي
أما بالنسبة لي شخصياّ
من أجمل وأروع ماقرأت ولامست إحساسي وجااات بالصميم هذه القصيدة العذبه
للشاعر النداوي الكبير المبدع حسن الوطري

الا ياماضي الذكرى ليا مني نويت انساك=تصورلي معالمك القديمه في وسط عيني
تصورلي معالمك القديمه واللقا وياك=زمانن فات ماهو اليوم يومن كنت مغليني
انا لامن طرالي ما طرالي عنلّي ذكراك=تذكرت الزمان اللي مضا مابينك وبيني
زمانن قلتلي فيه العرب ياصاحبي تفداك=انا ياكيف ابسلا عنك من غيرك يسليني
ترا اقشر يوم عندي ذقتبه ياصاحبي فرقاك=عقب فرقاك شوف الهم يا المجمول طاويني
توديني هجوسي للمكان اللي تعرفه ذاك=ليا من عنّت الذكرى على جاله ترسيني
انا والله ماانسا يوم فيه اتمدلي يمناك=تعاهدني وعلى عهد الوفا ايضا توصيني
ولكن وقتك الاقشر مثل ما جابكم وداك=رحلت وزايد الاشواق والذكرى بقت فيني
اظنك شايف بعينك واظن العلم ما يخفاك=وش اللي يجيبني يمك وش اللي لك يعنيني
انا لا دكبي هاجوس سجيت القدم لحماك=تعنيني هجوس ولا نظرت الزول يكفيني
انا تكفيني النظره ليا شفتك تعد اخطاك=تحسبني نسيتك ما نسيتك انت نا سيني
الا ياماضي الذكرى ليا مني نويت انساك=ذكرت اللي مضالي ما مضا في ماضي اسنيني

للشاعر النداوي حسن الوطري
تحياتي وتقديري لك ولشخصك الكريم يابو شايع

عبدالله بن شايع الزهيري
14-11-2006, 06:08 PM
وهذه الأبيات للشاعر والنداوي الجزل / سعيد الفهري أحد فرسان الساحه في النظم والمحاوره .


يقول :



والصغّير كان مـا قـدّر الشيـخ الكبيـر=
ماتت الشيمه ويبس العصـب فـي كفّهـا
والمرّوه كان حبل الرجـا عنهـا قصيـر=
هلّـت دمـوع الفضايـل ولاحد(ن)جفّهـا
واعتراف(ن) بالمكانه وتحكيـم الضميـر=
يرفـع السمعـه مـن الهيّـنـه ويعفـهـا
والخوي والضيف فالسلم الاول والقصيـر=
واجـب نكـرم لحاهـا ونتبـع شفّـهـا
والمغفّل يحسـب ان الرحـا مـا تستديـر=
يقنـع عقـول المساكيـن ليـن اختفّـهـا

وله أيضاً :


الـمـوت مكـتـوب لارواح البـشـر مـــرّه=
فـي يـوم محـدود بالتـاريـخ والسـاعـه
والله مــا تــازن حيـاتـي وزنــة الـــذرّه=
وابيعهـا قبـل اقـول السمـع والطـاعـه
مــا دام بـاقـي حـيـاتـي كـلـهـا مـــره=
ومـــا دام للـظـلـم والطـغـيـان زرّاعـــه
مـا يرفـع الظلـم شجـب وفالبلـد فـرّه=
الصـدق نـصـرة لــوا بسـيـوف قطّـاعـه
مؤمـن بنـهـج الصحـابـه واتـبـع الـجـرّه=
روحي على كف ما ترجف من الراعـه
امّــا شـهـاده تـغـيـض ال*** وتـضــره=
والا حـيــاة تــسّــر الــحــق واتـبـاعــه
هــذا كــلام الشهـيـد محـمـد الـــدره=
طفل (ن)رصاص اليهودي نثّـر اضلاعـه
يـا معشـر المسلميـن الكبـد محـتـرّه=
الـى متـى نجـعـل الـسـلام شمّـاعـه
السبحـة اللـي طـوال الـوقـت منـثّـره=
لـمّــوا خـرزهــا وعـزّالـرجـل بــذراعــه
قال المثل لك من سـلاح الظفـر جـره=
جره علـى زمـرة الشيطـان واطماعـه
لو كل مسلم سلك في مسلك الدرّه=
تحـرر الـقـدس مــن شــارون واتبـاعـه

وله أيضاً :


ما يبيـن الطيـب الا فـي الشدايـد=في نهار يصير حملـك فيـه كايـد
يظهر الصنديد في صف الجماعـه=وينثبر من يشتري مـدح الجرايـد
ويسكت اللي بين خلـق الله علاقـه=ويعرف اللي في سبيل الخيـر ذايـد
والهجوس اللي على الموعد تجينـي=عاهدتني مـا تجيـب الا الجوايـد
لو اصوم من رمضان الى الضحيـه=ما افطر الامـن معاليـق الشرايـد
كل مـا هلـت مـزون العقربيـه=جـاد صنـدوق النـوادر والفرايـد
والشعر في ذمـة الشاعـر رسالـ=هتذكـره حتـى محاريـب المسايـد
شاعر الرسول حسـان بـن ثابـت=والامام الشافعي في الشعـر رايـد
ولاتـزال معلقـات الشعـر رايـه=للشعـر واهلـه وعشاقـه شهايـد
واناشعري مثل دمـي لـه فصيلـ=هلـه علاقـه بــا الفصيـلـهo+


حفظكم الله

عبدالله بن شايع الزهيري
17-12-2006, 05:46 PM
وهذه الأبيات للشاعر والنداوي الجزل والمحبوب / حسن الوطري



المعاني مثل روض اخضر وانا عساسه=
وكل دانه من نصيب اللي بده فالجهـا

ول يا طارٍ طرا فكـر المشقـا حاسـه=
قام يستدرج خيول الفكر لين اسرجهـا

يا هوى قلب المشقـا يارجـاه وياسـه=
ويا سبب بيت القصيد وحرفه ومنهجها

والله اني من غرامك شاربٍ من كاسـه=
مير مدري صحبتي وياك وش منتجهـا

يا وحيد الفكر يا همـه ويـا نبراسـه=
الجروح الداميه من غيـرك يعالجهـا

وله من ألفية الوطري



الثا / ثلاث اسنين ما شفـت خلـ ي =الصاحب اللي بالهوى صافـي لـي

عليـه عينـي كـل ليلـه تهـلـي =هل المطـر مـن مزنـةٍ عقربيـه

الجيم/ جاوبت الصدى بعد مـاراح =اللي بقالي منه ذكرى مـع اجـراح

الناس تحسبنـي بعـد ذاك مرتـاح =وانا جروحي وسط جوفـي خفيـه

الحا / حداني عن هوى البال حادي =البعد واقرابـه وهـرج الاعـادي

من يـوم قفوبـه وخـل البـلادي =راحت حياتي عقـب فقـده شقيـه

الخا / خليلـي ويـن ابلقـا مثيلـه =عنق المهـاة اللـي تقـود الجميلـه

مالي عقـب فرقـاه حيـلٍ وحيلـه =الله يرجع مـا مضـا اليـوم ليـه

الد / دواي من الثمـان المراهيـف =لا حاسدٍ شايف ولا صاحبٍ شيـف

ساعة زمن لـو كلفتنـي تكاليـف =ارتـاح فيهـا والليـالـي مـديـه


وله أيضاً :



ياللي تبون اليوم نظم القوافي =ترا القوافي ماتجي بالسهوله

لاصار قاف اللعب ماهو بوافي =اخيّر ترك اللعب عرضه وطوله

لا صار ما هو من صميم الخوافي =يصير مثل الهرج كلٍ يقوله

يااهل الحداثه والبيوت الضعافي =يا حيف ما فيكم نفوسٍ خجوله

الكل صار اليوم صقر النصافي =والشعر ينفا مثلهم وحبلوله

كلٍ يوراله وفيكم هرافي =يقول انا الشاعر ويشعب ذلوله

يصلخ ويطبخ والنتيجه عوافي =مافيه غير السان مع كبر زوله

واليا ذكر شاعر صدوقٍ سنافي =يقول انا الشاعر ولاني بحوله

عاري حقيقه ما لبس بشت ضافي =ومن الجهل يحكم ثمانين دوله



حفظكم الله

عبدالله بن شايع الزهيري
10-01-2007, 05:38 PM
وهذه الابيات للنداويه النقيه الشاعره / أبعاد التركي


يـارب يارحمـن ياعالـم خفيـات الضمـيـر=
يارافـعٍ سبـع السمـوات الشـداد بلاعـمـد

ياخالـق الدنيـا بقدرتـك العظيمـة ياقـديـر=
ياحـي ياقيـوم ياجـبـار يالـفـرد الصـمـد

ادعيك بسمائـك وسلطانـك تجيـر المستجيـر=
وتعيذ نفسي من عذاب الموت وكـروب اللحـد

ومن ساعةٍ يشيب من روعاتها الطفـل الغريـر=
ومن كثرة ذنوبي وتقصيري ومـن قـل الجلـد

وتشمل بعطفك والدي وكـل عبـدٍ لـك فقيـر=
انت الغني المعطي الوهـاب يـا واحـد احـد

يارب وان تاهت دروبي بين شر وبيـن خيـر=
رحمتك تاسع من طلب عفوك ومن صام وسجد


ولها أيضاً


ليت ذنبي غير فرقاك واستغفر واتوب=
كان ماخيّم بصدري من الفرقا نزاع

سقت قلبي من شماله وسيّرته جنوب=
كيف اوادع وانت اخذت المودّع والوداع

خافقن يلبس لك العشق والتحنان ثوب=
مارضالك بالمهونه ولا جاك بخداع

كل شي غير داعيك ماهو بمحسوب=
شمس ماتشرق بوصلك مهى ضى وشعاع

ولها أيضاً


سميت باسم الله يوم ان الرضا درب الفلاح =
وابكيت صدري من ذنوبي والخطأ كبل يدي

يارب جيتك من عنى قلبي وفكري مااستراح =
اذل واخضع يا الاهي وانتهي بك وابتدي

ارفق على عبدك وخذنى من مساليكن شحااح =
عجزت اصحيها على قبري وتدفن مو لدي

وعجزت من جرح اليتيم اللى غدا يتمه مباح =
يارب وش عذري اليا زليت واخطيت اجهدي

ناسن تعيش الموت في نبض الحياه بلا كفاح =
وناسن تموت وللحياه كفوفها صدرن ندي

ياصاحبي لاتنشد النسيان عن نقض الجراح =
دامي حفظتك حفظ منهاج الحروف الابجدي

والله ليفنيك احتضار الروح وعظامك صحااح=
واعيش في نبضك مثل حلم الخيال السرمدي

وان هل دمع ابعاد كل الكون لو يغريك طاح =
لا تامن الدنيا ولك قلبن يتوب ويهتدى

رح يافقيد الروح مالك في وسط عيني سماح =
والله يساامح عبرتن طاحت وغطتها يدي


حفظكم الله

نايف العويمري
10-01-2007, 07:56 PM
اخي عبدالله
اتحفتنا بجمال اختيارك
شكرا لك

بدر غازي
11-01-2007, 12:06 AM
إليا تواضعنـا بلشنـا بالاقـزام
واليـا تكبرنـا مـلام ٍ عليـنـا

لكن تعلمنا من صـدوف الايـام
من عقب جربنا ورحنـا وجينـا

اللاش مثل الصفر بحساب الارقام
حطـه يسـارك لاتحطـه يمينـا



انشهد انها ابيات يامحمد

ولا يهون شطرك اللي يقول


والموووت قدام المهونه هو الطيب






صح لسانك يالبناخي وهالقصيد ينشمي ولاهو غريبه عليك وانت من قبيلة الشعراء



اخوك

بدر غازي
03-02-2007, 02:47 AM
يطرى وانا جالس ثمانين طارى
وآقوم مدرى وين آباروح وأقعد


السليس مجرم ياجماعه

عبدالله بن شايع الزهيري
03-02-2007, 05:38 PM
وهذه الابيات للنداوي الجزل الشاعر / شجاع الاكلبي



ياناشدين المعنّا عن مراويحه=خلوني أسج حد الموت ماجاني

فجوج ربي بها للنفس ترويحه=خصٍ ليا علّها من المزن ودّاني

أحب شوف المها بالليل والضيحه=وأمد شوفي بعيدٍ وأترك الدّاني

وأمشي مع الذيب وأطفح مع مطافيحه=وياما طويل الحجا والرجم عنّاني

وأسري مساريه وأصبح في مصابيحه=وليافقدني تركني ماتحرّاني


وله أيضاً


بانشد العقال وأهل المعرفه والسلوم=عن كلامٍ صغته بناس هذا حالها
من برك للحمل وأزرا بحمله لايقوم=وش دليله يقرب احمول ما يحتالها
اخدعتني في كثير الرجاجيل الجروم=واثر حجم الجرم ماهومقاس أفعالها
جسمه الثالث مع أهل الغنايم والجسوم=الثلاثه والثلاثين له يكتالها
والحمول الكايده للزحازيح القروم=الذي لاثقلت احمولها تشتالها
الذي لاصحت فيهم يسدون اللزوم=عينةٍ جعل الولي يكثرمن أشكالها
عينةٍ لاشفتهم تنتحي عنك الهموم=جعل رب البيت يمهل لها فـ آجالها

وله أيضاً



الطيب ابدي له غلاي ومرامي=واللاّ ش ماله من ورانا مطاليب

ما في ضميري تعرفه في كلامي=والناس فيها مخطي الراي ومصيب

أنا أقبل الطيب رفعت العلامي=وناحرته بكل العلوم التعاجيب

ومن صد ماقير عليه منامي=وعلى المقفي ما نجرت التلابيب

قلبي على قطع الخرايم عصامي=أمشي خلا وأخاوي النمر والذيب


حفظكم الله

معيض بن صميع
26-02-2007, 11:06 AM
من أجمل ما قرأت لـــ راية الشعر



عزي 00لصدري يوم ألقيّه الهبوب وفلّته=لاضيّع الساري دروبه 00وأغطشو دليلته

وعزي لرجّالٍ تُحسّب في دفاتر زلته=وهو في نفس الوقت ما يُثنى على جميلته !!

وعزي لمن خلّوه ربعه والرجال أتولته=وعِّداه تدري عن كبر مجده وعن صميلته

وعزي لعودٍ له ثمان أشجار ولا ضلّته=ولا زرع غصنٍ سوى لثـّـمرته 00 وضليلته

تلاحق العود المرض 00وعيال راسه ملّته=أحدن ورى مصالحه 00وأحدن ورى حليلته

وعزي لمن وجهه وسيع وبطن كفه خلته=في قِل حالٍ والعرب ما ضّريو بقليلته ؟!؟

وعزي لرجلٍ ضِرب وسط السوق وخـّــذت سلته=واللي معه (شوفات) والقادح شعل فتيلته

يزهم على حرمته فى الموتر سلاح وتلته=ثم عوّدت والموت سيلٍ 00والعرب 00 ثميلته !

ردّت على رجّالها والريق نشف وبلته=ثم شلته فى اللي تساوا خطه وتحويلته


***


وش عاد باقي ماتغير ؟ والهموم أحتلته=الحزن لو يـُـحسب رجل 00فنا أنحسب قبيلته

أخوان 00وأبناء عم 00وحلوف 00وعِداء متفلته=أربع نماذج عالها قلبي وذا جت عيلته ؟

تلقى إن جملنا شلهم وألاربعه ماشلته=ألله يفشل ألاربع أللي ناويه فشيلته

داهم العصيمي
26-02-2007, 11:57 AM
وعزي لمن وجه وسيـع وبطـن كفـه خلتـه
في قِل حالٍ والعرب مـا ضّريـو بقليلتـه ؟!؟



ابن حمري


ماهوب صاحي يا جماعه

معيض بن صميع
26-02-2007, 04:32 PM
وعزي لمن وجه وسيـع وبطـن كفـه خلتـه
في قِل حالٍ والعرب مـا ضّريـو بقليلتـه ؟!؟



ابن حمري


ماهوب صاحي يا جماعه



يالبى قلبك ياداهم



والله العظيم هستر بي :)

النادره
26-02-2007, 07:59 PM
الوقت غربه واخر الدرب عنوان = والعمر رحله والتجارب رحايل
مرات ربك يرزقك خوة أنسان = واحد ويسوى في عيونك قبايل
عبدالله ما جد المنصورى


السلام عليكم


متصفح جميل ورائع وفيه من الأختيارات الجميله لأسماء راقيه

أخي سعد بن شليه لفت نظري البيتين الذي وضعت وهي ليست للشاعر الذي ذكرت

بل للشاعر المعروف حامد زيد وهي بيتين مشهوره من قصيده رائعه ومعروفه للشاعر


اتمنى أن أكون وضحت هذا الشئ


للجميع التحيه

عبدالله بن شايع الزهيري
03-04-2007, 05:59 PM
وهذه الأبيات للشاعر والنداوي الجزل والغالي / إبراهيم بن مريع .



الشعر جنة نعيـم أفكـاري المشتوتـه=والخفوق من الزمن ذاق العذاب ألواني
والمحاجر من وراها دمعـةٍ مكبوتـه=ودي أذرفها وعـزة خافقـي تقوانـي
كني أذخرها لنصر المنهـزم أو موتـه=انتصاره فرحه وموتـه يزيـد أكوانـي
ويوم جتني من رفيقي كلمـةٍ مفلوتـه=كنها تشرب من عروقي ولاتروانـي
والرجل يحكم عليه بهرجته وسكوتـه=والسراير ما تبين لكـل مـن خاوانـي
أتوقع مـن عـدوي طعنـةٍ موقوتـه=بس كيف اصدق انها من حدا الأعواني
ومن حسب زلة رفيقه رايتـه ملفوتـه=وانا والله ماحسبت إلا خطـا عدوانـي
يعترض لي في طريقي جاهلٍ وأشوتـه=البلا لا جاني اللي في مقـام أخوانـي


وله أيضاً



زمان ٍ يسوم المرجله من يدينا سوم=يقلّب روابعنا على كذب واغشاشي
فشوري علي اللي عاقلٍ في اللقاء شغموم= يروم المعالي ماحسب وشية الواشي
يجنب طريق اللاش ويحشّم المحشوم=ولاينبش اسدوده على كل نبّاشي
وانا ماكوى قلبي ولا حط فيه وسوم = يكون الجميل اللي يروّح على ماشي

وله أيضاً


تذكرت من حبه جعل في الحشا امية حرق=وليف(ن) على طول البطا ما تناساني
هو اللي مكانه عن جميع العذارى فرق=وهو من يفرحني وهو مصدر احزاني
سرقني هوى المجمول عن حب غيره سرق=خذا خافقي واقفى دخول المسياني
غلاي الرياض وحاجتي شرقت بي شرق=عسى الله يقرب دار مكحول الاعياني
وأنا لا برق من صوب نجد العذيه برق=تزاحم بصدري عبرة تلوي لساني

حفظكم الله

سعد بن شليه السبيعي
27-04-2007, 08:46 AM
ماانساك لو تنسى رغد ذكرصدام=ولو البشر تحول بينك وبينـي !!
النادره

سعد بن شليه السبيعي
27-04-2007, 09:05 AM
واسقا الله يوم حن بدو في ذاك الربيـع =والبيـوت مشرّعـاتٍ علـى عمدانـهـا
الغنم والذود تسـرح وراعيهـا وديـع =والمفالي خضـر والغيـل فـي وديانهـا
وأن ضوانا الليل نجلس على الملّه جميع =ونتهاداى مـن علـوم الرجـال سمانهـا
النجر يلعـب بصوتـه ودندانـه يذيـع =والدلال اللـي نجـي بالقـدوع وزانهـا
السوالف والتعاليـل والخاطـر وسيـع =والحياة اللـي بشـور السعـد عنوانهـا
السلـوم الوافيـه والعوايـد ماتضيـع =بينّـا يـوم البـداوه عظـيـمٍ شانـهـا
للشجاعه والكـرم عندنـا قـدرٍ رفيـع =والأمانه لو يمـوت الفتـى مـا خانهـا
والحقوق اللي نوصي بها حتى الرضيع =للخوي والجـار والضيـف كـلٍ صانهـا
الشهامـه والوفـا نشتريهـا مانبيـع =ونتفاخـر بالمراجـل مــعَ فرسانـهـا
وإن دعانا الصوت جينا كما السدّ المنيع =فـي نهـار المعركـه نحتمـي حدّانهـا


عبدالله ابن شايع

عبدالله بن شايع الزهيري
03-05-2007, 06:55 PM
وهذه الابيات للنداويه النقيه الشاعره / معاني الشوق



يوم الأحد ليلة الاثنيـن لـي ونّـة=
أتلهـا تـل دلـو البيـر سقمانـه

الله مـن حنـة ياقـوهـا حـنّـه=
جريتها من عروق القلـب وجعانـه

كني على صالي الوهاج يـوم انّـه=
أحرق فؤادي وصدري نار شعلانـه

ضيقً عرفته أبـد مايختلـف ظنّـه=
وحلمٍ رأيته ومنه العيـن سهرانـه

أعوذ بالله مـن هالضيقـه ومنّـه=
هليت دمعي على الخديـن جزعانـه

صكات في دنيتي لوعـات منجنّـه=
والجرح ينزف حزن وأعصاب تلفانه

أصلي وأبكي وحالي مـادروا عنّـه=
سجادتي من دموع العيـن رويانـه


ولها أيضاً


ملي عيني بالليالي ياسهيل=
.....من لذيذ النوم ماذاقت كرااااه
آآه واويلاه من قلبي عليل=
.....ياكبر همي على ربي جزااااه
كيف أبرقد داخلي جمر ومليل ؟=
.....أنكوى قلبي على ربي شكااااه
هل دمع العين والعبره تسيل=
...مــثــل وبـــل الــغـيـث يــوم الله نشااااه

ولها أيضاً


دكتور أنا وضعي من العام منكوب =
.. (والعين عيت لاتنام الشقيه)
الدمع من موق النظرين مسكوب=
.. كنه هليل مزون وسم الحويه
صدري من الضيقات والهم معطوب=
.. ضلعي كسير وعلتي داخليه
الناس غاشيها عن الحق حاجوب=
.. وقلوب مرضى ياشفاعة نبيه


حفظكم الله

سعد بن شليه السبيعي
29-05-2007, 10:32 PM
هذه ابيات اعجبتنى لشاعر مشبب العاصمي


الخوافي تبيّن مـن نضيـح اللسـان=وكلمة السو يلقا من حَكَـا سوّهـا

والحكيـم يتمهّـل قبـل فـوت الآوان=قـبـل نفـسـه تـنـدّم ليتـهـا لـوّهــا

]

عبدالله بن شايع الزهيري
10-06-2007, 06:18 PM
وهذه الابيات للشاعر الغالي والنداوي العزيز : سعود القت .




فاقتي نبنوب ذربات المثايل = مهتوي للي تذير من قفرها
عن واسراجها يجلى الغلايل = من صدور وقتها جار وعسرها
لركمت في مهجتي مثل المخايل = يبهج عروش الحشا وابل مطرها
تدحم لهم على قلبي تكايل = ابترم بعروق قلبي لين اسرها
ساعده حظ مدى الايام مايل = نايم له ظل نخله ما وبرها
في زمان يشدي الجرف المهايل = والنفوس المرهيه تشبح نظرها
والفقر بين العلا والرجل حايل = كم رجل رام حاجه ما قدرها
واحترام الذات من ضمن الفضايل = جيد عرق الغرسه يبين بثمرها
جمرة الغليون والا الشك زايل = من قدح شرارة لحقه ضررها
من يكب الفرض ويصل النفايل = لو بغى يستر عيوبه ما سترها
تندهش همة عريبين السلايل = يوم نبت الني ينهش في ظهرها
ولو تعرضنا لسكة كل عايل = كان باتت لولة البحر ابحرها

وله أيضاً


مديت شوفـي فـي تخاتيـخ دنيـاي = في ساعةٍ تصعـب علـي النكوفـه
وليا الهدف ضوحه ورا شوح مرماي = والرجـل لا قلّـط يثمـن وقـوفـه
تشابهت عنـدي عوانـي واعـداي = وبان الخيـال اللـي تداحـم قنوفـه
سنـدت لخطايـه وقلطـت يمنـاي = وطقيت ناتـوش النـدم والحسوفـه
من لا بفكره يفتـل وينقـض الـراي = لا بـد مـا تبـدي عليـه الكلوفـه
وجنبي متين ويلحق الجمـة ارشـاي = يموح عضـدي محتـري للمروفـه
آخذ مـن دروس التجاريـب لقـداي = مثـل ماقالـوا بالحداثـة بـروفـه
ابرم رحاة الصعب لا عمست ارياي = من لا وطا رمضا المراجل تطوفـه
ادرا الخوي والجار من لظو رمضاي = وعيني عجف رفاقتـي مـا تشوفـه
احرص على اللي رفقته غاية ارضاي = وان عضني وقتي بسط لـي كفوفـه
ولا انخدع في برقةٍ تكبـح إخطـاي = وجهٍ صحاح ومبطـن الغـل جوفـه
واللـي يعاملنـي علشـان مخبـاي = وليـا ابتهـج قفـا بنفـسٍ شحوفـه


وله أيضاً



الامل خطوة ضيا وان طال صار الياس رحمه = والصبر فيه الفرج وان زاد يفقدك العزيمه
والضمير اللي شرب ياس الحياه وضيّع اسمه = ارتوى من مرها واخفى علامات الهزيمه
دافن(ن) همه ورا حدبه ومبدي شبه بسمه = خوف لا يصبح لهاة فمي عشاق الشتيمه
العباد اللي ضرمها الشمت ولغوجاه حدمه = فاختت وجه الصحيح وصار له قدر(ن) وقيمه
تمتطي مطية الشيطان وتقاسمه قسمه = ما عضاها وعر دربه في هواها مستهيمه
تستغل الغافل من الناس في تمرير هجمه = سجلو منه الهدف والخصم ما قابل خصيمه
تلبس العظم السليم جبارة المكسور عظمه = صافي النيه خطا والمخطي بنيه سليمه
يابداية فج ضيي وله لو لضي نجمه = ميلة الايام صلفه مسني وبالجو غيمه
انفهق وجه الحقيقه صابه من الوقت عتمه = جاز للرديان والطيّب سعر جوفه ضريمه

حفظكم الله

عبدالله بن شايع الزهيري
01-09-2007, 06:08 PM
وهذه الابيات للشاعر الغالي والنداوي العزيز : ناصر الأحمري .



سبحانه اللي ماتنام عيونه = اللي عباده كلهم يرجونه
استغفره واسبحه واخضع له = واطلب رضاه وفي الشدايد عونه
ومرضاة شيباني يسهلها لي = حيث انها بعبادته مقرونه
وان يسّر الله طلبتي واعطاني = فاصعب صعيب بعدها ياهونه
كل العقد لو طوّلت منحله = حتى لو رماح الزمن مسنونه


وله أيضاً :


بيوت القصيد جداد وأفكارها درّاس = جديد الفِكَر جنبت عن دربها مرّه
قصيد الحكم والمدح ومباركة الأعراس= وقصيد المراسل والهجا كم لي آجرّه
وباب إرحم الحبّيب ياشمعة الجلاّس= كفوني به العشاق ماوالله آمره
ولو عودت في سوق وأعرض ذهب ونحاس = وهذيك محمره وهذيك مصفرّه
فبيت تضمن ذكر ربي ونصح الناس = يزن من قصيدي حول خمسة عشر درّه
فلا يالله إني عايذٍ بك من الوسواس = ومن شر ماحبّب ومن شر ما كرّه
أنا داري إن الناس ماهم سوى وأجناس = فذا راعي البكره وذا عالم الذرّه
ولكنّ تقوى الله هي الفرق والمقياس = مع إن ذا ولد قينه وهذا ولد حرّه
فيا أيها الناس إستعيذو من الخناس = وللدين عودو وأجمعو كل منثرّه
يا أحفاد ابو القاسم ومصعب وابن عباس = لخير البشر جره فسيرو على الجرّه
كتاب الله وسنة محمد تروها الساس = وذا الساس في الدنيا هو العين والقرّه


وله أيضاً :


وإذا راس مال التاجر النقـد والمشـروع=فأنا راس مالي مرعـزي فـوق بسّامـي
وإذا كلّ حبّة خشـم تلقـح بحبّـة كـوع=فمن حب كوعه صار في خشمه عْرامـي
كذا حكمت الله تجعـل الحايمـات وقـوع=ولافرّقـت هـذا يمـانـي وذا شـامـي
دروس الزمان الصلف من كل صنف ونوع=وطامي خذا سحمي وسحمي لحق طامـي
وبابـك يانجّـار البلـد نعرفـه مخلـوع=ونعرف نظـام ومِصـدره ماهـو نظامـي
ولكن بشـر كـلٍ ولـه منهـجٍ وطبـوع=وخير الدوى من لذعـة الميسـم الحامـي
ورى كلّ غلطه مطبعيّـه خطـا مطبـوع=وبيض الورق تشره على روس الأقلامـي
أنا آقفّل الموضوع والاّ أفتـح الموضـوع=إشارتـك يـا سبّابتـي تحـرج إبهـامـي


حفظكم الله

سعد بن شليه السبيعي
13-09-2007, 07:03 PM
موطئ قدم رجل الرسول الشريفة=تسوى بلاد الشرك واهل الدانمارك



سعود الردعان

عبدالله بن شايع الزهيري
09-10-2007, 02:01 PM
وهذه الابيات لشاعر المعنى والنداوي العزيز : عبدالله الطلحي .



قال المثل من سار في الطرقه وصل=واللي يريد النايفه يرقىلها
والنايفه دايم على قمة جبل=تختار من بين الجبال طوالها
كم عشت مابين السعاده والملل=رحله لها غايه وانا رحالها
بغيتها بالهون جتني بالعجل=وورتني الدنيا وشفت احوالها
وش عاد لو إنا سكنا بالفلل=وإلا تحت شجره يميل ظلالها
ننزل بدارٍ غيرنا فيها نزل=ومن قبل ننزلها رحل نزالها
ولابد مانرحل سواة اللي رحل=وعيالنا تحكي الخبر لعيالها
واللي تمدّيه الليالي في المهل=ويصارع ايامه وسود ليالها
لابد بعد العلم يرجع للجهل=وخزاين اسراره يفك اقفالها
ماضيع إبن آدم كما طول الأمل=ولاطوّل الآجال طول آمالها
نعمل بهالدنيا وإذا حان الأجل=نفس الفتى مرهونةٍ باعمالها
في ساعةٍ فيها حساب ولاعمل=توزن خفاف أعمالنا وثقالها

وله : أيضاً


صباح الخير ياللي صلاة الصبح مبداه=وقبل إشراق نور الصباح اشرق جبينه
جلس من عقب صلى يسبّح في مصلاه=يشع النور وجهه وتغشاه السكينه
لقيته تنظم الذكر والتسبيح يمناه=مثل نظم الجواهر عسى تسلم يمينه
نظمها في يمينه وجمّعها بيسراه=وتبسّم بعد حاز الكنوز براحتينه

وله أيضاً :


ترى الوقت مايعطيك متعه بلا ثمن=ضياع العمر لابد تدفع قسايمه
وبكره تلوم الوقت وتقول غرني=ومن وين لك صبرٍ يقاوم هزايمه
زمان الرخا حلوٍ طعامه ومشربه=يغر الفتى لامن غرق في نعايمه
ينسّيه وشلون المراره وطعمها=ويغفل ويحسب حلو الأيام دايمه
والإنسان في حاجه لهمٍ يذكره=ونفسٍ بلاهمٍ في الأحلام هايمه
ووقت الشقا كلٍ يذمه ويكرهه=لكنّ التجارب والحكم من غنايمه
يبيّن لك الصاحب ويكشف لك العدو=ويمكن يوريك الفتن وين نايمه
وللصبر مامثله معلم ومدرسه=وخريجها تطلع قويه عزايمه
حفظكم الله

عبدالله بن شايع الزهيري
29-12-2007, 05:00 PM
وهذه الأبيات للشاعر والنداوي الجزل / عبدالرحمن بن بديع



الناس والدنيا 0منازل بـلا سـاس=رحيلهـا وان طولـت مقتفيـهـا
ومن هي رصيد له تواليه لفـلاس=وبيموت ماشاف الغنى من حديهـا
هذي هي الدنيا 0وهذي هي الناس=خسران من علـق هقاويـه فيهـا
غرارة ٍ فيها الرجا كنـه اليـاس=حتى ولو جـادت فمنهـا واِليهـا
اللي يلاقي وجهه الشيـن ينـداس=واللـي يلاقـي زينهـا يهتويهـا
كم من رفيع ٍ خلته يرخي الـراس=وكم من وضيـعٍ خلتـه يعتليهـا
يشوف فيها العاقل اشكال واجناس=يزهدبها 0ويراقـب اللـي يليهـا
وله أيضاً :


العمر يمشي ويطوي ويوم بعـد يـوم=وان قضا ماينفع الشخص جهد ٍ يجمعه
الجمايل دايمه 0والمناصـب ماتـدوم=والكفو لو يندفن مااندفن ذكـره معـه
وان نصيت الطيّب اللي له العليا تروم=وجهه وجاهه وحالـه ومالـه يدفعـه
لازهمته قال حاضر تريـح ومخـدوم=والردي حتى ولو قالها صـد ودعـه
الردي ماقسمه الا من اهزال القسـوم=غير قالوا كان ماطاعك السوق فطعـه

وله أيضاً :


ياحسرتي ياما مضـى مـن سنينـي=والله يستر لايجـي الطـاق مطبـوق
اللـي مـن الله كاتبـه فـي جبينـي=سبحانه اللي دبر الرزق مـن فـوق
امـن العـدم لـو اتوسـد يميـنـي=في ذمتي ماهييـن نفسـي لمخلـوق
وكرامـةٍ منـهـا تـعـدا يديـنـي=والله ماحظـاهـا ولا اذوقـهـا ذوق
ووالله ماجـي واحــد ٍ مايبيـنـي=لو كان يلحقني من الوقـت ملحـوق
ولاني وراء غرات ربعـي ادوينـي=وادخل على الله ماعرف الغدر والبوق


حفظكم الله

إحساس الغروب
19-01-2008, 04:02 PM
فكرة جميلة جداً


أبيات من قصيدة نشاد للمبدعة أبعاد التركي
والتي أرى إنها تكتب بأحساس عالي
وأبداع لا يوصف


دريت انه لغيري واقتنعـت ولابقـى مقعـاد
تفارقنـا ويامكثـر غـلاه وكثـر تقصيـره


خذا كل العمر واقفى بلاعـذر وبـلا ميعـاد
وانا قفيت ما والله في قلبـي سكـن غيـره




كل الشكر لصاحب الفكرة

إحساس الغروب
19-01-2008, 05:03 PM
أبيات جميلة جداً من ثورة حزن للشاعر محمد بن حسان



أحيان أرتّـب جملتـي وأرجـع أحتـاس
وألقى حروفـي بعثـره وأجمـع حكـاي




أضماك وأشرب غيبتك وأكسـر الكـاس
وأتبع سرابك .. وأرتجي شربـة المـاي

صدى الرحيل
12-02-2008, 08:59 AM
موضوع قيم وراائع
سأعود من بعد التصفح
شكرا يابن شايع

صدى الرحيل
02-03-2008, 08:41 AM
سافرت ناوي أترك الضيق لحظات
لقيت طيفك بالسفر محترينـي.?!
حاولت أببعد عن خيالك مسافـات
الله حسيبك وين مارحت فينـي.?!
غيرك نسيته ماطرى كل حـزات
الا أنت دايم بالدقايـق تجينـي.?!

لــ مناور بن هاجد

وجد
18-03-2008, 10:19 AM
موضوع رائع

لاهنت اخي

هذه أبيات اعجبتني للأخ الشاعر الرائع\ قديم الشوق


دامـك معـي تحـرم عليـك الاهـانه
.................... والـلــي نـواك بضــر والله لضــّره


سـرك حفظتـه مثـل حفظ الأمـانه
.................... وقدرك رفعتـه فوق حبـل المجـّره

دوك امسـكي قلبـي وشـدي عنـانه
.................... وانتي ترى في اللي تسوين حــّره

وعمري خـذيه اليـوم عنـدك رهـانه
.................... ودامـــــه رهـيـن يـديـك لـلـه درّه

ميــانـتـك أكــبـر مـن ايـــة مـيــانه
.................... حـتـى لـو ان اغلى الأوادم تشــّره


تحيتي

عبدالله بن شايع الزهيري
28-04-2008, 01:07 PM
وهذه للرائع / سالم بن جخير



يالله انك تستر الحال وتعز الفقير = يامعين الصابر اللي على الشده صبر

يامغيث المستغيث ومجير المستجير =من عذابك مالنا لا مكان ولا مفر

جعل تسقى قبور الاجداد بالوبل الغزير =وتصبح القيعان من حولها عشب وزهر

يوم كان الناس للناس والدنيا بخير =والبدو منهاجهم غير منهاج الحضر

ويوم كانت شبت النار فالثلث الأخير= والدلال الصفر والنجر وبيوت الشعر

ياوجودي وجد شيخن قضى عمره كسير =لابرى جرحه وكسره جبر ولا جبر

كان قايد جيش والموت لامن جا يغير .=ايتحزم للثنادي وضربه فالصدر

لين جاته ضربة الغدر من كف الحقير= سود الله وجه راعى الخيانه والغدر

وين ابلقى لي رفيقن على الشده نصير =لا نخيته صار زبده مثل زبد البحر

لاتعزوى سل سيفه وطلوح بالجفير =وقال وين ؟ وقلت لعيون براق النحر


الى أن قال :


راكب الي كن جنحانها جنحان طير =كنها حرن تعلى عن القاع وشهر

اسبق من الصوت وامضى من السيف الشطير =واسبق من السمع وابعد من حدود النظر

واثقل امن طويق واخف من حب الشعير =واللطف امن الورد واقسى شوي من الصخر

شوفها غير .. وركوبن على الكشنات غير =ولا بغيت الجد كنك تمشى في قصر

ليت عباس ال فرناس شاهدها عصير =كان ماخاطر بنفسه وحاول وانتحر

كلها هيبه وعزه وتطمح للأمير =ماتجي عند الخرافي ولا عند الصقر

لا استدارت كن ذا الكون كله يستدير =ولا استقامت تسحر عيون وقلوب البشر

ولا اعلن الكبتن وقال استعدوا للمطير =شلعت في رمشة العين وبلمح البصر

من ديار العز والطيب والخير الكثير =انطلقنا من الكويت وهبطنا في قطر

جيت من واقع محبه ومن قلب وضمير =لجل عين اللي غلاها تمكن واستقر

في شراييني وقلبي وفكري والنظير =كل ماطولت عنها يجي دمي فقر

واتفقنا فالمحبه وتقرير المصير =واختلفنا في المبادي و وجهات النظر

ماهقيت ان المحبه تبي دهنات سير =لين قالت " ويش ابي فيك ياوجه الفقر

كان تبغيني على طول يا سالم جخير =لا تعزوى بالعذارى وحسكات الوبر

خيلا الحرشا بصوتن يشيب بالغرير =ارس ياقلب المعنى و وقف ياشعر

واهني الي من الحب قلبه مستخير =ما اشتعل قلبه من الحب لين اصبح جمر

والمحبه تشعل القلب نبضات وسعير =كلها حزن ومعاناه واشواق وسهر

والمحبه كنها الحزن في وجه الأسير =لاقضى صبره ودمعه على خده حدر

والمحبه كنها العلم في وجه النذير =لا ارتفع صوته ودقت مزامير الخطر

المحبه حمل والحمل في ظهر البعير =والبعير شعيل يااما رغى ولا هدر

والمجرب في المحبه يسمونه خبير =يستشيرونه ويعطي مواعيظ وعبر

وان ذكرت العلم الأول بقى العلم الأخير =حالفن ممشي ورى النفس والقلب الخضر


الله يرعاكم

عبدالله بن شايع الزهيري
11-06-2008, 01:16 PM
سعيد بن مقبل للــه دررررررررررره
يقول




واحد صديقٍ لي تجوّز وحدةٍ متغطرسه= حاول يعَدّلها ولاكن فشْلت المحاوله
قال اعطنا ياصاحب الافكار حلٍ ندْرسه= يوم انك مسوّي على كل الحلول مقاوله
قلت الهوى ياصاحبي ماهوب شيٍ تفْرسه= ان جاز والا اترك بلنتيّه وطنّش فاوله
قد قلت لك منذو البدايه لاتجيب مدرّسه= ولا استمعت لكلمتي كنك من النخـا...
واليوم عان الكنز عندك حاول انك تحْرسه= والا ترا بيجيك من يقْلب عليك الطاوله
انته تبي جني الثمر والغرس مانت بتغْرسه= ويوم استوا البستان ودّك تاكل الفراوله
ماجيت طابور الصباح ولا اتعبك دق جْرسه= لكن تبي تالي الشهر شيكٍ يجيك مناوله
لاياطويل العمر خصمك شايبٍ ما اشرسه= والله انه ابعد لك من المندق ومن لاطاوله
الشايب اللي تو بنته قبل عامٍ معْرسه= ماغمضت له عين من يوم الهنوف مشاوله
واليوم ودك تاخذ الصفري لحالك تمْرسه= هذا الكلام اللي على طول الطويل مطاوله

عبدالله بن شايع الزهيري
09-08-2008, 06:06 PM
وهذه الابيات الجميله للنداوي القدير : سعد بن مناحي بن شفلوت



واعنا قلب ٍ من الوقت عيّـا لايطيـب =الضـروف أحتدتـه والهمـوم أحتلّتـه

بين راس ٍ مايسلّم وحـظ ٍ مايصيـب =ياكثـر ماعـزّرت بالضميـر وملّـتـه

اشهد انها شيّبت بي قبل وقت المشيـب =غلطة ٍ هـزّت ضلوعـي وقلبـي تلّتـه

وأتظاهر بالسلامه وأنا قلبـي صويـب =وأجتهد في مسح دمـع ٍ عيونـي هلّتـه

وكل جرح ٍ للدوى يمكن انّه يستجيـب =البلا فـي الوقـت عيّـت تـداوا علّتـه

وأن نويت أجحد وأكابر ياذاك أني طبيب =أستجد الجـرح والوقـت غيّـر ملّتـه

مابقى للصبر طاقه ولا للطيـب طيـب =والسكوت أصبح وجوده يشابـه قلّتـه

وش يفيد الصمت والصد مايرضي قريب =شَلّتـه سـود المشاريـه والاّ خَلّـتـه

جعل ظني في قلال البصايـر مايخيـب =عالـم ٍ لاشافـت الطيـن زادت بلّـتـه

دمت لي ياهاجس ٍ لازهمتـه مايغيـب =من هجوس ٍ لانـوت بالقصيـد أندلّتـه

خابرك لاصرّم العلم والموقـف صعيـب =تنثني فـي شـف قلبـي وتحمـى حِلّتـه

اعسف مهار المثايل وجيب اللي تجيـب =من خفوق ٍ جاد هيضـه وفاحـت دلّتـه


حفظكم الله

عبدالله بن شايع الزهيري
09-08-2008, 06:10 PM
وهذه الابيات للنداوي المميز : محمد السالم



غزالة النوم صبّي النوم في عيني =تعبت أنشّر رسائل طيفك الهارب



مطوية السهد ؛ تمليني عناويني = حالي مثل حالها في وضع متقارب



كينونتي هاجرت من شط تكويني =وانا ضلوعي تجدف دشة القارب



مرّت نوارس على الساحل تعزيني = تابينهم ماذرى ما يدسم الشارب



ماعاد في صوتهم شيٍ يسليني = الكل مغلق وحزني بابه موارب



واللّي بدأ عمرهم من ناقص سنيني = قدني على ضيمهم متعود ودارب



أمد حبل الوصل والهجر يطويني = من يوم صار الحبل يلعب على الغارب



صملان ضيمي تجدا رعشة يديني = وانا لهم نخلةٍ وغيابهم كارب




حفظكم الله

خالد البحيري
01-09-2008, 04:49 PM
يعطيك العافيه يابوشايع