القناعة كنز وانت اغلا عطا / ياجعل عمرك على الطاعة طويل

صبحكم/مساكم الله بالخير

مشاركة لتجديد العهد بأعضاء المنتدى الغالي والعزيز علي .



يا قصيدي ما انت للهزله دليل
ولا انت فابياتك مثل حطاب ليل

تبدع الجزله و ترفع شانها
وعن كثير الهرج تغني بالقليل

يابن شاهر جيتك بعلمٍ(ن) وكاد
ياخليلٍ(ن) مانبدّله بخليل

اشهد انك للخوي عز وسناد
و للغريب بعز ضيقاته مقيل

و للخطا لك عينٍ(ن) تغض النظر
و للطناخه والوفا فيك الحصيل

كيف لا والطيب ساسك والفخر
واشهد انْ عبدالكريم (إ)بها كفيل

منبعك سنحان موت المعتدي
و الحريب تجرّعه ذل الذليل

و الخوي فينا يشوم ويعتزي
و لا ادبرت الايام ريفٍ(ن) للدخيل

كيف لا من صرت لي عون و ذرا
اشهد ان مالي بهالدنيا قِبيل

ان حصل مني خطا منْك العذر
والعذر منّك علي عده جميل

يا سنادي والعمر لاجلك فدا
لك على كل العمر باب وسبيل

القناعه كنز وانت اغلا عطا
يا جعل عمرك على الطاعه طويل


وسلامة من يقرا