الدليهي

مساء الخير ومرحبا بالجميع

ابيات متواضعة في اخي الشاعر والإعلامي حمد الدليهي الخالدي

الدليهي منبع الشعر ومقره
ماخذ قسمه مع الشعار وافي
إن هجا والا مدح والا تشره
ياخذ الجزلات ويكب الضعافي
وإن نزل صوب البحر يأتي بره
وإن ورد مايشرب إلا كل صافي
صفقو لأبو سعد لله دره
المحيط اللي بلا شط ومرافي
السوالف لو تعرض ماتغره
لابس بشت الشعر والبشت ضافي
وماخذ في المعرفه كره وفره
وإن بغا حط العسل سم زعافي
حط له فأكثر بقاع الأرض جره
جرة ماهي تدمرها السوافي
جر صوتك ياوسيع العرف جره
من تبين يابني خالد يشافي
والنظر خله على حد المجره
والسلف مردود والدعوى عوافي
والوفاء بين الخوالد وال مره
كافيٍ والطيب والتقدير كافي