من تغريداتي على تويتر

الميت اللي يرتجي نفعة الحي / يكشف رصيده عند ربه ومولاه
@ ان كان ماقدم بعمره ولاشي / يجزى بمثل اللي مع الوقت سواه

(حمد السحيمي)

ذكّر ترى الذكرى تفيد المؤمنين / يالله عسى الذكرى لوجه الله تليق
@ بكره صلاة وجمعة للمسلمين / اللي لهم مع ربهم عهد وثيق (
حمد السحيمي )

ماكل من يمشي معك دوم يغليك/ ان كنت ماتدري فهذي مصيبه
@ ياكثرهم وقت الرخى من حواليك / وياقلّهم وقت الامور العصيبه
( حمد السحيمي )

لاتصدق من يقول انك ذكي / انت تعرف نفسك وتعرف مداك
من يصدق له غبي يصبح غبي / كيف تجهل طيبك وتجهل رداك
( حمد السحيمي )

نخاف من ساهر يسجل علينا / ونغضب ليا شفنا فلاشات ساهر
@ وننسى ذنوب ترتكبها يدينا / واكبر مصيبه بالمعاصي نجاهر

حمد السحيمي )

يقولون لا تتبع سوى واحد مشهور / وانا اقول كل طيب ساس نطرب له
@ ترى كلنا للشعر وترى كلنا جمهور / واذا ما توحدنا بتلعبنا السبله
(حمد السحيمي)

من باب كم اللي معاك يغردون / كم واحدٍ مشهور كم واحد حلو
@ انا هنا وارد مع اللي ياردون / واللي يبي ينهل يسوي لي فلو

( حمد السحيمي )


اليا اشتهرت وصار لك بينهم صيت / الله يعينك في كثير التراحيب
@ مادام راسك بان لااقبلت واقفيت / اصبر ولا تامن لضرب المشاعيب
( حمد السحيمي )

ياسعود ماني والغزل بنتوالف / راعي الغزل يبغى ونيس يسلي
@ اقولها والحلف مانيب حالف / اخاف اجي ياسعود واجيك كللي
( حمد السحيمي )

الحلم سيد والمقادير هي هي / وراس الحكم مخافة العبد مولاه
@ لحظه ؛ قبل ماتنفعل بطلبك شي / قل : لا اله الا الله استغفر الله
( حمد السحيمي )

ياطيب السيره وياذرب الاطباع/ متابعتكم عندي اكبر اطماعه
@عساك ما انته من عنا الوقت ملتاع / وعساك صليت الفجر في جماعه
) حمد السحيمي (

هني اللي تدارك وأدرك الجمعه / وسمع قول ان ذكرتوا الله يذكركم
@ حمد السحيمي

الله يجمعنا باحبتنا بخير/ بامر الاله الواحد الفرد السميع
@ حنا قريب الفجر والثلث الاخير / وش رايكم ندعو لموتانا جميع
(حمد السحيمي) RT.2


وش له تقول اني مجرب ومخبور @ مدحك لروحك والله انه سماجه
/ منتب على هذي مكلّف ومجبور/ العوُد من كذبك عقد لك حجاجه
( حمد السحيمي )

والله انه مايهبط لك عزيمه / كود لا جاء واحدٍ حطم شعورك
( حمد السحيمي )”

أنا هنا ياصاح : مجموعة انسان / قل: لي. وش اللي ضايقك يوم مني
@ ازهمك وارسل لك واناديك يافلان/ وانته تصدد يا ابيض الوجه عني!!!
(حمد السحيمي)

اللي يزود بالحطب نار الفتن / علٌه يصالي. في حياته حرّها
@لاقلت زانت يالربع ساعة زمن / شفت العفن في جنبها ويكرّها
( حمد السحيمي )

عشنا وشفنا في زمنا هوايل / والله واعلم وش بقا ما نشوفه
@ الخوف لا تبدي نجوم القوايل / والكل منا لاهي في ضروفه
( حمد السحيمي )

شاعر ولك شهره ولك قلبٍ فطين/ بس انتبه مع وادي الغي اتغدي /
شفني رغم طول الليالي والسنين / مازلت احس أني غريب ومبتدئ
( حمد السحيمي )
البنك عيا يستعيد البطاقه / يقول منتهيه وجدد هويتك
@ بين وبين موضفينه صداقه/ كل تعذر قال : صعبه مهمتك!!
( حمد السحيمي )

أنالي سنه ماشفتك راسك يابو سنطوب/ولا بان لك زيله ولا شفت لك خشه
/حلالاه من يلقا على حضرته عذروب/ وانا داري انه لو لقا شي ما خشه
حمد السحيمي

ياحضرة جناب المحترم والمدير العام / ابي لي ثلاث ايام اجازه رصيدٍ لي
/ تكرم ووافق لي وحقق لي الأحلام / أبا زور مكه والحرم وسطه اصلي
/حمدح

لايغرك من تعرفه في الحياه / ولاتعده لك صديق الا اذا
@ جاوبك صوتك وسمع لك صداه / ونفعته تمسح من عيونك قذا
( حمد السحيمي )

والله لو ماني على الدين محدود / اني فلا اطلب من رفيقي عطيه
@ وقتي عسرني واصبح الحيل مهدود / والله يفرجها عليه وعليه
( حمد السحيمي )

نصيحةٍ تشرى وبهديها بلاش / للي مثل حالي تعلق في سهم @
كب القيادي عنك وادخل بالخشاش / ترى القيادي للسيوله يلتهم
( حمد السحيمي )

بعضهم زعلان ما ادري وش بلاه / مامدحته يوم سوولي لقاء
@ والله أني مادحه هو وزملاه / لين شفته من على اكتافي رقا
( حمد السحيمي

حاجه ولا ابغى غيرها يا الهي / عفوك وغفرناك اذا اذنبت واخطيت
@ عبدك يسج وعن عبادتك لاهي / وانا اشهد اني فالخطأ كم تماديت
( حمد السحيمي )

مثلك وشرواك مالي به لزوم /والله ان مطاوع مثلك خبل
@ لو تحاول بالدفاع وبالهجوم / ( من قرصه الداب روعه الحبل )
حمد السحيمي

نشدتها وشفيك قمتي ترجفين / قالت صراحه والله اني خايفه
@ طفله برئيه عمرها اربع سنين / في نومها مدري وشنهي شايفه
( حمد السحيمي )


قريحتي ذالليل عيت لا تهيض / والنفس من جور الليالي قافله
@ بقولها كلمه وبالخط العريض / ياسِعد من قدم لربه نافله
( حمد السحيمي )

باختصار اسمع كلا مي يا مليح / ﻻتغرك ضحكة السن الخجول @ ( اليد اللي تنهضك عند المطيح / اصدق من اللي تصافحك الوصول ) حمد السحيمي

مالك معي يا ابن الاجاويد مصلوح / لا تمتحني كل يوم رساله @ صحيح ماني زين لاشك مملوح / وعيني على العليا وكسب الجزاله ( حمد السحيمي )

الشايب اللي دمعته فوق خده / على سريره له زمانين مشلول @ هذي فعول عياله المستبده / خلوه كنه زايد البيت منطول ( حمد السحيمي )

انشد عن احوالك عسى عمرك مديد / اهم شي انك بخير وعافيه / أنا على خبرك ولا عندي جديد / وأغني الطاروق وزن وقافيه ( حمد السحيمي )

ليا عدت المريض افطن لحاجه / بسيطه لكن انها معنويه @ تخير من علومك مايسره / ولا تهبّط عزيمته القويه ( حمد السحيمي )

ياشاعرن ماتعترف بالجماهير / ماتدري انك جيت منهم واليهم @ اللي عتو لك من بعيد المشاوير / اقل حاجه قم وسلم عليهم ( حمد السحيمي )

ليا كثرهرج الرجل سموه بالثرثار/هذور المجالس لا هرج قلة ثمرته @ نصيحه ليا صادفت لك واحد هذار/تحذّرمنه وابعد عن الداب وشجرته (حمد السحيمي )

اشوف الذمم بالسوق تشرى وتنباع / وهذاك جالبها وهذا شرها \ اثر كل ماعون بما فيه نباع \ وحنا على الطيب ترانا شراها ( حمد السحيمي )

يازينها لا قمت بدري وصليت / وقبل الصلاة امعنت في سورة الكهف @ وبنفحة الايمان للقلب بليت / لمرضاة ربك خاطرك ملتهف لهف ( حمد السحيمي )

لو هو بكيفي كان طلعت مرسوم / ان الردي يمنع يشيل البطاقه @ ويصبح وجوده من على الارض معدوم / لو هو قريب لي ومن أدنى الرفاقه ( حمد السحيمي )

لاكثرة همومك وكبرة مشاكلك / خلك من الله يالبنادم قريب @ ولوالدينك اجتهد في تواصلك / وابشر بحظك طاب والفال طيب ( حمد السحيمي )

غلطة الجنب الموالي ماترقع / مستقره بين دقنك والشوارب @ وش توقع تاليتها وش توقع / ينتشر بالعايله سم العقارب ( حمد السحيمي )

كا نك تبي كلن يحبك ويغليك / لغلطة خويك لازم انك تحمّل @واليا دعيت أحضر ووجب لداعيك / ولا اعتذر عذر سمين يجمّل ( لـ حمد السحيمي )

اعتذارك في محله وشرواك معذور @ (لحية ماتقبل العذر ما تستاهله) /انت رجل فالمواقف مجرب ومخبور @ علم اللي في سلوم القبايل جاهله ( حمد السحيمي)