Aldleahy - - Twitter

بسحب سفيري ياحبيبي واشارعك
طاحت مواثيق الغلا واتفاقه
مظاهرات القلب جابت شوارعك
مثل السعوديه واِيران العلاقه

فتش بْصــدري وانتبه للأمـاكـن
افتح عــيـونك زين لاتقــول مدري
مافيه غيرك يوجد انسان ساكن
انت الوحيد اللي مهيمن بْصدري

يضيع عند الرجال حقوق

يشره على الهيل فنجاله

ماعاد وسط المجالس ذوق

كــــلٍ مـدنـــق بْجــــوالـه

اشوف راسي مْصدع فيه مثل الحراج
صاير ازعاجه يشابه طقطقة منجره
راجعت قسم الجراحه والبطن للعلاج
وعيادة الانف معها الاذن والحنجره
قالوا عرفنا علاجك وانت صاحب مزاج
قلبك تعلق مع اللي بالهوى زنجره

فيني فراسه والذكاء ماهوب طيش
والنفـس من بعض الاوادم قارفه


وجه الاصيل يبين من وجه الكديش
هـذا قبل ينطــق وهـذا عــارفه

يامـاخذ القلب منـي حيـل
مافيه غيرك على ذوقي
طيفك يجيني بْنصف الليل
يقلط واقهويه من شوقي

لاتلتفت صوب بعض الناس يافيصل
اللي ماهو معطي الواجب ولا واصل
وقت الشدايد يروغ ودوم متنيصل
اللي سواته ماهو في ماسعى حاصل




رد - فيصل
النادر اللي مثل قافك على ايصل
ادوّره والتفت لجله ونتواصل
والا الرّدي ياحمد له ضربة الفيصل
إلين ياخذ عن اعلوم الرّدى فاصل

في عالم الواتساب عندي فلسفه
والفلسفه مضمونها وجهة نظر

اللي مايفهم كان ودك تعسفه
مْن دون ماتفكّر عطه سفط وحظر

خذيت درس ودرس من بعض الاشخاص
نـــاسٍ هـواهـا بـــالمــحــافـــل تـــرزز

المعــرفة مــعهـم علـى الـعـام والـخــاص
طـــال الــزمــن والا قـصــر مـاتَـعــزز

http://youtu.be/x29X8Dq_J5c

شيلة نجوم برنامج المجلس كلمات
حمد الدليهي اداء المنشد مبارك الدوسري

نجوم برنامج المجلس حوار شعراء
فيه القصايد يصح لسان من قالها
الهزل مافيه فيه الجزل درس خبراء
تركيبة الشعر بالمعنى سما فالها
والنقد عالي وشاد اللي يشوف وقراء
والسالفه من سمعها صار يصغى لها
اللي تبثه قناةٍ ماتراجع ورى
الكل مجد لها الصحراء على افعالها

لاصرت جازم في حياتك تْخاوي
خاو الذي بالوقت يرفع مقامك
تــرى قلـيل المعــرفه مـايســاوي
نفخة هواء ومرافقتهْ انعدامك

قالـت فمــان الله قـلـــت الســــلامـه
تفرش لك دروبك من الـورد تجميل
والصـبر مـاهزت صـروحه حمـامه
روحي وقلبي في عزومه قوي حيل

ليت الزمن يرجع ورى عشرة اعوام
قـبـل السـناب وقبل طـفـرة تـويـتـر
محدٍ يراسلني على الخاص والعام
واكتب جديدي في سطور الدفيتر

ممشى على غير رغباتي يجي ضدي
خسـران منهـو يجـامل عــكس رغباته

قالـت فمــان الله قـلـــت الســــلامـه
تفرش لك دروبك من الـورد تجميل
والصـبر مـاهزت صـروحه حمـامه
روحي وقلبي في عزومه قوي حيل