إعـــــــلان

تقليص
لا يوجد إعلان حتى الآن.

قصيدة الشيخ والفارس (( فراج أبن ريفه القرقاح ))

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيدة الشيخ والفارس (( فراج أبن ريفه القرقاح ))

    [poem=font="Simplified Arabic,6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
    قال ابن ريفه بدا في المرقب العالـــــي =بأعلا المراقيب تومي به هبايــــــــبها

    مايدهله كود صافي الريش والوالـــــــي =والا الولع يوم يفنك في عجايبــــــــــها

    هيضني الرجم وانا من اولٍ سالــــــــــي =لهم على القلب ديران شطـــــيت بـــــها

    يامرقبٍ جاك من الأمطار همالـــــــــــي =إنصوب صيف من المنشا يهــــــل بــــــها

    لهم عليه أشدوق الثفن لاسالـــــــــــي =وعطفة طريب ليا زافت جوانـــــــــــبها

    لما غدا الفيض كنه زرع عمالـــــــــــي =سيله من القدم للبطنان ناهــــــــــبها

    كم مرةٍ قد نزلنا عشبه المالـــــــــــي =ببيوت لامن وزا المجرم يلــــــوذ بــها

    نبني بيوت بعراف وجهــــــــــــــــالي =وأن جاء النذر من حفيف مانرث هـــــبها

    بعوال مفلح وهم حماية التالـــــــــــي =بمصقلات عطيبات ضرايبـــــــــــــــــها

    صبيان قومٍ تحل المنجم الخالــــــــــي =كسابة المدح حماية ركايـــــــــــــبها

    ربعي عبيدة وأنا من حربهم جالـــــــــي =هل صبحه في الضحى تشعى كـسايبــــــــها

    وأنشد عبيدة هل الطالات من حالـــــــــي =وأنشد الاجانيب يوم إنا نقـــــــــاربها

    من هو يقلط على فرش وفنجالــــــــــــي =سعد أبن عمه لياجاته مكــــــــــــاربها

    لما غدا بين نقاض وفتالـــــــــــــــي =وصفوا ألاجانيب وأذته بطلايـــــــــــبها

    عديتهم ثم نسفت ابهم على الجالــــــــي =نسف الدلي للمعدي صوب جـــــــــــاذبها

    فأن كان ربعي نسوني ماني بغالـــــــــي=بأعيش في ديرةٍ قفرٍ جوانبـــــــــــــها

    عسى هل الشين مايبقى لهم تالـــــــــي =وأهل سلوك الردى يارب تذهـــــــــــبها

    واللي رفيع وللشطات حمالـــــــــــــــي=أرفع نواصيه يا ربي وقطـــــــــــــبها

    أنا من الخبرة اللي شورهم عالـــــــــي =واما هل البخل بأمر الله نجــــــــــنبها

    ياراكبٍ من على اللي مشيها إرمالـــــــي =مامونةٍ يرفع الهلان غــــــــــــــاربها

    تزهى السفايف وتزهى الخرج وحبالــــــــي =ومجرب لا سرا في الليل صالـــــــــــبها

    حي الطويله وحي اللي شراها لـــــــــــي =من واحد جابها للسوق جالـــــــــبها

    شريتها في الدهر يوم ارخص الغالــــــــي =بميه وعشرين ما يمهل بغايـــــــــــبها

    حديدها وأذكر الله كنه ريالــــــــــــــي =كن الحيايا تطوى في مقاضــــــــــــبها

    بنة غراها زبادٍ عند دلالــــــــــــــــي =والا طموح هواء الغربي يلاعـــــــــبها

    لي بندق ماصنعها الصانع التالــــــــــي=من دقة المــرك نحالٍ خشايبـــــــــــها

    عطوا الطويله عريب الجد والخالــــــــــي=وابن الردي لا تخلونه يزول بــــــــــها

    بيدي قرارٍ تكف الجمع لأنهالـــــــــــــي=طويلةٍ ناحلٍ مقدم خشايبـــــــــــــــها

    أضرب بها الوعل لامنه تهيا لـــــــــــي =أبوحنية كبير الراس شـــــــــــايبـها

    لا ثار بارودها الا العود متالــــــــــي =منها الرياي ا مقطعةٍ نشــــــــــــايبها

    ضربت عشرٍ بها والفى مامالــــــــــــــي=والحاديه روحت تثلغ مضاربـــــــــــــا

    آقف مع لابتي وأمنع بها التالــــــــــي =لاهاب ولد الردي ماعاد يزهـــــــــــبها

    اليا لفونا من المقناص زعالــــــــــــي =أحدٍ مدح بندقه وأحد يعـــــــــــذربها

    بشرتهم بالعشاء من عقب مقيالـــــــــــــي =والقايدة من مرد الكوع ضــــــــــاربها

    واسرح بها في السحر مانيب كسالـــــــــي =وكم جملةٍ فرقت منها ربايــــــــــبها

    يالله وأنا طالبك حمرا هوا بالـــــــــــي =حمرا من الجيش طفاح جنايـــــــــــبها

    لاروح الجيش حادية اشـــــــــــهب اللالي =لاهي تروح وسيع صدر راكبــــــــــــها

    اللي على كورها واللي بالحبالــــــــــــي =واللي على عيزها واللي بغاربـــــــــها

    لاروحت مع تخاتيخ الخلا الخالــــــــــــي =كن الذيابة تنهش من جوانبــــــــــــها

    وأستغفر الله وحده فوقنا عالـــــــــــــي =وحطيت في حفرة رزوا نصـــــــــــــايبها[/poem]
    [poem=font="Simplified Arabic,6,#F0F0D8,bold,italic" bkcolor="undefined" bkimage="images/toolbox/backgrounds/10.gif" border="double,4,#400000" type=1 line=1 align=center use=sp num="0,#400000"]
    الله يحيي طلتك يالنداوي طير حوران=أنا أشهد أنها طلةٍ تسعد القلب الحزيني

    من عقب مقياضك وأنا خاطري حرصٍ وشفقان=حالت تصاريف القدر بالنيا بينك وبيني[/poem]

  • #2
    سيف


    صحت يمينك ولا هنت يالكفو


    بارك الله فيك وفي جهدك


    ورحم الله بن ريفه
    [poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
    الكفو عثرة لسانه تقلـل مـن غـلاه =والردي يخطي ويبطي لا منه ولا عليه
    والثقة قصر ركونه تنومس من بناه =والحكي لو نزه الدنس ما دنس نزيه [/poem]

    [align=center]فلاح القرقاح[/align]

    [align=center] (( ديـوانـي المـرقـابي ))[/align]
    [align=center](( ديـوانـي أبيــــات ))[/align]
    [align=center] qahtani@acs.com.sa[/align]

    تعليق


    • #3
      ابو بندر

      لا هنت على النقل

      والله يرحم بن ريفه

      تقبل تحياتنا كلنا ياللي في السعوديه


      مشهووووور...

      تعليق


      • #4
        المشاركة الأصلية بواسطة عبدالله ابن شايع القحطاني
        سيف


        صحت يمينك ولا هنت يالكفو


        بارك الله فيك وفي جهدك


        ورحم الله بن ريفه



        ارحب يابو شايع

        ولاهنت على حضورك الماسي

        وافي وافي لاعدمتك

        تقبل من بحر كل التحايا
        [poem=font="Simplified Arabic,6,#F0F0D8,bold,italic" bkcolor="undefined" bkimage="images/toolbox/backgrounds/10.gif" border="double,4,#400000" type=1 line=1 align=center use=sp num="0,#400000"]
        الله يحيي طلتك يالنداوي طير حوران=أنا أشهد أنها طلةٍ تسعد القلب الحزيني

        من عقب مقياضك وأنا خاطري حرصٍ وشفقان=حالت تصاريف القدر بالنيا بينك وبيني[/poem]

        تعليق


        • #5
          الشاعر سيف آل سلمان


          الله لايهينك يابوبندر وعسى الله يعطيك العافيه


          مجهود رائع تشكر عليه


          والله يرحم فراج بن ريفه



          تقبل تحياتي واحترامي
          al-askar111@hotmail.com



          [poem=font="Simplified Arabic,5,#FF2600,bold,italic" bkcolor="" bkimage="" border="double,4,#400000" type=2 line=0 align=center use=ex num="0,#400000"]
          من صاحبي زلته لاجات امشيها=اما على حشمته والآ لشيبانه


          اطا عليها ولا كني بموحيها = واصد عنها وابرر غلطة لسانه


          واحسب عواقيبها والله يعديها = من خوف لايدري الحاقد وشيطانه[/poem]

          تعليق


          • #6
            اخي سيف

            لا هنت على النقل

            والله يرحم بن ريفه


            لك اجمل تحياتي

            اخوك
            س
            ع
            د
            لا قريت بعض القصائد تذكرت قول الساخر :

            يا راكب ٍ من عندنا فوق كرتون
            ........................................... يمسي ويصبح ما تعدّا مكانه !


            [align=center]ديــــــوانــي [/align]
            [align=center] saad.alhamdan@hotmail.com[/align]

            تعليق


            • #7
              [frame="1 80"]

              اخوي الغالي بحر

              بيض الله وجهك على هذا التوثيق

              بلا شك ان هذه القصيده انتشرت في الفتره الماضيه انتشار النار في الهشيم وذاع صيتها وصيت شاعر غفر الله

              وتعتبر من ارقى وامتع القصائد

              صح الله لسانك ولسان قايلها وغفر الله لكم جميعا

              لك الشكر والامتنان على ايجادها هنا كامله

              تقبل التحيهه والتقدير

              اخوك

              ابو نايف[/frame]

              تعليق


              • #8
                الاخ سيف
                سلمت يمينك
                وبيض الله وجهك
                ورحم الله ابن ريفه برحمته

                تعليق


                • #9
                  بحر








                  سلمت والله سلمت








                  رائعة من روائع الشعر سلمت على إيرادها


                  لمشاهدة ديواني

                  تعليق


                  • #10
                    يالله وأنا طالبك حمـرا هـوا بالـي
                    حمرا من الجيـش طفـاح جنايبهـا

                    لاروح الجيش حادية اشهب اللالـي
                    لاهي تروح وسيـع صـدر راكبهـا

                    اللي على كورهـا واللـي بالحبالـي
                    واللي على عيزهـا واللـي بغاربهـا

                    لاروحت مع تخاتيخ الخـلا الخالـي
                    كن الذيابـة تنهـش مـن جوانبهـا


                    الله الله قصيدة من اروع واجزل القصائد

                    الله يرحم شاعرها و بيض الله وجهك على اتحافنا

                    تحياتي

                    اخوك

                    تعليق


                    • #11
                      تسلم ولاهنت يابحر

                      اختيار موفق

                      الله يعطيك العافيه

                      من باب التوضيح حبيت اوردها كامله تقريباً

                      مع اني اتوقع انها موجوده في المنتدى

                      لاعدمتك




                      [poem=font="Traditional Arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
                      ‘‘ ‘‘ ‘‘

                      قال ابن ريفه بدا في المرقـب العالـي=باعلى المراقيب تومـي بـه هبايبهـا
                      ما يوصله كون صافي الريـش والوالـي=والا الولع يـوم يفنك فـي عجايبهـا
                      عديت في مرقبي مانيـب كسـالـي=اخاف مـن خبـرة باحـت مزاهبهـا
                      يامرقبي جـاك مـن الامطار همالـي=قنوف مزن من المنشـا يهـل ابهـا
                      هيضني الرجم وانـا داله ٍ سالـي=وذكر على القلب لارض اللي ربيت ابهـا
                      ذكر عليه رجوع الثفن لا سالـي=وعطفة طريب ليا زافـت جوانبها
                      لامن غدا الفيـض كنـه زرع عمالـي=وسيلـه مـن الوسم للوديان ناهبـهـا
                      كم مـرة قـد رعينا عشبـه المالـي=وبيوتنـا لاوزا المجـرم يـلـوذ بـهـا
                      نبني ببيـوت بعــراف وجهـالـي=وانا جا النذر مـن حفيـف مانزهبهـا
                      بعيال مفلح وهم حماية التالي=بمحول صلفات عطيبات ٍضرايبها
                      وسيوفهم من عرق لايدين نحالي=في مقدم الراس بيّنت مضاربها
                      وربعي عبيده وانا من حربهم جالي=هل هية في الضحـى تشعـا كسايبهـا
                      انشد عبيده هل الطولات من حالـي=وانشـد لاجانيـب يـوم انـا نقاربهـا
                      منهـو يقلـط علـى فـرش وفنجالـي=وسعد ابـن عمـه لياجاتـه مكاربهـا
                      لامـن غـدوا بيـن نقـاض وفتـالـي=وصفوا الاجانيب واشتدت طلايبهـا
                      عديتهم ثم لفحت بهـم علـى الجالـي=لفـح الدلـي للمعـدي صوب جاذبها
                      وانا من الخبرة اللـي شورهـم عالـي=واهل سلوك الـردي يـارب تذهبهـا
                      واللـي جليل وللصعبات حلالي=ارفـع نواصيـه يـاربـي وقطبـهـا
                      قم يانديبي على اللي مشيهـا ارمالـي=مامونة يرفع الهولان غاربها
                      تزهى السفايف وتزهي الخرج وحبالي=ومجرب لاسرى فـي الليـل صالبهـا
                      وتقرّب المبتعد من روس الامثالي=مايشتحن من هل العيرات راكبها
                      لا روحت مع سباريت الخـلا الخالـي=كـن الذيابـه تنهـش مـن ترايبهـا!!
                      ملفاك من يلبسـون الجـوخ والشالـي=ربعي ودرعي وضـد اللـي يحاربهـا
                      ملفـاك شيـخ القبيلـة حامـي التالـي=عند ابن شفلوت يالمرسول قربهـا
                      هو مزبن اللي نصاه وحده الجالي=الكايده عادته يطلق نشايبها
                      قل له على طالت المدة وانا جالـي =عشر سنوات مضت بحساب مقطبها
                      فان كان ربعي نسوني ماني بغالـي=باعيش فـي ديـرة قفـر جوانبهـا
                      في ايدي قرار تكـف الجمـع لانهالـي=طويلـة ناحـل مقـضـب خشايبـهـا
                      حي الطويله وحي اللي شراهـا لـي=مـن واحـد جابهـا للسـوق جالبهـا
                      مشرية في الدهر يوم ارخص الغالي=بميـه وعشريـن مـا يمهـل بغايبهـا
                      حديدهـا واذكـر الله كـنـه ريـالـي=كـن الحيايـا تطـوا فـي مقاضبـهـا
                      بنت غراهـا زبـاد فـي ايـد دلالـي=ولا طمـوح هواهـا مـن يلاعبـهـا
                      اقف بها دون ربعـي وامنـع التالـي=لعيون ملحاً تباريها جنايبها
                      واسرح بها في السحر ماني بكسالي=وكم جملة فرقت منها ربايبها
                      اضرب بها الوعل لاجاد لـه تهسالـي=ابـو حنيـه كبيـر الـراس شايبـهـا
                      يازين ضرب بها في منجم خالي=تلقى على عقبها من دفق شاربها
                      وليـا لفينـا مـن المقنـاص زعالـي=أحـد مـدح بندقـه وأحـد يعذربـهـا
                      بشرتهـم بالعشـا مـن عقـب مقيالـي=القايـده مـع مـرد الكـوع ضاربهـا
                      عط الطويله عريـب الجـد والخالـي=والاّ الردي لا تخلونـه يـزول ابهـا
                      ويالله وانـا طالبـك حمـرا هـو بالـي=لا روح الجيـش طـفـاح جنايبـهـا
                      لا روح الجيش حاديه اشهـب اللالـي=لا هي تـورد وسيـع صـدر راكبهـا
                      اللي على كورهـا واللي بالاحبالـي=واللي علـى عيزهـا واللـي بغاربهـا
                      ورجوا من الله عسى الايام تصفالي=في تالي الوقت تصفى لي مشاربها
                      تمـت وصلـوا عـدد ماهـل همالـي=علـى نبـي شـروع الحـق رتبـهـا
                      اغفـر ذنـوب الفتـى يالله يـاوالـي=لا جيـت فـي حفـرة رزوا نصايبهـا

                      ‘‘ ‘‘ ‘‘ [/poem]
                      التعديل الأخير تم بواسطة سعد بن مناحي بن شفلوت; الساعة 01-10-2006, 06:32 AM.

                      تعليق


                      • #12
                        الاخ .....بحر

                        لاهنت وبيض الله وجهك

                        على النقل الطيب

                        تقبل تحيات

                        اخوك
                        fmanr@hotmail.com

                        تعليق


                        • #13
                          المشاركة الأصلية بواسطة مشهور الخيّال
                          ابو بندر

                          لا هنت على النقل

                          والله يرحم بن ريفه

                          تقبل تحياتنا كلنا ياللي في السعوديه


                          مشهووووور...



                          ارحب يابو فارس

                          وعيدك مبارك ... ولاهنت على الحضور الماسي

                          وكل عام وانت بخير
                          [poem=font="Simplified Arabic,6,#F0F0D8,bold,italic" bkcolor="undefined" bkimage="images/toolbox/backgrounds/10.gif" border="double,4,#400000" type=1 line=1 align=center use=sp num="0,#400000"]
                          الله يحيي طلتك يالنداوي طير حوران=أنا أشهد أنها طلةٍ تسعد القلب الحزيني

                          من عقب مقياضك وأنا خاطري حرصٍ وشفقان=حالت تصاريف القدر بالنيا بينك وبيني[/poem]

                          تعليق


                          • #14

                            عسى هل الشين مايبقى لهـم تالـي
                            وأهل سلوك الـردى يـارب تذهبهـا


                            واللـي رفيـع وللشطـات حمالـي
                            أرفع نواصيـه يـا ربـي وقطبهـا


                            عطوا الطويله عريب الجد والخالـي
                            وابن الردي لا تخلونـه يـزول بهـا


                            ((يالله وأنا طالبك حمـرا هـوا بالـي
                            حمرا من الجيـش طفـاح جنايبهـا ))



                            لاروح الجيش حادية اشهب اللالـي
                            لاهي تروح وسيـع صـدر راكبهـا


                            أخوي سيف

                            لاهنت على النقل
                            اختيار طيب يالطيب

                            رحم الله ابن ريفه وجميع موتانا وموتى المسلمين
                            تحياتي لك
                            [poem=font="Simplified Arabic,6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
                            سافرت ناوي أترك الضيق لحظات=لقيت طيفك بالسفر محتريني.?!
                            حاولت أببعد عن خيالك مسافات=الله حسيبك وين مارحت فيني.?!
                            غيرك نسيته ماطرى كل حزات=الا أنت دايم بالدقايق تجيني.?![/poem]
                            شعر: مناور بن هاجد



                            [align=center]للتواصل:
                            munawer_80@hotmail.com[/align]



                            تويتر
                            MunawerBinHajed@

                            تعليق


                            • #15
                              المشاركة الأصلية بواسطة هادي بن عسكر
                              الشاعر سيف آل سلمان


                              الله لايهينك يابوبندر وعسى الله يعطيك العافيه


                              مجهود رائع تشكر عليه


                              والله يرحم فراج بن ريفه



                              تقبل تحياتي واحترامي

                              مرحبا ومسهلا يابو مبارك اسعد الحزات مرورك

                              لاهنت وتقبل تحيات بحر
                              [poem=font="Simplified Arabic,6,#F0F0D8,bold,italic" bkcolor="undefined" bkimage="images/toolbox/backgrounds/10.gif" border="double,4,#400000" type=1 line=1 align=center use=sp num="0,#400000"]
                              الله يحيي طلتك يالنداوي طير حوران=أنا أشهد أنها طلةٍ تسعد القلب الحزيني

                              من عقب مقياضك وأنا خاطري حرصٍ وشفقان=حالت تصاريف القدر بالنيا بينك وبيني[/poem]

                              تعليق

                              يعمل...
                              X