معايده واحتفائية بالشاعر عبدالله بن عون ( تقرير صوتي مصور )

بسم الله الرحمن الرحيم


السلام عليكم ورحمة الله وبركاته


كل عام وانتم بخير

مع اطلالة عيد الفطر السعيد

نحييكم ونتقدم لكم بخالص التهنئة والتبريكات ويسرنا ان نقدم لكم هذه الاحتفائية

لقامــة شعريــة كـبـيـرة وعـلـم مـن أعــلآم الشعر في الخليـج

ولا أعتقـد بأن هـنـاك من يجهل عبدالله بن عون

ومن باب الإعـجـآب بهذا العملاق وتلبية لطلبات الزوار أحببت أن أضـع بين ايديكم الموضوع

وأعلم يقيناً بــأن ما سيُقدم _ بإذن الله _ قليل ولا يفي عبدالله بن نايف حقه


الشاعر / عبدالله بن نايف بن عون الرويـس العتيبي
هذه الشيله الصوتية الحصرية من كلمات ابو نايف في الشيخ سلطان بن خليل بن قرمله

[poem=font="Simplified Arabic,5,#240E93,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
راكب اللي لالامسته تنهض للمطير = ما يصده دون الاقلاع غير الفرمله
يتجه مع دايري الرياض المستدير = ناحر ريف اليتاما وغيث الارمله
مايجنب لين ياقف على باب الأمير = والهدف كله سلام على ابن قرمله
الأمير اللي مجاله مع العالم شهير = ما يقارن عود الأزرق بعود الحرمله[/poem]


[rams]http://www.alnadawi.com/realaudio/garmala.rm[/rams]

للإستماع اضغط مفتاح التشغيل وللحفظ اضغط بزر الماوس الأيمنوحفظ باسم من خلال الرابط ادناه

http://www.alnadawi.com/realaudio/garmala.rm


قصيدته المشهوره ولأول مره بصوت ابو نايف


يامل قلب يسج وفيه دولاجه

(( مدققه ومنقحه من الأخطاء الاملائية - حسب ما القاها شاعرها ))

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يامل قلب يسج وفيه دولاجــــــــــــه =من هاجس بالضمايرقام يدرجـــــــها

في معزل عن جميع الخلق وازعاجه =ما اسمع من الناس لوتكثر لجـالجها

ماغير اهوجس تقول مضيع حـــــاجه =وآخذ واسند على روحي واهرجــــها

وادوج لوكان مارجلي بدواجــــــــــــه =ادلّه النفس لين الله يفرجـــــــــــــها

يالله يالي بيدك الضيق وافراجــــــــه =ياخالق الخلق ياقاضي حوايجـــــــها

ابرج لعين الذي أغفت بســــوهاجه =تجهز عليها الطواري لين تزعجــــــها

بالصدر ضيقه ونوم العين هـــــملاجه =عينن من العام والسهر متولـــــجها

نوب سهرها شديد ونب نهاجـــــــــه =ومر تكن الدموع ومر تزعجـــــــــــــها

عليك ياللي بقلبي كن وهاجـــــــــه =وهاج نار هوى الغربي يسارجـــــــها

راعي ثمان تشاد اللولو لعاجـــــــــــــــه =كن البرد يوم يضحك في مفالـــــجها

ياروح روحي وجرح القلب واعلاجـــه =الطف بحال عليك الهم ساهجــــــها

قلبي يناجيك بسلوب الهوى .. ناجه =يشكي لك الحال داخلها وخارجـــها

اما التفت له وتم الوصل بمواجـــــه =والا بلا عشرة هذي نتايجـــــــــــــها

وش ينفعك من حنين القلب وخلاجه =وجروحن اسبابها انت ولا تعالجـــها [/poem]

اضغط على الرباط ادناه للأستماع

http://www.alnadawi.com/realaudio/bi3oon-dolajah.rm

صور خاصة لبو نايف مع عدد من الاعلامين وكبار الشخصيات والمسئولين


ابو نايف يتسلم درع التكريم من الشيخ مشعل بن جاسم بن ثاني



ابو نايف وحديث خاص مع الزميل الشاعر حمد بن فطيس وشاعر المليون محمد بن فطيس


ابو نايف مع الزميل الشاعر حمد بن فطيس وشاعر المليون محمد بن فطيس والاعلامي حمد العزب


ابو نايف مع محدثكم انا ...


ابو نايف مع ابنائه مشعل وسعود وابن اخيه سعود


ابو نايف على منصة الشعر ويبدو حمد بن محسن النعيمي مديرا للأمسيه



ابو نايف مع ابنه الزميل مشعل


ابو نايف مع ابنائه ويبدو الزميل الشاعر جهز العتيبي يتوسط الحضور


ابو نايف مع الشيخ خالد بن حمد ال ثاني خلال افتتاح معرض ريم الفلا


ابو نايف يوقع سجل الزوار في معرض ريم الفلا بدولة قطر


دره من درر الشعر

اليكم هذه القصيده
وتأملوا في صدر البيت وعجز البيت وكيف ثبت ثلاثة احرف - ( و . أ . ت )

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يالله ياقادر على بعـث الأمـوات=يا جا علاً بيـن الأوادم تفـاوت
وغير التفاوت بالهياكل والأصوات=أرزاقهم و عقولهـم ماتسـاوت
يارب الأرض و يابديع السماوات=فرق هواجيسـاً بقلبـي تخـاوت
وابرج العيـنٍ ماتهنـا بغفـوات=دايم تشاوتها الطواري مشـاوت
وروحٍ يلايمها من الهـم لقـوات=هذا لها أكثر من سنه ماتشـاوت
وقلبٍ يخمنه هواجيسـه أفـوات=مثل الطيور الجارحـه لاتهـاوت
خطراً بعد قلوا إرجال المـروات=يلذع كما تلذع فيـوز الكتـاوت [/poem]

قالها الشاعر تحدي بينه وبين محصان الشيباني من اللي ذوده يسبق الثاني
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
عسى السحاب اللي على كان يافهيد=من غرب يجتاحـه ريـاحٍ بشـده
وأليـا تقافـا كنـه الريـم شريـد=ما يعترض ممشـاه ريـحٍ تصـده
أبيـه يطمـن يـم دار الأجاويـد=وأول هماليله علـى سـف جـده
ويمتدله من سيـف جـده تماديـد=ويركد هواه أليا قرب من مصـده
شمال من جـده لحـزم الجلاميـد=وجنوب من جده شـروره تحـده
مدة كريـمٍ مـال جـوده تحاديـد=واليا عطى ما يقـدر أحـدٍ يـرده
وابيه يسقي نجد من غيـر تفنيـد=ما كفتـه ريـدا إلـى المستجـده
واليا غدا لأرقـاب نبتـه عناقيـد=مافيه ألذ من الرخـا عقـب شـده
يطيب كيف مخـازرات المفاريـد=الللي لهـا بقلـوب أهلهـا مـوده
وان صادفت محـدار وألا مسانيـد=دايـم وهـي للأولـه مستـعـده
وان صار محش جنوب والا تواعيد=والا هجيـجٍ يتبعـه طـول شـده
محصان عندي سبقته كنهـا العيـد=ونبـا نعدلهـا مـن اليـوم عـده
بوضحٍ تباري كنها ذايـر الصيـد=ما تقضـب المقطـاره المسمهـده
اللي يجيـك مزايـده فيـه تزويـد=أن زاد زدلـه وأن تراجـع تعـده
واللي يوسد حامض العلـم توسيـد=معاد اله مشروه لـو جـاه ضـده
الله علـى قـدام بعـد وتباعـيـد=من يقضبه فـي سهلـةٍ مجرهـده [/poem]

وهــذي من قصائــده المشهوره
ولها مجارات من الشاعرين
سـعـد بن جدلان الأكلبي ، ومحمد بن عـبّـاد السلولـي
قصيدة عبدالله بن عون

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
شعتني علوم الصيف وارقلت للمسناد=ولاعاد يعذل واحـد طافـح شبلـه

آبي عبلة ضافي عليها كما السجـاد=ديار يرود عدودها من يحـب ابلـه

ولاعاد لي من يوم سال الشفا مقعاد=عتيبي وداري فوق ونحيتـي قبلـه

مادامه وكد لي سيل وادي قليب عناد=انا ويش يحرمني شفا نجد والعبلـه

ابتبع هوى وضحا تحط البيد سنـاد=لها غير زين طبوعهـا خـدة قبلـه

ليا سمعت الحادي نده ندهة الميـراد=تقود اول الزعجول لول وتقرب لـه

ابيها ترفع فوق عن ساخن الانفـاد=وتجي في فياح كل مصلاح يطرب له

انا في الديار الطامنه في تعب وجهاد=على كثر مرعاها مداخيلهـا خبلـه

عساها يساقيها المطر ديرة الاجـواد=ولابيها لون ثمامهـا ينقلـب ربلـه[/poem]





مجاراة الشاعر سعد بن جدلان الاكلبي لقصيدة بن عون


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
شعتني قصيدة شاعر عـذ ّب القصـاد=ماحد يستلذ السالفه ليـن تنسـب لـه

علومك يا بو نايف قراح ٍ على الأكبـاد=لكن تجرح قلوب ٍ مع الوضـح منهبلـه

مواليف وضح ٍ كنها وضحى بن عبّـاد=لا شافها راعي الدبـش طيـرت شبلـه

تواغض مع الريضان كنها خيام أسيـاد=لونها بعيد ٍ بادي الرجـم تقـرب لـه

أو حمّـى مغاتيـر ٍ مقاديمهـا شـراد=هريب السحاب اللـي تواليـه منسبلـه

قبلهـا ليـا مـن المنـاره سناهـا زاد=قبل الاشهب المرشوش لا فضوا اصطبله

عنقا مارق ٍ نسنوسها سدوهـا منقـاد=مع طـول خدتهـا خراطيمهـا سبلـه

شناح ٍ طفـوح شبلهـا دايـم ٍ خـدّاد=لونها مع ذود ابن عمـي خذيـت ابلـه

لا ضاقت براعيها الوسيعه بكـل بـلاد=يحوّم و كبده من هـل المـدن مندبلـه

لا منه نطحها عصر و لا هجد مهجـاد=ليا شافته قامـت تـرازم ترحـب لـه

هذي تنطحه تبغى تقبّلـه جـد عمـاد=وهذي تنهب شماغه و هذيك تلعب لـه

و الله ما يهني من حكم عاصمة بغـداد=اللي له مزامير الفخر تضـرب الطبلـه [/poem]



مجاراة الشاعر محمد بن عبّاد لما سبـق





[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
جذبني صدى صوت ٍ تلاحت به الأطواد=يتعّب هواة الشعر بعـده و مـن قبلـه

صدى صوت عرّافٍ لشعـر الأدب روّاد=منابع عيون الشعر و الكلمـه الذبلـه

تلاحوا على وضح ٍ عليها العيون حداد=ولوف ٍ على صوت الموده تراقـب لـه

دقاق العنـوق اللـي خراطيمهـا ورّاد=على حب راعيها شغـوف ٍ و منجبلـه

تقدم لها بن عون في وصفهـا نشّـاد=و شعا الأكلبي و الأكلبي تلنـي حبلـه

و انا قبل صوته ماشي ٍفي الطريق حياد=على ما تقول الناس كل ٍ علـى هبلـه

و بعد زعزع الوضحى فلا عاد لي صدّاد=سلولي و قلبي طاري الوضح يرغب له

ابتعب واحاول لو لحقني عنا و انكـاد=على منهج ًٍ ما كل قاف ٍ يناسـب لـه

و انا في هواها مغرم ٍ هايـم ٍ منقـاد=لو اكثر علي اللوم فـي حبهـا الابلـه

اوقع لهـا بالعشـر واشهّـد الأشهـاد=انه لاعب ٍ بـي حبهـا لعبـة السبلـه[/poem]

]

قصيدة فى سموالشيخ :محمد بن راشد ال مكتوم

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
لـى ذوق والعالـم كذالـك لـهـا ذوق=وذوقى عن اللى مـا يجـوز إمتناعـى

وإليا لقيـت بضاعـةٌ ترفـع السـوق=فى مشتراها أبـذل جميـع المساعـى

ولا بعد سيست لـى سـاس طـاروق=ألا علـى الجـال العـزاز الرفـاعـى

وفالاتجاة اللـى جذبنـى لـه الشـوق=ركـزت ثاقـب نظرتـى وإطـلاعـى

من عام هجسى يتجـه شـرق ويتـوق=مثـل النـداوى يـوم يدعيـه داعـى

وبعد وردنى داعـى الشيـخ مسيـوق=نكسب شرف تنفيـذ الامـر المطاعـى

وأصير أنا السابق ولا نيـب مسبـوق=من نجـد والمنصـى وزيـر الدفاعـى

فالديـرة اللـى شانهـا شامـخٌ فـوق=فى ظـل حاكمهـا طويـل الذراعـى

الشيخ زايـد جـارة الله مـن العـوق=اللـى دقـم عنهـا سنـون الافـاعـى

أسس دعايمهـا علـى متـن شاهـوق=وحافظ عليهـا عـن جيـاع السباعـى

لين أصبحت تزها فلانظـار وتشـوق=وتأخـذ همـوم اللـى بعينـه يراعـى

خـلا صحاريهـا بساتيـن وعــذوق=فالصـف الاول فالمجـال الـزراعـى

وأرجع لوصف دبى عن عـد مأثـوق=يعـدلـه عــدٌ يـشـد إستمـاعـى

يقـول فيهـا رونـق العـز مرمـوق=بأمـان ومـن المفتـرق والجمـاعـى

مكتـوم بجهـودة تسامابـهـا فــوق=بسيـرٍ حثيـثٍ مـا وراه إنقطـاعـى

والشيخ أبو راشد حضنها عـن البـوق=وبين الدول وضـح صداهـا الاذاعـى

ويوم اهتمامه صار فى جيدهـا طـوق=تميـزت فـى مجتمعـهـا السبـاعـى

مثل الهنوف اللى لهـا القـد ممشـوق=اللـى نسبهـا يشتـرا مـا يبـاعـى

درت خليـج مـا سلبـهـا بمفـتـوق=لامجاد أهلهـا فـى سماهـا شعاعـى

وحنـا نصيناهـا بمفتـاح صـنـدوق=صدرٍ لاهلها بـه ر حـب وإتساعـي

حب الوفا لاهل الوفـا ساقنـى سـوق=غيـر الوفـا والقـدر مالـي دواعـي

الأ عزيمـه باسـم برقـا وإسـم روق=ونبـا نكـررهـا نـهـار الـوداعـى

من شان تأخذ فـى هذاليـل ساحـوق=أيـام بيـن جبـال نجـد المقـاعـى

لجا على أعـلا نجـد رعـاد وبـروق=والسيل ضاقـت بـه بطـون التلاعـى

ومعك أشقرٍ جبر العضـا مابـه دقـوق=قرناس ريشه مثـل ريـش المراعـى

مطروحٍٍ أول نزلـت الطيـر بسبـوق=يعجبـك وجهـه لا خذيـت القناعـى

اليا صفى وجهه على الطلـع بصـدوق=وجـه الشجـاع اللـي بحقـه يداعـي

يرهى على برقـا الجناحيـن بلحـوق=ليا شافها فاعـت علـى البعـد فاعـى

وتدوج ومضّحاك فـى جـال مشقـوق=ومضواك فى بيت الشعـر والشراعـى

فى خايعٍ بيـت الشعـر فيـه مطقـوق=يبنونـه اللـى ينهضـون الربـاعـى

ويعرض عليك أصناف من خيرت النوق=وضـحٍ مراثمهـا عليهـا الرقـاعـى

وضـحٍ لنـا فيهـا ملـذات وطـروق=معها نجـوب فجـوج نجـد الوساعـى

فيها أوضحٍ من طلعت سهيـل مطلـوق=أمـا علـى الاثنـاى و الا ربـاعـى

عليان من عليان فيـه أصـل وعمـوق=مثل الذهب ما يلحـق أصلـه نزاعـى

وان كان جازت لك فلا عنـك مفهـوق=حيث أنها مـا غيـر عبـر ومتاعـى

واللى لهـم مثلـك مواجيـب وحقـوق=مـا هيـب غاديـتٍ علينـا ضياعـى

يالشاعر اللى لـك بالامثـال غـدروق=طرايـفٍ مثـل الــدوا للوجـاعـى

ما حاورت بيتٍ من الكتـب مسـروق=جوعـا الهزالـه بالجزالـه شبـاعـى

وبينك وبين الطيـب ميثـاق وعمـوق=أمـا قرابـت جــد ولا رضـاعـي

وسلم ودم ما شعشـع النـور بشـروق=ويـدوم عـزك ياحميـد المسـاعـي [/poem]

ومن قصائـــده ايضاً

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يا راعي الغر العـذاب المباهيـش=رش الكبود اليابسه عـن عطشهـا

دنق علي وطمن الـراس بشويـش=واحي العـروق الذابلـه وانتعشهـا

حبك ينهش ثومـة القلـب تنهيـش=نهش الحنيش لعرش رجـل نهشهـا

واهل الهواء في سجن غيك دروايش=وقلوبهـم وجلانـه مـن دهشـهـا

من ذاق من خمر السوالف بخاشيش=يبطـي وروحـه معتلقهـا بلشهـا

ولا تستمع في هل الحكا والوشاويش=نـاسٍ انقيلـي النامـيـم دبشـهـا

يا خشف يم ذار واوحـي شوابيـش=بدواً طلوع الشمـس ذاره وغشهـا

والعين عين اللي جسر عقب توحيش=اميـر بيتـي الحـرار اوحشـهـا

طرح الشبك ما قبلـوه الطواريـش=ولا قرنسوه اهل العشش في اعششها

وحش وجاي من بعيـد المناطيـش=عوق الخريش اللي طياره خرشهـا

لا قام ياخذ من طرق ريشها ريـش=واليا قضـا لعبـه عليهـا لكشهـا

جابوه من عين الشمـال الهماميـش=ابرك لهادي طرشـة قـد طرشهـا

جابوه لمثمـن طويـل المطاريـش=شيخ قوانين العـرب مـا دغشهـا

محمد عشير منقضـات العكاريـش=نجل العيون اللـي مـلاح بهشهـا

ومهـدي للـي براسـه نغامـيـش=لا شوشت حيات الارض وحنشهـا

محمد مقابـل قاصـده بالتباهيـش=وملفي الرجال اللي جميله غطشهـا

ودايـم وبيتـه مدهـل للمداغيـش=وكم روح معسور بجـوده نعشهـا

لا يبعد نـاس تكبـر علـى ويـش=لاشافت الناصـي تلـوت خششهـا

لو يملكون ارقام الامـوال حتيـش=در الحمـاره دوب يكـي جحشهـا

وروس الضبا ماذكر فيها عراميـش=لو هي على الزيله كبـار شوشهـا [/poem]

ولــــه ايـــضــــاً

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ياملّ عيـنٍ يعـلّ الجيـب ذارفهـا=اربع وعشرين ساعه تهجل اهجالي

والنوم يا دحيـم عايفتـه وعايفهـا=دارت سنتها على سِهْـر وتملاّلـي

مدري على النوم عيني وش مكلّفها=للسِهْر في نونها ممسـى ومقيالـي

واللي جعل نوم عيني مـا يوالفهـا=واهج لهيب الغرام اللي برى حالـي

واحالي اللي طهوم الشوق ناحفهـا=مابـاقٍ الاّ عظـامٍ جسمهـا بالـي

عليك ياللي غلاك الـروح متلفهـا=ياللي محلّك بوسـط القلـب نزّالـي

غلاك نفسي عن الخفرات صارفهـا=لو يجمعن لي من اولهن الى التالـي

لك سيرةٍ بالمحبّه ما اقـدر اخلفهـا=لو هي سبايب سهر عيني وغربالي

الاّ رجا ساعةٍ ما اقضي حسايفهـا=والاّ على السنّـه السمحـا تهيّالـي

رجعت للسالفـه واحييـت سالفهـا=اللي يقولونها في مـاض الاجيالـي

اللي سبب موت ضيف جديع ماقفها=حيث ان ذبّاح ضيف جديع يبرى لي[/poem]

وهذي من جديد الشاعر

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ياطير عقبي كن خاطرك شاين = خاطرك شين وغيبتي عنك يومين ؟

النقص فيك مبينٍ له بواين = في لمعة الريشه وفي ناظر العين

ياطير انا وياك كنّا خداين = وبيني وبينك ولف ومعاملٍ زين

يوم نتخاوى مع وجيه الضعاين = ونهمل سبوقك في مناكب ( خسيرين )

ولاّ ( شمال الهضبتين القراين ) = شرقي ( طلال) .. ومن ( سواحيق) ويمين

والإ عطينا سكّة ( التابلاين ) = ولاقد عطيناها عليهن حراذين

نصبح على طارات شهب المكاين = بين ( العراقيين ) و ( الأردنيين )

في خايعٍ به كنّ عيني تعاين = ربد الحباري به على أربع وثنتين

ونأخذ لنا أيامٍ بذيك الدفاين = مابين برقع والغدف والبسيتين

ونكسر على ماينحدر من ضواين = وناخذ هناك أسبوع والاّ سبوعين

وننكف نشاط وسالمين الصخاين = ولوّ كان نتعب عدنّا مستريحين

قدّام يطلع للصقاره زباين = ناسٍ تحوش القوبعه بأم روحين

ليّا روحوّ بمشحنّات الخزاين = مافي نحاهم ذوّقوه الأمرين

واليوم مابيني وبينك مداين = أنا سعودي وأنت جايٍ من الصين

وأمّا لقينا للحباري عواين = والاّ توادعنا وداع المحبين

الوقت ماتاليه معنا بزاين = والبرّ في حادور من حين لاحين

أدناه مليانٍ كراتين ( فاين ) = وأقصاه ضاق وضيّقوه به هل الضين

وضاقت مناهج طيبين الضغاين = اللّ على المقناص يالطير ضارين

واليوم كان اللي يحاكيك ماين = هذي سبوقك وأنتهض بالجناحين

وهاجر مهاجر مبحرات السفاين = للصين والاّ أهبط على ضلع غزوين

لوّ كان عندي من فراقك بهاين = حنّا عزاز ولانهين العزيزين

خلّك تروح ولاتشوف الغباين = شاملك عفوٍ مثل عفو المساجين[/poem]

قصيـدة في سطام بن عبدالرحمن بن عون _ والد زميلنا محمد بن عون

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ياهل الجيوب الساريـة دوروا لـي=خطاً يوقف بي علـى بيـت سطـام

ماوالله استانـس اذا ضـاق جولـي=الا اليا جالـه علـى النـار همهـام

اليا قام نجره يزعج الصوت حولـي=واحيا السمر بألحاق الاضرام الاضرام

لـو هـو يذكرنـي قديـم الفعولـي=اللي غدت مثل الهـذاري والاحـلام

فعول الرجال اللي تشيـل الحمولـي=نطّاحت الكايد مفاريـص الاخصـام

وليا ذكرت افعـال هـاك الزحولـي=ربعاً تقافت دونهـم جـرد الاعـوام

اخـذ شـوي مغيبـن فـي ذهولـي=يعرض لي الماضي كما عرض الافلام

بأطياف ذكرى في خيالـي تجولـي=تطوفبي بيـن الحقايـق والاوهـام

دنيـاً تـزول وماعليهـا يـزولـي=الباقي الله وأفضـل الخلـق مـادام

ياحيـف ياتفريقـهـا للشمـولـي=تنشر بيارقهـا علـى كـل مقـدام

وتاطا كبار الجـاه وطـي النعولـي=لين القضا فيهـم غرس نابـه السـام

هـذي منازلهـم خلـيـاً تهـولـي=ترثالهـا فـي هـاك الايـام الايـام

بلاقعـاً شهـبً خلـيـاً محـولـي=تبنيبهـا هـوج الدواليـب الاسـوام

عقب الجهام وعقب هـاك النزولـي=تقـول محـدن حـل فيهـا ولاقـام

طرفي بدمعه يـوم اجيهـا همولـي=تقـرب محاظيبـي ولانـي بـمـلام

اذكر طربها قبـل عشريـن حولـي=قـدام تزلـف هـاك الايـام قـدام

ولو صرت من غارات سلمى زعولي=اللي علـي العقـل تنفيـذ الاحكـام

واعـزي الخاطـر بربعـاً بقولـي=هم نور عيني في غطاليس الاظـلام

لـولا الاسـود معقبيـن ٍ الشبولـي =عندي تغلّق مصدر الانـس بلحـام

لاجيتهم عقب البطـى يسّـروا لـي=توسيع بال وضيـع الهـم الاكـرام [/poem]


ومن قصائــده ايــضــاً

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ياسعود كان انك تهدد علـى النـوح=تعـال انـا ويّـاك ننـعـا هنـيّـا

تعال انا ويـاك ناخـذ عـن الـروح=عطنـي وانـا بعطيـك ممـا تهيّـا

صبري وصبرك عقب فرّاج مشحـوح=ماعـاد فيهـا يـا البناخـي كنـيّـا

ون كان صوتك شح والصوت مبحبوح=خـل انهتانـك بالخفـايـا خفـيّـا

اون واتبـع ونـة الصـدر بفحـوح=ولافرّجة مـن ضيقـت البـال شيّـا

ياطيري اللي لأبرق الريـش ذابـوح=مبعد عمس راعيه صبح وعشيّـا

تعرضّه يـوم اظلـم اليـل سامـوح=وعليـه ماسيـت الفجيعـه مسـيّـا

جيته علـى جثـة احبـاراه مذبـوح=وامسـت همومـي داهيتنـي دهيّـا

و اصبحت انا عن نقلة الطير مصفوح=ماعاد اللي في نقـل غيـره شهيّـا

ماراح جعله مايعـود علـى اللـوح=ولا عسـاه اليـا رجـع مـا يحيّـا

ليت النقيصه في الرواقي ومجـروح=وفـي كـل كابـوجاً سـواة الحديّـا

وليته غدا وارجيه مع كـل طـاروح=فـي المقبلـه يمـلابـه الله يـديّـا

لو هو غدا ياسعود ماحسفّ الـروح=بـس الحسوفـه ميتتـه هاالسويّـا

وفرّاج مشروهه علـى كـل ممـدوح=ياخـذ قضـاه اللـي براسـه حميّـا[/poem]


ومن قصائــده ايـضــاً



[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يا ماحـلا لا ذعذعـن الهفاهيـف=وقامت تناقرنا هبـوب الصفـاري

وهب البراد ودوّحت شوبة الصيف=واوحيت للمقناص والطير طـاري

واللي يبي شمة هبوب الشفاشيـف=قـام يتنبـى للبيـان الــوزاري

يدلى على حزم الجلاميد وطريـف=خطايطـاً فيهـا عوايـن حبـاري

بعض العرب وده ولو جاه تكليـف=يسري ويصبح يم هـاك المحـاري

الناس يقضون الاجـازات بجنيـف=ونايف يمضّي رخصته بالصحـاري

صحراء العيون اليا غدت كلها ريف=عند الشرك ولا عـلاوي جـداري

لامن عسّاسـه عطـاه التعاريـف=وامسى عن اللي في حراويه داري

نادى بقرناساً اليا حيـف ماعيـف=فيه الحم الكدري وريشـة قمـاري

وجت للملامس وفيه ماقيل ياحيـف=مافيه عيب الا من الريـش عـاري

وتوابعاً مثـل الرمـاح المعاكيـف=وامواس مثل مسلـلات الشبـاري

طرح الشبك من نازحات المحاذيف=جابه حـدا العتبـان ولا المطـاري

اما ولد مطلـق ربيـع المهاجيـف=ولا السليس دحيم ذيـب الغـداري

جابـه لشيخـاً يرتكـي للتكاليـف=الله يجيره عن صـدوف الجـواري

شيخـاً تلحفنـا حسانيـه تلحيـف=ماهوب عن حق الخوي بمتـواري

شيخاً هواه لاحصل له على الكيـف=تعرض النسناس مـع كـل فـاري

ونقل الحـرار وهدهـا بالاطانيـف=امـا ضحـى ولا وروك الظهـاري

وليا كفخ حل العصيـر الطهيريـف=ربداً مطيرهـا الرفيـق المبـاري

اوقف وتبعهـن طويـل الاطاريـف=حراً على بعد المطاليـب ضـاري

الصافي اللي حاز حلو التواصيـف=لّحاق عـزّام الحبـاري اجبـاري

واليا انزعج ظاقتبهـن المحاريـف=وتزبنن قـوع الشجـر والمـذاري

ومن عقب ماهن للعزامة مواليـف=قاموا عليهـن يظربـون البـواري

ومضواه في بيتاً كما نايف القيـف=في صفح نزواً عايفتهـا الـذواري

اليا شيدوه اللـي لبنيـه معاسيـف=وحطوا مشب النار بيـن القـواري

ناراً حطبها يشتـرى بالتجازيـف=عمـال ماتلحـق عليـه اللـواري

نـاراً يصاليهـا دلالاً مهـاديـف=صهباً وصلوا النار فيهـن مـواري

صهباً عليها الجور مامنه تخفيـف=زاماً لهـا ليلـي وزامـاً نهـاري

صفراً خنين بهارهن من ورى الليف=يطرد عماس اللي من البعد سـاري

اليا درجوهن وادرجـن العجاريـف=وكل أفلجً بفعـول طيـره يمـاري

اقفن هواجيس الظمايـر مناكيـف=والطير عن راعيه شال الطـواري

مع ظف اخو نورة بعيد الاشاويـف=شيخاً بوسع الخلق مالـه مجـاري

ولاني بفاخـر وتفاخـر بتزييـف=الا..ولاالبس من ثيـاب العـواري

افخر بحكامن حموا نجـد بالسيـف=والشعب اشادوا مستواه الحظـاري

وافخر بقرب اللي بعيداً عن الحيف=شيخـاً بعدلـه بيننلـه شــواري

ومدحه ماهوب خراط ولاتواهيـف=عن عرف والكاذب لعلـه نيـاري[/poem]

عبدالله بن عون
يرثي فيها الشيخ عبدالعزيز بن جامع رحمه الله شيخ قبيلة الروسان
تغمده الله بواسع رحمته واسكنه فسيح جناته

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
يالله ياللي كلنا منك واليك =ماتأخذه منا ومابقيت منا
ياواحداْ كل البشر بين اياديك =اجبر عزانا في فقيد وطنا
ولاهوب انا اللي يابوخالد مسميك =سماك أبو متعب زبون المجنا
الوافي اللي ماتجاهل مساعيك =عبدالله اللي يدحم الضد عنا
يوم العزاء شارك لنا في تعازيك =رغم أرتباطه وأنشغاله تعنا
عقب الوفاء الماضي مهوب متناسيك =جعل الليالي فيه مايفجعنا
والأسره اللي شاركوا بالعزاء فيك =جو للمواسى فيك منا ومنا
مرحوم ياشيخ قبيلتك تغليك =وتشكر جهود فيك مايجحدنا
أقصى القبيله كنه أدنا بنيخيك =ميزان عدل من رجح له تهنا
ياكثر ناس شاملتهم حسانيك =من صافحنه بيض أياديك غنا
عقب المتاعب والضما والتهاليك =هذي فللهم فالمزارع تبنا
وياكثر مداحك وياقل شانيك =وياكثر صداتك للاخصام عنا
واللي من الأجناب يسمع بطاريك =امسى بعد فقدك يون ويحنا
وعسى عوضنا يوم قفت لياليك =فالسته اللي سيرهم ماتونا
تنهج مناهيجك وتمشي مماشيك =وتدرى مشاكلنا وتقدي ضعنا
السته اللي رافعتهم مجانيك =عز القبيله واومرانا واهلنا
أنته مناديهم وخالد مناديك =وحنا بعد شوف النتايج ظمنا
ان المناهج مع مناهيج أهاليك =مناهج راياتها يرفعنا
وختامها الله بالتسامح يجازيك =ويحسن ختامك يافقيدة وطنا [/poem]

لاهنت يابوثامر

وكل عام وانت بخير عيدك مبارك

الله يبيض وجهك

ابن عون مدرسة شعريه

بيض الله وجهك ياابو ثامر


طيب وتحتفي بطيب


ياخوي الله يرحم والديك


ارويت ظماااانا

الله يطول بعمرك يابو ثامر ولا يهينك

والوالد يبلغك سلامه وشكره ومعايدته لك ولجميع اعضاء النداوي

الله الله ياحمد

وش ذا العيديه الزينه عساها تزين حياتك


صح الله لسان الشاعر الكبير عبدالله بن عون

وهو هرم من أهرام الشعر وقمه من قممه

تغنينا بكثير من أبياته واستخدمنا كثير من قصائده
في احاديثنا الأدبية والتي تتعلق بالشعر ومجاله

بيض الله وجهك وجهد تستحق عليه الشكر والثناء

انا اشهد انك عايدتنا عيدةٍ طيبه يابوثامر

وبيض الله وجهك وصح الله لسان الشاعر الكبير عبدالله بن عون والله يطول عمره على طاعته

تحياتي

جهد جبار ومادة ادبية دسمة لأسم أدبي غني بالشعر
عبدالله بن عون رمز جيل شعري خالد ويستحق هذا الإحتفاء وهو أمر ليس بمستغرب على استاذنا القدير /حمد السحيمي

شكراً لك ابو ثامر
,,

أبو ثامر عساك على القوه عزالله أجمل هديه تلقيناها بالعيد

كل عام وأنت والجميع بألف خير ومن العايدين الفايزين أن شاء الله
الشاعر الكبير عبدالله بن عون قامه شعريه وظاهره لن تتكرر فهو مدرسه نتعلم منها الكثير


تحياتي وسلامي وأحترامي للجميع

أبو ثامر عساك على القوه عزالله أجمل هديه تلقيناها بالعيد

كل عام وأنت والجميع بألف خير ومن العايدين الفايزين أن شاء الله
الشاعر الكبير عبدالله بن عون قامه شعريه وظاهره لن تتكرر فهو مدرسه نتعلم منها الكثير


تحياتي وسلامي وأحترامي للجميع

[align=center]*
ارتقــــــــــاء بالــــذوق
وذوق
بالاختيـــــــــــار
ماشاء الله تبارك الله
هامـــة وهامـــــة والنتيجــة علــــــو
ابن عون بشعره الغير عادي
مع أبو ثامر
صاحب الــذوق المميز
لذا يحق لنــــا الآن وبإمتنان
التلذذ بتلك السلة المنوعة
مع دعوات الشكر و فيض التقدير
لكليهما
ودام الجميع بخير
نهار[/align]

يعطي العافيه اخي القديرحمدالسحيمي


وكل عام وانت بخير



وبيض الله وجهك على صيد كل شئ نادر وفريد
والشاعرعبدالله بن عون بلاش شاعر فريد وكبير



الف تحيه لك