إعـــــــلان

تقليص
لا يوجد إعلان حتى الآن.

سليمان بن شريم ( الا ياعيوني )

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سليمان بن شريم ( الا ياعيوني )


    اعترف باني من اشد المعجبين بهذا الشاعر
    وانقل اليكم احدى قصائده ....



    الا ياعيوني مايفيد النظر والشوف
    تكـــافي وكفي لاتــــراعين ياعيوني


    تكافي كفاك مكايد الجادل الغطروف
    ابو وجنة فيها اشهر الموت مقروني


    انا اشوف شوفك واتمنى وانا مشغوف
    من اللي سلب عقلي على غير قانوني


    لحظني بعـــين كن فيها نمــش وسيوف
    وقع مابكفي واختلط وانصفق لوني


    اخذني جهار اكبر ضحى والعباد وقوف
    انادي بصوتي والعرب تقل ماوحوني


    تبي ذبحــتي ياريم وادي سكاكا الجوف
    حسيبي عليك مصــرف الخلق والكوني


    تعرض غريب نازح عنــد ابو رفروف
    ورى دار قاره يقنب الذيب من دوني


    الا واعذابي منك ياضامر السرجوف
    شبكني هــواك وبيح الحــب مكنوني


    الا يازريف الطول انا ازهمك بالمعروف
    بعد عونة الله منك انا برجي العوني


    دخيـــلك تلبي دعوة من ثلاث حروف
    طرف ساعة افرح بهــا وانت ممنوني

    اريــح ضمير بالهـــوى مولع مشغوف
    من الله خلقني بالغنــادير مفتــوني


    سليمان بن شريم








    [align=center]سبحان الله وبحمده عدد خلقه ورضى نفسه وزنة عرشه ومداد كلماته[/align]

    ssff-120@maktoob.com

  • #2
    شاااااااااايع









    الله لا يهينك









    بيّض الله وجهك وسلمت يمينك..

    تعليق


    • #3
      ااااااة يابو فارس..


      كلام مثمن ومقبول ولا ينقد مثل كلام الغزل الايام ذي..

      مشكور ومجمل يابا الجزايل...


      الشريفي

      تعليق


      • #4
        السلام عليكم


        بن شريم كلنا نحبه الله يرحمه ويرحم المسلمين


        تسلم يالعيافي تسلم
        alhathiban@
        تويتر

        تعليق


        • #5
          الاخ/ شايع العيافي

          قصيده جميله وشاعرها كذلك من الشعراء اللي لهم بصمه واضحه في التراث بقت بعده


          ولكن لي ملاحظه 00 او تعقيب 00

          احد الاخوان 00 من المهتمين بالتراث 00 وله اطلاع كافي بان يجعلني انقل تعقيبه لكم هنا 00 بما انه ليس عضو في النداوووي ولكنه من المتابعين الحريصين على الاطلاع على كل ماينشر هنا 00

          افادني بقوله ان هذه القصيده 00سمعها من الشاعر المرحوم/ حمد المغيولي 00 وقد اورد المغيولي مناسبتها 00 بانه كان في منطقة الشمال 00 وكان وقتها يعمل في حفر الابار 00 وذكر ايضا بان هذه القصيده كادت ان توقعه في مشكله لولا لطف الله

          هذا ما اردت توضيحه 000 نقلا لرغبة الاخ اللي افادني بذلك 00 ولثقتي في سلامة نواياه قمت بذلك والله اعلم

          تعليق


          • #6
            الأخ العزيز والشاعر سيف السيف اسعد الله ايامك


            بالنسبه للقصيده اللي ذكرها اخي والشاعر شايع العيافي انها لبن شريم وصار هناك تعقيب من قبل الأخوان اللي مهتمين بالشعر .. ونسبها / حمد المغيولي .. رحمه الله ورحم المسلمين

            هذا الشي يهمنا للبحث عن حقيقة القصيده وللضروره رجاءََ ارجو منك يابو عبيد ان تتأكد من شاعرها لأن هذا التراث يخدم جميع اقطار الشعر الشعبي والموروث عامه

            ارجو منك ان تسأل الأخ الكريم عن / حمد المغيولي وأن تتأكد

            ولك مني كثير الأحترام يابو عبيد

            اخوك ابو سلطان
            alhathiban@
            تويتر

            تعليق


            • #7
              هلااااااا يابووو سلطاااااان

              وصدقني لاعدمتك اني مدرك لما حذرت منه

              والرجال لو ماكان من المهتمين والا اني ما اعرف عنه اهتمامه لما ذكرت ماقاله

              وولكن الاخ ذكر لي انه سمعها بشريط بصووت المرحوم المغيولي 000 وذكر لي قصه 00 كانت سبب هذه القصيده 00 وكذلك ذكر ان هالقصيده في وقتها هددت حياته 00 ودلل ايضا بعدم وجودها في ديوان ابن شريم 000 على العموم حتى لو كانت الروايه حصل فيها سوء فهم 00 فلن يختلف شي 0000 ولا اقصد هنااا الاخطاء كلها 0 ولكن خاصه هذه القصيده لانها مغنااه من احد الفنانيين الشعبين المعروفين على مستووى الخليج 00 وانا لا ابري نفسي من النقل الخطاء ولا ابري زميلي من اللبس 00 لذلك سووف اتاكد مره اخرى 00 وارد واعقب هنا مره اخرى باي حاله من الحااالات


              شكرا يابو سلطان على اهتمامك لاعدمتك

              تحياتي لك

              تعليق


              • #8
                تسلم يابو عبيد وجهودك هي اللي راح تكون سانك تجاه هذي القصيده حتى ترا نور شاعرها ونراها بالشكل الصحيح ..

                وارجو منك ياسيف تكلم الأخ العزيز حتى يتم تسجيله معنا بالنداوي


                سلام
                alhathiban@
                تويتر

                تعليق


                • #9
                  لاهنت يابو سلطااان على كلامك الطيب

                  واصبر خلنا نشوووف وش يصفي علمه عليه 000 اما قلنا والله يبشر من يسجله 00 وطبعا ابو ثااامر هو الخير والبركه واعتقد انه الا متاكد انه يعين ويساعد على الطيب


                  والا سحبنا منه الاشتراك وخليناه على قولتك يلعب كتشينه مع الوندوز


                  يبشر والله ابو سعوود 00 وحتى لو صار غلطاان وانا انشالله متااكد انه معلوماته طيبه 0 وانا اشوفه يومين مادخل الماسنجر 00 الله يستر

                  تعليق


                  • #10
                    ابو سلطااان
                    تم الاتصال مع الاخ ابو سعوود
                    وابدى استعداده بان يرسل لي الشريط


                    او يرسله كملف صوتي

                    وهو محل ثقه


                    واعتقد ان الاقرب انها للمغيولي والله اعلم


                    تحياتي

                    تعليق


                    • #11
                      ابو عبيد رايتك بيضا والله يالسنافي


                      ايوالله ياليتنا نسمعها بالصوت


                      اسلم وسلملي على اخونا ..
                      alhathiban@
                      تويتر

                      تعليق


                      • #12
                        مشاركة اخوي عكاشه الراي

                        السلام عليكم
                        ولاهنت يا أخي شايع العيافي على حسن اختيارك
                        والقصيده مثل ماذكر اخوي عكاشه للشاعر حمد المغيولي وكان يعمل بحفر الابار الارتوازيه آنذاك بمنطقة سكاكا
                        وقد سجلها الفنان حمد الطيار كأغنيه لتسجيلات الوادي الاخضر وبنفسي سالته من قائلها واجاب بانه الشاعر حمد المغيولي يرحمه الله فحمد الطيار زميل هوايه ودمتم بخير

                        تعليق


                        • #13
                          الاخ/ عبدالله الحوشاان

                          هلابك

                          وشكرا لمداخلتك الفعااله 00 وهذا يدل على حرصك 00 لاعدمناك

                          وشكرا لتفضلك بطرح هذه المعلومه اللي كنا نبحث عنها

                          شكرا لتواصلك لاعدمناك
                          تحياتي لك

                          تعليق


                          • #14
                            قصيده تستحق القراءه
                            alhathiban@
                            تويتر

                            تعليق

                            يعمل...
                            X