صادقات الهواجيس

من باريس ومن توهج المشاعر هكذا تصور لي الهاجس


كان الملهم خير رسام اتقن العزف على مشاعري











((صادقات الهواجيس))


[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تحركت فيني مشاعر وأحاسيس= والطرس يدعي مايقوله لساني
هذا الصّخب زوّد جمال ٍ فباريس=في ليل حرّك ماحوته المحاني
واشعل بفكري صادقات الهواجيس=وشْعور مجنونٍ حضر واعتراني
هذا خيالي مع هبوب النسانيس=قام يتحرك وانرسم بِهْذِياني
جنون طفله مع بياض القراطيس= وخط القلم صور لصدق المعاني
ياجنة اللي مرخي ٍ ربطة الكيس= ياجوهره غاضت جميع الحِساني
جلّ الذي صوّرك فوق المقاييس=واعطاك سحر ٍ له ترف العياني
مير الذي بالقلب مايرضي بليس= شوق ٍ وحبٍ واهتواء وحناني
للي غلاها بحر لو قلت ابا اقيس= غِبّتْه تكسب بالمفاز الرّهاني
هذيك نجد النابذه كل تدليس= أرض الكرام معرّبين المجاني
عشقي لها ماهو حروف بكراريس = عشقي لها وشمٍ طبع في كياني
عشقي مثل مالعامريه تبي قيس= عشق ٍ جنوني من قديم الزماني[/poem]





الحوراء بنت نجد > باريس 1435 هــ

[COLOR="Green"]السلام عليكم بعد طول غياب

جميل هذا النص المعبر والمختزن لمشاعر الحب الحقيقي لهذا الوطن المبهج بكل مافية شكرا لهكذا احساس وشعور لوطن هو اجدر بكل عشق


[/COLOR

اجمل جنون هذا
استمتعت لحد الهذيان
مودتي