إعـــــــلان

تقليص
لا يوجد إعلان حتى الآن.

ودعتك الله لو على قلبي اخطيت

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ودعتك الله لو على قلبي اخطيت

    [poet font="Simplified Arabic,5,sienna,bold,normal" bkcolor="burlywood" bkimage="" border="none,4,gray" type=3 line=200% align=center use=ex length=0 char="" num="0,black" filter=""]
    ودعتك الله لـو على قلبـي اخطيت = وحاربتني من دون ذنب وخطيّه

    احسبك تذكرني إذا اصبحت وامسيت = واثرك على فرقـاي نفسك هنيّه

    اللـه واكبـر كيـف عنّـي تخلّيت = من بعـد ما علقت روحي البريّه

    وش غيّـرك وش بدّلك ليه صدّيت = وانت الذي بالقلب نبض وهويّه

    من هو بقى لي بعـدما عنّي اقفيت = وقدمتني للحـزن اثمن هديّه

    كلـش تخيـلته ولا يــوم ظنيت = إنك لحد غيري ولانتـاب ليّه

    ويلك من اللـه كيف بالحب ضحّيت = قلبك حجر ما حنّ يومٍ عليّه

    اللي بنينـا بْعمر في يـوم هـدّيت = واحـلامنا ما عـاد منهـا بقيّه

    اتعـد غلطـاتي إذا يـوم زليت = من دون مدري .. وين ذيك الحميّه

    مافيه معصوم الخطـا لـو تحريت = ولا فيه كامل غير رب البريّه

    ولو ما احبك ما نشدتك ولا اطريت = بعدك وصدك وانتخيتك نخيّه

    ترجـع لقلبٍ يوم بالعقـل حبيت = وتترك هل الأحقاد واهل الوشيّه

    خـايف عليك وخـايفٍ منك ياليت = مايوم حبيتك وصرت الضحيّه

    لا نيب حي بعـد هجرك ولا ميت = ولا ني مريض ينعرف بالشكيّه

    لكنـي ادرى بحـالتي لا تـرديت = ولا ينفـع الملتـاع طبه وكيّه

    مالي سوى اللي كلمـا راح ناديت = يا كود يسمعني ويرجـع إليّه

    [/poet]

  • #2
    الشاعر

    عثمان العبد الله

    شاعر العثمانيات

    غني عن التعريف / حظورك الكبار هنا

    ولو ما احبك ما نشدتك ولا اطريت
    بعـدك وصـدك وانتخيتـك نخيّـه

    ترجع لقلبٍ يـوم بالعقـل حبيـت
    وتترك هل الأحقاد واهـل الوشيّـه

    صح اللسانك ايها الشاعر العذب

    تقبل اطيب تحيه

    محمد الحربي

    تعليق


    • #3
      شاعر العثمانيات

      صح لسانك مليون ولاهنت

      حضور شامخ كالعاده

      تقبل تحياتي الصاقه

      اخوك خالد

      تعليق


      • #4
        وش غيّرك وش بدّلك ليـه صدّيـت
        .................................. وانت الذي بالقلب نبـض وهويّـه


        الشاعر المحلق والمهاجر : عثمان العبدالله
        صح لساااانك يابعدي ..
        دائما تعانق الجمال وان اختلف الطرح ..
        لله درك .. وسلم قلبك وفكرك وبنانك .
        ولاهنت ياعثمان .



        تحياتي وتقديري

        تعليق


        • #5
          خايف عليك وخايفٍ منـك ياليـت
          مايوم حبيتـك وصـرت الضحيّـه










          عثمان العبد الله



          صح السانك


          لاهنت قصيده جزله يالجزل



          تحياتي لك





          اخوك فازع الرشيدي

          تعليق


          • #6
            هلا وغلا بك أخي الكريم/ محمد الحربي
            لاهنت يالغالي على كريم الحضور
            وروعة التفاعل
            كل الشكر والتقدير
            مع أطيب تحياتي

            تعليق


            • #7
              عثمان العبد الله



              صح السانك


              لاهنت قصيده جزله يالجزل



              تحياتي لك
              [poem=font="Simplified Arabic,5,blue,bold,italic" bkcolor="transparent" bkimage="" border="none,4," type=0 line=0 align=center use=ex num="0,black"]
              روحي مراح مقيط ورشاه يانوف = يوم أنخرط من خشم قمة مواجه
              راح تعبه يانوف ماهوب مخلوف =ضيع حياته لجل بيضة دجاجه[/poem]

              matar333@hotmail.com

              تعليق


              • #8
                هلا وغلا بك أخي الكريم/ خالد المجازف
                كريم حضورك وتفاعلك الرائع
                شرف كبير لأخيك
                كل الشكر والتقدير
                تقبل أطيب تحياتي

                تعليق


                • #9
                  ويلك من الله كيف بالحب ضحّيـت
                  قلبك حجر مـا حـنّ يـومٍ عليّـه

                  عثمان العبدالله

                  صح قلبك وسلم بوحك اخوي

                  تعليق


                  • #10
                    الاخ الشاعر عثمان العبدالله

                    صح السانك


                    جميله من شاعر رائع

                    قصيده تحمل الحكمه والقوة



                    سجل اعجابي وتقديري

                    تعليق


                    • #11
                      عثمان العبدالله


                      صح لسانك وسلمت يمناك ولا عدمناك


                      قصيده وافيه من وافي بيض الله وجهك


                      تقبل تحياتي وتقديري

                      تعليق

                      يعمل...
                      X