متواضعه عسى ان تلقى القبول
يا حلمي اللي قاعته هامة طويق=زاحمت بمتونك نجوم الثريا
واتعبت بخطاك الطوال الشواهيق=شيً بريت وشي فيك يتفيا
ومن دون تحقيقك عهود ومواثيق=مع واقعً كنه بجيتك عيا
ومن دون تحقيقك دموع العشاشيق=وسيوف صلفين اللقا والحميا
حتى حروفي والشطر والطواريق=تاقف على مداخلهن واتهيا
خل عاد لا جريت في حزة الضيق=زفر الغريق ورفته والبكيا
ما الله خلقني مثل باقي المخاليق=اللي يعدون الوصل والجفيا
وما الله خلقني شام خد المشاريق=اصلا وافل ظلالهن وآتفيا
الله خلقني للرجال المطاليق=محزم على جال العزم والمليا
لا طاحت قلوب الرجال المعاليق=آقف ولو مالي من الامر شيا
وليا قلط ضيفي تفور الاباريق=وامد له كيل العمر والكفيا
واطيق من همي ولا ودي اطيق=حملن على حدب المحاني يحيا
احيان احس اني على نفسي اويق=واشوف عيني من دموعي رويا
حلمن بنيت ولا لقيت التوافيق=اضيع به يومين وارجع بليا
يعين ربي والصدور المغاليق=مدهالهن جمر الحشا والكنيا
ويا حلمي اللي قاعته هامة طويق=مالك ومال جبالهن والثريا
