إعـــــــلان

تقليص
لا يوجد إعلان حتى الآن.

من صد عني من مزاجه وكيفه!؟

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • من صد عني من مزاجه وكيفه!؟

    مادام حظي سن رمحـه وسيفـه
    وكمّل لباس الحرب والشر ناويـه

    الدررع والخـوذه وعِمـه كثيفـه
    والطاس واحزامه وبصطار رجليه

    واسرج مهـارٍ كلبوهـا عسيفـه
    تطرد وتحرف دون صيحه وتوجيه

    وجمّع عتـاده للحرايـب وقيفـه
    من الحظوظ القشر قيـفٍ يحاليـه

    صمٍ وبكم وبعض عـور وكفيفـه
    لا والبـلا قيفـه كفيـفٍ يقديـه

    ماهو حليفٍ لـي ولانـي حليفـه
    يلقى من العربان غيري يخاويـه

    من صد عني من مزاجه وكيفـه
    والله ليبطي عظم مارحت اراضيه

    مادمت وافـي والنوايـا شريفـه
    وش يزعله مني وينفـخ علابيـه

    رزقي على المولى وثم الوظيفـه
    والراتب اللي باخر الشهر نرجيـه

    ان كان قول الحق عيب وكسيفـه
    الحق قوله لو على النفس مااخفيه

    من غط كلمة حق عمره حسيفـه
    لاطايـعٍٍ ربعـه ولاطـاع واليـه

    وان كان طيبي في مراح ونكيفـه
    يحسب ضعافه عند من لايسويـه

    الطيب وهبـه والجمايـل كليفـه
    ماكل رجلٍ ياخـذ الطيـب يعطيـه

    طيبي موَرثه السلف فـي خليفـه
    من جيلٍ اول وارثه صـار تاليـه

    ماهمني قـوم العقـول الخفيفـه
    اهل الطمع والحسد والكبر والتيـه

    الكبر طبـعٍ للنفـوس الضعيفـه
    اللي تبيع الخير والشـر تشريـه

    من لايخـاف الله حياتـه مخيفـه
    لاتامنـه لوقـدم الشحـم بيديـه

    يبا الشداد اليـا وضعتـه رديفـه
    بالضحك والحيله وحقـدٍ مخفيـه

    اما تجي حَسَب ربيعـه وصيفـه
    والا يحملـك العتـب والمشاريـه

    اعـوج ولاينفـع نديمـه وليفـه
    ان مالقا عنـده مصالـح تسليـه

    دنياه بعد الوسع تصبـح قصيفـه
    اقصف من القبران تقصَّف براعيه

    عقب اتصاله كل ساعـه يعيفـه
    يقطع علاقاتـه وينسـى لياليـه

    وجدي على اللي كالجبال المنيفـه
    بيض القلوب وعز منهو تماشيـه

    اهل الصفا واهل النفوس العفيفـه
    واهل الوفا واهل النقـا ماتخليـه

    واهل الكرم واهل العلوم الطريفـه
    واهل التقا والطيب متمسكه فيـه

    سعد الخوي والجار يعنى بضيفـه
    ان غاب مافكر بظيفـه وعانيـه

    وجدي عليهم فالسنيـن الحفيفـه
    اللي بها الخوه مصالـح وتمويـه



    ديواني الشعري
    .
    للتواصل الاميل والماسنجر
    saheer_alleel@hotmail.com
يعمل...
X