إعـــــــلان

تقليص
لا يوجد إعلان حتى الآن.

لك الفنجال الاول

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لك الفنجال الاول

    هذه قصيده كتبتها بمناسبة حفل تكريم اللواء / علي بن حسين الحارثي
    والاستاذ / هلال بن عويض الحارثي في جده


    [align=center]ليا هوجست بالفكره وجا لإبداعها نسناس
    وجتني شرَد الابيات بيتٍ يتبع الثاني

    خليت بنفسي الحره وقمت آجاذب الهوجاس
    وأرحب في خويٍ لاهوب جني ولاإنساني

    خويٍ لادعيته في لزومٍ مايعرف الياس
    يقول إبشر بعزك لايهمك ياكحيلاني

    ياكم من ليلةٍ نومسني مع اهل الوفا نوماس
    ونلّت إعجاب جمهوري وربعي قاصي وداني

    سلام الله عليكم ياوقوف الحفل والجلاّس
    سلامٍ من فؤادي مصدره. ويسوقه لساني

    عدد مالاح برق ودن رعد وسيَر العساس
    وجا للناس بعلوم المطر لاهلّت أمزاني

    سلام يعم قوم الجود والطاله بدون قياس
    الآد هميل وقت الميل تعدل كل ميزاني

    من حسيكه من ابن الحارث اهل السيف واهل الطاس
    واهل حلَه واهل دلَه وأهل ترحيب وإسماني

    وارحب بالضيوف اللي لفونا من قروم الناس
    من اجناب ومن اصحاب ومن اقرابٍ وجيراني

    بإسم شيخ القبيله طيب السيره عريب الساس
    ابو جمال شيخٍ وابن شيخ ونسل شيخاني

    حكيم الشور ضد الزور من صغره صليب الراس
    كعام الخصم عون اللي نصاه وعلَق العاني

    وبسم اللي لنا من ماضي الدنيا ذرا ولباس
    و قدوه دايمٍ في كل علم وكل ميداني

    ابو ياسر عساه مجار من شر وصدوف الباس
    كريم اليد وافي مد جعله دوم متغاني

    عدو البخل واهل البخل له فإقلوبنا مجلاس
    تقي القلب وافي ذرب له فالطيب عنواني

    وابو فيصل عضيده للقبيله يعتبر نبراس
    ابن علــوان تركـي نعـم به فـي كـل الاحـياني

    ونعم بكل مــن ساهم بمــال وراي ساسه ساس
    عســى الله لايــفرق جـمعكم شيبٍ وشباني

    حضرنا عقب جت دعوتكم من الراس والقرطاس
    ودعوة مثلكم نجيبها ياطوال الأيماني

    لنا جيران واخوان ومحبتنا وفا وإحساس
    من الجدان للأحفاد تبقى طول الأزماني

    وحفل هلال وبن حسين فرصه تنشرا بالماس
    فخر لشيوخٍ وشعار تحضر فيه واعياني

    اببدا فيك يا هلال ولو آدون مية كراس
    وميّة بيتٍ وديوان مابوفيك الاحساني

    لك الفنجال الاول لاحِمس بنّه في المحماس
    وسيق لمجلسٍ فيه الشيوخ وناس فرساني

    تنازلت وعتقت الخصم وأرياق العرب يباس
    لو جه الله عتقته ياهلال ولاإنت خسراني

    نماري بك ونفخر بك من الاعماق يالقرناس
    مــن البـحر الحــمر للثــقبه لـحايل لجيزاني

    وندعيلك بدنيا كلها ضيق وعـنا وإفلاس
    منالمولى كريهه كود ذكره عالي الشاني

    ويرزق شخصك بجنه بها حورٍ غُنج مِياس
    وفواكه دانيه تفاح مع خوخٍ ورماني

    وبرجع للواء وآخذ معه فيما طرا مرواس
    علشانه كفو وافعاله تشرفه شيهاني

    علي قايد سجون المملكه في منصبٍ حساس
    خدم دينه وداره والملوك الحي والفاني

    وخدم ربعه ومن جاله من الهم والعنا محتاس
    عقب كان بعفيف وبالرياض أصبح بميساني

    تقاعد والفعول الطيبه جدادٍ ودُرّاس
    مايجحدها وينساها ياكود إضعيف وهداني

    عسى الله يحفظ إولاة الامور ويخزي الانجاس
    خفافيش الظلام اللي على التخريب عوّاني

    من ابنانا المغرر فيهم ومن للقشر غراس
    عدا الاسلام من شيعي ونبرالي وعلماني

    وختام القول صلى الله علي الهادي شفيع الناس
    بأبي وامي رسول الله محمد نسل عدناني[/align]


    ((الشاعر/ حسين بن داخل الحارثي))



    ديواني الشعري
    .
    للتواصل الاميل والماسنجر
    saheer_alleel@hotmail.com

  • #2
    لك الفنجال الاول لاحِمس بنّه في المحماس
    وسيق لمجلسٍ فيه الشيوخ وناس فرساني

    جزل يالحارثي

    صح لسانك
    عارفين العلم باوصاف الحروف
    .........................كامل الموضوع معرض للثقافه
    نربط الحاضر بماضي دون خوف
    ..........................والسمينه عودت يم النحافه
    جبت بالثنتين من كل الوصوف
    .........................وش عليا بالعلوم امع اللقافه

    @@@(( ابوعرب ))@@@

    تعليق

    يعمل...
    X