إعـــــــلان

تقليص
لا يوجد إعلان حتى الآن.

راشد بن الذيب العجمـــــــي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • راشد بن الذيب العجمـــــــي

    الاخوان والاخوات الاعزاء .. السلام عليكم ورحمة الله وبركاته

    ..

    الشاعر راشد بن حسن بن الذيب العجمي .. يرحمه الله .. صاحب القصيده المشهوره ..

    الى منها

    اشرب الشاهي واكب البياله @@@ طيب واحب سلم الطيبيني
    لا لقيت الى على الرسته لحاله @@@ ينتخي ويقول وين الطيبيني
    انكخ الموتر مستحا ولا شكاله @@@ يوم ولد اللاش وجهه مايبيني
    حالف ما اخذ على الرجلى رياله @@@ والثلاثه حالف انها ماتجيني
    ان طاب الولد طيبه من خواله @@@ وان تردى فاعرف انهم خايبيني


    هذا الى احفظ منها .... والشاعر هنا سجل صوره لما كان يجري في السابق ... بين اصحاب السيارات ..

    اتمنى ممن يحفظ من شعره شي ان يوافينا به الله لايهينكم ..

    والمعذره على القصور

    اخوكم

    شقران

  • #2
    مرحبا والله ومسهلا بشقران وكل عام وانت بخير, تسلم على ذا القصيده الرائعه التي قالها الشاعر : راشد رحمه الله عندما كان يشتغل بالشركه.
    واليك القصه كما وردت:


    الشاعر راشد بن حسن الجمعه الملقب ( بالذيب ) كان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي يوقفون السواقين ويطلبونهم توصيلهم على طريقهم .. والشاعر راشد الله يرحمه كان يخالف التعليمات وكل هذا حيا فيه ومرجله يوم من الايام أشرت له عجوز ومعها حمار قالت وصلني يا الأجودي قدام شوي قال ابشيلك بس الحمار .لا قالت له خلاص روح الله يستر عليك بيجي الذيب ويشيلني انشاْ الله تقصد راشد العجمي .. قال لها يا خاله انا راشد الذيب .. اركبي وابشري بالخير .. وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث رحمه الله .. وله في ذلك ابيات جميلة منها

    لالقيــــت اللي على السكة لحاله=يلتفت ويــــــقول وين الطيبيني
    أوقف المـــــوتر حـــــيا وابغا الجماله=يوم ولد الــــــلاش وجهه مايبيني
    حالف مـــا آخذ على الرجلي رياله=بالثلاث مـــــــــحرم إنها ماتجيني
    والـــــولد لاطــــاب طيبه من خواله=والخوال تسال عــــــقب الوالديني


    هذا وتقبل تحيات اخوك: المري
    التعديل الأخير تم بواسطة المري; الساعة 26-02-2002, 01:52 PM.

    تعليق


    • #3
      الاخ العزيز المري .. هلا وغلا والف شكر على التعقيب وعلى التوضيح ..

      اعلم انه توفي ولكن لم اعلم السنه .. الابيات الى ذكرتها فيها اختلاف بسيط .. وخصوصا البيت المشهور له

      ان طاب الولد طيبه من خواله ..وان تردي فاعرف انهم خايبني ...او كما ذكرت ..

      الكثير اعترض على معنى البيت .. بحيث انه فيه ولد طيب والخوال لك عليهم او العكس ..

      وسئل يرحمه الله .. وهنا اسجل شهاده له " حيث قال انى انا قلت .. ان طاب الولد قالوا من خواله ؟؟؟ يعني بصيغة السؤال وليست بصيغة التاكيد" ولكن تداول الرواه حفظا للقصيده غير مكتوبه .. بدل المعنى ...

      توضيح مهم حبيت اذكره في هالمقام .. والقصيده وتوضيحه لذلك مسجل له في احد حلقات برنامج الباديه في تلفزيون قطر ..

      مره اخري شكرا لك اخى العزيز .. والله لايهينك ..

      اخوك

      شقران


      تعليق


      • #4
        السلام عليكم


        لاهنت ياشقران


        وحبيت اشاركك في ذا الموضوع


        البيت يقول :

        اشرب الفنجال واكب البياله ....... طيب ٍ واحب سلم الطيبيني



        اما بالنسبه للبيت هذا :

        الولد وان طاب طيبه من خواله ....... وان تردى فاعرف انهم خايبيني


        الحقيقه البيت هذا عارضه شعراء واجد ومنهم الشاعر مسعود بن عنبر المقابله الدوسري وقال :

        الولد وان طاب طيبه من عمامه ......................

        ماعرف تاليها ..


        عموما انا لا اتفق مع الاثنين

        لان الطيب ماله دخل في الجينات الوراثيه ..

        فكم من هلامه خواله طيبين والعكس صحيح



        الطيب وهبه من الله سبحانه والهادي الله ..




        رحم الله راشد الذيب


        تحياتي ياشقران

        تعليق


        • #5
          الاخ العزيز سعد الدوسري ..
          شكرا لمداخلتك ومشاركتك الطيبه ..

          ترا اخى العزيز انا ذكرت انا الشعر راشد يرحمه الله .. ذكر ان البيت تداول على غير ماقال هو ...

          سعيد بتواجدك ..

          تحياتي لك

          اخوك

          شقران

          تعليق


          • #6
            السلام عليكم ورحمة الله

            في هذا الصرح الشاهق

            وفي مجال تداول المعلومات الانترنت

            احمد الله على الفرصه الذي خلتني اشارككم

            واستفيد منكم

            واحاول اعطيكم اللي عندي

            ما اطول عليكم

            القصيد مثل ما تعرفون يتغير مع الزمن ومع نقل الرواه واختلاف الهجات

            انا اولا بعيد عن الشاعر ولهجته

            ولكن هذي القصيده احفضها منذ صغري

            واعشقها لما فيها من معاني جميله وموقف شهم

            والافتخار بالخوال

            اكتبها لكم بالترتيب الي انا حفضها به

            مع ان ما ارشح روايتي بانها صحيحه وانتوا ابخص

            لالقـيـت اللي على السـكه الـحاله ..... واقـف ويـقـول ويـن الطيـبـيني
            انـكـخ المـوتر وادور للجـماـله ...... يوم ولد الـلاش وجـهه ما يليني
            حالف ما اخذ على الطرقي رياله ..... والثلاثه حالف انها ما تجيني
            اشـرب الفنـجـال واخـلي البــيـاله ..... طيب و احـب ســلوم الطيبـيـن
            والصبي وان طاب قالوا من خواله ..... وان تردى فادروا انهم خايبيني

            والحكمه في البيت الاخير وان كان حكمه جزيئه

            يعني مهوب دايم صحيحه

            وفي اعتقادي انها اجزل لانه بين الاد العمومه يكون نسبهم واحد والاختلاف في الخوال

            ويقول شاعر قحطاني اتمنا مساعدتي في معرفة اسمه

            ابوي من الادنين دور خوالي ........ ماتاه رايه في ملقط الاجانيب

            وفيه امثال تعارض المثل في قصيدة العجمي لاختلاف التجارب

            والنار ترث رماد

            والحر حر وماكر البوم بومه

            ويخر ج الحي من الميت ويخرج الميت من الحي

            المهم ارجوا ان اكون فزعت لكم ولا اكون شتت افكاركم

            تقبلو تحياتي يالاخ شقران والاخ المري والاخ سعد الدوسري

            اخوكم
            ناصر بن بطي
            التعديل الأخير تم بواسطة ناصر بن بطي; الساعة 02-03-2002, 03:56 AM.

            تعليق


            • #7
              اتفق مع كلام الاخ سعد الدوسري فيما قاال


              المشاركة الأصلية بواسطة ناصر بن بطي مشاهدة المشاركة

              ويقول شاعر قحطاني اتمنا مساعدتي في معرفة اسمه

              هو الشاعر / ناصر بن جراد السحيمي القحطاني




              تحياتي للجميع

              تعليق


              • #8
                بيض الله وجهك يا زيد

                كفيت ووفيت

                تعليق

                يعمل...
                X