تضيق الصدور وتمتلي هم واحزان=وتخالط الدمعات حبر الكتابه
من واجب الغيره على خير الأديان =ومن واجب المسلم ونهج الصحابه
واللي حصل في حمص قدام الأعيان=مشهد يسبب للخلايق كئابه
هاذي مجازر حركت كل الأوطان=اكبر عذاب وظلم واكبر نهابه
هاذا دمار شعوب بأشكال والوان=اكبر من اللي قيل قتل وحرابه
ياأمة الأسلام يكفيك خذلان=صمتك مع ازهاق النفوس يتشابه
إلى متى وإنا من الصمت ننهان=وإن جر بالأحزان صوت الربابه
ماندري إن الصمت ذله وحقران=والحزم في وقت الشدايد مهابه
درعا تنادي ياعرب مابه اخوان=لاصار به بالدين عرف وقرابه
تبي رجالن فالصعيبات شجعان=و صدورهم للموت فيها رحابه
حتى يبين النصر في كل ميدان=والنعجه الحاكم تجيه الذيابه
و تسحبه فالأرض خايب وخسران= لا صار مايسوى جناح الذبابه
خله يموت بذل مبعوث طهران=و تخالط الفرحه دموع الغلابه
حتى يهاب اللي نوانا بعدوان=و ترفرف الرايات عز و مهابه
لاهنت ياعايض ومليون شكر لك على ها المشاعر الصادقه اتّجاه اخواننا في ارض الشام المباركه
والله ينصر جميع المسلمين في كل مكان وزمان ونعوذ بالله من الذل والخذلان
لك مني اجمل تحيه وتقدير ودمت بخير وسعاده
