إعـــــــلان

تقليص
لا يوجد إعلان حتى الآن.

كريمٍ تحسبه تاجر و هو ما قد قضى دينه

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كريمٍ تحسبه تاجر و هو ما قد قضى دينه



    السلام عليكم و رحمة الله و بركاته



    يزيد العمر و الدنيا تزيد اللي عشقها غي
    لا حب المال و ألهاه التكاثر وافلس بدينه

    عمرنا الأرض و أيام السنه تطوي الأوادم طي
    أحد راحل و أحد لافي و لا يدري كم سنينه

    يموت الطيّب و يرحل عن الدنيا وذكره حي
    و حظ اللي جمع ثنتين دين و سمعةٍ زينه

    رحل حاتم والى ذالحين تفخر به قبيلة طي
    زعيمٍ و أشتهر بالجود ممّا تملك يمينه

    و ابوي من العدم يكرم و كفه ما ذخر له شي !
    كريمٍ تحسبه تاجر و هو ما قد قضى دينه !!

    قدوره للذبايح ؟! ذيك مطبوخه و هذي ني
    و ذا ضيفٍ مغدينه و ذا ضيفٍ معشينه

    على بيته يمرّ الطرقي و يلقى نعيم و فيّ
    على سلم العرب بيت الشرف بالعز بانينه

    عسى ربي يسلم حاكم أركانه و يبطي حي
    و يكفي ساكنه شر الحسود و تنفقع عينه


    الشاعر مبارك بن حاضر



  • #2
    جعل عمره طويل ...وصح الله لسانك

    تعليق


    • #3
      جعل عمره طويل على طاعة الله ...وصح الله لسانك ولاهنت
      شاعر متمكن ومبدع وجزل

      تحياتي

      تعليق


      • #4
        المشاركة الأصلية بواسطة عبدالله ال منصور مشاهدة المشاركة
        جعل عمره طويل ...وصح الله لسانك
        و عمرك يالغالي

        صح بدنك

        تعليق


        • #5
          المشاركة الأصلية بواسطة سعد السبيعي مشاهدة المشاركة
          جعل عمره طويل على طاعة الله ...وصح الله لسانك ولاهنت
          شاعر متمكن ومبدع وجزل

          تحياتي
          عمره و عمرك يالنشمي

          صح بدنك و ماعليك زود

          شهادتك افتخر بها

          شكرا ً لك

          تعليق

          يعمل...
          X