إعـــــــلان

تقليص
لا يوجد إعلان حتى الآن.

رساله الى بعض الناس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • رساله الى بعض الناس

    السلام عليكم وأسعدكم الله بكل خير

    رساله الى بعض الناس مع التحيه




    [poem=font="simplified arabic,6,darkblue,bold,normal" bkcolor="transparent" bkimage="backgrounds/4.gif" border="double,4,blue" type=0 line=0 align=center use=ex num="0,black""]

    يالآدمي أدمنت عصيان وعقوق=كنك حفيد أبليس والا وليفه

    أكلك حرام وعيشتك غشٍ و بوق=حتى غدت دنياك صعبه كليفه

    مالله مبارك لك ولا أنت مرزوق=ضاري على السرقه و يدك خفيفه

    ودك تحوش الرزق والرزق ممحوق=من لقمةٍ عشّتك ماهي نظيفه

    كيف أنت تعصى خالقك وأنت مخلوق=ربٍ عطاك الأرض وحطك خليفه

    أرسل عليك غيومها تقدح بروق=تروى ظما كبدك وأرضٍ محيفه

    تشلع بك الجنحان ماردك سبوق=ولا عليك الحال شح برغيفه

    تينٍ مع زيتون و أعناب و عذوق=و طيرٍ على الأغصان تسمع رفيفه

    راسك تكبر و أنتفخ وأنت مطفوق=قلبك ضعيف إيمان و نفسك ضعيفه

    كل ماسبقت تقول ماني بمسبوق=وكل مانهزمت تقول نفسي عفيفه

    وكلٍ يشق إلا أنت تخيط شقوق=وكلٍ يهد إلا أنت تبني سقيفه

    وكلٍ سفيه إلا أنت حكمه ومنطوق=وكل دماث إلا أنت برقاً منيفه

    وكل كذوب إلا أنت ماغيرك صدوق=وكل جحيم إلا أنت جنه مريفه

    برفوق يامن تظلم الناس برفوق=رح للبحر يرويك من مدّ سيفه

    لو بالجناح تطير لابد ملحوق=و خطٍ تحت رجلك يوقف رصيفه

    دنياً تبيها دونها مسكة حلوق=ماهي على خبرك هنوفٍ لطيفه

    ماتسمعك لو صحت بلسان وشدوق=صمخ الأذاني والعيون الكفيفه

    تموت مالك عندها باقي حقوق=يدفنك أعز الناس بأرض كسيفه

    تحثي عليك الناس ومن أول فوق=ضاع الوجه والجاه و ذيك الوظيفه

    ماحشت من دنياك جيشٍ ولا نوق= ولا أكتسيت من الذهب والقطيفه

    آخر حياتك بالكفن و أنت مخنوق=متمددٍ مابين وحشه و خيفه

    ترجع عليك الروح ثم عقبها تفوق=و يبقى الأمر لله و تطوى الصحيفه

    [/poem]

    [align=center]وسلامتكم

    فهد ال عليه المري
    [/align]

  • #2
    الاخ الشاعر /فهد ال عليه المري
    بيض الله وجهك ولاهنت يالغالي
    ابيات شاعر ومعنى يوقض النائم
    موعظه لمن يتعظ والله لايحرمك الاجر

    تحياتي

    تعليق

    يعمل...
    X