جديد المنتدى من صد عني من مزاجه وكيفه!؟ (اخر مشاركة : حسين الحارثي - عددالردود : 0 - عددالزوار : 13 )           »          سحايب فيصل (اخر مشاركة : محمد بن هضيبان - عددالردود : 3 - عددالزوار : 24 )           »          الحديقة الأدبية الخاصة (اخر مشاركة : مراد الشيخ - عددالردود : 21 - عددالزوار : 1427 )           »          كريمٍ تحسبه تاجر و هو ما قد قضى دينه (اخر مشاركة : سعد السبيعي - عددالردود : 2 - عددالزوار : 204 )           »          مران بن قويد حفظه الله (اخر مشاركة : سعد السبيعي - عددالردود : 3 - عددالزوار : 341 )           »          يا بنــــــــت (اخر مشاركة : مراد الشيخ - عددالردود : 0 - عددالزوار : 96 )           »          ما عادَ الفاقِعُ يُغريني (اخر مشاركة : مراد الشيخ - عددالردود : 0 - عددالزوار : 37 )           »          *·~-.¸¸,.-~*همسااااات نجديه*·~-.¸¸,.-~* (اخر مشاركة : الحوراء بنت نجد - عددالردود : 371 - عددالزوار : 58692 )           »          النسيم يذكرني بطاريك (اخر مشاركة : الحوراء بنت نجد - عددالردود : 0 - عددالزوار : 80 )           »          ياعيد وين اللي للأحباب ملفا00اللي معاها تكتمل فرحة العيد (اخر مشاركة : سعود الردعان الهاجري - عددالردود : 47 - عددالزوار : 8742 )           »         


 
العودة   منتديات النداوي الشعبية > الأقسام الخاصة > عيون الشعر
 
إضافة رد
 
أدوات الموضوع
 
قديم 10-01-2007, 03:52 AM   #1
Banned
 
تاريخ التسجيل: Jan 2004
رقم العضوية: 1656
المشاركات: 3,103
من مواضيعي
الديوان الكامل للشاعر / سعد بن جدلان - الجزء الأول

يسرني ان اقدم لكم الجزء الأول من ديوان ابن جدلان تليه باقي القصائد المنشوره والغيرمنشوره ولكم التحية

دمعكم




يا وليفي دمعكم في غيابي رد لي= وأدري أن دمعتك خوفٍ علي ومن غلاي
أنت ممرضني وأعرف المرض فيكم وفي=والهبوب البارده منك هبت في حشاي
والله أن كبدي عليكم عراويها أضمي= والمشارب غير هرجتك ماتقطع ضماي
كيف تستغرب بطاي ومجيي يوم أجي=منك أجيك أبدون راي واروح بدون راي
ليلي أسهر به والا جاء النهار اشلا شوي=مرتٍ أشلا ومرٍ يعاودني بلاي
وأنت سبة كل شيٍٍٍٍٍٍٍٍٍ ولا داويت شي=كيف يا قادر على داي ماتقدر دواي
بعدما شتتوا الفكر وأخليتوا يدي=كثرت أعلوم الشماميت وأفرحتوا عداي
مابعد جاني من يوم التقوبي والدي= ولا بعد مر المحبين من حواء وجاي
لوخبر حي يعزا على فقدان حي=كان يمدي من عرفني يشاركني عزاي
عل يسقا يوم كان الهوى ما غير غي=فأول الرحله مثل مبتداك و مبتداي


فز قلبي



مل قلبٍ من هوى الخدرات عيا=باقيٍ له من هوى خلي بقايا
لا بغيت أسج من سمح المحيا =شفت من وصفه على غيره حلايا
فز قلبي وأنتبه عقب النسيا= واندش فكري وجارن الكوايا
راح يشرفبي على نور الثريا=لين وردني على حوض المنايا
وان بغيت اجيه وصله ماتهيا=صاروا العربان من دونه حمايا
ياوليفي لا تتسويبي كذيا= الخطايا لا تلحقها الخطايالله عنايا
كل شيٍ اعمله غير الجفيا= الجفا يزعل وسيعين النهايا


أنت غالي




ياعيون الي على المرقب تعلا=مايرب الا المراقيب الطوالا
طرتك منها غثا البال يتجلا=لعسٍ من بينها بيضٍ تلالا
تذهل الي في جواهرها تحلا=واهني من ذاق من ريقك زلالا
لا..وجاه الله ومن زكى وصلا=ما نبيك الا على السنة حلالا
مايرد الجوع شخب فيالمفلا =ولا يخض السعن من ذودٍ هجالا
أنت غالي ياحبيبي لا تغلا=يثبت اللي بيننا ايامٍ طوالا
والله اني ميسٍ من وصلك الا=فزعةٍ من ربنا جل و تعالا
أدخل الضولات من شان أتسلا=كود جرح القلب يبرا ويتشالا
والمجنب من الاوادم مايخلا=لا سلم من شر ذولا جوه ذولا

عيون الوحش



ويش اسوي ياعيون الوحش عنق الغزال=لا حصل طاريك يفتح على قلبي ارواق
لي ثلاث اسنين بين الحقيقه والخيال=وآخر أشهر ذا السنه تكمل الرابع غلاق
شبه وضحاً في المخاضير زاهيها الحيال=ما من غلاها عند اهلها تبارى ما تساق
تيهة من صغرها بين ثنتين هجال=مهتويها راعي البل و عاشقها عشاق
عندي أنك ماخذٍ تاج ربات الجمال=سلموك الحسن من باب صنعا للعراق


خفيات السراير



يا عيون مرقّب فأعلى الجداير=في صعانين الطوال المستديره
صاحبك يعطي على شوفك بشاير=ديرة منتو بها ما هيب ديره
من خذا منكم خفيات السراير=والله إن يبطي ولعكم في ضميره
لبةٍ بين المعنّق و الزراير=مثل شمس الصبح قدام السفيره
و يتفرشها من الخمري ستاير=ذيل شقراً شعشعت قدم المغيره
جوهرة قارون غالية التجاير=أشهد إنك بهجة العمر الكبيره
واحد حظك مع حظه يساير=شايفٍ القدر في العشر الأخيره
جعل أبو من لامني حمر المناير=في محبة واحدٍ ماليب غيره



حبك الصافي



الاياعيون اموحشٍ مابعد لزم=عدا كل صقارٍ بشبكه ولا لزمه
على القلب نارٍ ولعت في قرى حزم=وحطوا عليها من دقاق الحطب حزمه
يقاويك بن جدلان باصبر والعزم=لكن حبك الصافي تغلب على عزمه
تراني دخيلك يل حبيبي من الهزم= تموت الغزو ولا يقولون منهزمه



مشعف غرامك



يالي ليا جيت شيٍ تكمل اوصافه=وألي بلياك ما تهواه الاخلاقي
ترى صوابي لجا وابطيت بسعافه=يا منجح الكي لا تلحق على الباقي
عامين والحال من فرقاك ملافه=لف أشهب اللال عشبٍ نبته ادقاقي
كم ليلةٍ من سببك العين ذرافه=من غيبه الشمس لين الصبح ينساقي
ياعين حرٍعلى العسرات مشرافه=عيطٍ لحاليحها تصعب على الراقي
والعنق عنق ادمي عاود لميلافه=متذيرٍعقب مروح ريح تفاقي
ملك من الجسم غير المتن واردافه=زاويه خصرٍ عليه الشبر متلاقي
لفيتني لف سيرٍ فوق حذافه=وصرفتني من هوا تلعات الاعناقي
فأدخل على امك وابوك من التزلافه= تبتني بالعذاب وتقطع أرزاقي
البرق لجا المشعف زود أشعافه=وانا مشعف غرامك وانت براقي


يارسولي




واتل قلبي تل غرب ربع سانيه=ماعين منه غير العراقي براس ارشاه
على بو دليقٍ فوق دمث النحر كاسيه=سمار وبياضٍ يشبه النور من منشاه
اتشعشع اخلوم البدر لا فرقه بيديه=يشادي الضباب الياتعدا القمر غطاه
على عود موز يجري الما معا ساقيه=وزودٍ على زمه نباته قراحٍ ماه
الا ياعيون الي كشف برقعه راعيه= يتل السبوق وقام راعي الولع يشعاه
الا يارسولي بلغه ماقدرت اجيه= سلملي عليه وخذ سلامه وعطنياه
لا قالوا تحبه قلت ماعادنيب ابيه=وانا اشفق له اشفا من سقيم المرض لدواه
اقوي اعزومي كن ما عاد عندي فيه=وانا والله اني مونسٍ البلا واكناه
عروق الحشا ماتنبت الا على طاريه=تناما على قربه وتهجر على فرقاه
فترى من يعذل مولع من هوى غاليه=مثل من يحاول يعدل السيل من منحاه



خيار الدهم




كل دارٍ ارجعت وانا سناوي=عزتي للي سواتي عزتي له
زادت الحمى ورحنا للمداوي=والمداوي زود الحمى مليله
ياجميله قام يطوي الحال طاوي=والله ان كبدي على شوفك غليله
والله ان قلبي على اللاماء شفاوي=مير مافي يدي ولا في يديك حيله
سجليني في علم حبك فداوي=انا مجنونك بعد مجنون ليلى
يارقبة الخشف يا عين النداوي=يا سراجيف الذلول المستحيله
يا مناةٍ تنقصر عنها المناوي=يا خيار الدهم يالقبا الاصيله
نعنبك انتي مكاسر عود جاوي=ملبسك سندس شرابك سلسبيله
لو تمرين الشيوخ اهل الفتاوي=عودوا مثلي يجرون الطويله
من عشق شرواك والا لا يهاوي= التقيد من بعض الاشيا فضيله



النوامي



شعاني حمام فوق روس النوامي خلج=تغني على روس النعانيع منسجمه
آلاحيه من فرقاك يابو خدودٍ بلج=عسى لايم الميلاف عبرود ابو نجمه
محبتك حطت في محاني ضلوعي فلج=كما فلج سيل الوادي ضكته عجمه



الضماير



يالج صدري مثل لجة حيام الطرش=على عيلمٍ في القيض ميرادها فرزه
على الي غرامه بارشٍ الضماير برش=وحبه بصندوق الضماير طبع حرزه
حياتي بدونك يا لغضي ماتساوي قرش=تكلم على المكشوف بالنية الجرزه
محبه نظيفين الظماير نظاف الفرش=ما يحتاج فيها لا تخفي ولا برزه
عسى دعوتي يفتح لها الله باب العرش=يعاقب عباد ما عرفنا لها خرزه


الأزمات



الشدايد يا جميله بالازمات اختبار=ينعرف فيها الضلا الطويل من القصير
كل ماذكر حالتك بين غار وبين نار=راحت الدنيا بعيني عبوسٍ قمطرير
تحسبن حبك محاه التشدد والحصار= التشدد في المحبه هو الشر الشرير
شغلهم ضدي وضدك يعمر لك وقار=في ضميرٍ ماسكن فيه قدامك عشير
زارعٍ لك بخشةٍ من الزرار الى الزرار=نبتها ملمسك والعود الازرق والعبير
شد حيلك لا يصيبك فشل وإلا إنهيار=لا تصغر قيمتك وانت في عيني كبير
لذة صبار الهوا مثل لذة الانتصار=لا تصدق من يقول الحسد مافيه خير
لا تغيرب ماجرا من قنا مثلك يغار=كل شي ينشفا فيه ميصاله عسير
الذهب دونه حراسه وبيباٍ كبار= والدرر من دونها هيبه البحر الغزير
غير لاتيس و تكتب على نفسك قرار=يدفعك سوء التصرف على باس المصير
لولا شحي فيك جيتك أجاهر من نهار=غير ما يصلح مقام بلا راي بصير
فرصتي ويقت حرارٍ على ماكر حرار=ما يعود فالمحل الربيب إلا البعير
والله ان اموت ما جاك من عندي بوار=خل في قلبك ثقه والثقه كنز الضمير
خذ كلام اللي يشوفك بعين الاعتبار=واحدٍ مالك بقلبه ولا عقله خشير
والمحبه مدرسة شي ثبوت وشي فرار=وانت درسي مع هل الحب الاول والاخير


يكفيك



في الناس شعثان روس وراسي اشعثها=خصٍ ليا من قلبي عين اغلاثه
عكشٍ لامنه نوى بالموت يبعثها=بالجوف كنه يخجه سرب نفاثه
يالي كسوري من اجلك لا توعثها=تراه ماينفع الغالي تعباثه
يكفيك نارٍ على كبدي مورثها=لا اموت يمكن تجي لعيالي وراثه
عن اعتداياتك الي كنت تمكثها= وسط الضماير تقول خطوط حراثه
مامرني في حياتي من كوارثها=ما عادلت من فراقك خوط كراثه
كم لي وانا ارد نفسي من تعلثها=من خوفةٍ يرخص الغالي تعلاثه
أعياد ربي اثنين وانت ثالثها=نهار افاجيك كني داخلٍ غاثه
[/QUOTE]


سعد بن شليه السبيعي غير متواجد حالياً   رد مع اقتباس
 
 
قديم 14-01-2007, 09:58 AM   #2
" شايع العيافي"
 
تاريخ التسجيل: Nov 2000
رقم العضوية: 78
المشاركات: 10,441

الاوسمة

من مواضيعي

سعد


بيض الله وجهك ولا هنت على هذا النقل الثمين


لا هنت



مشهوووور...



مشهور الخيّال غير متواجد حالياً   رد مع اقتباس
 
 
قديم 14-01-2007, 06:53 PM   #3
" وسام الاداره "
 
الصورة الرمزية عبدالله بن شايع الزهيري
 
تاريخ التسجيل: Feb 2005
رقم العضوية: 1923
الدولة: فجوج الخلا الخالي
المشاركات: 11,484

الاوسمة

من مواضيعي

لاهنت ياسعد

بيض الله وجهك جهد ونقل تشكر عليه


وصح لسان العلم بن جدلان


حفظك الله



التوقيع
الكفو عثرة لسانه تقلـل مـن غـلاه =والردي يخطي ويبطي لا منه ولا عليه
والثقة قصر ركونه تنومس من بناه =والحكي لو نزه الدنس ما دنس نزيه

فلاح القرقاح




عبدالله بن شايع الزهيري غير متواجد حالياً   رد مع اقتباس
 
 
قديم 16-01-2007, 03:01 PM   #4
" وسام الاداره "
 
الصورة الرمزية مناور بن هاجد
 
تاريخ التسجيل: Sep 2006
رقم العضوية: 2154
الدولة: دار جـابـر
المشاركات: 4,767

الاوسمة

من مواضيعي

لاهنت ياسعد

بيض الله وجهك جهد ونقل تشكر عليه


وصح لسان العلم بن جدلان
دمت برعاية الله وحفظة



التوقيع
سافرت ناوي أترك الضيق لحظات=لقيت طيفك بالسفر محتريني.?!
حاولت أببعد عن خيالك مسافات=الله حسيبك وين مارحت فيني.?!
غيرك نسيته ماطرى كل حزات=الا أنت دايم بالدقايق تجيني.?!
شعر: مناور بن هاجد



للتواصل:
munawer_80@hotmail.com




تويتر
MunawerBinHajed@
مناور بن هاجد غير متواجد حالياً   رد مع اقتباس
 
 
قديم 19-01-2007, 01:04 AM   #5
" نــداويه "
 
الصورة الرمزية معاني الشوق
 
تاريخ التسجيل: May 2005
رقم العضوية: 1944
الدولة: .. سـُمـُوِّ المعاني ..
المشاركات: 3,947

الاوسمة

من مواضيعي

/

\

ياسلام عليك

هذا القصيد والا بلاش

ذائقه مميزه جدا

صح لسان شاعرها

وسلمت يدين ناقلها

تقديري

/

\



التوقيع
معاني الشوق غير متواجد حالياً   رد مع اقتباس
 
 
قديم 14-03-2007, 01:21 PM   #6
Banned
 
تاريخ التسجيل: Jan 2004
رقم العضوية: 1656
المشاركات: 3,103
من مواضيعي

شايع الف شكر لمرورك لاهنت



سعد بن شليه السبيعي غير متواجد حالياً   رد مع اقتباس
 
 
قديم 14-03-2007, 09:35 PM   #7
" نــداوي "
 
تاريخ التسجيل: May 2003
رقم العضوية: 1455
الدولة: الشرقية - الجبيل
المشاركات: 4,084

الاوسمة

من مواضيعي

الاخ العزيز / سعد بن شليه
اسعد الله مساك بكل خير
بيض الله وجهك جهد ونقل
تشكر عليه ولاهنت ياسعد
وصح لسان ا بن جدلان

اسلم وسلم

تحياتي



سعد السبيعي غير متواجد حالياً   رد مع اقتباس
 
 
قديم 23-03-2007, 02:32 AM   #8
" نــداوي "
 
الصورة الرمزية حسين الهوران العنزي
 
تاريخ التسجيل: Mar 2007
رقم العضوية: 2207
الدولة: الرياض
المشاركات: 194
من مواضيعي

مشكور يالذيب

والله يعطيك العافيه

صدقني صار لي مده ابحث عن هالكنز واخيرا وجدته سلمت يمينك

والله لايهينك

لك تقديري واحترامي



حسين الهوران العنزي غير متواجد حالياً   رد مع اقتباس
 
 
قديم 23-03-2007, 11:59 PM   #9
:: النداوي ::
 
الصورة الرمزية حمد السحيمي
 
تاريخ التسجيل: Jan 2001
رقم العضوية: 405
الدولة: الظهران
المشاركات: 8,665
من مواضيعي

بيض الله وجهك يا سعد

هكذا يجب ان تكون المشاركات ..


لله درررررررررررررك



التوقيع

للتواصل على البريد

alnadawi@yahoo.com
طلب الرقم السري يجب ان تكون الرساله من البريد المسجل لدينا وتصله على بريده



تابعني في تويتر

https://twitter.com/#!/alnadawi1
حمد السحيمي غير متواجد حالياً   رد مع اقتباس
 
 
قديم 06-06-2007, 12:41 AM   #10
Banned
 
تاريخ التسجيل: Jan 2004
رقم العضوية: 1656
المشاركات: 3,103
من مواضيعي

عبدالله الف شكر لمرورك لاهنت



سعد بن شليه السبيعي غير متواجد حالياً   رد مع اقتباس
 
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مبروك للنداوي الديوان الأول لخولان بن عامر.. سعيد الحازبي مركز النداوي الاعلامي 7 24-08-2008 04:14 PM
( مســـــــافــــات ) الديوان المطبوع الأول للشاعر ضاوي العصيمي حمد السحيمي مراسم الترحيب والأمسيات والمناسبات والمواضيع الهامه والمتميزه 6 05-07-2006 09:20 PM
حياة البدو ( الديوان الصوتي الأول للشاعر مبارك بن محيا ) حمد السحيمي مراسم الترحيب والأمسيات والمناسبات والمواضيع الهامه والمتميزه 11 01-05-2006 10:23 PM
حياة البدو ( الديوان الصوتي الأول للشاعر مبارك بن محيا ) حمد السحيمي صوتيات وصور من التراث 2 09-04-2006 07:18 PM
سمان المعاني ( الديوان الصوتي الأول لخوي المطاليق ) برعايةالنداوي حمد السحيمي مراسم الترحيب والأمسيات والمناسبات والمواضيع الهامه والمتميزه 8 24-11-2005 08:34 PM


الساعة الآن 07:50 PM.


Powered by vBulletin® Version 3.8.2
Copyright ©2000 - 2014, Jelsoft Enterprises Ltd.
جميع الحقوق محفوظة