( مقتطفــاتــي)

السلام عليكم ورحمة الله

أحبتي..قد تكون لدى بعض الشعراء مقتطفات

تقل عن مسمى القصيده ولكن يجد فيها متذوق الشعر

مايروي ذاائقته..

هنا وعلى هذه الصفحه سأضع بعضا من مقتطفاتي

راجية أن تنال رضاكم

وبالتوفيق للجميع’,,

/

/

الشعر مجموعة أحاسيـس وشْعـور=من فيضها جفـت محابيـر الاقـلام
سحر(ن) على الصفحات للناس منثور=يجذب بْقوه..كلـه احسـاس وانغـام
تجيه والخاطر مـن الهـم مكسـور=وإلى قريت مْن اعذبه راااحت احـلام
راحت همومك وانشرح صدرك سْرور=اعلاج نفسي من قديمـات الاعـوام

ودّي أطقطق على الكيبورد واتْسلّى=عسانـي القـى معاكـم مايسلينـي
مره أجيكم سعيده وخاطـري فلّـى=ومره أجيكم ودمعي في طرف عيني
ياالله بشعر(ن) جزيلٍ يشفي العلّـى=عذبٍ يداوي خفوقـي والشرايينـي

سلمولي علـى نجـد لا جيتـوه=وعلّموه إني استانس إلى جيتـه
وعلّموه إنـي أحبّـه وعلّمـوه=أعْشقه واعْشَْق ارضه وشاريته
ودي اقضي بـه العمـر كلبـوه=وماحصللي علـى مـا تمنيتـه
يفزّ له ضامـري كلمـا طـروه=واسبق ادموع عينـي بتنهيتـه
يا فهـد لعنبـو البعـد لعنبـوه=وش طراة العمر والموت تاليته
واتحلّى الصبر والصبر قد سمّوه=سرّ مفتاح الفرج لـو تقاسيتـه
في هوى نجد أنا ما علي مشروه=لو كتبت القصايد فيـه مَْوفيتـه

عيني على الجوال لا ضـاق صـدري=لعـل ياتـي مـن طرفكـم رسـالـه
حدي افكر ليـش؟ وشلـون ؟مـدري=والمنتظـر يانـاس ياشيـن حـالـه
مَفْرق غروب الشمس من صبح فجري=ومـا يدْلَـه المشتـاق لوكثـر مالـه
يامـن يخبرنـي وهوياخـذ أجـري؟=عن غايب(ن)منيـة حياتـي وصالـه

حياك الله أخي الفاضل محمد السليس

وتسلم وصح الله لسانك على هالمقتطفات العذبه

نورت الصفحه

أعذب التحيه’,,

أناقصيدي هو ونيسـي والدفاتـر والقلـم=لاضاق صدري جيتها وسميت بالله وابتديت
وبعثرت همي بالقلم واوجاع قلبـي والألـم=وبديت ارتّبهاعلى هيئةقصيده بيـت بيـت

يحسب إنه لاهجرني ضاقـت الدنيـا علـي=مادرى ان كثر الجفا من حضرته يجبر عزاي
والله إني لو بغيـت أجرجـره مثـل الطلـي=بس أشوفه مايناسب لي ولا مـن مستـواي

ياشيب عيني من الايـام مَسْرعهـا=خص(ن) إلى من تهيت لي على كيفي
بالأمس بين الحبايب فـي مرابعهـا=تحت المطر فالمزارع قلبي ..امْريفي
واليوم فجر الخميس أصبحت أودعها=وادموع عيني على خدي محاذيفـي

ياحمام(ن) تعلـى فـي سمانـا وحـام=وجاب لي الرسايل من سما المرسلـي
جاب لي القصايد فـي رمـوز الكـلام=ودي أفهم عليها وإن فهمـت أخجلـي
وإن بغيت أتسلـى قلـت هـذا حـرام=وإن بغيـت الحقيقـه قلـت مايُعْقَلـي
كان شعري عجبكـم غايتـي والمـرام=كل شاعـر يحـاول يكسـب الأولـي
ودي أهدي قصيدي وأرسلـه ياحمـام=وانثر العطر فوقـه والحلـى والحُلِـي
واحذري يالقوافي مـن كثيـر المـلام=واعلمي الحاجب أعلى والرموش أسفلي