ما بين أبو هاكم وسلطان الانسان .. فقيد القلوب

وداعا سلطان الخير







كذا ! .. يجل الخطب لفراق سلطان

كذا ! .. تهل العين مخزون ماها


كذا ! .. تناضح بالحشا كل الاحزان


يا ما اكبر احزاني وما اكبر عزاها


ما يجبر البلوى طويلات الازمان


وجروح الانفس كيف نلقى دواها


خطبٍ دهانا في موادع كحيلان


أواه يا الفرقى وما اقسى ظماها


أواه يا قو المواجع والاشجان


في مفرق الشكوى وفي ملتقاها


يا ما رحل عنا شغاميم وأركان


لكن ما كلٍ بيبكي وراها


إلا إن أبو خالد بتبكيه الاوطان


ما دام بقلوب الخلايق دماها


تبكيه مداته .. ويبكيه الاحسان



تبكيه وقفاتٍ يذري ذراها




يا ما كسى معدم وتايه وبردان

بالمده اللي ما بنلحق مداها


ياما ظفى عطفه على كل جيعان


حتى ذوت سود الظروف وقساها




ما بين أبو هاكم وسلطان الانسان

يقصر وفا غيره وتقصر خطاها


والله يصبرنا على فقد سلطان


حب القلوب اللي فراقه دهاها


والله يغفر له ويجزيه بجنان


يقبل دعا قلوبٍ رجت في دها







محمد بن حمدان المالكي

انا لله وانا اليه راجعون



صح الله لسانك يابو حمدان


والله يرحم ابوخالد



الانسان

جزاك الله خيرا
أسأل الله أن يرحمه ويسكنه فسيح جناته

لله درك يا مبدع

زفرات من قلب مفطور حزنا وكمدا

خرجت الآة صادقة ومريرة وربي

الله يجبر قلوبنا ويحسن عزانا

الله يغفر له و يرحمه ويسكنه فسيح جناته..
ما بين أبو هاكم وسلطان الانسان..يقصر وفا غيره وتقصر خطاها
لافض فوك يارجل