Tweet
السلام عليكم
كنت ابي اقرا القصايد الطيبه واستانس
لكن طرالي طاري وقامت الابيات تلاعب قدام عيني وقلت اكتبها
اسند القصيده للشاعر علي بن حمري
ولا ينقل الحمول الا زملٍ يرتكي لها
اقــــــــــــــــــــــــــول والقاف ارتجال:
يا غيث هوجاسٍ يهل بحور * خبّر ركونٍ في وطنّا بور
انّا نجاملها ونطلي جنبها * حتى تعرف ان الزمان يدور
وان كان ما طاب القليل اللي بها * نروي سنانٍ في عسام يثور
ننقد قديمين العهد بافعالها * والاجنبي في جالها منحور
امّا اتعض من فعلنا في ضدنا * وارخى حمولٍ في سرايا زور
والا خسارتنا تجي متشابهه * والله يعيض مفارقين الدور
من عقبها يا شاشةٍ من خلفها * نارٍ تلضّى في جنان الحور
أسألش بالله العلي المقتدر * اللي رفع فوق اليهود الطور
انش تودّين العلوم لعزوتي * راس ابن حمري سيفنا المذخور
انتي مراسيلي وعندش غايتي * ما يردعش دون النشاما سور
يقرا طقاطيقٍ على بيض الدقم * صارت من افضال الخبير سطور
فاليا كشف وجه الجهاز وشافها * قـــــــــولـــــــي
ســــــــــــــلام
ويــــا عــــلــي
مــاجــــــــــور
وشحالكم؟ وشحال ذاك الشايب؟ * اللي ببابه طالبين الشور
وش وقعكم لا يا خوالي كلكم * صرّامة الروس ان لفو طابور
وان كان تنشدني عن علومٍ لنا * سلوا صقورٍ في وكور صقور
ما به خبر ياجب علينا نرفعه * الا هوينٍ فايتٍ ميسور
جاكم خبر عنّه وقلت استلطفك * فيما تفاجينا من المنظور
يوم ان بعض الناس من صعب المشي * وقّف على باب القضا ناطور
اللـي يـحـسـب ان الـركــوز بـخــوّتــه *
شـــــارات بــــــوش
ولافـتــات ال قــــور
انا ادري انّها حذفةٍ ما زعزعت * ضلعٍ رفيعٍ شامخٍ مخبور
لكن تغربلنا فعول زنودنا * وشقومها مستلفيات الجور
نقضب بها سيفٍ نبي نطعن بها * وتنكس علينا سيفنا وتبور
وتجلب علينا كلمةٍ من حودلي * ودّه بصيدٍ في مياه عكور
ما يدري ان اللي بيقفا كلمته * حزٍّ على المفصل ودق نحور
ما هو لنا همٍّ ولكن همنا * زندٍ تناسا ان للفروع جذور
لو نتركه ويّا العضود فمشكله * لكن نحنّه لا يجي مبتور
ندري ليا نافس على الطيب انتصر * نصرٍ لمنصورٍ ولد منصور
وانّه وريث السابقين اللي لهم * في ديرة علوم الرجال قصور
لكن ترا الزلّه بعشرٍ مثلها * من واحدٍ مثله غدا مذكور
لو كانها مقصورةٍ في رميته * زلّة قريب وحملها مقدور
كلٍ يعدل والقبيل وينعقل * والحق شال من الصدور فطور
لكن يغمم عينها عن شورها * موت الحميّا والزحول قبور
يومه يقلطنا لنيبان اجنبي * لا والله الا يا عماة الشور
ما يدري انّه يرتجي الفاس المرق * ما ينطبخ له لو تفور قدور
مستعجلٍ يبغي يعشي صاحبه * وصار العشا بلوا وسم نحور
هذا خبرنا في علومٍ جاتكم * مرسولةٍ منّا مع المامور
تقطع بحور الكمبيوتر صوبكم * باسلاك والشاشه لها بابور
اسلم وسلّم لو تجيك رسالتي * وهق الجماعه درّها المنثور
واخبرهم انّا ما بلينا المتقي * لكن عذاب مقارب المحضور
وسلامتكم
خوي المطاليق
كنت ابي اقرا القصايد الطيبه واستانس
لكن طرالي طاري وقامت الابيات تلاعب قدام عيني وقلت اكتبها
اسند القصيده للشاعر علي بن حمري
ولا ينقل الحمول الا زملٍ يرتكي لها
اقــــــــــــــــــــــــــول والقاف ارتجال:
يا غيث هوجاسٍ يهل بحور * خبّر ركونٍ في وطنّا بور
انّا نجاملها ونطلي جنبها * حتى تعرف ان الزمان يدور
وان كان ما طاب القليل اللي بها * نروي سنانٍ في عسام يثور
ننقد قديمين العهد بافعالها * والاجنبي في جالها منحور
امّا اتعض من فعلنا في ضدنا * وارخى حمولٍ في سرايا زور
والا خسارتنا تجي متشابهه * والله يعيض مفارقين الدور
من عقبها يا شاشةٍ من خلفها * نارٍ تلضّى في جنان الحور
أسألش بالله العلي المقتدر * اللي رفع فوق اليهود الطور
انش تودّين العلوم لعزوتي * راس ابن حمري سيفنا المذخور
انتي مراسيلي وعندش غايتي * ما يردعش دون النشاما سور
يقرا طقاطيقٍ على بيض الدقم * صارت من افضال الخبير سطور
فاليا كشف وجه الجهاز وشافها * قـــــــــولـــــــي
ســــــــــــــلام
ويــــا عــــلــي
مــاجــــــــــور
وشحالكم؟ وشحال ذاك الشايب؟ * اللي ببابه طالبين الشور
وش وقعكم لا يا خوالي كلكم * صرّامة الروس ان لفو طابور
وان كان تنشدني عن علومٍ لنا * سلوا صقورٍ في وكور صقور
ما به خبر ياجب علينا نرفعه * الا هوينٍ فايتٍ ميسور
جاكم خبر عنّه وقلت استلطفك * فيما تفاجينا من المنظور
يوم ان بعض الناس من صعب المشي * وقّف على باب القضا ناطور
اللـي يـحـسـب ان الـركــوز بـخــوّتــه *
شـــــارات بــــــوش
ولافـتــات ال قــــور
انا ادري انّها حذفةٍ ما زعزعت * ضلعٍ رفيعٍ شامخٍ مخبور
لكن تغربلنا فعول زنودنا * وشقومها مستلفيات الجور
نقضب بها سيفٍ نبي نطعن بها * وتنكس علينا سيفنا وتبور
وتجلب علينا كلمةٍ من حودلي * ودّه بصيدٍ في مياه عكور
ما يدري ان اللي بيقفا كلمته * حزٍّ على المفصل ودق نحور
ما هو لنا همٍّ ولكن همنا * زندٍ تناسا ان للفروع جذور
لو نتركه ويّا العضود فمشكله * لكن نحنّه لا يجي مبتور
ندري ليا نافس على الطيب انتصر * نصرٍ لمنصورٍ ولد منصور
وانّه وريث السابقين اللي لهم * في ديرة علوم الرجال قصور
لكن ترا الزلّه بعشرٍ مثلها * من واحدٍ مثله غدا مذكور
لو كانها مقصورةٍ في رميته * زلّة قريب وحملها مقدور
كلٍ يعدل والقبيل وينعقل * والحق شال من الصدور فطور
لكن يغمم عينها عن شورها * موت الحميّا والزحول قبور
يومه يقلطنا لنيبان اجنبي * لا والله الا يا عماة الشور
ما يدري انّه يرتجي الفاس المرق * ما ينطبخ له لو تفور قدور
مستعجلٍ يبغي يعشي صاحبه * وصار العشا بلوا وسم نحور
هذا خبرنا في علومٍ جاتكم * مرسولةٍ منّا مع المامور
تقطع بحور الكمبيوتر صوبكم * باسلاك والشاشه لها بابور
اسلم وسلّم لو تجيك رسالتي * وهق الجماعه درّها المنثور
واخبرهم انّا ما بلينا المتقي * لكن عذاب مقارب المحضور
وسلامتكم
خوي المطاليق
تعليق