إعـــــــلان

تقليص
لا يوجد إعلان حتى الآن.

وراك ياسوق الهوامير تنهار

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وراك ياسوق الهوامير تنهار

    وراك ياسوق الهوامير تنهار
    تنهار باللي مابعد صار هامور
    اثرك ياسوق الهوامير غدار
    غدرت بي واكلتني معك خابور
    منول ابغا منك ياسوق مليار
    واليوم عطني راس مالي ومشكور
    حمد السحيمي
    #ابو_ثامر
    ان كان تشكي ياحمدصالى النار
    منتب لحالك معك شيبان وغمور
    السوق ينزف كل يوم بمقدار
    والكل صابر وينتظر مدة شهور
    الله يعوضنا الصبرياابن مسمار
    واللي صبر دايم مثاب وماجور
    الرد على ابوثامر
    سعد السحيمي
    #ابو_فيصل
    اصبريابوثامرعلى السوق لو جار
    ياماوطا ناس لهم في الزمن دور
    الصبرمفتاح الفرج سر وجهار
    وبأذن الولي تاتيك بعدين في النور
    اخوك قدخذله مع الربع مشوار
    وبغى يواصل مير مااصبر على الجور
    ابراهيم السحيمي
    #ابو_احمد
    اصبر وانا خابرك قرم وصبار
    صليب راس وصامل الراي والشور
    خسارتي مبارك وماضي هل الدار
    راحوا وحنا ننتظر ياصل الدور
    والآ المصالح كنها الوقت غدار
    والسوق يوم فوق وايام بحدور
    هادي بن عسكر

    السوق كنه مثل .. قصاف الاعمار
    مايرحمك لاحل .. في روحك الدور
    الى شريت اشتر مثل شريت اعمار
    النادر اللي .. كنها تسبح .. بحور
    اللي تجيب الرنج .. وتجيب فكسار
    كم سابق" قد جابت كنوز وقصور
    مبارك مناحي العمور


    الله يجيرك يـ السحيمي من النار
    ويعوضك بجنّة عدن واجمل الحور
    انا احسب انّك رحت من ضمن الاخيار
    اللي قضوا في معركة ذيب عاقور
    ومادام شفت الحرب في يوم ذي قار
    وش لون غرّك ياحمد وعد بلفور؟!
    سعيد مقبل الاكلبي

    حنِّا دخلنا السوق يومٍ انه انهارْ
    و حنِّا عَكسنا السير بخدوش و كسور
    ما همنّا وشْ رَاحْ وشْ صَارْ ما صَارْ
    و لا همَّنا جموعٍ على البيع طابور
    الحَظْ لَحظَة عُمرْ و الرزق بأقدارْ
    مَحفوظ لَك يَالعبد مسَجَّل و مَسْطُورْ
    عبيد صنهات الشمري

    لو كان لابن ادم كما الطير منقار
    ماكان حجم القانصه شله الزور
    ويمسي بلا مأوى والى جا الفجر طار
    والرزق ماشي له بلا نقص وقصور
    واللي يغامر لايدوٓر لااعذار
    على كذا والا كذا يقبل الدور
    ولايندرى والخير في ماالله اختار
    والعبد بامر الله منهي ومامور
    حمد بن فطيس


    مادمت ياسوق الهوامير .. جزّار
    اخذ اللحم .. لو قالوا العظم مكسور
    لعبة كباار .. وكسبها طيحة صغار
    وسهومها .. تكشف غطى كل مستور
    من جرّب الطيحه .. عذر كل منهار
    والسوق معروفٍ له شهور ودهور
    لوجاك رأس المال .. وارباحه أصفار
    اسلم على عمرك .. والا تقرب السور
    فهد بن حمد الخالدي

    اصبر على الهامور لوجار ثم جار
    والصبر زين وخابرك مانت مطيور
    الله رزق طيره على عود صبار
    وان كتب رزقك ياصلك دون عاثور
    ماتاقف الدنيا على لعب تجار
    وان زاد ماله بيتعثر بعاثور
    يصرف على صحته مليون مليار
    وتشوف حاله كل يومن بحادور
    مير احمد الله واشكره يابن مسمار
    العافيه زينه والايام بتدور
    وان طعت شوري لا تحرا لمليار
    وافتك مالك من حنك كل هامور
    وسلام مني ياصلك يابن مسمار
    وماجور يالوافي ولاهنت مشكور
    سعد بن محمد الفوزان

    اللي معه عقل وبصيره ومنظار
    يسبر بعينه وياخذ العلم والشور
    وان جات من فوق المناطح ياجبار
    سبحانك اللهم لايفري الزور
    غبن الرجال وطيب الذات صبار
    لاشك دون الحلق ايدين والجور
    مايقبله مثلك يابن عمي مجار
    وان عاد راس المال كيفنت ماجور
    علي بن رفده


    Reply, Reply All or Forward | More
    التعديل الأخير تم بواسطة Hamad; الساعة 23-08-2015, 02:12 AM.

    للتواصل على البريد

    alnadawi@yahoo.com
    طلب الرقم السري يجب ان تكون الرساله من البريد المسجل لدينا وتصله على بريده



    تابعني في تويتر

    https://twitter.com/#!/alnadawi1
يعمل...
X