إسأل ضيفتنا = ريم_قطر

عزيزتي ريم قطر


كل عام وانتي بخير


بصراحه انا ما عندي اسئله لكن حبيت اني أسلم عليك وأحييك .. من أجمل الاسماء النسائية المتواجدة في النداوي .. الله يعطيك العافية .. وموفقة وإلى الأمام دوم إن شاء الله ..

انا جيت اسأل الظالم سـؤالٍ ردده مظلـوم
تظن ارتحت بعد اللي جرا مابينك وبيني؟!!!


كعادتك رااااااااائعه ..


تقبلي تحياتي

يا مرحبا مره ثانيه يا السنافي...
واكيد تمون يا العرجاني واخو على عيني وراسي..

الاسم الوحيد اللي كتبت فيه الشعر هو ريم قطر...
ولا كان لي اسم غيره..

اما الشاعرات اللي تأثرت فيهم فلا والله مافيه...
فيه طبعاً اللي يعجبني شعرهم واحب اقراه لكن من دون ما يأثر فيني..
لانه غايه في الروعه...
لكن.. كل شخص واسلوبه..

اما طقوس كتابه القصيده فهي والله ما ترتبط بوقت معين...
متى ما تضايقت حسيت اني بحاجه للكتابه..

يا مرحبا بك مره ثانيه..
والف الف شكر على هالدعوه الصادقه...
تسلم يا السنافي..

يا مرحبا بك يا الهاجري...
والشكر اكيد لك على هالتواجد الرائع مع اختك..

من تأثرت..؟
انا جاوبتها على اخوي سالم انا والله يا هادي ما تأثرت في احد..
تغلب على مشاعري كثير واحس اني اكتبها..
اكثر من اني اتأثر بغيري..
رغم اعجابي الكبير في المبدع متعب التركي..

كم قصيده..؟
ما اعرف بالضبط بصراحه بس مهب كثير...
انا اكتب متى ماحسيت اني بحاجه لها مش للتواجد..
وهذا سبب قلتها..

اللي تعجبني اشعارهم في النداويه كثير والله...
فمن الظلم اذكر شخص وانسى الثاني..
بس للامانه..
وربي المبدعين هنا اكثر من انهم ينعدون..

لا مالي اي مشاركات الا مثل ماقلت قبل قصيده عرضت من غير رايي..
ولا ابي هالشي..
انا الحمدلله احس اني ماني بحاجه للاعلام ولا علاقاته..

لا مالي نيه ابداً لاصدار هالديوان...
فيه شي احلى من ديوان الشعر اللي لي بالنداوي..؟
هذا بس يكفيني..

الف شكر لمرورك ولاسئلتك اخوي هادي...
ويامرحبا..

المبدع والكبير بشعره واخلاقه...
فيصل الرياحي..
كل الشكر لك في البدايه على تواجدك معي...
وثقتك فيني واللي ماتثمن بثمن...

وكل عام وانت بصحه وسلامه يارب..

انا تقريباً اهلي كلهم شعار الوالد عماني اهلي بشكل عام...
الاغلبيه شعار..
ولا ادري اذا كان شعري وراثه بسببهم...
او انه شي من الله..
احمد ربي عليه..
ما ادري..

انا طبعاً ما افكر باصدار اي ديوان لكن كرد على سؤالك
فاقولك اني سواء كان الديوان باسم صاحبه الشخصي او المستعار..
فالفكره هي الشعر..
والشعر موجود..
لكن السرقه هي اكثر عيب يواجه كل اسم مستعار..
وترى بيني وبينك وصلت حتى للشعار اللي يكتبون باسمهم الحقيقي..
فما فيه اي حفظ حقوق وخاصه بالنت..
وطبعاً..
المتضرر الاكبر من هالشغله اللي يكتب بالاسم المستعار..

مره ثانيه الف الف شكر لوجودك...
ويامرحبا مليون يا الرياحي..

يا مرحبا والله اني صادقه في اخوي سعد براك...
يكفيني عن اي كلمه..
تواجد اسمك..

شاعر واخ اعتز فيه كثير وربي العالم...
يكفي وقفتك الصادقه معي واخوتك اللي ماراح القى مثلها..

الف شكر لكل حرف كتبته...
والله لايخليني منكم يا النداويه...
يامرحبا..

يامرحبا والله باختي الغاليه...
سميره العبدالله..

وأنتي بصحه وسلامه يارب...
ومبارك عليك الشهر..

والله يا الغاليه ماتغلين الا اللي يغليك...
ويشهد الله لكم غلا ماتعبر عنه الحروف ولا الكتابه..
الله لايخليني منكم يارب..

يامرحبا مره ثانيه...
والف الف شكر لتواجدك الصادق معي..

يا مرحبا بك والله يا حكيمنا...
اخو وعزيز يا السنافي..
وأنت بصحه وسلامه يارب...
والله يتقبل من الجميع ..

ايجابيات المنتدى اكيد اكثر من سلبياته لكن من ابرز سلبيات المنتديات والنت..
السرقات الادبيه اللي ماتحفظ لك حق شعرك...
والاسماء المستعاره اللي ما تحترم الحرف اللي تكتبه..
مستغله كون انها تكتب تحت اسم مستعار ولافيه اي قيود...
فتستغله بشكل عكسي...
اما على بنات حواء بشكل خاص..
فهو الكلام..
والله يا السنافي مانسلم من الاشاعات والكلام اللي نتعرض له..
واللي نتجاوزه بفضل من الله وبثقه بعض الاخوان اللي مثلك..

لا والله انا اكره المجاوله اخوي جعيثن...
بدليل عدم ردي على كل الاشخاص وعلى كل القصايد...
برغم احترامي لهم ومكانتهم الكبيره بالنسبه لي..
وهذا وربي مهب غرور لكن احب ارد على القصيده اللي تأثر فيني بجد..
وبما اني ما احب اجامل..
فانا اكره المجامله في الردود الا بحدود معينه..
فمش معقول شاعر يكتب قصيده ولا يلقى عليها ولا رد..
على الاقل نرد عليه كتشجيع له..
وهذا رايي..

يا مرحبا بك العرجاني...
والف الف شكر لوجودك معي..

يامرحبا وعليكم السلام ورحمه الله وبركاته يابن قشعم...
وانت بصحه وسلامه يا السنافي..

قله المشاركه والله يا فالح مهيب لاي سبب من اللي ذكرته...
بس في فتره من الفترات..
تشعر انك فقدت حتى الرغبه في الكتابه..
يمكن للظروف اللي تمر فيها ويمكن للصدمات اللي تتعرض لها..
لكن صدقني وقتها الشعر بيكون اخر اهتمامات حياتك..

اما عن بروق فهي المجله اللي ماحبيت ذكر اسمها في الردود السابقه..
القصيده ماكان لي اي يد في نشرها..
وانشاء الله تقرا الاعتذار في العدد الجاي لهم..
انا انصدمت فيها مثل غيري بالضبط..

شاكره لك تواجدك يابن قشعم...
ويامرحبا والله..

يامرحبا وعليكم السلام والرحمه اخوي حمود عيد..
علينا وعليك انشاء الله يا اخوي..

ثقتك فيني واعجابك صدقني يزيدني شرف ومكانه..
الله يرفع قدرك عند مولاك..

وحفظك للابيات اللي ذكرتها زادتها من غلاها عند اختك..
فالف الف شكر على طيبكم ووقفتكم معي يا النداويه..
ويامرحبا مره ثانيه يا السنافي..

ياهلا وعليكم السلام اخوي سلطان الدوسري...
وانت بصحه وسلامه يا اخوي..

للعلم الخيال في الشعر اللي اكتبه بعمره ماكان جنوني او غير متقبل..
على الاقل بالنسبه لي..
يمكن بحكم ارتباط خيالي بتفكيري..
ما ادري والله..

شاكره لك اخوي سلطان تواجدك وسؤالك...
ويامرحبا والله..

القلب الرائع والاخت المميزه والغاليه على قلب ريم...
سحايب فيصل...

حضورك ورب الكون زادني شرف يالغاليه...
واللغه الوجدانيه اللي اتكلم فيها اذا عبرت عن شي...
فهي لانها من كل قلبي..
لاخوان وخوات يشهد الله اني احبهم اكثر من اي شي بحياتي...

اما الابيات فمنها...
[poet font="Courier New,4,deeppink,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
انا ماشفت مثل اللي.. يحب ويعشق ويغرم=يعيش بواقعٍ مبني على الاحلام عزي له.؟!
[/poet]

[poet font="Courier New,4,purple,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أسرفت في ظلمك وانا اسرفت برضاك=حسبي عليك الله ربي وربك
[/poet]

[poet font="Courier New,4,indigo,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
للصبر من لايودك ترى حد= وصبري عليك أضعاف مافاق حدي
صبرت بس الصبر مااظن يحمد= على خفوقٍ في هواك متردي
[/poet]

[poet font="Courier New,4,crimson,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
راح وتغير كل شي بحياتي= من أول البسمة الى حد الاحزان..؟؟
[/poet]

اكثر من بيت والله...
بس مافيني على الشعر ولا عليها...

انا عندي النجاح يا سحايب لما تثبت القصائد في وجدان المتلقي مهب عقله..
لاني هنا راح اعرف انها وصلت..
فيه قصائد ممكن يقتنع فيها بعقله لكن تجيه فتره وينساها خلاص..
لكن القصائد الي حركت وجدانه صدقيني من المستحيل ينساها..
وهنا النجاح..

مسأله الوقت ابداً ما كانت ثابته بالنسبه لي..
فيه قصائد تاخذ شهور وفيه اللي اقل من ساعه او خلال يوم واحد..
وصدقيني احيانا احس انها الاصدق..
وبعد العكس..
يعني تختلف حسب الحاله النفسيه اللي اعيشها..

اكيد فيه تباين لان بعض القصائد ندمت على طرحها..
حسيت اني لو ترويت فيها بتكون افضل..
لكن اللي كتبه الله صار..

مره ثانيه الف الف شكر على حضورك الراقي معي...
ويامرحبا مليون الغاليه..

يا مرحبا والله بالرائع محمد الشهري...
وأنت بصحه وسلامه يا السنافي..

سلامك ورب العالمين انه اغلا من اي سؤال بتسئله...
يكفي انه من اخ اشعر بصدقه مع اخته..
وتأكد..
الروعه مكانها قلوبكم يا النداويه واللي بعمري ماشفت مثلها...
الله يديمكم يارب...

الف الف شكر لحضورك معي يا السنافي..
ويامرحبا مليون..