إسأل ضيفنا = سعود الدهيمي

هلا هلا وغلا ايوالله الشاعر سعود الدهيمي والأخ المحترم والغالي

حضوري للسلام عليك

والدي بعض الا سئله

س/ما هو الفرق بين التجديد والتقليد ؟

س/هل الشاعر الجزل يعيش في غربه زمانيه ومكانيه؟

س/اذكر خمسه من الشعراء النداويه تطرب لشعرهم ؟

س/ ما هو السر خلف اختفا الشاعر المميز الرائع شبيب بن مشرع؟

س/ما هي الطريقه السمبثاويه لعمل القصيده ؟هههههه

اخي وفقك الله واختيار من ابو ناصر موفق

يامرحبااا يابوسلمااااااان

تشرفت بحضورك الله يحييك

والله ياخي انا اعتقد مافي تجديد وتقليد ولاكن العاجزين هم من ابتكرو هذا المسمّى ليستروا عجزهم
فالشعر يابو سلمان ونت اعرف وزن وقافيه وفكره تحمل روح ان توفرت في مفرده قديمه او جديده شدّت الانتباه


لاا ابشرك الشعر الجزل يعيش بين اهله اللي يعرفون قدره ماهوب في غربه لا زمانيه ولامكانيه بوجودك انت ومنهم على شاكلتك

بالنسبه لخمسه من النداويه يابو سلمان والله اتابع واجد مهوب خمسه واشفق على مايكتبون ولاكن يصعب عليّ ذكر اسم ونسيان الاخر ...


بالنسبه لاختفاء شبيب بن مشرع ابشرك وابشر النداويه البارح زف لي خبر عودته بعد رمضان بأذن الله وقطع عهد على نفسه بالعوده وبقصيدة جديده

السمبثاويه يبيلك واحد مثل الهزاع يقول هي الطريقه الخيبسوراغرافيه

تشكر يابو ناصر



شاعرنا الرائع بحق سعود الدهيمي


صباح السرور والنور




س 1 -- بيت من أول قصيدة وآخر من أخر قصيدة ؟


س 2 -- تتمتع قصائدك بقوة السبك والجزالة ، ماهي أقربها لنفسك ؟


س 3 -- ماذا تتوقع للشعر الشعبي بعد خمسون عاماً من الأن ؟!!





تقبل إعجابي



-
هلاو غلا ومية هلا يابو بدر

اتشرف بحضورك وباسمك الله يحييك

بيت من اول قصيده ناسيها لكن باعطيك من قصيده في اول البدايات اول ثانوي
الحب ياريانة العود بلوى******* والله هو اللي بالمحبه بلاني

وناسي القصيده لأنها لك الشحم عنها.........

واخر قصيده

كن زرقك يوم احلّيه بالرمش الظليل****** مثل زرقة رمح قطنان في يوم الطراد

وقريبا تراها فالنداوي بأذن الله

هذي شهاده اعتز بها يابو بدر وافتخر
اقرب قصايدي الى نفسي قصيدة الوجد

ياوجودي وجد من قلّة المال تحداه***** يلتوي فالطيب والفقر طفّى شمعته
وجد من صلى على ابوه واجهش فالصلاه***** من قيامه لاسلامه ماكفّت دمعته

يمكن لنها كانت في اغلى الناس الله يرحمه



بعد خمسين عام الله يحيينا يابو بدر لين نقوم نحط جهاز التسجيل قدمك لاجيت تسولف نبي نسجل قصيدك

ارحب يافالح ابن قشعم

وان بعد يعلم الله متابع لمثلك
واتشرف بمتابعتك الله يحيييك........

مرحبا ومسهلا يابو شاهر


وانت والله من اول الشعراء اللي شدّوا اهتمامي فالنت ولاتزال يابو شاهر


فرحتي بحضورك لاتوازيها فرحه الا متى ما تابعنا قصيده جديده لك بدل الحوليات هذي ياخوي..

تحياتي لك وارحب بعودتك ايو قت الله لايهينك..........

هلا وغلا يابن فطيس


يامرحبا تراحيب الحيا يابو محمد

والله اني سعيد بحضورك مثل ماني سعيد بمعرفتك انت وشرواك...........
لاهنت

الشاعر الرائع سعود الدهيمي

*متي واين كان اول نشر لنصوصك?
في النت ام في المطبوعات?


* من وجهة نظرك ماهي مكاسبك الشعريه من النشر في المنتديات وفي النداوي علي وجه خاص مقارنة بالمطبوعات?


* ما هي اقرب نصوصك لنفسك?


*مخططاتك وطموحاتك الشعريه المستقبليه?



واسلم وسلم يابومشاري



-
اول نص نشر لي كان في جريدة اليوم عند الصحفي الله يذكره بالخير خضير البراق فقد نشر لي قصيدة في صدر اول صفحة في وهجير دون ان يكون بيني وبينه لقاء ثم استمريت مع ابن عبار في جريدة الرياضيه قبل تسجيلي فالنت بسنه تقريباً..


والله العظيم ان مكسبي الكبير من المنتديات هو معرفة شرواك يابو ناصر والالتقاء بك وبامثالك من النداويه والطيبين واعتقد ان هذا لايتوفر في النشر فالمجلات فقد تتابع بدون تعارف اتوقع...



قصيدة الوجد.. وانواع الدموع


مخططاتي المستقبيله فالشعر:
اتعرف المزيد من الرجال امثالك وليكن الشعر احد الطرق اليهم.......


ولك خالص تحياتي وشكري يابو ناصر.............

ارحب يابو مشاري


كل عام اونت بخير .. وتقبل الله طاعتك

والله ماعندي سؤال ولكن حبيت أسلم عليك وأقول أنك من الشعراء المميزين اللي لهم بصمه في وقتنا هذا

لك أعجابي ومتابعتي الدائمه ياسعود
الله لايحرمنا من ابداعك

أسلم وسلم

ارحب يابن مركوز


هلا وغلا


حضورك يشرح صدري يانواف


الله يسلمك من كل شر................