Tweet
-[poet font="Simplified Arabic,4,burlywood,bold,normal" bkcolor="black" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
الصباح اللي فلق صدر السماوات الحزينه = ما ترك للنور وجهٍ ما تغشّته الدموع
والضلوع اللي نحتها الحزن واهتزّت غبينه = لو سلت عن موت مثلك ( يا فهد ) ماهي ضلوع
ضاقت صدور الرجال وضج شعبك من حنينه = والخلايق بين قلب ٍ صابر .. وقلب ٍ جزوع
ولو كشفنا حزننا اللي بالضماير حابسينه = ما بقى بارض الجزيره للشجر بعدك فروع
ولا بقى بالبحر قطرة مي تروي شاربينه = ولا بقى للشمس فوق تراب مرقادك سطوع
لكن انـّا شعب متمسّك بإيمانه ودينه = شعب مؤمن في قضا ربه وباقداره قنوع
لو قلوب الناس تحزن .. ما تغادرها السكينه = ولو عيون الناس تبكي .. عادة المسلم خَشَوع
آه ياللي .. كان عطفه نبع ما ينضب معينه = وآه ياللي .. كان جوده : بحر ، وايمانه : شموع
جيت اعدد في مآثرك ومواقفك الثمينه = وشهقت في ذكرياتي من تواريخك جموع
من خدم كل البلاد وحمّل الأوطان دينه ؟؟ = من حمى جيرانه وبدّد بصدقه كل روع ؟؟
من غمر كل الشعوب بعطفه وفضله ولينه ؟؟ = من بطش في كل فقر ؟؟ ومن فتك في كل جوع ؟؟
من بنى في كل قطعة أرض مسجد عامرينه ؟؟ = من أقام بكل دوله للعطا الوافر فروع ؟؟
من أمر وانشا لكتاب الله ( مصنع في المدينه ) ؟؟ = .. يطبع المصحف ملايين النسخ وبكل نوع
من رعى حجّاج بيت الله .. واكرم زائرينه ؟؟ = من توسّع بالحرم مثله ، وكثره يالربوع ؟؟
من تنازل عن جلال المُلك لاجل حقوق دينه ؟؟ = .. وسمّى نفسه خادم البيتين .. بايمان وخُشُوع
من نقلنا بخمسه وعشرين عام ٍ من سنينه = للحضاره والرُقي اللي مشاويره طلوع ؟؟
غير ( ابو فيصل ) : فقيد العُرب ، ربّان السفينه = شيخ قومه .. جعل له من خيّر اعماله شفوع
مات .. يوم الموت : درب ٍ ، كلبونا سالكينه = والفتى لا صار مؤمن بالقدر طبعه قنوع
و .. والله انّي – لو سكنّي الحزن – روحي مستكينه = راضي ٍ بالله كتبْه الله ، واعرْف انْ لا رجوع
بس يوم ان شفت عبد الله يكف دموع عينه = فوق قبر الوالد الراحل .. بدا صبري يموع
وقلت يا فارس زمانك ، يا اطهر اهل الارض طينه = يا اعدل ملوك الأنام ، ويا اذرب الدنيا طبوع
كل دمعه .. من دموعك يابو متعب / عن مدينه = كف دمعك .. والله ان الدمع من عينك يلوع
انت لو تَعْرف غلاك اللي هنيّا (1) حافظينه = والله انك ما تجض صدورنا في هالدموع
حبنا لك يا بعدي / حب الغلام لوالدينه = نتعرف لك بالولاء ، ونفتخر لك بالخضوع
لا تهمّك هرجة اتباع الشياطين اللعينه = الخنوع ولو يطول الوقت به يبقى خنوع
بيعتك باعناقنا يا فارس الأمه متينه = ما يزعزعها حقود ، ولا يشوّهها دنوع
يالهزبر / الأهرس / القرضاب / الايهم (2) : في عرينه = يالحذيم / الباتك / الهبّار (3) ابو حد ٍ قطوع
في خطابك : صدق تلقائي ، وغايات ٍ رصينه = وفي عيونك : ومضة البرق الشمالي واللموع
من كثر ما بجّلك شعبك ، وحبّك صادقينه = صار كل الحب حكر ٍ لك وعن غيرك منوع
غارت حروف اللغه / من حبّك اللي معلنينه = واظهرت لك حب نادر بالبشر ماله شيوع
لين صار الحرف – بس تقوله – يمووت بحنينه = ما تشوف الحرف لما تنطقه صعب الطلوع ؟؟
كل كلمه في خيالك ودّها تبقى سجينه !! = الكلام يخاف لا منـّه طلع منّك يموع !!
سلّم الله ساعدك ( سلطان ) والله لا يهينه = صاحب الجود الوفير ، وصاحب القلب الشجوع
طوّر الجيش السعودي واعتنى بمحاربينه = لين صار سلاحنا لاطماع عدوانه قموع
وان بغى الله غير نفتح به فتوحات ٍ مُبينه = وناصل القدس الشريف بقدرة الله والشروع
يا ولي العهد يوم الفتح شفنا ناطرينه = يوم توحيد الصفوف و يوم ترميم الصدوع
لا عطا يتنافسن بالبذل : يسراه ويمينه = ابو خالد بالكرم والجود له كف ٍ هروع(4)
والله ان الخير يجري تقل سيل ٍ من يدينه = كل من ما مر الصحاري تنقلب خضرا ربوع
احمد اللي جمّل الشعب السعودي بحاكمينه = الملوك اللي كرمهم لاجمع الأمه نفوع
من زمن عبد العزيز وعصره وعهده وحينه = ودارنا بالمجد محفوفه وماضيها نصوع
والفهد لو مات .. ذكره بالنفوس مخلّدينه = سيرته في صفحة التاريخ وافضاله شموع
نذكره بالخير والمعروف لو غابت سنينه = وبالدعاوي نبتهل له يوم خلق الله هجوع
يكفي انْ حتى الصباح اللي خذا فقد طلة جبينه = ما ترك للنور وجه ٍ ما تغشّته الدموع
والضلوع انْ ما نحتها الحزن ، واهتزّت غبينه = من بعد موت الفهد .. ***** ابوها من ضلوع
[/poet]
(1) : بالإشارة إلى موضع القلب .
(2) : بعض أسماء الأسد عند العرب .
(3) : بعض أسماء السيف عند العرب
(4) : هروع : صيغة مبالغه لهارع وهو الجاري مسرعاً .
خلف 27/6/1426هـ
حُرّرت الأخطاء المطبعية عند الساعة الثانية عشر صباحاً بتوقيت جهازي
الصباح اللي فلق صدر السماوات الحزينه = ما ترك للنور وجهٍ ما تغشّته الدموع
والضلوع اللي نحتها الحزن واهتزّت غبينه = لو سلت عن موت مثلك ( يا فهد ) ماهي ضلوع
ضاقت صدور الرجال وضج شعبك من حنينه = والخلايق بين قلب ٍ صابر .. وقلب ٍ جزوع
ولو كشفنا حزننا اللي بالضماير حابسينه = ما بقى بارض الجزيره للشجر بعدك فروع
ولا بقى بالبحر قطرة مي تروي شاربينه = ولا بقى للشمس فوق تراب مرقادك سطوع
لكن انـّا شعب متمسّك بإيمانه ودينه = شعب مؤمن في قضا ربه وباقداره قنوع
لو قلوب الناس تحزن .. ما تغادرها السكينه = ولو عيون الناس تبكي .. عادة المسلم خَشَوع
آه ياللي .. كان عطفه نبع ما ينضب معينه = وآه ياللي .. كان جوده : بحر ، وايمانه : شموع
جيت اعدد في مآثرك ومواقفك الثمينه = وشهقت في ذكرياتي من تواريخك جموع
من خدم كل البلاد وحمّل الأوطان دينه ؟؟ = من حمى جيرانه وبدّد بصدقه كل روع ؟؟
من غمر كل الشعوب بعطفه وفضله ولينه ؟؟ = من بطش في كل فقر ؟؟ ومن فتك في كل جوع ؟؟
من بنى في كل قطعة أرض مسجد عامرينه ؟؟ = من أقام بكل دوله للعطا الوافر فروع ؟؟
من أمر وانشا لكتاب الله ( مصنع في المدينه ) ؟؟ = .. يطبع المصحف ملايين النسخ وبكل نوع
من رعى حجّاج بيت الله .. واكرم زائرينه ؟؟ = من توسّع بالحرم مثله ، وكثره يالربوع ؟؟
من تنازل عن جلال المُلك لاجل حقوق دينه ؟؟ = .. وسمّى نفسه خادم البيتين .. بايمان وخُشُوع
من نقلنا بخمسه وعشرين عام ٍ من سنينه = للحضاره والرُقي اللي مشاويره طلوع ؟؟
غير ( ابو فيصل ) : فقيد العُرب ، ربّان السفينه = شيخ قومه .. جعل له من خيّر اعماله شفوع
مات .. يوم الموت : درب ٍ ، كلبونا سالكينه = والفتى لا صار مؤمن بالقدر طبعه قنوع
و .. والله انّي – لو سكنّي الحزن – روحي مستكينه = راضي ٍ بالله كتبْه الله ، واعرْف انْ لا رجوع
بس يوم ان شفت عبد الله يكف دموع عينه = فوق قبر الوالد الراحل .. بدا صبري يموع
وقلت يا فارس زمانك ، يا اطهر اهل الارض طينه = يا اعدل ملوك الأنام ، ويا اذرب الدنيا طبوع
كل دمعه .. من دموعك يابو متعب / عن مدينه = كف دمعك .. والله ان الدمع من عينك يلوع
انت لو تَعْرف غلاك اللي هنيّا (1) حافظينه = والله انك ما تجض صدورنا في هالدموع
حبنا لك يا بعدي / حب الغلام لوالدينه = نتعرف لك بالولاء ، ونفتخر لك بالخضوع
لا تهمّك هرجة اتباع الشياطين اللعينه = الخنوع ولو يطول الوقت به يبقى خنوع
بيعتك باعناقنا يا فارس الأمه متينه = ما يزعزعها حقود ، ولا يشوّهها دنوع
يالهزبر / الأهرس / القرضاب / الايهم (2) : في عرينه = يالحذيم / الباتك / الهبّار (3) ابو حد ٍ قطوع
في خطابك : صدق تلقائي ، وغايات ٍ رصينه = وفي عيونك : ومضة البرق الشمالي واللموع
من كثر ما بجّلك شعبك ، وحبّك صادقينه = صار كل الحب حكر ٍ لك وعن غيرك منوع
غارت حروف اللغه / من حبّك اللي معلنينه = واظهرت لك حب نادر بالبشر ماله شيوع
لين صار الحرف – بس تقوله – يمووت بحنينه = ما تشوف الحرف لما تنطقه صعب الطلوع ؟؟
كل كلمه في خيالك ودّها تبقى سجينه !! = الكلام يخاف لا منـّه طلع منّك يموع !!
سلّم الله ساعدك ( سلطان ) والله لا يهينه = صاحب الجود الوفير ، وصاحب القلب الشجوع
طوّر الجيش السعودي واعتنى بمحاربينه = لين صار سلاحنا لاطماع عدوانه قموع
وان بغى الله غير نفتح به فتوحات ٍ مُبينه = وناصل القدس الشريف بقدرة الله والشروع
يا ولي العهد يوم الفتح شفنا ناطرينه = يوم توحيد الصفوف و يوم ترميم الصدوع
لا عطا يتنافسن بالبذل : يسراه ويمينه = ابو خالد بالكرم والجود له كف ٍ هروع(4)
والله ان الخير يجري تقل سيل ٍ من يدينه = كل من ما مر الصحاري تنقلب خضرا ربوع
احمد اللي جمّل الشعب السعودي بحاكمينه = الملوك اللي كرمهم لاجمع الأمه نفوع
من زمن عبد العزيز وعصره وعهده وحينه = ودارنا بالمجد محفوفه وماضيها نصوع
والفهد لو مات .. ذكره بالنفوس مخلّدينه = سيرته في صفحة التاريخ وافضاله شموع
نذكره بالخير والمعروف لو غابت سنينه = وبالدعاوي نبتهل له يوم خلق الله هجوع
يكفي انْ حتى الصباح اللي خذا فقد طلة جبينه = ما ترك للنور وجه ٍ ما تغشّته الدموع
والضلوع انْ ما نحتها الحزن ، واهتزّت غبينه = من بعد موت الفهد .. ***** ابوها من ضلوع
[/poet]
(1) : بالإشارة إلى موضع القلب .
(2) : بعض أسماء الأسد عند العرب .
(3) : بعض أسماء السيف عند العرب
(4) : هروع : صيغة مبالغه لهارع وهو الجاري مسرعاً .
خلف 27/6/1426هـ
حُرّرت الأخطاء المطبعية عند الساعة الثانية عشر صباحاً بتوقيت جهازي
[/align]
تعليق