فـــهــــد

[poet font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
من حزن الايام ذا اليوم يا نفس اشبعي=و أي حزنٍ يقتفي اليوم وش له من دعه
آه يا علمٍ لفا منه راسي صدعي=كن صكات الليالي عليه اموقعه
من سمعته كن مالي عقل و بلا وعي=و إن هرج مخلوق حولي فلاني اسمعه
ما وعيت إلا يديني تكفكف مدمعي=و الرجل يا كبرها لا تهامل مدمعه
مير هانت في كنيني دموعي و وجعي=من زمانٍ تاتي فيه البلاوي امجمعه
توي أمس فاقد اعيال عمي واسنعي=و أبو فيصل قالوا اليوم روح و ودعه
أمر ربي غيّبة و الزمن يسعى سعي= يالبنادم كاس موتك لزومٍ تجرعه
الله أكبر يا فهد وينك أنت اموضعي=وسط قبر مظلمٍ يالله إنك توسعه
ماني امعدد حسانيك و ( اكثر لعي )=لان خيرك شجرةٍ فالسما و مفرعه
بس بذكر لك وحيدة و تكفي ما معي=يكفي إنك انشأت لكتاب ربي مطبعه
يا فهدنا وش يفيدك بكانا والنعي=كم بكينا غاليٍ و البكا ما رجعه
ما بقالك مننا غير ندْعي وندّعي=جعل نزلك جنةٍ فالسماء السابعه
قلتها والهم وسط الحشا متربعي=من زمانٍ تاتي فيه البلاوي امجمعه
توي أمس فاقد اعيال عمي واسنعي=و أبو فيصل قالوا اليوم روح و ودعه
[/poet]

مبارك بن حسين

جزيت خيرا يامبارك

ورحم الله فقيد الأمة والله يرحم موتاكم وموتى المسلمين أجمعين

نبض صادق

تحياتي

[align=center]

حمد السحيمي

الله يجزاك خير ويرحم والديك

مشكور ولاهنت

[/align]