فخر في قادة بلادي

جديدي اتمنى ان يحوز على اعجابكم...

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فخر في قادة بلادي
هلا بك يا حبيب الشعب ويا قايدنا عبدالله=هلا بك بعد اخوك الراحل تكمل مسيرتها
هلا بك يا ولي العهد ابو خالد هلا والله=وأنتم عزنا وعز لبلدنا وتاج هامتها
كفو والله كفو والله ومشالله وماشالله=عليكم في حما البيتين والاسلام وخدمتها
بحكم الشرع والسنة وقدوتكم رسول الله=رفعتوا راية التوحيد تلوِّح في شهادتها
عليها رمز حكم العدل لا للظلم لا والله=على نهج الملك عبدالعزيز الحد شرعتها
نهج تطبيق آياتٍ كريمات بكتاب الله=على من يفسدو بالارض ويسعون لضليمتها
كفو والله كفو والله ومشالله وماشالله=عليكم يا حماة الدار اخلصتو برعايتها
على درب السلف تمشون ما حدتو ابد والله=خلف خيرٍ وآل سعود سلالة خير سلالتها
بلدنا بمجدها الزاهر بتوفيق الكريم الله=قسم بالله وشهد والامم تدلي بشهادتها
دليله في سجلات ومحافل من فضل الله=بإن المملكة في حكم آل سعود رفعتها
اكيد وبينٍ ذكره امام الناس ومام الله=وإن المملكة في نشر دين الله عزتها
لذا والله لذا والله وعز الله وعز الله=فخرنا بعز قادتنا من الله يا لذاذتها
لجل حكامنا قلت القصيدة والمعين الله=من امداد القريحة والسموحة في شحاحتها
هزيم الرعد صادر من لساني ونا عبـدالله=فخر في قادة بلادي مع إخلاص بمحبتها
عبدالله الشويمان-الرعد10/7/1426 هـ
[/poem]
مع تحيايتي للجميع

نسأل الله العظيم ذو العرش العظيم ان يرحم الفهد ويعز عبدالله واخوانه على طاعة الله


وصح الله لسانك اخي عبدالله على هذه المشاعر الصادقه والنص المعبر



أخ وك

صح بدنك اخوي سعيد..
والمعذرة على تأخري بالرد.

لك مني اطيب تحية