الشاعر/عيد بن شريم من دولة الكويت يرثي الملك فهد بقصيده غير!

اخواني واخواتي
السلام عليكم ورحمة الله وبركاته
وكل عام وانتم بخير بمناسبة دخول الشهر الكريم.
هذه قصيده للشاعر/عيد بن شريم الذيابي العتيبي
من دولة الكويت الشقيقه وهي مرثيه في خادم الحرمين
الشريفين الملك/فهد بن عبدالعزيز ال سعود رحمه الله واسكنه فسيح جناته
وهذه ليسة بغريبه على شاعر من دولة الكويت فنحن اخوان واشقاء في السراء والضراء. وقد ارسلها لي من اجل نشرها على الشبكات العكبوتيه.


[poet font="Simplified Arabic,4,crimson,bold,normal" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""]
بان الزراق ولاف الاعماق لايف=لوف الضواري للدريك المطعن
أربع وجابٍ مطرحه بالحتايف=حاله عطيبٍ ينهض الحيل ويون
وليا تنهض كن الاعضاء قصايف=يثوي تقل عودٍ طوى عزمه السن
دارت عليه صروف دهرٍ محايف=خلنّه الاضعان ثاوي وراهن
خلو معه جربٍ ثلاثٍ عجايف=خافوا على عوص النضا من جربهن
لازاد لامشرب يبل الجفايف=والعَود نجمه غاب والهجن دركن
غدا جثي فقارهن بالضفايف=توحي صفير الريح يسحل عضاهن
ويامل همٍ ساحلٍ بالنحايف=برا الضلوع العوج حتى نحلهن
غديت مخيولٍ ردونه رفايف=ماغير عِودٍوسقه رقاع يومن
ولذّ الكرى كنه من الموق عايف=وكن الهموم بثومة الجاش يرعن
رعي الجراد الجومحان الزوايف=زافات لن فاعن سنا الشمس يدكن
ولن حولن فوق المرابع دفايف=خطرٍ عليهن بزغة الضوء يسنن
امست حطامٍ بالهبوب العصايف=تشدي معاليقٍ يوحش محلهن
صكات بقعا للحنايا قصايف=واضيم حالي من بوادر بلاهن
راعتني الدنيا وذقت الكلايف=لاعتني بحرٍ وصوفه يهولن
فرقه عن الاحرارعدة وصايف=ندر الوصايف يفرقنه علاهن
رجاح عقلٍ نايدٍ بالحصايف=وسطوات جاشٍ كان الامهار غارن
لا حولن بالهيج هذمٍ خذايف=وفروا بواتيع اللقا من لقاهن
هابو لقا مروين حد الرهايف=الفهد يرسي تقل حيدٍ مهيمن
مهيمنٍ فاق الحيود الحقايف=طودٍ منيعٍ حزت الخوف مزبن
غيث الهلاكا بالوقوت الشحايف= وجود النسب يميزه عن نسبهن
مجنى الحرار معربات السلايف=ساسه جويد وبالاصاله مقنن
عزاه ياطيرٍ بشعف النوايف=حرٍ مخاليبه مايرفا عطبهن
واطيرنا النادر عليه الحسايف=حل القضا به والمنايا يلوعن
لا ياوجودي وجد خمسٍ صلايف=امسن بضيم وفوق اهلهن ينوحن
اشتالهم سيلٍ يقض الشظايف=وانجاهن الله حين بالرجم علن
المال والمذخور غادٍ نتايف=عقب ثمان ليال بالريع شيفن
وسق العواسق نيطلانٍ جوايف=وعليهم الخفرات بالويل جضن
جضت قريصٍ في وريده عذايف=يونس شواظٍ بالعمايق يدكن
وانا يدك بلب الاعماق طايف=هواجسٍ جوف الضماير يطوفن
على فراق الطير زادن زحايف=زحف السرايا في نهار المكاون
واطيرنا النادر في بيض اللفايف=قفوا بجثمانه بالاثنين مكفن
والبشت الاشقر للجنازه لحايف=متنٍ زهاه البشت بالعود يدفن
وسق النعش شالوه يوم الحتايف=والرب قدر والمخاليق تومن
وللحد ساروا به خيار الخلايف=اخوان وعيالٍ على الفهدحِزن
ويمناً تكفل باليتام الضعايف=حطت حدر خده يوسد طرفهن
وجه على القبله من كفوف رايف=وكشف عن الوجه السفير الملقن
لقن شهادة حق قدم المهايف=قبل الوداع برحمة الله نطقهن
هالو تراب القبرفوق النشايف=ونصايبٍ ثنتين للميت رزن
وقفوا حزاناً والمحاجر ذرايف=والله لنبطي والمدامع يهلن
واطيرنا النادر ولاني بخايف=الغيد ماجابن حليٍه ولاكن
ماكن مثله بالدهور العنايف=فرقه عن زحول الجحاجيح بيّن
مبداه بدرٍ بالشهور النصايف=وغيره نجومٍ في سماهن يويقن
ولاقصور بخيار القروم العرايف=والشاهد الله خافقي ماهذبهن
مير الفهد صيته في بلج الصحايف=فعلٍ بمدلول المكارم مدون
واطيرنا النادر وقار المضايف=ليا حكا روس النشاما يقرن
يالله يامنشي المزون الهتايف=تكتب لابو فيصل بالافنان مسكن
مرحوم ياستر البني العفايف=ياعزهن بالمكربه ياسعدهن
مرحوم يامجير القلوب الرجايف=تقدم ليا نقوى المناعير هابن
وتفزع ليا من حاف بالجار حايف=تشفي الغليل وللمعادين تغبن
والله ما ننسى جزيل الوقايف=وقفات زحلٍ بالمعاليق اثرهن
عنده عظيمات الدهايا خفايف=وليا ارتكى هاز العضال ونقلهن
هدلان يشهد له نهار الكسايف=بالهيج خضب حد عضبٍ مسنن
ودسمان رده يوم نسف القذايف=وفيالقٍ يوم المكاون يجوحن
كلٍ شهد له في نهار النكايف=عوق العديم اليا صهل كل معتن
له رايةٍ رفت بوسق الشعايف=وقدره بمكنون الضماير تمكن
والشاهدالله مانقول الزوايف=جينا نعزيكم ولانخلف الظن
عزا وبيعه من عموقٍ نضايف=بيعة عتيبيٍ بالاشهاد تعلن
[/poet]


.
الشاعر/عيد بن شريم بن صقر الذيابي الروقي العتيبي
دولة الكويت

قصيده جميله وألف شكر يا حسين

فهد الشهراني

الف شكر لك انت

والجميله هي طلتك

اخوك