{بــيـن البـــداوة والــحــضـاره }

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="1,black"]
بسم الله الرحمن الرحيم
يا حمود انا والله ماني بكذاب "=" انا عدو الكذب وانا خصيمه
من كنت طفل اصغير وادركت الاسباب "=" نفسي عزيزه ماقبلت الهضيمه
ولاخذت يمناي مدات الاصحاب "=" اصارع الدنيا بصبر وعزيمه
والعبد يبلا بالمكاره والانشاب "=" لاكنها يا مسندي ما تضيمه
ينصك باب ويفتح الله (100) باب "=" وبنت الضعِيف نعتبرها يتيمه
ما ني بمن يدرق رفيقه ليا غاب "=" ولاني بمن ياتي بليا عزيمه
سج القدم ساعه ومبداً بمرقاب "=" اخير من شوفت طيور الوليمه
ولاني براعي مونةٍ عند الانساب "=" ولاني براعي جلسةٍ مستديمه
حتى ولو كانوا عزيزين واقراب "=" البعد ما يرخص للاحباب قيمه
ولاتبع المقفي ولاحسب له احساب "=" مايتبع المقفين غير البهيمه
اجازي الطيب بطيبه ليا طاب "=" واصد عن هرج القفى والشتيمه
ولانخدع فاللي تضحك بالانياب "=" القلب جيفه والملامح وسيمه
عساه من فدوة كريمين الاشناب "=" اللي مباديهم نضاف وسليمه
الله واكبر فالبلد كننا اغراب "=" في مجتمع جله نفاق وظليمه
سود الليالي تذهب العاقل اذهاب "=" ياصل بها من ضيقة الصدر تيمه
ياكثر ماشفنا والأيام هراب "=" الوقت يمضي والمصايب مقيمه
درست درسٍ فيه من كل هنداب "=" درسٍ حكيم ومن رجالٍ حكيمه
درسني الشايب وهو ما بعد شاب "=" الله على عزه ومجده يديمه
اخذت معه سنين للعلم طلاب "=" يوم البداوة والحياة الكريمه
ذقنا بها اصناف المشقه والاتعاب "=" وذقنا بها اللذات لو هي عقيمه
وجدي عليها وجد من طاح منصاب "=" في ساعةٍربعه بذل وهزيمه
ليا نشى مزن الحيا كنه هضاب "=" على اول الوسمي تقافا رديمه
والبل جزت والها اصطفاقه وسوراب "=" قامت عن الراعي تذب الخريمه
وقالوا وقيل وجاب الأخبار من جاب "=" قالوا شهر ما شقت الشمس غيمه
وجونا العسوس وصاح فالبدو نباب "=" قالوا لقينا قافي السيل ديمه
وسقنا العشاير وانتحت جرد الارقاب "=" لاكنها جيشٍ فحلها زعيمه
وحنا ذراها يوم غارات الاجناب "=" ورثٍ لهلنا من عصورٍ قديمه
رماينا قطاع وليا رمى صاب "="نروِ القنا والعظم نكسر صميمه
وبعد ثمان ايام والمشي ضبضاب "=" مالت على نقع الخباري محيمه
ثم فاحت الأطياب من ريح العشاب "=" يسوقها الغربي بنسمة نسيمه
وشوف الطيور اجوال واسراب ٍ اسراب "=" من ضمن لذات الربيع ونعيمه
وشوف الخزامى والنفل فيه جذاب "=" والقحويان بكل زهره رقيمه
ثم شيدوا سودٍ على خمسة اقطاب "=" بيت الشعر مجلس ومطبخ خيمه
للبن صبابٍ وللحيل قصاب "=" يا ما رموا في نارهم من هشيمه
ودارت علوم الطيب والنجر لعاب "=" في مجلسٍ مافيه ناقل نميمه
واخير ذودك بركن حول الاطناب "=" عقب العشاء والخلف حزة عتيمه
سرالها الراعي بسطلٍ ومحلاب "=" وقلت احلب الشرفا وعمره وريمه
نومك بجوٍ يسحر العين خلاب "=" والصبح يقعدك الحوار برزيمه
وساقوا على المرعى جماعات واحزاب "=" لجناب والأخرى عليها الوسيمه
وبعد ثلاث شهور من جمع الاحباب "=" اصفر عود العشب واقبل صريمه
عرقه يبس واما رقاق الورق ذاب "=" تلعب عواصيف الهبوب برميمه
وتفرقوا مسناد علوى ومجناب "=" كم عاشقٍ كبده طوتها الحريمه
وبانت نجوم القيض حرٍ وملهاب "=" واخص ساعات الهجير اللئيمه
هاذي حياتي لوبها بعض الاعجاب "=" بين البداوه والحضاره لزيمه
والحمد للفرد الصمد رب الارباب "=" كسبت بالثنتين علم وغنيمه
انا احسن الإيجاز واجيد الاطناب "=" منهج وطرح وشرح وان مال اقيمه
مثايلي نهرٍ على سفح صباب "=" شلال ماه دوا القلوب السقيمه
سمٍ على اكباد المعادين ينساب "=" ولأهل الوفا فيها وقارٍ وشيمه
لاني بمداحٍ ولاني بسباب"=" إلا ليا قابل غريمٍ غريمه
ياحمود لي عن سب الاجواد مجناب "=" ومدح الردي عيب ونفاق وجريمه
الرزق عندي اللي للارزاق وهاب "=" ماهو بفي مدح الوجيه الكضيمه
كم واحدٍ يشتم ويضلم ولاهاب "=" والظلم عاقبته تراها وخيمه
وهاذي على ما قيل شريعة الغاب "=" الربح غايه والمبادي ذميمه
وكم دعوةٍ ما دونها سترواحجاب "=" عن منزل آيآت الكتاب العضيمه
من لا رجا رحمة جزيل العطا خاب "=" رحمن كل الكون ربه رحيمه
للأثم كسابٍ وللاجر كساب "=" والموت فراق الفتى عن حميمه
اعز من تذكر يغطيك بتراب "=" اما نعيم القبر وإلا جحيمه
شرحت عن بعض المواضيع بأسهاب "=" ومريت بالأخرى خطايه هميمه
مجيت سايقها على السوق جلاب "=" هديتي لأهل العقول الفهيمه
ليا نحرف عن منهجه كل مرتاب "=" انا على نهج الأصاله نديمه
وصلوا عدد ما زل مذنب وماتاب "=" على رسول الله نبيه كليمه
[/poet]

اخواني النداوه والنداويات والزوار الكرام اسمحوا لي على الايطاله وقد اضطريت الى حذف بعض ابيات هذه القصيده .ارجو نا تنال اعجابكم . ولكم تحياتي

مــحمد الـسميـري



قــصيده مـشبعه بالمعاني والــحكم



أبيـاتك درر أحترت أخترت فيهـا


كـل واحد أجزل من الثاني



صـــــــــــــح لـــــــســــانــك



يـامبـدع


تـحياتي ..

صلى الله على محمد

الكلام امام هذي النادره مايوفيها حقها وبعدين يامحمد ليش تحذف بعض ابياتها القصيده كلها تكحل بعضها من الزين والجزاله ماشالله عليك


[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
مـثايلي نـهرٍ عـلى سـفح صـباب= شــلال مـاه دوا الـقلوب الـسقيمه
سـمٍ عـلى اكـباد الـمعادين يـنساب =ولأهـل الـوفا فـيها وقـارٍ وشـيمه


[/poet]


عزالله انها وقار وشيمه كفيت ووفيت وكتبت قصيده جزله

شاعر يامحمد وانا من جمهورك لله درك

محمد السميري




الي اقوله صح الله السانك مليون يالسنافي



قصيده صعب التعليق عليها


قصيدة معلم في الحياه ومعلم حكمه ومعلم جزاله وخير كبير



ولااقول الا الله لايهينك وبيض الله وجهك على هذه العصماء


سجل اعجابي وتقبل تحياتي

الله لايعطي شيطانك عافيه ليش يوم تحذف بعض بيوتها

ياخووي تعرف اننا نشفق لقصيدك 00 ونلقى فيه اللي بالخاطر 00

وتبي الصحيح ؟ عزالله انك قصدت لاعدمتك

صح لسااانك وماتكفي ياذيباان

شاعر بمعنى الكلمه 00 متمكن من ادوات الشعر يامحمد عساك سالم


رساله خاصه لمحمد فقط 00 انتظر الايام القادمه انشالله نايف بن متروك وبندر بن مفرس في النداوي وعسى الله يحينا حياةٍ طيبه


تقبل تحياتي لاعدمتك

[سالم صليم]

محمد السميري

صح لسانك

قصيدة رغم طولها الا أني استمتعت بقراءتها

جزله ومن شاعر جزل


تحياتي


سالم صليم

أخي الشاعر الرائع محمد السميري,



قصيده يعجز اللسان في وصفها وإعطائها حقها


عفواً أحتاج اكثر من قراءة قبل أن أعلق عليها بما تستحق...



أخوك,

الشاعر محمد السميري.......


وسـقنا العشاير وانتحت جرد الارقاب ii" " لاكـنـها جـيـشٍ فـحـلها iiزعـيمه
وحـنا ذراهـا يـوم غـارات الاجناب " " ورثٍ لـهـلنا مـن عـصورٍ iiقـديمه
رمـاينا قـطاع ولـيا رمـى صـاب ii" "نـروِ الـقنا والـعظم نـكسر iiصـميمه

صح السانك
صح السانك على هذه القصيده الشامخه
شاعر جزل ومتمكن
ونشفق على اشعاره
سجل اجابي وتقبل تحياتي

[nashama]

محمد السميري

اجـازي الـطيب بـطيبه لـيا طـاب ii" " واصـد عـن هـرج الـقفى iiوالشتيمه
ولانـخدع فـاللي تـضحك بـالانياب " " الـقـلب جـيـفه والـملامح iiوسـيمه
عـساه مـن فـدوة كـريمين الاشناب " " الـلـي مـبـاديهم نـضاف iiوسـليمه
الله واكـبـر فـالـبلد كـننا اغـراب ii" " فــي مـجتمع جـله نـفاق وظـليمه


القصيده من روائع القصيد ويجب انك ماحذفت منها شي واوصي ان تنقل في منتدى عيون الشعر
بعد ماتاخذ حقها من القراءه والردود .



اخطاء مطبعيه

تعديل كلمة الواضيع في البيت 59 الى المواضيع .
تعديل كلمة القول في البيت 60 الى العقول .



صح لسانك والله يطول عمرك وهذا القصيد اللي عليه الكلام .



تقبل تقديري.

اخي الشاعر القدير محمد السميري


صح السانك ولاهنت


وبيض الله وجهك من اليوم الى يوم البعث والنشور على هذي المعلقه

قصيده وافيه ومهما كتبت لان اقدر اوفيها حقها



ولا املك سوى التصفيق لها والتحيه


تقبل فائق احترامي لشخصك

اخى الفاضل محمد السميرى

صح السانك عدد كل حروف القصيده


قصيده وافيه ولا اروع


كل بيت عن ميّه قصيده

سجل اعجابى وتقديرى

اختك
الامل

الاخ العيزيز / سعد الدوسري






يا هلا وغلا




حضورك يشرفني



اشكرك على هذا الكلام الطيب



وما عليك زود يا سعد






تقبل تحياتي














اخوك / محمد السميري

الاخ الشاعر / محمد السميري



صـــــــــــــــح الســـــــــــــــــــــاااانك على هالقصيده الرائعه





مع انها طويله قريتها لتسلسلها وقوتها






عزالله انك قلت








قصيده لها روح ومعنى














وهذا هو الشعر الاصيل














سجل اعجابي














وتقبل تحياتي















عمّــــان

ألأخ الغالي ابو مطر اشهد بالله انك داهيه وتحير الناس الذين بيردون عليك ماظنتي يقولون شيء يكفيك ويكفي هذه الرائعه وانا من اولهم الحقيقه بيض الله وجهك وتقبل تحياتي






ابو تركي