يرافقني وهو من رفقتي مهوب ممنون

أنا أبينها لكم يا اللي عن أحوالي تسألون
................................عديت مع الليالي لين بتْ وبيّدنّي

أصيد ايلا قنصت وناس واجد ما يصيدون
................................أجنب عن مواريد السباع ولا يجنّي

أخلى المسبعه مجنب لو اعطي مال قارون
...............................أخاف من الفاعي في طرفها يعطبنّي

أقص الدرب والثوب البسه قدي على الهون
..............................واخلى المخطيه ما طاول أطول راس منّي

ترى الليالي ياراع الهوى رصّاد وعيون
..............................وغيب الليالي في دكاتها ما خبّرنّي

أنا مانيب هذار مثل ناس يهذرون
..............................يحسبون المراجل بالسوالف والتمني

شريت وبعت يوم ان الشرى والبيع مركون
.............................هاك الحين البضايع كلبوهن يربحنّي

أخذت اللي قسم لي يوم درب الغي مسنون
.............................زمان فات ياليت الليالي مهلنّي

يسمى دور محسن والدجيما وابن لعبون
.............................مكنت اتلاه ولاّ فاوله قد فات عنّي

بغيبه منك ياجيل الحسد واللي ينمون
.............................يجيك بجلد مسلم مار قلبه قلب جني

يرافقني وهو من رفقتي مهوب ممنون
.............................متى ما شاف رجلي في شفى الحفره دفنّي

يجر لسانك الصامت ويبدي منه مكنون
............................ويلبسك الثياب ويقول رد العلم عنّي



زبن بن عمير العتيبي.




(((ملاحظة خاصة للشعار فقط هذه القصيدة نقلتها من كتاب قديم ويحتمل بعض النقص في الكلمات او الحروف بسبب رداءة الطباعة وسؤالي هو ألا يوجد ملاحظة لديكم بخصوص هذا الشطر من البيت كما في القصيدة السابقة أوّ يمكن انيّ غلطان:

أنا مانيب هذار مثل ناس يهذرون
إن كان به نقص فهل ينفع أن نضع كلمة (واجد) فيصبح
أنا مانيب هذار مثل ناسٍ واجد يهذرون ..ولاّ افيدونا برايكم ترانا غشّم)))

تحياتي للجميع




[تم تعديل الموضوع من قبل الفهد بتاريخ 12-31-2000 الساعة 05:07 PM]

اختيار جميل وفقك الله دائما

فلا فرق بين الناقل والقارئ فلكل منهما

نفس المشاعر والصفات والاحاسيس

لكن كلمة واجد ثقلت البيت وما خلته سلس مثل البيوت السابقة

( رأي وحدة مهي بخبيرة في نظم الشعر )

ودمت سالما

اختك الصـــريـحة

شكرا يا صريحة على الصراحة وتبين الصراحة عاد لازم الصراحة يتميز بها كل من بالساحة لأن الصراحة راحة والراحة في الصراحة لأن الصراحة مثل عطور فواحة فاحت من زهورٍ في واحة وامتلت بها الباحة ...................تعبت.



ياالله يا شعّار إن كان فيه تعديل خبرونا علشان نعدل ولاّ خليناها على حالها






[تم تعديل الموضوع من قبل الفهد بتاريخ 12-31-2000 الساعة 07:49 PM]

اخي العزيز الفهد
اخنيار موفق لشاعر من فطالحة الشعراء بالخليج العربي
اماالبيت الذي تشير الى وجود نقص فية فلى ارى ذلك بل هوى مستقيم الوزن حسب رأيي المتواضع والطريقة في ذلك بسيطة جدا فما عليك سوى ان تقوم بتلحين البيت بغناء معين وسوف ترى النتيجة
وكلي شكر وعرفان لااختيارك هذا الذي نحنوا بحاجة الية في هذة المنتدى

سلمت يمينك ومشكور على الاختيار

اما البيت فهو كامل والكامل وجه الله انا حسب خبرتي لحنت القصيده وما فيها شي .

الله يعطيك العافية يالفهد...وماقصرت يالغالي...
ترانا ندور على القصايد القديمة اللي تنعشنا مثل هالقصيده...وأوصيك وأوصي نفسي ان دايم نرجع للشعر القديم لأن فيه أفكار سبقتنا ورائعة في نفس الوقت...

أما عن الشطر فهو يريد تعديل أملائي

بدلاً من هذار ...نقول هذارن ...أي تنوين لأن الشاعر ينطقها هكذا ..أما القاريء حين يقرأ القصيده بدون تنوين ...يحس أنها مكسور...

تحياتي للجميع ...وتسلم يالفهد أنت وأبو حمد

أخوكم ولدعبس

الله لا يخلينا منكم يالربع وابشروا بالزود.