** الدنيا **

[poem=font="Simplified Arabic,5,#030105,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
جلست البارحه لين انتهى ليلي وانا سـهران=افكــر في زماني وش خـذا مني وش اعطـــاني
افكر في الحـــياه الي تباهت واشغلت الانسـان=عن الدار الاخـيره والهته عن عمــــره الثاني
عن الدنيا خذتنا واشغلتنا عن رضا الرحـمـــن=وخلّـت من تبعها في النهـــايه خـاســرٍ فاني
كثر فينا الحسد والخير قفّا واقفرت الاوطــان=وصــار الشيخ قبل الشـاب طمـــاعٍ وقومــاني
تخلينا عن العــادات واصـبحــنا بـلا عــنوان=نسـينا الي مضى واصـبح لنا التقلـيد عــنواني
تغــيّر وقتـنا عـز الله انـك يـازمـن خـــــوّان =تقـلّـب كـل يــومٍ حـــــال والله مـالك امــاني
قديم الوقت كان الذكر لاهل الجود والشجـعان=ولاهـل المعـرفه والطيب واهل الشور والشاني
الا منه ذكــر للـنـاس جــاه من الثـنا مــا زان=يقـال ونعم له ذاك الرجـل قد كــان ثم كـاني
ماهـوب اليوم كل انســان له عند المـلا مـيزان=ومـيزانـه رصيـده فـالبنـوك ان كـان ملـيـاني
ولا احـدِ ينشـده من وـين جـــاك المال يا فنان=حــرامٍ في حـــرام وصرت به ياشين سلطــاني
الا منه دخـــل في مجلــسٍ فيه الردى ملـيـان=نفــخ صدره نسى ربه تكــبر صار شـيطــاني
يفز اله الحضــور وكنهم حوله حرس هــامان=وكلٍ يمدحه منهم عسى يحظى بالاحســـاني
ومثله صـاحبٍ سمسار يغشك باعذب الالحـان=كـلامه حــالي مثل العســل والقلـب بركــاني
اذا له حـاجـةٍ عندك يحطـــك للبلـد سلــطـان=ويبـدي لك محـبه مالـها فـالكـــون مـيـزاني
خــويك فالرخى وان ضـاقت الدنيا عليك يبان=يهـدك لا انقطع حيلك يبيعك بارخص اثماني
تجنب صحبة الخاين ولا ياخذك فيه احســان=خـوي المصـلــحه مـاله ســوى ذلٍ وحـقـراني
وثالثهم جليس الســـو سمـوه العـرب شيطـان=تحلّى في صفات ابلـيـس قـاصيـها مـع الـداني
عذابه لا لقاك بخـير شبت جـــــوفه النـيران=يبي يبعـدك عن درب الطــهــاره والـتـديـاني
يزيـن لك دروب الـشـــر ويفـتــّح لهـا بيـبان=يقــول انت العظـيم ومنزلتك اعلى من فـلااني
يجي لك من طريق المال والنشوه مع السلـــوان=وتبدا ما دريت ان الـطــريق اقصــاه نـيـراني
ولا منك وقعت اقفى وهــو متشمت ٍ فرحـــان=قدر يغــويك واقفى عقب ما شـافـك بالاكفاني
وابو وجهـين يا ويله نهــارٍ ترجـف الابـدان=يعـذب في جهــنم ينكـــوي بالـنـار ويعــاني
يغش الناس في شكله تقـول انه من الرهـــبان=خـدع من صدقه ما يـدري ان الشــيخ ثعــباني
اذا جــــــا بين ناسٍ يعــبدون الواحــد المنان=تظــاهر بالخشـــوع وهل دمعه فوق الاوجاني
والا منه خـلا بالـنـفــس قام يطــمّر الحــدان=سـعى في كـل شيٍ يغـضـب الـوالي بكــتـمـاني
تراشى وارتشى ما خـاف من ربي عظيم الشان=كـلا مـال اليتـيم وبالربى تاجــر وكـســباني
وباع المنكرات الي تحــــط الممجـتـمـع مرضان=جنى مالٍ حـــــرام وذوقه لاهـله وهــو عاني
الا ياســـامـعٍ قولي تر الدنيا لهــا وجـهــــان=لها وجـهٍ حلو والوجه الاخـــــر فيه نيباني
وفيها الامتحان الصعب وابطــاله هـل الايمان=لهم فيهـا شـهــاداتٍ الى الجــنه وغـفـــراني
لأن المومن الصــالح اذا جــــته المصـــايب بان=دعـا ربه وزاد الصــبر في قلـبه والا يمــــاني
واذا جـاه النعــيم يقـابله بالشكــر والعــرفان=يزكي المـال ويعين الضعيف ويكـــرم العــاني
تذكر يا بن آدم واعرف ان فـ الاخـــــره ديّان=غـفــــورٍ للذنـوب ولا تغــرّه زلة الجـــــاني
وقدامك سـبيل الرشــد والا الكــفر والعصـيان=ولك عينين في راســك ولك عقــلٍ ووجـــداني
الا يـارب تهــدينا وتغــــفـر زلـة النســـيان=وتـدخـلـنـا نهــار الـدين في جــنات عـدناني
وصـلى الله على محمـد نبي الـحــق والبرهـان=رســول العـالمين اجمع ودينه خــير الادياني[/poem]

[سالم صليم]

سعيد

صح لسانك ومرحبا بك بين اخوانك

قصيدة كلها ارشادات نافعة .. جزيت خيرا

تحياتي لك


سالم

الا يارب تهدينا وتغفر زلة النسيان ii"
" وتدخلنا نهار الدين في جنات iiعدناني
وصلى الله على محمد نبي الحق والبرهان ii"
" رسول العالمين اجمع ودينه iiخيرالادياني



اللهم امين


صح لسانك

قصيده جميله وأبلغت في النصح فيها فجزاك الله خير عنا

نتشرف بتواجد امثالك بينا ايها النقي ولاهنت



أخوك,

اررررررررررحب ياسعيد

وشهادتي مجروحه لكن كما عهدتك ابداعاتك تتواصل

صح لساانك وبيض الله وجهك

قصيده طيبها من طيب شاعرها لاعدمته

تحياتي لك

0
0
حيا الله سعيد



0

افكر في الحياه الي تباهت واشغلت الانسان ii"
"
0000000000000000000000000عن الدار الاخيره والهته عن عمره iiالثاني




عن الدنيا خذتنا واشغلتنا عن رضا الرحمن ii"
"
0000000000000000000000000وخلّت من تبعها في النهايه خاسرٍ iiفاني





0

روحانية البيتين وصدقها00 لها طعم ثاني 000والصدق فالتذكير يوجع00 والله لايحرمنا من رحمته






0








كثر فينا الحسد والخير قفّا واقفرت الاوطان ii"
" 0000000000000000000000 وصار الشيخ قبل الشاب طماعٍ iiوقوماني




اما اقفرت فعز الله في مغنَها ياسعيد00الله يغيثنا بغيثه 0000





0
اذا جا بين ناسٍ يعبدون الواحد المنان ii"
" 0000000000000000000000000 تظاهر بالخشوع وهل دمعه فوق iiالاوجاني


والا منه خلا بالنفس قام يطمّر الحدان ii"
000000000000000000000000000سعى في كل شيٍ يغضب الوالي iiبكتماني






0
يا كثرهم بيننا 00لاشك دواهم (كمعهم)







ابيض وجه وشارب 00 وكثر الله من امثالك

لا اله الا الله


عزالله انه كلام في محله وانه عين الصواب

ولانقول الا الله يهدي من غوي


وصح لسانك ولاهنت

والله يجزاك عنا كل خير

تقبل تحيات

اخوك ناصر

الله اما صلي على نبينا محمد


صح السانك مليوووون والله لو اتكلم عن القصيده ماوفي حقها وحق شاعرها



صح السانك



وتقبل ودي

وسجل اعجاااااااااااابي


فارس


***************

مرحبا يا الأكلبي

والله كنّي عرفتك



الله يحييك وصح لسانك

قصيده فيها من الحكمه والإرشاد الشي الكثير

فعلا نحن بحاجه لمثل هذه النوعيه من القصائد والشعراء شرواك


تحيــاتي

كثر الله من امثالك يالاكلبي

كلام نافع لمن اراد ان ينتفع ..
تراشى وارتشى ما خاف من ربي عظيم الشان "
" كلا مال اليتيم وبالربى تاجر iiوكسباني

سعيد لاوالله خسران ماهوب كسباني اللي يسوي هذي كلها!!!!

الا خ........سالم صليم
..
.
اسعد الله لياليك وايامك وشكرا لك ولردك ولاطرائك

لا اله الا الله

الله أم صلي على محمد ..

والله يا خوي القصيده تستاهل اكثر من ردنا عليها ..

تسلم اخوي سعد والله يعين على هالدنيا بخير..

تحياتي لك اختك

امسية

سعيد الحمالي.......اسعد الله لياليك وايامك .... وشكرا لسلامك وكلامك وتشجيعك الله لا يهينك ايها النقي

( سعيد الاكلبي )

صح السانك
قصيده جزله وشاعر جزل

لله درك يالاكلبي 000

تحياتي لك

سعيد الاكلبي


وفيت ولاهفيت


صح السانك وبيض الله وجهك


قصيده جزله

وفيها من الحكم والمواعظ الشيء الكثير



لاعدمتك يالقرم

الاخ الغالي سعيد الاكلبي ..

بيض الله وجهك على هذي النصيحه الوافيه الكافيه الشافيه ..

الله يجعلها في موازين حسناتك ..


صح لسانك وسلمت يمناك ..


تقبل تحيات اخوك /// جعيثن العرجاني