شقــرة عصــا الخــلاني

[poet font="Simplified Arabic,14,red,normal,normal" bkcolor="" bkimage="http://nadawi.net/vb/images2/26.gif" border="double,7,gray" type=2 line=200% align=center use=sp char="" num="0,black"]
ياعديل الروح لاقلت الك هرج افطن له=ماهرجت اللاّ من اللي كاويٍ وجداني
قمت قلبي كل ليله بالغرام اتّلّه=وكل ليل تشبّ في وسطه من النيراني
كل ماقلت الك ابا اظنك تداو العله=زدت علتك القديمه علةٍ بالعاني
وكل ماقلت الك مخطي قلتلي لابالله=البلا انك لاغلطت تعدّني غلطاني
لاتزل وعهد مني ماتجيك الزله=الزلل ياغايتي شقرة عصا الخلاني
الله اللي حط حبك فالحشا شغلٍ له=لين حبيتك محبة عاشقٍ ولهاني
والله اللي جمّلك وانت الحلا كفوٍ له=والحلا لوماانت كفوٍ له ماجيتك عاني
كل ماناحرت قمت اذكر عليك اسم الله=وكل ماقفّيت قمت اعوّذ الشيطاني
وكل خدٍ تنزله يفرش رضاً لك زله=ويتحفوابك على عشبه بصدرٍ حاني
ياجميلٍ حاوياً دق الجمال وجلّه=اشتهت عيني لشوفة عودك الروياني
لاتطّول فالغياب وخافقي محتله=خافقٍ حتى بطا ليله ماعاد يداني
رد نص القلب ولاّ هاك قلبي كله=لاتخليني بنص ومعك نصٍ ثاني
وجد حالي ياظريف الطول ممّاعله= وجد من حدّه زمانه للضعيف الداني
مامعه من ربعه الّلا هو عساه فداًله=واحتزم به يوم جاه الطرقي الديّاني
قال تكفى يافلان وقال لله لله=كل قرشٍ باحفظه واعيش به ورعاني
وانصفق وجه العزيز وبانت ابه الخلّه= والحق اخطاه الحسف يارب لاتبلاني
ياحبيبي لاتقربنّي حوال الذله= كل شي اللاّ اني ارضى عيشة الحقراني

[/poet]

قصيدة في غاية العذوبة والجمال
الاخ سعود الدهيمي
صح لسانك مليون على الابداع
لاهنت
تقبل اجمل تحياتي
اخوك نايف

الغالي بالحيل

خالد الذيابي


ارحب

مرورك له طعم خاص لاعدمتك...

تشرفني معرفتك ويشرفني مرورك الدائم بقصايدي..

هذا من حسن حظي ان شاء الله يابو حميد....
تقبل تحيات اخوك سعود....

الله يحييك يافهد مناور


الي الشرف انها تنال اعجابك طال عمرك................

لاهنت عند واليك....

الأخ الشاعر سعود الدهيمي

صح الله إلسانك يا الغالي

وفي إنتظار جديدك

لك خالص تحيات أخوك عشير ضيفه

شاعري الغالي مجعد بن متعب

ارحب ثم ارحب

والله يامرورك انت وشرواك بالقصيده انه مكسب ماهوب عاد الاشاده بها...

لاهنت يابو متعب...

عبد الله البقمي

يامرحبابك ياحزامي...
يسعدني ويشرفني مرورك لاعدمتك ......
اسلم وسلّم

سعود الدهيمي

مرحباا الف

صح لسااااااااااااااااااااانك يالقرم ولاهي غريبه عليك الجزاله عودتنا عليها يابيض الوجه

تحيااااااااااااااااااااااااااااتي

مرحبا ومسهلا يابو سعيد

يعلم الله ان لمرورك شرف عظيم حظيت به القصيده وكاتبها ....

سعود الدهيمي

صح لسانك يا سعود

اسجل مروري ولا تحتاج لتزكيه

هذي بصمة سعود واضحه

تحياتي

الشاعر الرائع

سعود الدهيمي

صح لسانك

قصيده عذبه وجميله منك ياسعود ولاهي غريبه عليك.

تحياتي.

الشاعر سعود الدهيمي
القصيده كامله متكامله من كل الجهات حبكه شعريه رائعه تحوي لمسات شاعر حقيقي
أصبت وأجدت
وأنت غني عن اشادتي ولكن اعجابي بالقصيده جعلني ابوح بما في خاطري
القصيده قرأتها أكثر من مره واستمتعت بها
صح السانك وسلمت يمينك
أخوك سعود العبدلي

تبقى والله ياناصر الهاجري

والله يامرورك له نكهه خاصه لاصار شاعر وابن شاعر وشلون ما يحسب لمرورك حساب...

لاهنت يابو مطلق واسلم وسلم.....

سعود الدهيمي





لله درك




ولله در الدهيمي كلهم عزالله ان الابداع منكم ولكم





صح السانك ولاهنت وبيض الله وجهك




سجل اعجابي وتقبل تحياتي

اخي الغالي

سعود الدهيمي

هلا ومرحبا


قصيده

رائعه

الله يعطيك العافيه



تقبل تحياتي

الغالي مبارك بن محيا

ياهلا وغلا بك يامبارك

شاعر واتشرف بمرورك لاهنت.....

تقبل تحياتي....