اناااااااااا والقعبوبي والنيسااان

مسااااااء الورد جميعا(ن) ااسف على الانقطاااع لظروف القنص ولكني وجدت هذه

لاني قريب من النت لمده قصيره وحبيت اني اشارككم بهذه المساجله بيني وبين


محمد القعبوبي وهي نوع من المداعبه


[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
قصيدة القعبوبي

رعاك الله ياراع السفاري"="ليا دقيت سلف وجيت ساري
وذكرت الله بأدعية المسافر"="تبى دار النعيمي والكواري
وكبست النور وارخيت القزازه"="وسقته مع ذعاذيع البراري
وختّمت وتعديت المراكز"="جماركها مع الضبط الاداري
اعرف انك تعرف الغالبيّه"="وتعرف اثنين في قسم الطواري
وانا ماعرف فيهم غير واحد"="مشاري بن محمد بن مشاري
واعرف اثنين لاكن بالحديثه"="فهد حمدان وسعود الحداري
على كل(ن)نعود لسالفتنا"="رعاك الله ياذيب الغداري
على نيسان مدري وش موديله"="قلب لونه من شموس العصاري
يصك الحول ماغيرت زيته"="سنه تلعب به البزران اتاري
وتقول انك موديه متخصص"="يربط عند دكتور استشاري
شهادة طب تربيط وصناقل"="وخبره بالسياكل والقواري
يرهم له صواميل وكراسي"="ويربط وسط سكراب اللواري
دخل وقت الصقاقير وهددها"="وربيع النفس مقناص الحباري
عسى ربي يفكك من صدوفه"="وتمشي بين ريضان وخباري
هل النيسان دايم يمدحونه"=" وهو لامورسدس ولا فراري
يمرّنه تقل طلقة مسدس"="يطاف ولا يطوف الا كباري
تفكه من حفيزه ويتفكك"="ورادوّه هذاري في هذاري
يبط الكبد كبوته ويرقل"="بصوت(ن)تقل غطيان الصفاري
وتصاقع تندته مثل القواطي"="تعرف انه صناعة خنفشاري
ومن يقعد يرقع فيه ياخذ"="سلفيه من البنك التجاري
وانا شاعر واحسب لكل شاعر"="واقدر خاطر الصاحب واداري
مع الطلعات ممنوع التجاوز"="ومع اهل الشعر ممنوع البواري
قصايد مايقال بقافيتها"="رواه الترمذي ولاّ البخاري

محمد القعبوبي

الرد

حفظك الله يالرجل الحضاري"="يابو فكر(ن)حضاري في حضاري
من أسلوبك وترتيبك قصيدك"="عرفت انك على الخط المباري
مداهيلك مداهيل النشامااا"="ولو منتب على منصب وزاري
أعرف انك تعرف اللي يعرفك"="وجارك في السكن ماهوب جاري
مزاياك الذكا والطيب منها"="وانا داري وبن هزاع داري
نصحتك لاتجي طلعة(منيفه)"="حذاري يامدوّرلي حذاري
موظف في الحكومه يامحمد"="من الشفتات عايشت العزاري
تداوم وانت مسؤولك (؟؟)"="كريه وكنيته يابو عذاري
وانا اعرف عندكم في الشفت شلقه"="محمد سيف وحمود السماري
واعرف اللي على قسم الاداره"="ترى عمه ابو زيد الخضاري
على كل(ن)نعود لسالفتنا"="ونقطع بالشعر جرد البراري
من الثنتين ماخلفت النوايا"="وقارك يامحمد من وقاري
قبل شهرين شفتك في المدينه"="على صالون شكله شكل قاري
تضيّع لون كبوته وشبكه"="تقل كنّه مصمم للظهاري
صغير الحجم مدري ويش صنفه"="كورلاّ كامري ولاّ كماري
أضيّع في اسمها لنها تشابه"="كثير اشكالها وسط الحواري
تقل طليان في شبك الشريطي"="شفاليّة وجه ولاّ هكاري
هل الصالون دايم يرغبونه"="لأنه اختصاري في اختصاري
ثلاث اريال تكفي في وقوده"="وعلبة زيت ماطوره عصاري
ولامن شفت راعيه متسكب"="يحسب انه على العالم قماري
وهو لو لف من خطّه مسيّر"="يبى يمشي مع خطوط الصحاري
تبهذل وابتلش في نصف ساعه"="تشوفه منطمس وسط المذاري
صناعه فاشله واللي صنعها"="خساراته ملايين المصاري
لوانّه يعرف انواع الزباين"="تغيّر وافتتح مكتب عقاري
ولاكن ماعرف وش خاتمتها"="وهن من تحت نيساني جواري
وانا شاعر واميّز في القصيده"="واعرف ان كاتب الثنتين قاري
مع اللفات وشبوك الحمايه"="ومع اهل الشعر ماغيّر مساري
قصايد يتعب التفكير فيها"="وانا داري وبن هزاع داري

مبارك الهاجري

[/poet]

الاخ الشاعر مبارك الهاجري

هلا وغلا

طولت وجبت الغنايم

صح لسانك ولسان الشاعر محمد القعبوبي

على هذه المساجله الطيبه .. الله لا يهينكم


ننتظر جديدك لاعدمناك

تقبل تحياتي

اررررررررررررررحب[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
اررررررحب

يامبااااارك

مرحبا والله ومسهلا

صح لسانك

ولسان

القعبوبي


ولنااااا عوووده
[/poet]

رررررائع....
صوت وصدى فعلا فعلا رائع...
صح الله لسانكم يا السنافيين...
القعبوبي والهاجري..
كل قصيده كانت اجمل من الثانيه...
لاهنتوا على هالقصيد الجزل من شعراء نحسب لجديدهم...

الشاعران المتالقين : محمــــــــــد القعبـــــــوبى ومبـــــــــــــارك الهــــــــــــاجرى

بيض الله وجيهكم اطربتونا كما هى عواي
دكم بالقصايد الطيبه 0

وارجو ان تتقبلو هذى المداخله البيسطه



[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
ترى للشاعر العارف موارى = قصيده مايوصف بالهذارى

الامنك قريت بيوت شعره = تكن لنظمها كل اعتبارى

وانا في شعركم يا اثنين افاخر = ولامن جا مجالن فيه امارى

مدامن القصايد بالمواتر = عساها ماتعود للشبارى



الله يديم المعزه

لكم كل تقدير واحترام

محبكم فالله

فهد رفاعى


[/poet]

الشاعر/ مبارك الهاجري ...


مساك الله بالخير ...


صح الله لسانك وبنانك .. ولاهنت ...



مجاراة رائعه من شاعر بهامتك ....

.

الله يعطيك العافية وتقبل تحياتي

الله عليكم يامبااارك شعار وجزلين


والقعبوبي الله يذكره بالخير يعلم الله اننا نفتقده هنا وخاصه في المحاورات 00


غيابه له الاثر الكبير واسبابه تقلقنا 00 الى متــــــــــــــــــى يالقعبــــوبــــــــــــــي؟؟؟؟؟


صحت السنتكم جميعا على هالابداع الغير مستغرب عليكم


دمتم ودام ابداعكم لاعدمناكم


تحياتي

[poet font="Simplified Arabic,14,blue,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
الله الله الله الله
بيض الله وجهك ياوجه محلف على ايراد هذه المساجله هنا
وانتم من كبار الشعراء
مبارك الهاجري& محمد القعبوبي
قصيدتين صوت وصدى
فيه من المتعه والجمال والروعه
لاهنتو يالنشاما

مبارك الهاجري
صح الله السااانك
وصح الله السااان ابو عبدالعزيز

لك مني كل الود والتقدير
ماضي العضيمان العجمي
[/poet]

[poet font="Simplified Arabic,14,seagreen,normal,normal" bkcolor="deeppink" bkimage="http://www.nadawi.net/vb/images2/1.gif" border="double,9,gray" type=0 line=200% align=center use=sp char="" num="0,darkblue"]
صح لسانك صح لسانك يا مبارك ولسان القعبوبي


عز الله انها قمة الروعة منك ومنه


لاهنتو يا الثنين
[/poet]

ولاكن ماعرف وش iiخاتمتها"
"وهن من تحت نيساني iiجواري


وانا شاعر واميّز في القصيده"
"واعرف ان كاتب الثنتين iiقاري



قرينا قصيدة القعبوبي من قبل
وقرانا قصيدتك الأن ... واحترنا وين الطيبه

اكتشفنا ان الاثنتين لهن من الطيب نصيب وافر

اخوكم جميع
داهم العصيمي

[c]الله[/c]
[c]الله الله [/c]
[c]الله الله الله[/c]
[c]الله الله الله الله[/c]
[c]الله الله الله[/c]
[c]الله الله[/c]
[c]الله[/c]




[c]مبارك الهاجري و محمد القعبوبي[/c]

[c]مساجله تمشي مليون[/c]

[c]لاهنتو ولاشنتو [/c] [c]امتعتونا واطربتونا [/c]
[c]جعلنا مانعدمكم[/c]

ارحب يامبارك تراحيب المطر


والله لايهينك على امتاعنا بهذه المساجله 000 قصائد في قمة الروعه ولاغرابه في ذلك شعار متمكنين وصح السانك ولسان القعبوبي0


لاخ مبارك دائما لك حضور مميز ونرجوا ان ينتهى موسم القنص لتتواصل معنا0


وتلفونك مايرد


تحياتي وتقديري

خلووو راعي السفاري في حاله


ارحب يامبارك

من طول الغيبات ياب الغنايم يبه

صح لسانك انت والقعبوبي

ولاهنتوا علي القصيدتين


اسلم وسلم ياخال

مبارك الهاجري بيض الله وجهك ابيض الوجه يامبارك كتب القعبوبي فاجاد ورديت فأجدت لاهنت ولن يكن الابداع غريب على شاعر بحجم مبارك الهاجري ومحمد القعبوبي لله دركما وامتعتونا بقراءة مايستحق القراءة
من شاعرين لهما وزنهما في هذا المجال لاعدمتكم

مبارك الهاجري

محمد القعبوبي

عملاقين من عمالقة الشعر لاغرابه في الجزاله وخاصه من الأثنين

دمتم وصح لسان كلٍ منكم وبيض الله وجيهكم

تحياااااااااااااااااااااااااااتي