~~{ مناجاه }~~

[poet font="Times New Roman,14,darkblue,bold ,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
~~{ مناجاه }~~


لك الحمد ياعالم بروحي وحالها=ومحصي عليها ميلها وإعتدالها
لك الحمد عد الخلق في البر والبحر=وعدد ماضي الدنيا وماقد بقى لها
وعد الورق في الغصن والغصن في الشجر=وعدد مانبت في سهولها مع جبالها
وعدد ماتذرّيه العوالي مع الصبا=ليا مرّت البيدا وذرّت رمالها
لك الحمد ياربي ملى الأرض والسما=ومابينها وايامها مع ليالها
وعدالنجوم اللي نراها وغيرها=وعدد ماتهامل وبلها من خيالها
لك الحمد خيرٍ من كلامي وما حوى=من حروف ركبها لساني وقالها
على نعمة الإسلام يامن هديتنا=وكرمتنا واهل الضلال بضلالها
وعلى العافيه والستر والأمن والرخى=وعونك على دنيا الشقا واحتمالها
ويسرت فيها من فضايلك رزقنا=ومن دون ماحرّمت يغني حلالها
وبلغتنا شهر الصيام وفضايله=وليلة دخول الشهر وافى هلالها
طلبناك تقبل صومنا وإجتهادنا=وترحم غزير دموعنا وإنهمالها
وطلبناك يامن في نوالك جميعنا=وباقي الخلايق ماطلبنا نوالها
تعيده على الأمه بالإيمان والهدى=ونصرٍ قريب وتجعل السعد فالها
والأموات ترحمها وتغفر ذنوبها=ونوّر مقابرها ووسّع مجالها
وكم صام شهر العام منا وغيرنا=عبادٍ كثير وعيّدت مع عيالها
وكانت بخير وهمها في حياتها=حياة الرخا والموت ماهو في بالها
طواها البلى والنفس هذا مصيرها=كما الدلو والأيام تطوي حبالها
ولاجاء نهار البعث تلقى حسابها=وبالعدل والميزان توزن عمالها
ويارب في جنتك تجعل مصيرنا=وتصرف جهنم, نارها وإشتعالها
ومسك الختام أزكى صلاةٍ على النبي=نبي الشفاعه سعد منهو ينالها


عبدالله.الطلحي
[/poet]

بيض الله وجهك ياسمي


ابيات جميله وفي ذكر وتضرع والحقيقه اجدت اجدت وتعجز الكلمات عن ايفاءك حقك


ولااقول الا صح لسانك .وكتب الله لك الاجر يابوعابد


.

صح السانك ياعبدالله

قصيده معبره وصادقه بكل ماتحتويه الكلمه

صح الله لساااااااانك



ويجزاك خير خير الكلام ذكر رب العالمين


لا هنت ياعبدالله

عبد الله




صح لسانك




وجزاك الله خير




لك تحياتى

صح لسانك يالاستاذ

قصيدةٌ متميّزه وابداع معهود من شاعر متمكّن

لله درّك يا ابا ناصر

اخوك محفوظ الهذلي ....... ابونايف

مرحبا ومسهلا


بالشاعر الكبيييييير عبدالله الطلحي


صح لسانك


ايه هذا القصيد اللي عليه الكلام

شاعر فعلا لاتكتب اللا الجزل

لك كل التقدير


اخوك


محمد الدهيمي

طواها البلى والنفس هذا iiمصيرها
كما الدلو والأيام تطوي iiحبالها

ياسلام......

وعد الورق في الغصن والغصن في الشجر
وعدد مانبت في سهولها مع جبالها

ابو ناصر والله ما يمّل منها ..

لاهنت وتقبل تحياتي واعجابي بكل ماتكتب.....

الغالي / عبدالله الشهراني

مرورك يعطر القصيده ويكسبها رونقاً وجمالاً

كلماتك لها وقع في النفس

شكراً من القلب

وتقبل الله من الجميع



.

وعد الورق في الغصن والغصن في الشجر
وعدد مانبت في سهولها مع جبالها
وعدد ماتذرّيه العوالي مع iiالصبا
ليا مرّت البيدا وذرّت iiرمالها
لك الحمد ياربي ملى الأرض iiوالسما
ومابينها وايامها مع ليالها
وعدالنجوم اللي نراها iiوغيرها
وعدد ماتهامل وبلها من iiخيالها


الشاعر/ عبد الله الطلحي


كل عام وانت بخير .. وصح الله لسانك وبنانك ولاهنت ..



قصيده جميله ورائعه من شاعر صادق ..


تقبل تحياتي

السلام عليكم


الشاعر عبدالله الطلحي



اسعد الله اوقاتك بالخير





ابيات غايه في الجمال





صح لسانك يا مبدع





تحياتي لك

الأخ الغالي/ محمد بن هضيبان

شكراً لك

ولاهنت يالطيب

مرورك جمّل القصيده

.

الله الله ياعبدالله


قصيده جزله من شاعر جزل

صح لسانك مليووووون


وتقبل تحياتي

.





















الله الله يالطلحي



















قصيده جزله






















من راسج جزل















صح الله السانك
















وتقبل تحياتي











.

الشاعر / عبدالله الطلحي


صح لسااانك وبيض الله وجهك


قصيده رائعه وعذوبتها في روحانيتها

جزاك الله خير

وتسلم على توظيف الشعر في هذا الباب


تحياتي لك وكل عام وانت بخير