علي باشا .. والملك فاروق....!!!

عايض بن عثمان

مرحبا ياعايض وحياك على مرورك الاول


واشكر لك جمال روحك وتعبيرك المميز

لك مني اجمل التحايا


مشهور...

شالح

مرحبا يابومحمد

اشكرك واشكر تواجدك


مشهور..

يقول اني غبنته والغبينه سدها iiمفهوق
الا واحر كبدي من خطاه ومشين iiفراقه


جذبني عسر لين انه خذا قلبي بدون iiعروق
وشلت من الهيام اللي يورد قاطع الساقه


عليه اتعب مناديب الغرام وسترها iiمشقوق
وعليه اصفح بشوفي..!! وآخذه بعيوني iiسراقه


ابيه ولا يبي غيري وشرهاتي عليه iiحقوق
لونه حطني برضٍ طمان وزاح معلاقه


علوم اليوم تذبحني .. وعلم الليل هم iiوعوق
تقصويه الهضايم والصباح يريض iiمشراقه


الا وقلبي اللي كل ما هب النسيم iiيتوق
كما توق العديم اللي كفخ وامتس مسباقه


تنهض كف صقاره وشلوا برقع iiالمطفوق
شهر والسير يستلوي عليه وتصغر iiحلاقه


عقب ما ارهى بوضّاح الدواغر والهداد وفوق
نكس من هومته.!! واخطا وفقه.!! وشانت اخلاقه


على عذب السجايا والرموس اللي عليها iiذوق
مودٍ حطني باقصى حشاه ولملم iiاشناقه


على ايمن قلبه المبلي وبيسر صدره iiالمفتوق
زرعني لأخر شفوف الغرام ولأول iiارهاقه


يبيني لاتغشته الهموم وزاد نار iiالشوق
البسّه الغلا واشل همه واسبر iiاعماقه


لك الله ماتهون ولايهون العاتق iiالمنتوق
ولاراسٍ تطاوله النجوم وتقنع iiبساقه


لونك منت في طعني وتجريح الحشا iiمسبوق
لكن العشق الأبيض راسخٍ في قلب iiعشاقه


ولا غيرك ولا مثلك لهقوات العيون iiيلوق
ولا لي في هوى غيرك جمل مقصد iiولاناقه


فداك الوسم لو حنت رعوده واستلج iiبروق
دهرك يزودني ولا مطره ونوض iiبراقه


يكفيني سهر ليلك الى غنيت لك iiطاروق
ويقنعني حفا خدك من الدمع وتدفاقه


لو ان مانتب علي باشا ولا انيب الملك iiفاروق
انا وانته نجومٍ في سما الاحباب براقه


حدوني عنك وانت تغيب من كبر الخطا iiوتفوق
فقيد..! مادعاك الا قرين الروح باشواقه


على قول المثل يامقرب الفقعه من الرقروق
يعلم بك هبيلٍ.. ماطعم ودك ولا ذاقه


عليك الهون والدنيا ترا مطرودها iiملحوق
وانا ماني قليل ختام في عهدك iiوميثاقه


لكن البارحه مرت علي بحملها iiالمطبوق
وانا مالي على غيب القلوب الغايبه طاقه


وطيت الجمره اللي جرها الحارق على iiالمحروق
وراحت زفرتي مع ليل نجد وجاتك iiطلاقه


اسالك بالله الخالق بعد ضاقت على المخلوق
انا وشلون اخليها وهي فالحلق خنّاقه..؟


انا راعي الغبينه وانت لامنسي ولا iiمفهوق
مفاليك الحنايا بين وصل الولف iiوفراقه



الله الله


صح لسانك

من اروع قصائد النداوية
الابداع الى اعلى ولاهنت يابوفارس

جذبني عسر لين انه خذا قلبي بدون iiعروق
وشلت من الهيام اللي يورد قاطع الساقه

عبد الله الدغيثير

مرحبابك وشكر ا على تواجدك الكريم


مشهور....

مشهور الخيّال

الله يصح لسانك في ذمتي

هذا من القصايد اللي ما يكفيها قرايه مره وانا والله خسران الي ما قريتها الا ذالحين لكن ما راح شي

لاهنت

وتقبل تحياتي

سطام الغربي

مرحبا وكل عام وانت بخير

افتقدناك يا سطام


مشهور...

محمد بن حمد

اررررررحب يابوحمد

شرفتني بتواجدك

الصيام عليك مبارك..


مشهور....

الشاعر الجزل مشهور الخيال

تصدر سيبقى ويبقى ويحفظ لك قامتك وشاهقة القصايد ( علي باشا )

تكونت ملكة ابداع رهيبه في معاني الابيات التي عبرت عن امور كثيره متباعده ولكن الرابط فيها هو حدس الشاعر ولغته الشعريه العارمه

وطيت الجمره اللي جرها الحارق على iiالمحروق
........................وراحت زفرتي مع ليل نجد وجاتك iiطلاقه

ترميز لمنبت الاحساس ووجع المشكله

ابيه ولا يبي غيري وشرهاتي عليه iiحقوق
........................لونه حطني برضٍ طمان وزاح معلاقه

الود العميق الموجوع بين المكابره والانتماء

حدوني عنك وانت تغيب من كبر الخطا iiوتفوق
..............................فقيد..! مادعاك الا قرين الروح باشواقه

مشهور يكرر هذا المعنى دائمآ في قصائده ويكون متفرج على لغة التفكير وصامت عن لغة التكفير لا يجهلك شئ وهنا وجع فهم الاخرين

ولا غيرك ولا مثلك لهقوات العيون iiيلوق
........................ولا لي في هوى غيرك جمل مقصد iiولاناقه

تبرير لم يمثل اي تحدد للفرعيه طريق عائم في الرفض لا جمل ولا ناقه

فداك الوسم لو حنت رعوده واستلج iiبروق
...........................دهرك يزودني ولا مطره ونوض iiبراقه

احتراس فكري وتبرير محدد هنا ونفي تام لا مطر ولا نوض ولا شئ سواه اشجع فيك هذا الانتماء الترميزي الرائع

على قول المثل يامقرب الفقعه من الرقروق
...................................يعلم بك هبيلٍ.. ماطعم ودك ولا ذاقه

استخدامك لنبت الرقروق كان اشاره من اللا شعور حول قرابة الشي ولغة الحدس واكتشاف الشئ من النظرة الاولى وحاسة النظر غير حاسة الذوق

معنى البيت عميق إذا لم يخيب ظني

......الخ من المعاني الجميله ولكن يبقى في هذه القصيدة ( شجن ) حزن لا ينسى




لدي ملاحظه اخي مشهور

العنوان متمصرن شوي !! حتى لو كان متضمن معنى في القصيده الا انه كان من باب اخضاع اللفظ للمعنى وتمنيت لو اسميتها اسم يناسب جزالتها ( قلبه المبلي ) أو( غبينه ) ( توق العديم ) ......الخ



عقب ما ارهى بوضّاح الدواغر والهداد وفوق
..................نكس من هومته.!! واخطا وفقه.!! وشانت اخلاقه

اشعر ان هذا البيت فيه تكلف لم يؤثر على جزاله النص هو اضاف قوة للقصيدة ولكن اضعف شعور الاحساس احسه نظم قوي ومفردات رصينه فقط ولكنه ابعد التجاوب والتجريف الوجداني للمتلقي .. بعكس ابيات القصيده كلها كان التفاعل معها رائع نظرآ لوصولها للقلب هذا البيت يصل فكر وصياغه فقط.

تبقى نصوصك نبض مذهل ورائع يحفزنا للمتابعه صح لسانك ولا عدمناك ابداعك

سحايب فيصل


شكرا لتواجدك وتمحيصك المنهجي في مابين الأحرف المتواضعه...

تبقين من القلائل المتمكنين في هذا المجال ...

جهد يسعدني وتتواضع امامه مفردات الشكر...


شكرا ياسحايب



مشهور....

لك الله ماتهون ولايهون العاتق المنتوق
ولاراسٍ تطاوله النجوم وتقنع بساقه

-
ولا غيرك ولا مثلك لهقوات العيون يلوق
ولا لي في هوى غيرك جمل مقصد ولاناقه


فداك الوسم لو حنت رعوده واستلج بروق
دهرك يزودني ولا مطره ونوض براقه


-
لله درك

رد: علي باشا .. والملك فاروق....!!!

باقتباس من مشاركة مشهور الخيّال [poet font="Simplified Arabic,14,darkblue,normal,normal" bkcolor="orange" bkimage="" border="double,2,darkblue" type=2 line=200% align=center use=sp char="" num="0,black"]
يقول اني غبنته والغبينه سدها مفهوق=الا واحر كبدي من خطاه ومشين فراقه

جذبني عسر لين انه خذا قلبي بدون عروق=وشلت من الهيام اللي يورد قاطع الساقه

عليه اتعب مناديب الغرام وسترها مشقوق=وعليه اصفح بشوفي..!! وآخذه بعيوني سراقه

ابيه ولا يبي غيري وشرهاته عليه حقوق=لونه حطني برضٍ طمان وزاح معلاقه

علوم اليوم تذبحني .. وعلم الليل هم وعوق=تقصويه الهضايم والصباح يريض مشراقه

الا وقلبي اللي كل ما هب النسيم يتوق=كما توق العديم اللي كفخ وامتس مسباقه

تنهض كف صقاره وشلوا برقع المطفوق=شهر والسير يستلوي عليه وتصغر حلاقه

عقب ما ارهى بوضّاح الدواغر والهداد وفوق=نكس من هومته.!! واخطا وفقه.!! وشانت اخلاقه

على عذب السجايا والرموس اللي عليها ذوق=مودٍ حطني باقصى حشاه ولملم اشناقه

على ايمن قلبه المبلي وبيسر صدره المفتوق=زرعني لأخر شفوف الغرام ولأول ارهاقه

يبيني لاتغشته الهموم وزاد نار الشوق=البسّه الغلا واشل همه واسبر اعماقه

لك الله ماتهون ولايهون العاتق المنتوق=ولاراسٍ تطاوله النجوم وتقنع بساقه

لونك منت في طعني وتجريح الحشا مسبوق=لكن العشق الأبيض راسخٍ في قلب عشاقه

ولا غيرك ولا مثلك لهقوات العيون يلوق=ولا لي في هوى غيرك جمل مقصد ولاناقه

فداك الوسم لو حنت رعوده واستلج بروق=دهرك يزودني ولا مطره ونوض براقه

يكفيني سهر ليلك الى غنيت لك طاروق=ويقنعني حفا خدك من الدمع وتدفاقه

لو ان مانتب علي باشا ولا انيب الملك فاروق=انا وانته نجومٍ في سما الاحباب براقه

حدوني عنك وانت تغيب من كبر الخطا وتفوق=فقيد..! مادعاك الا قرين الروح باشواقه

على قول المثل يامقرب الفقعه من الرقروق=يعلم بك هبيلٍ.. ماطعم ودك ولا ذاقه

عليك الهون والدنيا ترا مطرودها ملحوق=وانا ماني قليل ختام في عهدك وميثاقه

لكن البارحه مرت علي بحملها المطبوق=وانا مالي على غيب القلوب الغايبه طاقه

وطيت الجمره اللي جرها الحارق على المحروق=وراحت زفرتي مع ليل نجد وجاتك طلاقه

اسالك بالله الخالق بعد ضاقت على المخلوق=انا وشلون اخليها وهي فالحلق خنّاقه..؟

انا راعي الغبينه وانت لامنسي ولا مفهوق=مفاليك الحنايا بين وصل الولف وفراقه
[/poet]

لله درك


لله درك


من اجمل واروع ماقرات من قصايد


صح لسااانك ولاهنت يالعيافي



سجلني من متابعينك ومعجبينك


اخوك