بن مرضي في الامير سلطان بن حثلين

قصيده قلتها في امير قبيله العجمان سلطان بن سلمان بن حثلين ويستاهل ابو راكان للمواقف الطيبه مع جميع من ينصاه والقصيده سبق ونشرت في جريدة الوطن الكويتيه في 14/10/2002







ملحوظة:
يحتاج ظهور هذا النص انتظار بضع ثواني للتحميل
تحياتي
نايف العويمري

سلطان




صباح الورد




مدرى بس ماطلع عندى شى



الرابط وصلنى للياهو فقط




أعد تنزيله أو نزل القصيدة مباشره




تحياتى

في انتظار الرابط يا سلطان
شوقتنا للقصيده

[poet font="Simplified Arabic,14,white,bold ,normal" bkcolor="gray" bkimage="" border="ridge,9,white" type=2 line=200% align=right use=ex char="" num="0,black"]

ياناصر سقها ياعسى مالها عوق=سقها لابن حثلين يالقرم سقها

يمة بلدنا الثانية سوقها سوق=ياعنك ماحد ٍفي اللوازم سبقها

من صنع بيطار ٍصنعها على الذوق=حتى الهوا لو تنطحه ماصفقها

بيضاً تبلّج لونها لون غرنوق=وشاكوش ورشة مصطفى ماطرقها

عابينها يالقرم لاهزنا الشوق=تاصل مغازيها ولاحد ٍ فهقها

لكنّ لايدري عن العلم مخلوق=ياكود من كل المراجل عشقها

النادر اللي هامته عاليه فوق=للشاهرات من الحرار ولحقها

حراً طليق جناح ماشدّه سبوق=يوم الحرار مجودات ٍ سبقها

سلطان بن حثلين ماهوب ملحوق=كل المعالي رامها واعتنقها

شيخ ٍ ولد شيخ ٍ على ساس موثوق=من راس جدّه ورثته ماسرقها

ومجده ماهوب من الدعايات ملفوق=بصفحات تاريخ العرب قد وثقها

في مستوى عالي وبالحيل مرموق=وهبه من الله جاتله مالفقها

والله عطاه الفكر ماهوب مدروق=واللي تفكر تدرقه قد درقها

يصرف ذهب ماهو تفاريد وفروق=ياطيب معدن كلمته لانطقها

عاب ٍ لعدوانه من السم مسحوق=اما تموت بسم والا شنقها

وزوده على الشجعان مثني ومطبوق=عند المجاكر كم شوارب حلقها

سلطان العشاق والجود معشوق=ضيفه يبي يلقى كرامه ومقها

في مجلس ٍ مايدهله كل مطفوق=وفيه الكبوش اللي يزين مرقها

فعل الشيوخ اللي عسى مالهم عوق=الضيف يلقا حشمته في شنقها

تسهر عيونه والكرى حارب الموق=يوم الردي نومه عيونه غرقها

ماقلتها في بعض الاحوال مزنوق=إلا على شانه طبعنا ورقها

اتوق ياسلطان لشرواكم اتوق=والنفس يكفل رزقها اللي خلقها

الشاعر سلطان بن مرضي العتيبي

[/poet]

الاخ الشاعر سلطان بن مرضي
مرحبابك تراحيب المطر
وصح لسانك مليار ياوافي
كتبت واجدت
لاهنت
سجل اعجابي
وتقبل وافر تحياتي
اخوك نايف العويمري

الغالى : سلطان




صح لسانك




وسلم بنانك




وبن حثلين يستاهل



تحياتى

الاخ خالد الذيابي والاخ سعيد الحمالي ياخي انا مادري عن اللي صاير صدقني
المهم ماقصر الاستاذ نايف العويمري
يمكن المشكله في سيرفر المنتدى؟؟
الف شكر للمرور على اللقصيده

ونعم ونعم


يستاهل ابن حثلين


وصح لسانك وبيض الله وجهك ياسلطان


تحياتي لك


اخوك


فالح

,,,,,,,,,,

صح السانك ولاهنت يالغالي

قصيدة جميله ومميزة

تدل على شاعر متألق ومبدع

تقبل اجمل وارق تحياتي

ابو وليد

الاخ العزيز نليف العويمري اشكرك جزيل الشكر
على طباعه القصيده
من جديد ومو غريبه عليك يالنايف
على قوله الشعر
الطيب يابقى في ضماير هل الطيب ؟ طبعاً لهم من ساسهم يارثونه
لك كل الشكر والتقدير يالغالي

الاخ فالح بن راشد ال حثلان
الف شكر على المرور طال عمرك
وماعليك زود والطيب يستاهل
طال عمرك
لك خالص تحياتي

الاخ خالد الراشد
صح بدنك طال عمرك
وشهاده اعتز فيها منك
يالغالي الف شكر على المرور الكريم
تحياتي لك