؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!

الاخ والشاعر محمد الجلبان

قصيده ماتحتاج الاشاده ثابت وجودها

صح السانك

[c]اخوي الفاضل / محمد ابن جلباان[/c]

[c]سلمت يمنااك ولاعدمنااك[/c]

[c]صح لسانك نجم نجم بمعنى الكلمه [/c]

[c]ومهما نكتب لن نوفيك حقك قصيده عانقت بها قمة الابداع[/c]

[c]وش خليت للباقين يابن جلباان (ذيباان) [/c]

[c]المشكله ضعنا بدرب iiالمتاهات مافيه مغزا يجتمع فيه iiقلبين[/c]

[c] لاهنت وننتضر جديدك يابن جلباان على احر من الجمر[/c]

[c]فلا تبخل علينا ياصاحب المعلقات الشعريه[/c]

[c]تقبل تحياااتي[/c]

للشعر غيض وفيض واحيان iiزفرات فيها من الواقع رموز iiوبراهين
الجرح يكتبني وانا اقول له iiهات باكتب عن الإسلام والعرْب iiوالدين
دينٍ نسخ نهجه جميع iiالديانات يكتب لصفوة خلق ربي iiعناوين
يذكر بها قصة جنود iiوفتوحات من غربي اوروبا الى شرقي iiالصين
لنا الصداره في جميع iiالمجالات ولنا الحضاره في جميع iiالميادين
ياما كسبنا المجد في ماضي الاوقات نرسم خريطتنا على الحق ماشين
والسيف مجده له قوايم iiوهامات له سطوه وخطوه وشأن iiونياشين
عودوا (لبدر) وطالعوا iiبالسجلات المجد باقي والفعل فعل iiماضين
مجد ٍ نطاول به حدود iiالسماوات يشهد له التاريخ وتشوفه iiالعين
اسقط حصون الفرس والروم iiبالذات وأعلى كيان المسلمين iiالميامين
ايام(خالد) كان للعز iiرايات يضمها الإسلام بين iiالجناحين
في نصر (نهاوند) عصر iiالبدايات تذكّروا في عام واحد iiوعشرين
عام ٍ شهد صولات في ظل iiجولات بالسيف والإيمان كنا iiعزيزين
واحيا(صلاح الدين) iiبالإنتصارات مجد ٍ كتب بالسيف في يوم (حطين)
بأقوى المعارك (للصليب) iiإنكسارات في عام خمس اميه ثلاث iiوثمانين
وفي فتح (عمّوريه) ازكى iiالشهادات يوم استغاثت وين شم iiالعرانين
اجدادنا تكتب ملاحم iiبطولات لأحفادهم ياليت الأحفاد iiقارين
يالمسلمين استرجعوا مجد iiالأموات قوموا على دحر الفتن iiوالشياطين
في صف واحد كبروا سبع iiمرات لأجل النصر واإلاّ الشهاده iiملبين
الموت حق.. وللشهاده iiملذات يالله مع الله حان طرد iiالمعادين
من البحر والبر والجو iiغارات كونوا يداً وحده على العسر iiواللين
الى متى العبرااات تخنق iiعبارات الى متى هاماتنا تشرب الطين ii؟؟؟
القدس تصرخ للعرب بأعلى iiالاصوات تبكي.. وتبكي من بكاها iiفلسطين
مايِرجع الأقصى حنان وعرفات على وعد (باراك) والاّ (ابن iiيامين)
اتعبتوا المسكيييين صايب iiعريقات ماهولوحده..كل الأمه iiمساكين
ماللسلام اية دلائل ولا iiإثبات كلام وإعلام وسوالف iiمجانين
كلام فارغ تبّلوه ببهارات والمشكله حنّا بالأوضاع iiدارين
وهناك لبنان ارتوى iiبالإهانات صهيون يأكل من (جنوبه) له iiسنين
اطفال وشيوخ وعجائز iiوحارات تشكي وتبكي في يدين iiالملاعين
ومنازل ٍ تمشي عليها iiالمعدات من غير حق ودون شرع iiوقوانين
تلومكم (قانا) على كل iiمافات وتنخاكم (ارنون) السليبه iiلهالحين
ويصيح (جولان) العرب.. والصدى..سكاااات يارب ساعدنا بعد عام iiالألفين
خلاص ملينا وعود iiوخطابات نبي الأمااان بلا(((فواتير iiتأمين)))
نبي فعل ماهو حديث iiإنفعالات لا(ثورة الفاتح) ولا حرب ii(تشرين)
ماراح بالقوات يرجع iiبقوات يبي زناد وزند وقلوب iiويدين
لا..للتفاوض في جميع iiالمسارات للقوه الكلمه شعار iiومضامين
يامسلمين وياعرب ..لحظة iiإنصااات من فضلكم.. سير القوافل على وين ii؟؟؟
والله ملينا الصحف iiوالمجلاّت وملّت قضيتنا الكتب iiوالدواوين
حتى كرهنا اخبارنا iiوالإذاعات خمسة عقود نشيل بالقلب iiسكييين
لأجل ((الكراسي)) نستميل iiالخواجات ونشيل موال القهر..ليل iiياعين
تفرّق الكلمه زمان iiالصراعات خلاّ طريق أمة محمد iiطريقين
احد ٍ ببحبوحه.. وخير iiومسرات وأحد ٍ بحرب وضرب من حظه iiالشين
الغرب من خيراتنا كيف iiيقتات؟ وابناء العرب للخبز ماهم iiملاقين
ليش العرب يشكون ذل iiومجاعات؟ اللي بدوا بالسبت واللي بالأثنين
ارزاق ماتحصى ونعمه iiوخيرات تبي فكر عاقل وشكر iiالمصلين
نخيل وزراعه ودجله مع iiفرات وذهب وبترول وصناعه iiوتعدين
ورجال وارضٍ شاسعه iiبالمسافات من المحيط إلى خليج iiالسلاطين
المشكله ضعنا بدرب iiالمتاهات مافيه مغزا يجتمع فيه iiقلبين
لو نجتمع في مؤتمر.. نرجع iiاشتات هذا يقول يسار والآخر iiيمين
كلٍ له اهداف ومطامع وغايات ويحابي الأقصين في ذل iiالأدنين
في داخل الأمه كفانا نزاعات بأتراحنا لأفراحنا حفل iiتأبين
ليش اختلاف الرأي؟ليش iiالخلافات؟ من بيننا الأسرى وفينا iiمساجين
اليوم صار إسلامنا iiبالشعارات والى دعى المظلوم..نجمع له iiآآآآآآمين
ونقول يوم يطيح مسلم iiسلامات ونشجب ونستنكر ونبقى iiضعيفين
نشيل مصحف بس ما نقرأ iiالآيات نطرد ورى الدنيا مع الليل سارين
شوفو(كسوفو) والمقابر iiجماعات والآن (بالشيشان) بعد (الفلبين)
من ينصر الله ينصره iiبالنهايات لزوم ترجح له كفوف iiالموازين
عن كل مسلم قلت اترجم iiبالأبيات آمال وآلام ٍ تهز iiالملايين
وتقبلوا مني سلام iiوتحيات مسلم تشيل يديه نخله iiوسيفين
من مهبط الإسلام وارض iiالرسالات اللي تطبق منهج الشرع iiوالدين


استاذنا / محمد الجلبان


وش تنتظر مني اقول


صح لسانك وربي ما تكفى ولا توفي


لله درك من شاعر ومن مبدع


وربي انك كبير وقصيدتك هذي كبيره ..


ورائعه بكل ما تحمل الكلمه من معنى ...


الله يعطيك العافية


وتقبل تحياتي واحترامي لك ولقصيدك ...


محمد الشهري

اخوي الشاعر/ مجعد بن متعب ..

صح بدنك يالغالي ..

مشكور على ماجاء منك..

بيض الله وجهك ودامت لياليك ..

اخوك/
محمد

اخي الشاعر/

ســــــعود الدهيمي ..

صح بدنك ..


الله يقبل منا ومنك ..


شكرا لك ولمرورك يالطيب..


اخوك/

محمد

يابن جلبان
عز الله انك
اوفيت ولا هفيت
ولانقصت ولابقيت
وجزاك الله خير
وبيض الله وجهك

خالد السليس

الله الله الله

عزالله انك كفيت ووفيت

بيض الله وجهك

عزالله انها جزله

وصح لسانك مليوووووووووووووووووووون


تقبل تحياتي

اخوي الشاعر / سالم العرجاني ...



شهادتك العملاقه تشرفني ولو انني لا استحق كل هذا ..



بيض الله وجهك يالذيب ..



تقبل تحياتي الصصصصادقه ..



محمد

نواف الردعي

بإختصار شديد

ياشيخ رووووووووووووووح بيض الله وجهك ..

محمد

اخوي فالح الحثلان ..

شكرا لك حتى ترضى .. وان كنت راضياً حتى تزعل.. (طبعا من تكرارها) ..

شهادتك في مجروحه اليس كذلك ؟؟؟

عموما لك ودي وتقديري ..

جملة ( رحم الله والديك ) كثّر منها كل مره فهي تسوىالدنيا و ما فيها ..

رحم الله والديك ،، وجزيت خيراً ..

اخووووووووووك/ محمد .

اخوي الشاعر والصحفي / ســــالم صليم ...

صح بدنك .. وتبقى من كتّاب الساحه القليلين الذين يؤدون رسالتهم بأمانه

شكرا لك ولمرورك وبيض الله وجهك ...

اخوك/ محمد الجلبان

اخي الغالي

محمد الجلبان


لا نوفيك حقك


مهما كتبت


قصيده وشاعر




تقبل تحياتي

تميم القحطاني >> كل عام وانت بخير ..

صح بدنك يالطيّب ..

انت الذي وفاءك بلا حدود ..

تقبل تحياتي ،،،

محمد

ماراح بالقوات يرجع بقوات *** يبي زناد وزند وقلوب ويدين
لا..للتفاوض في جميع المسارات *** للقوه الكلمه شعار ومضامين
يامسلمين وياعرب ..لحظة إنصااات *** من فضلكم.. سير القوافل على وين؟؟؟

اخوي الغالي شاعر القدس الاول محمد الجلبان

امريكا والصهاينه يتبعون المثل القائل

divide and rule

او فرق تسد

ولضعف البنيه التحتيه عند العرب والمسلمين

كانت مهمة اعداء الله سهله للغايه

فكان فعلاً

واحد يقول يسار والاخر يمين



اقم احتراماً لغيرتك يابوعبدالله

واشكرك جزيل الشكر على هذه ال...........

لن اقول القصيده

بل الاسطوره

اللهم اعز الاسلام والمسلمين

واذل الشرك والمشركين

تحياتي الصادقه

عبدالله العويمر..

مشكوووور يالطيب على الحضور والشعور ..

تقبل تحياتي بإمتنان ..

اخوك/

محمد