موتٍ كريم ولاحياةٍ تستحي منهاالحياه

الشاعر خلف الكريع

اعذرني على التاخير

لقد قرات هذه الشامخه اكثر من سبع مرات ولم ارد عليها لني لم اجد المفردات اللتي تناسبها

خلف صدق محمد عندما سماك العملاق

علي الطلاق ان التعبير يخونني امام شخصك الكريم

لاكن انا ومحمد واحد يكفي رد ابو فهد وانت تستاهل

مابقي الا ان اقول الله يرزقك

ويفتح ابواب الارزاق امامك

وحنا نعين ونعاون
لاهنت


وصح الله لسانك

يالعملاق

ودعتك الله

رد: موتٍ كريم ولاحياةٍ تستحي منهاالحياه

يا{وجد}00ابوك اعياه وقته وانهدم مستقبله "=" شيـّـب وهو باول شبابه وانسرق منّه صِباه
لا ماعرف معنى السعاده00رغم حب الناس له "=" ولا ماعرف ليه الدروب تْعذرت توصل خطاه
يا{وجد}00ابوك انسان طيّب00يرفع الراس عْمله "=" لكن زمانه مانصفه00ولاوقف مرّه معاه
حاول يدوّر عن((وظيفه)) تصنعه وتجمّّـله "=" حاول00ولكن ماجت الاقدار في رغبة هواه
خذا وعودٍ ملّها من كثر ماهي تخذله "=" ووجيه كم منّـوه بالراحه ولا جابوا مناه
ماقصّروا ناسه معه00ولا بعدوا عنّـه هَله "=" لكن رفض00قال: ( اقطع ايدي قبل ماتاخذ زكاه)
شااامخ لحد الغيــم00متوّرط لحد البهدله!! "=" لاهو وصل للي حلم يوصل له ولا الله هداه
كم حاولوا يعطونه من الحب00ما يستاهله "=" ابوه00واخوانه00وربعه00لكن اتعبهم إباه
مدري تعالي00أو كرامه00ولا وش هي المسأله؟؟ "=" واحد ذبحه الجوع00والخبز بجواره ماكلاه؟!!
اللــــه وش كثر انحرم00من كل حلمٍ حاوله "=" واللــــه وش كثر انسرق00قدام عينه ما اشتهاه
لازال يتحمّل طعونه00رغم هدّة كاهله "=" ولا زال يركض00رغم سقمه وتْعَبه من هالحياه
ينفث همومه00بالقصيد العلقمي والمشكله ؟؟؟؟ "=" ردة فعل(جمهوره) تغيضه ولا تدرك رضاه
واحد يقول: (الله لو هالبيت بس يعدّله)!! "=" وواحد يقول: (الله لو شعره يجي من غير ءآآه)!!
وواحد يقول: (الوقت وقته00والزمان الجاي له) "=" وواحد يقول: (البيت هذا00اجمل من اللي وراه)!!
وواحد يقول: (أصلاً فصيده00ماني بمتقبـّـله)؟؟!! "=" يااااخي بكيفك00وش تبي من شاعرٍ عصره نساه؟؟!!
ويمر يوم00يمر أسبوع وزمانه يجهله "=" يمر شهر00يمر دهر00ولاحد يحس بعناه
ويضيع عمره00تقضي ايامه00وينسونه هَله "=" ويطيح آخر يوم من عمره00ولا دوّن{وصاه}!!
ويموووت موتة فارسٍ كلٍ يهاب ينازله "=" له هيبه ولامن هجم كل الفوارس من وراه
مات بسهم{طايش}!! رماه اقصى رفاقه وقتله؟!! "=" ومن الغبن مات00ان درى00انه هلك بيد اخوياه!!!!
يموت شاعر00علّمه(جدّه) علوم المرجله "=" شرب وفا بيـّـه وراف بحالته حتى عذلاه!!
ماله عزى في كل عمره00كود طيبه وعمله "=" ولاله عزى من كل ناسه00كود خالٍ له رثاه
ويغسلونه00ريحته طيب وذراعه سنبله "=" ويكفنونه00مثل لونه أبيضٍ يشبه سناه
ويتعاونون برفع(نعشه) مااااأخفـّـه00ماثقله "=" ويصيح فيهم واحد مطوّع: ((هلمّـوا للصلاه))
يستغفرون الله على ما أذنب ويدعون له "=" ويكبّـرون(اربع) هي آخر عهده فبعض اقرباه
الكل ينفر منـّـه الا حضن قبره يقبله "=" والكل يتحاشى تجي بثيابه آثار لثراه!!
في حفرةٍ(مترين ونص بمتر) ابوه ينزّله "=" ويدمدم اخوانه باصابعهم ترابه مع حصاه
ويعلّمون(القبر)بحجرتيـن00كانن لاوله "=" والحيــن صارن لاخره00رمزٍ ليا جوه اخوياه
ويودعونه شاعرٍ(بالمقبره)مستقبله "=" حارب زمانه وانتصر00لولا خذوله اللي معاه
ماغير ربه خابرٍٍ00وش مر به واتحمله "=" وماغير به عارفٍ00مصيره لأي اتجاه؟؟
يا{وجد} ويعزونك اعمامك00وتنساك اخيله "=" وساعتها لاتقولين: (ليه الكل00يابنتي00نساه؟؟!!)
مادام ابوك الوقت خانه00والزمن برضو خذله "=" موتٍ كريم00ولا حياةٍ تستحي منها الحياه












الاخ العزيز الشاعر







خلف الكريع






لقد اقتبست كل القصيده لانها رائعه كلها من اول لاخر بيت







والاروع منها هو شاعرها المكتسي بالشمووووخ والعزه







لاهنت ياخلف






وصح الله لسانك مليوووووووووون






وسامحني بتطفلي واعادة القصيد كلها بشكل مغاير لشكلها الرئيسي





لاهنت






تحياتي

سيّدي الفاضل / حمدان القحص

شكراًُ جزيلاً لك على تواجدك الكريم الذي سرني واختيارك يدل على ذائقتك المفعمة بالشعر

كثر الله خيرك وتقبّل تحيااااتي الوافرة

أخوك الأصغر
خلف الكريّع

[c]... لله درك يا خلف الكريّع ...[/c]
[poet font="Simplified Arabic,16,blue,Bold,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]
والله وبدون مجامله .... اثبت وجودك يا الغالي ...
قصيده رائعه ..وابداع ... سجل اعجابي ومتابعتي
واعذرني على عدم متابعتكم هذه الأيام لظروف خاصه
لا هنت .. لاهنت .. وصح الله بدنك يا القرم...
[/poet]
[c] تحياتي للجميع .............
[gl]السلسبيل[/gl] [/c]

سيّدي الفاضل - واخي الوفي / محمد فهد العرجاني

لك منتهى الشكر 000 وفائق التقدير لتواجدك الذي يحمل نكهةً مختلفة وخااااصة جداً

لك كل الوفاء والمودة والترحيب بما يليق بكرم اخلاقك ونبلك

لك المعزه والاحترام وانت العزيز الغالي

أخوك الأصغر
خلف الكريّع

سيّدي الفاضل / سالم العرجاني

والطيب ماله وطن واسواااق ^^^^^ الطيب عند : آآآآآل عرجــــاني .

لاجديد ياسالم لم ءآتِ بما هو جديد صافحتك إحدى روائعك ذات شجن وكنت أرى خلف ذلك النص شاعراً رائعاً في كل شيء .

لك جزيل الشكر وفائق الامتنان اخي سالم

اخوك الأصغر
خلف الكريّع

ياسلام يابو وجد هذي استنتجتها من القصيده

كلام جميل ..ومعاني راقيه..ووصف رايع

تقبل اعجابي ودعواتي لك بالتوفيق...

اخوك/عبدالله

سيّدي الفاضل واخي العزيز / نعير بن شلوان

1) انت تمووووون على القصيدة وشاعرها طال عمرك لو تنزل كل كلمه لحال افا عليك يانعير أي تطفل انا لي الفخر انك تقتبس منها لو حرف فما بالك وانت تعيد انزالها كاملة 000 الله لا يهينك وعزيز وغالي .
2) العزة والشموخ عرفناها من شرواك من الرجال الصلفين والكرام .
3) صح بدنك مليار ولاتهون .

تقبل تحياتي الفائضة

اخوك الأصغر
خلف الكريّع

الله واكبر عليك ياخلف

الاخ العزيز والمحترم : خلف الكريَع

فاجأتني في هذه القصيده النادره وهذا تقصير مني على قلَة متابعتي
قرأت القصيدة ولقيت أشياء ما توصف
حاولت اختار بيت فـ وجدت الظلم الكبير للأبيات الاخرى
لن أوفيك حقك ولن أشبع اعجابي في ما كتبت

مشاءالله عليك
والله يزينها

صح السانك
ولك تحياتي ومتابعتي الدائما

سيّدي الفاضل / محمد بن جديّد

مساك الله بالخير ومعذوووووور طال عمرك .

إن صارت لنا الفرصة واتحفتنا بتواجدك فهذا شرف لنا كبير وان ماحصل العذر والم طال عمرك .

ولا شرفٌ للشاعر فوق شرف متابتعتك وإعجابك انت والذيابه راعين الطيب شرواك

ألف شكر على إطراءك وتواجدك الحافل بالكرم والنبل .
والله لايحرمنا هالطله وترانا بالخدمه طال عمرك والظروف الي تردك عنا نقطع دابرها وانت سالم .

تقبل وافر تحياات اخوك الأصغر
خلف الكريّع

الاخ الشاعر خلف الكريع...

صح الله لسااانك وسلم الله قلبك......

اتحتفتنااا بهاا القصيده الجزله......

قصيده رااائعه من شااعر اروع...

سجل اعجاابي ولك مني كل الود.....

سيّدي الفاضل / عبد الله الشهراني

صبحك الله بالخير طال عمرك

واستنتاجك في محله بس انا عندي ولد اصغر من ( وجد ) واسمه ( صالح ) على اسم الوالد

على كل حال حياااااااااااااااااااك ولاهنت وألف شكر على إطراءك والكم هذا من الذوووق والجمال اللي في ردك

والله يقدرني وابيّض وجهي قدامك انت والاخوان النداوية بالقصايد الجاية .

تقبل تحيااااتي

أخوك الأصغر
خلف الكريّع

سيّدي الفاضل واخي الكريم / خالد الهطلاني

مسّاك الله بالخير ياخالد

اولاً اعذرني على تأخيري في الرد ويعلم الله اني عانيت وانا احاول أرد لكن على مايبدو كان فيه خلل فني بالمنتدى

اما ردك والقصيدة طال عمرك فيشهد الله انه يمثل لي الشيء الكثير

الظفر بإعجابك ومتابعة مثلك وشرواك من الوجيه الفليحه أمر أحسد عليه فعلاً
ولا اجد في موسوعة اللغة العربية مايعبّر لك عن عرفاني وتقديري لما ذكرته من إطراء بشأن القصيدة وشاعرها .

لعلي اكتفي بذكر اسمك فهو يرفع من مقام الرد
ولعلي أضيف ماستطعت من تقدير وشكرعسى ان يستر عورة الرد وأفي لك القليل من حقك

تقبّل وافر تحايا اخوك الأصغر
خلف الكريّع

سيّدي الفاضل / محسن ال زريع

ياهلا وسهلاً بمحسن

صح الله بدنك وقلبك يالغالي ولاعدمت تواجدك المشرق في جنبات الردود

والجزاله محلها راسك المثخن بالفكر والمسكون بجنون الإبداع طال عمرك

وإعجابك وودك وسام من الدرجة الاولى على صدر قصيدتي وشاعرها

بيّض الله وجهك وكثر خيرك

تقبـّـل وااافر تحاياا أخوك الأصغر
خلف الكريّع

استاذ الشعر
اخي الغالي... خلف
صح لسانك...مليوووووووووووووووووووووووووووووووووووون
انت شاعر بكل ماتعني هذه الكلمه من معنى
خيال واسع
صور جميله
مهاره في اختيار الالفاظ
جرس موسيقي
تناسق في الكلمات
لله درك ياخلف
واعتبرني من جمهورك
وقبل تحيات
اخوك
عايض
عثمان
العتيبي