Tweet
[poet font="Simplified Arabic,14,black,normal,normal" bkcolor="" bkimage="" border="none,2,gray" type=2 line=200% align=center use=ex char="" num="0,black"]
كل الحلول الممكنه صارت على يدك .. محال=كل الجدال المُفتعل دايم على لسانك .. يطول
وانا ادري انك ما تثق فيني و لكن.. لي سؤال:=ابسئلك.. متى تثق فيني..؟؟متى شكك يزول؟
ياسيدي.. ياأغلى طموحاتي.. بلا شك و جدال=يا أرق و الطف..من جعلني عايش بوقتي ذهول
يا أسرع من احلام المنام..أبعد من احلام الخيال= يا أصدق تباشير المطر.. يا خلطة الاربع فصول
يا أوفى مواعيد الزمن.. ياأسرع وسيلة أنتقال=على تضاريس الحزن .. نقــــطع مـــسافاتً تطول
أشوف غيرك لي حرام.. و مـــثلك لمثلي حلال=و أشوفك اطهر من تمخطر داخل عروقي.. يجول
من دون غيرك تنتزع مني.. الرعايه و الدلال=كل أنتصاراتك بصدري.. تخزي العين و تــهـــول
و مع كل نصراً تحرزه صاحت لك عروقي.. تعال=تعال كسر ما بقى فيني .. لو اغــــــــصاني ذبول
تعال جرحني ترى صدري غداا.. ســـــاحة قتال=تعال أبدفع للحزن .. زكاة عمري.. كل حــــــــول
تعال .. لك عندي مكان.. و باقي لموتي مجـــال=تعال و انزع ما بقى .. ماني من أفعالك جفـــــول
تعال.. و أرسمني فرح.. زايل عن وجيه الليال=لكن انا عندي طلب .. أجرح و لكن بالأصــــــول؟!؟!
أكذب علٌي.. و حبني.. حتى ولو حب أحتـــيـــال=و أقسى علٌي .. و ضمني.. مابين الاضلاع النحول
أبشع جريمه للبشر .. كانت جريمة .. الأغتيال=و اغتلتني يوم أبتعادك .. و السبب.. حب الفـــضول
دام الثقه عندك محااال .. الحب عندك له زوال=وانا هويتك .. و أنتبه .. و أسمع.. وانا صادق بــ أقول:
تبيني أنسى عشرتك .. يا سيدي ؟؟ هذا محااال=اما تـــــثق .. او نفــــترق .. هذي ترى كل الحلول
[/poet]
اخوكم و تلميذكم/
عبدالله ذويباااان
تعليق