مبروك مبروك مبروك " ضيدان المريخي"

ازف للجمبيع خبر فوز شاعرنا الخلوق ضيدان المريخي بالجائزه العاشره في مسابقة سمو الأمير عبد العزيز بن سعود آل سعود وذلك في جريدة الجزيره صفحة مدارات شعبيه ....

ولا يخفى عليكم ان المسابقه حظيت بمشاركه منقظعة النطير وكانت النتائج الخمس الأولي كالأتي:

الأول مناصفه بين : عبدالله بن عون واحمد الناصر
الثاني زبن بن عمير بن زبن
الثالث محمد العسيلي
الرايع رشيد الزلامي



ارق التبريكات لك يا ضيدان واجمل المنى بخلود نجمك في عالم الشعر وابارك للنداوبه فوزك الغالي علينا جميعا .


العيافي..

[c]مبرووووووووووووووووووك[/c]


مبرووووك مبرووووك ياضيدان

والله انك تستاهل كل خير

شاعر كبير



ولاهنت يابو فارس

ياسلام

اسماء معتبره ولاغرابه بتاتاً في حالة فوزها.........
الحقيقه ان الواحد اما م مسابقه يحتل فيها رشيد الزلامي المرتبه الرابعه يعلم انه كان هناك شعر حقيقي بكل ماتحمله الكلمه من معنى...
ويتشرف بمجرد المشاركه في المسابقه ويامتى تجي المسابقه القادمه بس نبي نشارك مع هالعمالقه فالمشاركه معهم مكسب


باقي ياشايع تكفى الله لايهينك نبي القصايد اللي فازت ان كان ماعليك كلافه...............


ومشكووووووووووووور

ابو فارس

الله لا يهينك
والف الف مبروك للزميل الغالي والمتألق ضيدان المريخي
فعلا نجم يستاهل التقدير
اتمنى له التوفيق
تحياتي واحترامي للجميع







............................................................ ....... تميم القحطاني

ماهى غريبه على




شاعرنا الخلوق : ضيدان المريخى





وتمنياتى بالمزيد من التوفيق

الاستاذ الشاعر000



ضيدان المريخي000





ألف مليون مبروووووووك لك يالغالي000







تستاهل كل خير يالغالي000







شاعر كبير ورائع 000







أجمل المنى لك00







اخوك00






عبدالله العويمر

الف الف مبروك

ويستاهل ابو بداح كل علم طيب

ضيدان شاعر ويستاهل اكثر منه


بيض الله وجهك ياابو فارس


تقبلوووووا تحياتي

مبارك محمد الهاجري

الف الف مبروووك لشاعرنا النداااوي ضيدان المريخي

ويستاااهل اكثر واكثر


وتقبل تحيااااتى وتمنياتى بالتووفيق ايها الشااااعر الرااائع

مبروووووك





والف مبرووووك




ايوالله يستاهل ضيدان




والفرحه للجميع جميع النداويه




ولاهنت ياشايع لاهنت




علمك غانم





ولكم مني جميعا اطيب التحايا

لاهنت يابو فارس 000000

الف مبروك للشاعر الرائع ضيدان المريخي
فعلا نجم يستاهل التقدير
اتمنى له التوفيق 0

القصائد الاولى الفائزه ........

نتائج مسابقة الجزيرة برعاية سمو الأمير السامر .
ابن عون والشايع في المركز الأول .. لكل منهما الجائزة كاملة ..

القصائد الفائزة بالمراكز الخمسة الأولى حسب التسلسل:

عبدالله بن عون
عمير بن زين
احمد الناصر
محمد العسيلي
رشيد الزلامي

[poet font="Simplified Arabic,14,orange,normal,normal" bkcolor="darkred" bkimage="" border="double,2,gray" type=0 line=200% align=center use=sp char="" num="0,black"]
سقا الله روضة التنهات روضة كاسب الطولات=بسيل في عروض العرق الأعلى بانت حدوده
عساها للنصوب اللي توسطها مع المثنات=يفيضن الخوابي من محير السيل وردوده
يجيها مدة ترجع بها من راعي المدات=من الطيري وطرافه الى الحيرا وجلعوده
يجيها كنه الليل البهيم محلتم الثغرات=يشعشع بارقه ويوقظ النيام برعوده
مراويح السماك اللي عليها ينثر العبرات=بجو هادي ما يستنير الكحل من نوده
الى منه همل واهمل على الشوكي وطيارات=لقيت الابرق الأوسط يحز السيل بعضوده
ثمان وجاب سكاب بوسطه للبرد زخات=وعقب أيام يزهالك نبات القاع بوروده
على شان يتمتع في روابيها كريم الذات=سندنا اللي يدافع عن كرامتنا بمجهوده
سندنا اللي ليا شتد الحزام وضاعت الحيلات=يبين بالنهار اللي به الأعصاب مشدودة
لياضج الخليج وهاج له بالكايده وقفات=ليا كلش حجاجه صدراً اخصامه بما روده
وله وقفات خيرية تناقلها الفضائيات=على هدى الكتاب ويوفي الماعود بوعوده
عسى ربي يمد المسلمين بصحته حزات=ويديمه للوطن ويقر عين الشعب بوجوده
وعلى تتويج رغبة سيدي تدفعني الرغبات=على حسب احترامه يستجل القاف ببنوده
ليا ما قمت بالمطلوب وش هي قيمة القدرات=تموت الشاعرية في ظلام القبر ولحوده
ابو راشد سلم رأسه هو يحيي العادات=سلم راسه وراس سعود ابوه وطابت سعوده
[/poet]

[c]الشاعر عبدالله بن عون [/c]

[poet font="Simplified Arabic,14,orange,normal,normal" bkcolor="darkred" bkimage="" border="groove,2,gray" type=0 line=200% align=center use=sp char="" num="0,black"]

سقى الله روضة التنهات روضة كاسب الطولات=بسيل في عروق الأعلى بانت حدوده
على روضة.. فهد.. ركن البلد في ساعة الشدات=معرّب من عمام ومن خوال وصفوة جدوده
سقاها الغيث من سحبٍ غوادٍ كل يوم اوقات=يعل الروضة اللي بالكرم والجود محسوده
وبعد عشرين يوم وزدود شمسٍ شارقه بسكات=بلا عاصف بلا عجه ولا به حر وبروده
الين العشب يظهر يسعد اللي شاهده باثبات=زهوره بالشجر والارض بالاعيان مشهوده
يشوقك شوفها من قلب فيها تكثر النظرات=تقول عقود ماس بجيد هاك الريم معقوده
الى فاح الضحى ريح الخزامى والنفل بالذات=يفوق بعطره الزاكي عطور الفل ووروده
تسمع لام سالم والبلابل بالحيا طربات=يعزفن اللحون بروضة ما هيب مسدوده
عن اللي يلتجي للي بكل الجود له هومات=وله جولات في رقي المعالي يسهل صعوده
صعود المجد له هين رفع في قمته رايات=وضعها يوم عدَّابه تحدي الخصم وجنوده
ابو فيصل بوقت الضيق والازمات له وقفات=فعوله عند كل الناس واضحة ومشهوده
فهد سجل بتاريخ الفخر والجود له صفحات=خصال الشهم لاوطانه حشا ما هيب محدوده
بدرب الخير والاكرام له نظره وله مدّات=تفرّج كرب من جاله ولكن خصمه تكوده
ولابو فيصل ببذل الجود مع كل العرب بصمات=عطا.. واكرم.. وعالج.. واعتنى في كل مضهوده
واعود لما ذكر عبدالعزيز بمطلع الأبيات=عسى روضة.. فهد.. بالغيث كل الوقت موعوده


[/poet]

[c]الشاعر عمير بن زبن [/c]


[poet font="Simplified Arabic,14,orange,normal,normal" bkcolor="darkred" bkimage="" border="groove,2,gray" type=0 line=200% align=center use=sp char="" num="0,black"]

سقى الله روضة التنهات روضة كسب الطولات=بسيل في عروض العرق الأعلى بانت حدوده
نبي نبدأ سوات الناس والأعمال بالنيات=دروب بينة ما هي على العراف مسدودة
سقى الروضة مراهيش السحاب اللي تجي سوقات=تجي سوقه ورا سوقه سحاب ترزم رعوده
تربع روضة التنهات روضة صامل الهدات=مع الاصحاب يا هونه وللعدوان يا كوده
الى شاف الربيع يكثر الروحات والجيات=ابو فيصل على شعبه بذل جهده ومجهوده
ويفرح بالربيع اللي حلاله كم عنز وشات=وترعى كل فاطر بالربيع وكل مفروده
ولد من قوم الدين الحنيف وعدل الغلطات=ولد من طوع العيال في سيفه وباروده
إمام المسلمين وخادم البيتين ابا العادات=عيون عداه دون حماه تغضي تقل مردوده
حكيم الراي بالشدة تراه مفرج الشدات=ذرا الخايف وريف اللي من الأيام مضهوده
على شعبه غيور وفي عزومه ذل الصعبات=ولابه حاجة نحتاجها ما هيب ماجوده
عسى عيني تشوفه قايم يمشي على العدلات=حبالي في رجا الله خالق المخلوق ممدوده
حسناته كثيرة والحساني تدفع السيات=نهار البعث ما به ناس سادات ومسيوده
انا والله ما اقول إلا الصحيح اللي عليه اثبات=وهذي عادة طول الدهر ما هيب مفقوده
[/poet]

[c]الشاعر أحمد الناصر [/c]

[poet font="Simplified Arabic,14,orange,normal,normal" bkcolor="darkred" bkimage="" border="groove,2,gray" type=0 line=200% align=center use=sp char="" num="0,black"]
سقى الله روضة التنهات روضة كاسب الطولات=بسيل في عروض العرق الأعلى بانت حدوده
عسى الروضة اتساقيها ودادين الحيا سوقات=ويسيل العتش والشوكي وواد سدير والعوده
سقاها من بواكير الحيا من يفرج الكربات=هميلٍ فيه خير ويشمل الأوطان مردوده
على ظهر البلاد اللي لها حرمة وعزة ذات=منار النور والتاريخ والإسلام وجنوده
عقب عشرين يوم من المطر وين أنت يالكشات=تشوف العشب فيها والشجر مخضرة افنوده
تمشي ساعة من يوم تسوى باقي الساعات=تحل اعقود نفس من اضغوط المدن مشدوده
اليا لبست احللها نجد هاذي حزة الرحلات=تجول في ربوع المملكة والأرض ممدوده
بلدنا فيه ميزة قل ما تشبه لها ميزات=امانٍ يشمل الحاضر وراع الذود مع ذوده
تحت ظل الفهد درع البلاد معرب النخوات=كبير الهقوه اللي بالشدايد تصدق وعوده
اليا جاءت القضايا كبار شال همومها الصعبات=حكيمٍ مير بالصعبات يا صعبة ويا كوده
ابو فيصل زعيم الموقف اللي ما عليه اسكات=يحسمه بالدها ومعقد ما تنقض اعقوده
ولد عبدالعزيز اللي على التاريخ له بصمات =موحدها الكيان اللي نعيش اليوم بسعوده

[/poet]

[c]الشاعر محمد العسيلي [/c]

[poet font="Simplified Arabic,14,orange,normal,normal" bkcolor="darkred" bkimage="" border="ridge,2,gray" type=0 line=200% align=center use=sp char="" num="0,black"]

تصفحت الجزيرة وعرضت لي في حدا الصفحات=قصيدة شاعر صارت له الاذهان مشدودة
درر.. من بحر لولا ان مصدرها بحر ماجات=نظمها شاعر ال سعود بأفكاره ومجهوده
لعل الله يقبل دعوته هو سامع الدعوات=ويسقي روضة الامجاد نو ترزم رعوده
مراهيش المزون اللي تحن وتنثر العبرات=على ذيك الفياض يسوقه الرحمن ويقوده
مواطن عبقريا ننتخي به ساعة الشدات=جملنا اللي يشيل الحمل عنا سلمت عضوده
ولد عبدالعزيز اللي برايه تسهل الصعبات=ليا حمي الوطيس وثار بركانه وباروده
ابو فيصل سند كل العروبة راعي الوقفات=وحنا ساعة الشده رجال الفهد وجنوده
حكيم مستقيم يدفع السيئات بالحسنات=ولو باح العزا والصبر شب النار بزنوده
تهمه خدمة الإسلام لا المظهر وحب الذات=ومن ولدت به امه والشجاعة فيه مولوده
كفل لبلاده اسباب الرخا والأمن والراحات=ولو كانت عليها من كثير الناس محسوده
اجاري سيدي واهلا وسهلا وابرك الساعات=جذبني شاعر آل سعود بأفكاره ومجهوده
[/poet]

[c]الشاعر رشيد الزلامي [/c]

مبروووووك

بيض الله وجهه خوينا .. فوزه فوز لنا

تستاهل الناموس ياضيدان

ومن ذا الحال واحسن ان شاء الله

اخوكم

عبدالرحمن

مبرررررررررررررررررررررررررروك


ضيدان شاعر ولاهو غريبه عليه الفوز

تستاهل يالمريخي

تحياتي

مبروووووووووك الف الف مبرررررررروك لشاعرنا الرائع ضيدان المريخي ...


يستاهل يستاهل ...



والشكر موصولا لشاعرنا الكبير شايع العيافي على متابعته وسعادته بفوز احد اعضاء النداوي تدل على معدنه الاصيل وحسن ذاته وطيب راسه ..


تقبل تحيات اخوك /// ابو مهدي

لاهنت يابو فارس والشاعر ضيدان المريخي شاعر مبدع ويستاهل ويستحق الفوز عن جداره
الف الف مبروك ايها الشاعر الرائع جعل الفوز والتوفيق حليفك دائما
دمت بكل خير ودامت ابداعاتك ونجاحاتك

ومبروك لكل الفائزين

مع اجمل التحايا
نايف العويمري