Tweet
خيّال الكحيله
[ALIGN=CENTER]
السلام عليكم ورحمة الله وبركاته[/ALIGN]
اخواني وخواتي النداويه أضع بين اياديكم هذه المتواضعه والتي تحكي عن تجربة مررت بها في فترة من الزمن ليست بالبعيده عايشت بها كثير من المواقف المتناقضة فترة أحن اليها وأحن لذلك الخيّال الذي لم يستطع أحد أن يعرف من هو سوى تلك الفتاة التي استطاعت ان تخرجه من هاجسي و انتصرت بالنهاية عليه وكشفت عن نفسها وعن قصائدها , ليتني مازلت ذلك (( الخيّال الغامض ))..... !!!!
[poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالقوافي يالقوافي افزعي لي بالجزيله = واسعفيني لا بغيتج قدميها لي هديّه
وان نظمت أحلى قصيده وافيه ماهي هزيله = جزلةٍ ترقا النوايف قلتها عن مقدريّه
شاعره والمعطي الله بكتب بيوتٍ جميله = ودي اكتب مير بكتب له كذا والا كذيّه
افتخر بفعال جدي الاصيل من الاصيله = والعمام من الخوال وكل منهم له حميّه
بنت قرم ٍ لانخيته يقدح زناد الفتيله = في زمان الكون ثاير مايهاب من المنيّه
ولي بعد سبعة اخوان ٍعزنا فخر القبيله = اي نعم سبعه ولكن بالفعل عن سبعميّه
ويالله انك عالم ٍبالحال والنفس العليله = يا كريم يارحيم ٍ بي ويا جزل العطيّـه
يامفرّج كل همي ما لغيرك اشتكي له = وان قصر حظي ومالي زادت الاحزان فيّه
كل يوم ٍ اتعلّم وان لمحت البرق أخيله = الفراسه والفطانه مذهبي ماني غبيّه
اتفكّر واتبصّر في أمور أهل الفضيله = واتطبّع طبعهم وابعد عن دروب الخطيّه
الشرف تاج ٍ على راسي ولانيب الذليله = ماتمكن خايب الأفعال من صيد البنيّه
واحتمي بستار ديني الغطا منهو يزيله = وان كثر قول الفسوق أهل الفتن وأهل الرديّه
والله اني شاقني الطاروق والموال أشيله = جيت في وسط المحافل مير أذل من الزريّه
جيت شاعر بادع ٍ طرقه وماتلقى بديله = المواويل الجميله واللحون السامريّه
جيتهم شاعر وانا الي طاويه حلو الجديله = ماحدن شاف الجدايل والورود النرجسيّه
من قرا ردي تعجّب ماعرفت المستحيله = كاسب الجولات ردي في عيون الأغلبيّه
هذي قصة شاعر الطاروق خيّال الكحيله = والعرب فيهم طبيعه جاهليّه جاهليّه
بارك الله ياجماعه بالعميل وبالعميله = راحت الايام راحت والمحافل عالميّه
والختام الله يعز الدين والطاغي يزيله = والف صلّى الله على المختار هو خير البريّه
[/poet]
تنويه مهم : خيّال الكحيله اقصد به نفسي في بداية دخولي للنت كنت اتخفى خلف لقب رجل وقابلت كبار الشعراء في محاورات قويه وجريئه ..... كثير من الزميلات والزملاء لم يفهموا القصد لذلك وجب التنبيه وأرجوا من الجميع التركيز في الابيات
سامحوني على التقصير
[sound]http://www.akuwait.net/rm/moseqa5.rm[/sound]
تعليق