((((كني غريق)))))

السلام عليكم ورحمة الله وبركاته
وأسعد الله مسائكم بالخير والمسرات أقدم لكم هذه المساجلة واللتي جرت بيني وبين الشاعر مسفر محمد الدوسري
وأتمنى بأن ترقى ولو بالشيء اليسير لذائقتكم
الصوت من مسفر بن محمد الدوسري

[poet font="Simplified Arabic,14,black,normal,normal" bkcolor="" bkimage="http://nadawi.net/vb/images2/34.gif" border="none,2,gray" type=0 line=200% align=center use=sp char="" num="0,black"]
سمعت الخبر بأذني من المصدر الموثوق=ولافي الخبر شكه مادام الخبر منه
شرح خاطري ذاك الخبر وأنعش المعلوق=وذيك الغصون اليابسة ربعة منه
ومضمونه أن التاجر اليوم وسط السوق=وكثيرأ من الاصناف ماهن بيرضنه
هلابه عدد مالاح وقت الوسوم أبروق=وعدد مسلمين يطلبون الله الجنه
وعسفت المثايل لين سارت على الطاروق=وهيظت شيء بالحشى مبطي أكنه
ووجهتها له وأرجي عسى أن البيوت تلوق=على خاطره من شان للرد يشعنه
لحيث أن دغش لافك صندوقه المغلوق=تشوف الجواهر والدرر يطلعن منه
تقاود معه الامثال ماهيب تبغي سوق=وعسر القوافي لاتهيض يلاحنه
وبالطيب قسمه عن كثير القسوم يفوق=على المرجلة حافظ وحافظ على السنه
ولايادغش صدري عليل وفيه فتوق=ولاله علاج عندي ألأ أجذب الونه
وحالي تقافى مثل مايقفي الزملوق=أليا أبعد ثراه وطاوله لاهب الكنه
من مفارق اللي حطه الحظ لي معشوق=ولا أدري عن الايام هن وين ودنه
على شوفته يجذب خفوقي عظيم الشوق=وغرام العيون اللي بكنه يشوفنه
ووضعي عقب فرقاه مامر به مخلوق=من اللي خلق ربي من أنسه ومن جنه
وأنا في أنتظار الرد ياأبوبطي مزنوق=عسى الرد ياصل قبل ماتابس الشنه


ولقد رديت على مسفر بهذا الرد


أنا البارحة ماأمسيت والدالهين خفوق=عيوني قزن عن لذة النوم عافنه
من الهاجس اللي حط وسط الظماير سوق=ولالي مجال لو بغيت أنتزح منه
وكني غريق وسط جم البحر ويفوق=تناوش مجاديف يده مايطولنه
فأنا لابغيت أرتاح من اللي مضى وأروق=لفتني علوم تجعل الصدر به حنه
لفاني جواب يشرح الخاطر المغلوق=من الشاعر اللي عسف الامثال من فنه
أليا من بغى يقصد تخير حسين الذوق=ونظم البيوت الكايده مايكودنه
يلوقن بمسفر يوم أهو للجزيل يلوق=أديب حكيم ونارهم نقتبس منه
لفتني وأنا طرب على ردها شفوق=كما يشفق المسلم على شوفة الجنه
هلا به عدد ماسار في الارض من مخلوق=وعدد ماتحن رعود صيف لها رنه
مسفر يشاكيني من الحب فيه فتوق=ومدحني ويزهمني وأنا من ورى ظنه
فماجور ياللي تشتكي من غرام الشوق=ياليت الليالي ماخذنه يردنه
شعاك الوليف اللي بحبه غدالك عوق=تسبب بجرحك وأبعدت ديرتك عنه
فترى الحب له فن ومسار وفيه حقوق=وسلم يغصب مهاوي البيض ماعنه
مثل عشقتك يانعم بالعاشق المعشوق=عسى الله يجمع شمل الاثنين في السنه
هذا الرد كاش مابغيناه بالمفهوق=وأنا حاظر في لازمك مابها منه
وأنا صامل ياصاحبي والخبر موثوق=وعقب صبي ماوفى بالطلب منه
وتقبل تحياتي عسى حظكم بوفوق=عسى الله يعين اللي لياليه حدنه


وسلامتكم جميعأ والمعذرة على القصور
[/poet]

ارحب يادغش

صح السانك والسان مسفر مليونيين بينكم بالنصيفه

مساجله من اروع ماسمعت

لاهنتو ويعطيكم العافيه


سجل اعجابي ومتابعتي

ولك تحياتي

اخوك

جازع

بيض الله وجهك انت وصحيبك عزالله صوت وصدى رائعان وصح الله السنتكم جميعاً وتقبل تحياتي

الشاعر

القدير دغش بطي الدوسري

والشاعر مسفرمحمد الدوسري

لاهنتو جميع يا النشاما

رائعين والله

جيت اتشرف بقرا ءة القصيدتين

ابداع لايوصف

تحياتي

اخووووووكم

الاخ العزيز


دغش بطي الدوسري


صح الله لسانك مليووووووون

وصح الله لسان مسفر مليووووووون

صوت وصدى

رائعان بالفعل

الله لايهينكم


ودعتك الله يالغالي

باقتباس من مشاركة جازع الخنفري ارحب يادغش

صح السانك والسان مسفر مليونيين بينكم بالنصيفه

مساجله من اروع ماسمعت

لاهنتو ويعطيكم العافيه


سجل اعجابي ومتابعتي

ولك تحياتي

اخوك

جازع

[poet font="Simplified Arabic,14,deeppink,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
أرحب مدد بليا عدد

مرحبا والله ومسهلا ياجازع

مرورك طال عمرك عطر الصفحة

وحظورك لاعدمتك شرف المشاركة وراعيها

فصح الله أبدانك ورفع الله شانك وبيض الله وجهك

لاهنت على المرور اللطيف واالذي أسعدني بلاشك

وأعجابك مقبول ولي الشرف طالت أيامك


تقبل خالص الود والتقدير والاحترام


ودعتك الله ،،،،،،،،


أخوك دغش الدوسري
[/poet]

الله الله



صح الله السانك يا دغش

وصح الله السان مسفر



وفييتم وكفييتك قصيدتان رائعتاان


لا هنتم


وتقبلوا تحياتي

الغالي دغش
صوت وصدى رائعين
صح لسانك
ولاهنت على الابداع

تحياتي لك

مطلق بن شويه

يا سلام يا سلام


صح السانك والسانه يا دغش


صوت وصدى رائعان


لك تحياتي

باقتباس من مشاركة حسن المسعودي بيض الله وجهك انت وصحيبك عزالله صوت وصدى رائعان وصح الله السنتكم جميعاً وتقبل تحياتي

[poet font="Simplified Arabic,14,blue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
الشاعر الكببر حسن المسعودي

مرحبا مدد بليا عدد

مرورك ياأبن الاكرام أكرمني

وحظورك ياأبن الاشراف شرفني

فصح الله ابدانك ورفع الله شانك


لاهنت وبيض الله وجهك على مااطريت


فلك من الود والتقدير أجزله


ولك من الشكر والعرفان أكمله


أخوك دغش الدوسري
[/poet]

[فارس عفاس الدوسري]

صح السانك يا دغش

وصح السان مسفر

وعزالله صوت وصدى رائعان

تحياتي

فارس عفاس

الاخ العزيز الغالي الشاعر


دغش بطي الدوسري





ارحب يادغش

صح الله لسانك والسان مسفر مليونيين بينكم بالنصيفه

مساجله من اروع ماسمعت

لاهنتو ويعطيكم العافيه


سجل اعجابي ومتابعتي

وبيض الله وجهك ولاهنت يا اخي الغالي

وانا اسف على التاخير

ولك تحياتي

ودعتك الله

الاخ دغش الدوسري

صح الله السانك ولا هنت

تقبل تحياتي

..

السلام عليكم



اخى العزيز دغش بطي الدوسري



صح لساانك ولساانه ولا هنتوا



اختك ديمة الشوق

الاخ الشاعر دغش الدوسري

صح السانك وصح السان مسفر محمد الدوسري


قصيد يستاهل المتابعه بحق


قصيد يحمل بين طياتة الروعه والجمال


تقبل تحيات اخوك خالد