قصيده مرسله للشاعر واصل مع ردها (مساجله)

[poet font="Simplified Arabic,14,blue,normal,normal" bkcolor="white" bkimage="" border="outset,3,gray" type=2 line=200% align=center use=sp char="" num="0,black"]
هذه المساجله بيني وبين الشاعر
واصل واتمنى ان تنال اعجابكم

غبت ياواصل وظنك على ظني=ومثلك وشرواك مايخلف العاده
غيرك من الناس لاصد مااشحني=ولا عليّه من مجيه ومقعاده
ياخبير(ن) بالشعر ماهر وفني=فاهم(ن) تعرف صديره وميراده
شاعر ودايم بيوتك يشوقنّي=تعتبر للشعر سيّد من اسياده
شرّد القيفان يمك يلدنّي=لك تجي باالطوع عدله ومنقاده
اتحرى منك الابيات يلفنّي=حيث قافك بلسم الجرح وضماده
من ظروف(ن) تالي الوقت حسنّي=ماهتنا جفني من العام برقاده
سبة اللي عنه الاقدار حدنّي=ونار حبه باالحشا دوم وقاده
الغزال اللي فتنته وفاتنّي=هو هوى بالي منى القلب ومراده
به وثقت وهوبعد واثق(ن) منّي=ماسمع بي قول حاسد ونقْاده
لانظر لي باالنواعيس جننّي=اشهد(ن) قلبي لطيف الحشا صاده
فات لي وقت(ن) معه كنت متهنّي=والزمن لامن خذا شي ماعاده
الحبيب اللي شطنته وشاطنّي=لاذكرته شبت النار بزياده
يم داره ود الاقدام يمشنّي=لو يروح بعيد ماهمها بعاده
مير دونه كل الابواب صكنّي=وكل حل لوضعنا اليوم مافاده
وانت يومك باالهوى كنت متعنّي=وقبلنا تسهر على صوت ميّاده
تشتكي بعد المواليف وتونّي=وتصفق الكفين والمشكله غاده
وش عملت بقلبك اللي لهم حنّي=خبّر اللي بالهوى محكم قياده
منك محتاج النصيحه وطمنّي =ياسلالة من على الطيب معتاده
كود من قولك جروحي يطيبنّي=واتحمل قسوة الوقت وعناده

وســــلامتــــكم
(بشير العوام )
هذا وقد رد الاخ الشاعر واصل بهذه القصيده

واشكره جزيل الشكر والتقدير

مرحبا باللي قوافيه شدنّي=الرفيق اللي على الطيب من عاده
طيّب وللطيب شرواه متبنّي=طيب ساسه بالوفا للوفا قاده
يوم شفته يرفع الصوت ويغنّي=سرني مغناه واشتقت لانشاده
والشكر له دوم فيما ذكر عنّي=بارك الله فيه من فضله وزاده
الحياه اليوم ياالصاحب تعنّي=تتعب الرجال لو يعلن حياده
وكان حالك من عناالوقت متدنّي=جارك الله من بلاويه وانكاده
العذارا قبلك اليوم صادني=واهني اللي سلا عنهن فواده
عمت في بحر الهوى وقت لاكنّي=عدت للمينا وانا راكب شداده
يوم شفت ان الهوى طاح متثنّي=قلت للرحمه وانا اغادر بلاده
ويوم جوّه صافي اغير ماوني=واسهر من اجله وكوعي لي وساده
والاانا ماني على الحب متجنّي=بعض سجّاته دوا القلب واسعاده
وانت كانه عندك خيامه يبنّي=وابتدا حبك وتاريخ ميلاده
بنصحك ياطيّب الفال حيث انّي=غصّت في بحر الهوى رغم حسّاده
الهوى مجنون ومداخله جنّي=مايدوم ولو تغنيت بامجاده
ولا يفرّق بين شيعي ولا سنّي=للمولّع بالعنا يسرج جياده
من تولّع فيه ماوالله يثنّي=والله ان تكثر مشاكيه واسهاده
سايس الدعوى ورد الخبر عني=لايموت الحب والحب بمهاده
واعرف انه لو صدق حلّم متمنّي=للهوى هبّه وللصيد طرّاده
ولا عرفت ان اللقا صار متسنّي=اقطف زهور الهوى دام لك راده
الفرص قبلك ترى احيان فاتنّي=قبل نبع الحب مايقطع امداده
ولاكسا جو الهوى لونه البني=اترك شراع الهوى واقشع اوتاده
والله اني عنك مانيب متوني=لك رقبتي يابيض الوجه سداده

( واصل )


[/poet]

الغالى : بشير العوام




صح لسانك




ولسان واصل




قلتم وأجدتم



وأبدعتم



ولاهى غريبه



لكم تحياتى

الاخ خلد الذيابي اشكرك على مرورك

وهذا من طيبك تقبل تحياتي

اخوك بشير العوام

من شاعر الى شاعر

صح لسانك ولسانه


قصائد رائعه لا هنتوا

اخوكم
فيصل

الاخ فيصل الخالد اشكرك

على مرورك وتقبل تحياتي

اخوك بشير العوام

الشاعر بشير العوام

هلا بالابداع والجزاله

هنى صوت وهناك صدى

الف مليون صح السانك ولسان الشاعر واصل

الجزاله والذرابه ليست بغريبه على اللي مثلكم وشرواكم

لاهنتو وبيض الله وجيهكم

تقبل خالص التحية

اخوك

دغش الدوسري

الاستاذ الشاعر





بشير العوام







صح لسانك وسلم بنانك يالغالي




وصح لسان الشاعر /واصل





سلمت ودمت





أجمل تحيه

الاخ / بشير العوام
صح لسانك ولسان واصل
قلتم وأجدتم
دمتم ودام ابداعكم

لكم تحياتى

الاخ الشاعر بشير العوااام






لاهنت ولا هان اخوي الشاعر واصل




مساجله





رائعه





صح الله السانكم جميع






وحفظكم الله

صح السانك

وصح السان الشاعر / واصل

شعراء تستحقون المتابعه


لاهنتم

تقبل خالص تحياتي

اخوك / سعود

الاخ دغش بطي الدوسري

اشكرك على مرورك وكلامك الجميل

هذا من طيبك

تقبل تحياتي

الاخ عبدالله العويمر

اشكرك على مرورك وكلامك الطيب

وهذا من طيبك عسى عمرك طويل

لك شكري وتقديري

اخوك بشير العوام

الاخ مجعد بن متعب

اشكرك على مرورك

وتقبل تحياتي

اخوك بشير العوام

الاخ محمد فهد العرجاني اشكرك على مرورك

وتقبل تحياتي

اخوك بشير العوام

الاخ الشاعر





بشير العوام صح السانك


والشاعر واصل


تحياتي لكم