Tweet
[poet font="Tahoma,14,indigo,normal,italic" bkcolor="" bkimage="http://nadawi.net/vb/images2/43.gif" border="none,2,gray" type=2 line=200% align=center use=ex char="" num="0,black"]
الـــــــــوداع
جايني يوم السفر يبغى يوادع = وجيت ما ودي أجي خايف يروح
ما ني بناقص تلاعب بي المواجع = يكفي إن للهم في جوفي صروح
من ثمان سنين والمشتاق ضايع = بين كف الهم وأنياب الجروح
من ثمان سنين كان الشوق هاجع = لين وادعني ضيا الوجه الصبوح
فز شوقي ثاير وقض المضاجع = يوم شفت السالفه ما هي مزوح
من ذهولي قلت وين ورد راجع = انتظرني قلت برقب دون روح
هذا انا روحي بكفي جيت طايع = هاك خذها لنها ان رحت (ابتروح)
التفت لي واشر بروس الأصابع = و لوح ودمعه غشى الوجه السموح
وساع قفى والله إن كني أنازع = ضاقت أنفاسي ولي جفن ٍ فضوح
ما درى انه ساق روحي م المدامع = وإنْ ما بعده هناك أية طموح
انتظرته وانتظرت وكنت خاضع = للسهر والليل وجروح ٍ تنوح
( وجا ) مثل هتان ترجيه المرابع = ( جا ) ورش الروح من عطر ٍ يفوح
( جا ) وكالمعتاد رائع .. كان رائع = بس في لسانه حكي وده يبوح
ويوم قاله لي ولين العلم فاجع = قال وادعني أنا غصب ٍ بروح
هو يحاكيني ويبغاني أوادع = وآنا كني شايف إن موتي يلوح
وسلامتكم ....... سالم بن جلعان
[/poet]
تعليق