Tweet
[poet font="Arial,14,darkblue,normal,normal" bkcolor="" bkimage="http://nadawi.net/vb/images2/45.gif" border="double,2,gray" type=1 line=200% align=center use=ex char="" num="0,black"]
السلام عليكم ورحمة الله وبركاته
قصيدتين بيني وبين اخي الغالي سعيد الحمالي
اضعها امامكم واتمنى ان تنال بعض من رضاكم
وبالله التوفيق
ياهادي بن سعيد ياطير شلـوي = أدرك خويك يا وسيـع النهايـا
البارحه يالقرم جفنـي تقلـوى = هجسٍ شعا قلبي وسـوا سوايـا
أسباب همٍ في حشايـه تخلـوى = وأمسى خفوقي يصطفق بالحنايا
أسرف بي الي يبن عمي تغلوى = غروٍ سلب عقلي بزين الحكايـا
أوردني لعذبٍ من القول حلـوى = وأصدر حيامي من قليبه ضمايا
أنشهـد أنـه بالمحبـه تعلـوي = وإجتاح قلبي من جميع الزاويـا
حبٍ عفيفٍ ما نعرضـه ملـوى = صنته بروحي عن جميع البرايا
وقتٍ مضى عشناه فرحٍ وسلوى = وإثر القدر ناوي لنـا بالنوايـا
ويا فوح صدري فوح قدرٍ يغلوى = تحته جروم السمر صـمٍ بلايـا
مالي جدى غير أتلو الشعر تلوى = وأجر صوتي في جميع النحايـا
كأني غريبٍ عن دياره تجلـوى = أو معسرٍ كثرت عليه القضايـا
او فارسٍ هجت سبوقـه تفلـوى = متقنطرٍ صكت عليـه السرايـا
أقفى وأنا قفيت والحـب بلـوى = وكم شيخ قومٍ شاف منه الرزايا
من باعني بعته حشا ما أتملوى = لو راح قلبي من فراقـه شغايـا
ماهي ذراعي الي من الغيد تلوى = إلا إن في راسي تموت الحمايـا
( سعيد الحمالي )
.....................
.....................
للجود جيد ونظرة العين علوى=والطيب للي يجزلون العطايا
وسعيد في راس الطويله تعلوى= قرمٍ ومن ربعٍ قرومٍ دهايا
اختصني بالذات زبن المجلوى=وانا يشرفني حميد السجايا
يشكي علي الحب والحب بلوى= غروٍ شعاه وعرضه للمنايا
يامر وحنا له على غير ملوا= بالجاه واللي نذخره له فدايا
ناتيه لو هو من ورى حد سلوى= والا ورى دجله وذيك القرايا
ابريه ترخص حالها دون علوى= لا ثار عند الهوش عج السبايا
وانتم ذرى اللي في زمانه تبلوى= احماله اللي ينطحون السرايا
وحنا لكم درعٍ حصينٍ وملوى= هواجرٍ متوارثين الحمايا
والشور دايم يجلي الهم جلوى= هدوٍ يعدونه من اغلا الهدايا
مافالهوى ياسعيد راحه وسلوى= والحب يرخًص كان ماله مزايا
من صد خله لا تضيق وتخلوى= خله ولا تطري عليك الوصايا
لو كان في هجر المحبين صلوى= ونارٍ لهبها بين عوج الحنايا
من يتبع المقفين لا بد يٍلوى= يٍلوى ويحسب من حساب الضحايا
ادليت لي في مورد العرف دلوى= هذا وانا لك ياصبي الحمايا
( هادي بن سعيد )
[/poet]
السلام عليكم ورحمة الله وبركاته
قصيدتين بيني وبين اخي الغالي سعيد الحمالي
اضعها امامكم واتمنى ان تنال بعض من رضاكم
وبالله التوفيق
ياهادي بن سعيد ياطير شلـوي = أدرك خويك يا وسيـع النهايـا
البارحه يالقرم جفنـي تقلـوى = هجسٍ شعا قلبي وسـوا سوايـا
أسباب همٍ في حشايـه تخلـوى = وأمسى خفوقي يصطفق بالحنايا
أسرف بي الي يبن عمي تغلوى = غروٍ سلب عقلي بزين الحكايـا
أوردني لعذبٍ من القول حلـوى = وأصدر حيامي من قليبه ضمايا
أنشهـد أنـه بالمحبـه تعلـوي = وإجتاح قلبي من جميع الزاويـا
حبٍ عفيفٍ ما نعرضـه ملـوى = صنته بروحي عن جميع البرايا
وقتٍ مضى عشناه فرحٍ وسلوى = وإثر القدر ناوي لنـا بالنوايـا
ويا فوح صدري فوح قدرٍ يغلوى = تحته جروم السمر صـمٍ بلايـا
مالي جدى غير أتلو الشعر تلوى = وأجر صوتي في جميع النحايـا
كأني غريبٍ عن دياره تجلـوى = أو معسرٍ كثرت عليه القضايـا
او فارسٍ هجت سبوقـه تفلـوى = متقنطرٍ صكت عليـه السرايـا
أقفى وأنا قفيت والحـب بلـوى = وكم شيخ قومٍ شاف منه الرزايا
من باعني بعته حشا ما أتملوى = لو راح قلبي من فراقـه شغايـا
ماهي ذراعي الي من الغيد تلوى = إلا إن في راسي تموت الحمايـا
( سعيد الحمالي )
.....................
.....................
للجود جيد ونظرة العين علوى=والطيب للي يجزلون العطايا
وسعيد في راس الطويله تعلوى= قرمٍ ومن ربعٍ قرومٍ دهايا
اختصني بالذات زبن المجلوى=وانا يشرفني حميد السجايا
يشكي علي الحب والحب بلوى= غروٍ شعاه وعرضه للمنايا
يامر وحنا له على غير ملوا= بالجاه واللي نذخره له فدايا
ناتيه لو هو من ورى حد سلوى= والا ورى دجله وذيك القرايا
ابريه ترخص حالها دون علوى= لا ثار عند الهوش عج السبايا
وانتم ذرى اللي في زمانه تبلوى= احماله اللي ينطحون السرايا
وحنا لكم درعٍ حصينٍ وملوى= هواجرٍ متوارثين الحمايا
والشور دايم يجلي الهم جلوى= هدوٍ يعدونه من اغلا الهدايا
مافالهوى ياسعيد راحه وسلوى= والحب يرخًص كان ماله مزايا
من صد خله لا تضيق وتخلوى= خله ولا تطري عليك الوصايا
لو كان في هجر المحبين صلوى= ونارٍ لهبها بين عوج الحنايا
من يتبع المقفين لا بد يٍلوى= يٍلوى ويحسب من حساب الضحايا
ادليت لي في مورد العرف دلوى= هذا وانا لك ياصبي الحمايا
( هادي بن سعيد )
[/poet]
[/align]
تعليق