رقم جــــــــــــوالي؟؟

نهار العيد قابلته – غزالٍ زايفٍ نبته – وكلمني وكلمته
ورحنا في خرايطها
***
صغيّر ناعمٍ هرجه – ولامنه درج درْجِه – يحط القلب في درجه
عروق القلب رابطها
***
عليه العود دندوني – ياقدامي يامن دوني – يقول الثوب هدوني
تقول انه مهبّطها
***
وعليه العين هدّاجه – مايقدر يرفع حجاجه – وساعٍ فيهن دعاجه
وبعد بالكحل ماغطها
***
وعليه من الشعر غدرا – ليامنه انحدر حدرا – مقاديمه على الصدرا
وعلى الامتان يبسطها
***
وعليه العنق ممغوطه-وزغدٍ كنه القوطه-ودلوعه وشمحوطه
ياحظ اللي يقلّطها
***
وعليه الطول متساوي – لانيجيري ولاجاوي – وعودٍ بالحلا راوي
وصوف الزين صافطها
***
وعليه من الدلع غنجه – تتل الروح من طنجه – ولو شافوه الافرنجه
تسلم له خرايطها
***
وعليه من الرخا شلقه – بلا كويه ولا فلقه – وفمٍ كنه الحِلقه
هني اللي يمشّطها
***
عطيته رقم جوّالي – وقمت اضبّط عقالي – عسى يطرب لموالي
وتقبلني وسايطها
***
لزمني قاوي الهمه – مطوع لابسٍ عمِّه – ويوم انه رفع كمه
يبي فالوجه يخْبطها
***

مسكت يديه ياقوه – اكيد مطوع فتوّه – وتوه فالغدا توه
قدور الضغط ماسطها
***
طلبته يغّفر الزلّه – وملتنا هي الملّه - وكل انسان له علّه
تعابطه ويعابطها
***
رحمني جعله الرحمه – عقب ماشافني فحّمه – وقال اشرد مع الزحمه
وجيت الباب شاخطها
***
لقيت العسكري التالف – يقول الموتر مخالف – وانا في ذمتي حالف
قسيمه لك بخططها
***
تغفلته ودقيت سلف – ابيه يبطّل من الحلف – انانيه وقلة ولف
تعبنا من تسلطها
***
وفجأه دقت الساعه – صلاة الصبح فزّاعه – تنادي حزة الطاعه
على التنبيه ضابطها
***
وقمت اشوف من حولي – واعس يدَي ورجولي – هذا ماهوب معقولي
انا شكلي ملخبطها
***
وطلعت امثل الجندي-بطل في فلمي الهندي-سوايا الرز والمندي
لياجا الكبد يضغطها

سعييييييييد...وش ذا القصيده...

عجبتني بشكل ما تتصوره..

الله يرج ابليسك...

بس عساها دقت وانا أخووك..


صح لسانك ولا هنت..

سعيد الاكلبي

صح السانك على جمال القصيده

اسلوب مميز وشاعر خطيييييير

تقبل اعجابي بها

محبك تركي الديحاني

رووووووووووووووووووووعه


















رووووووووووووووووووووووعه


















وربي رووووووووووووووووعه ياسعيد
استمتعت يابعدي ... صح لساااانك يامبدع ..
وعلى قولة اخوي هزاع .. ياليتها دقت لو بالحلم
بصراحه متأكد بارجع لها مره ثانية ..
ياخي لها رنه غير شكل .. اسلوب يشدك فعلا ..
يسلم قلبك وفكرك وبنانك .. ولاهنت ولاهنت ولاهنت ياسعيد .


تحياتي وتقديري

الأخ الشاعر : سعيد الأكلبي


صح الله لسانك ,,,, ولاهنت


وتشرفت أخي الكريم بالمرور عليها



وعسى الله يوفقك ,,, ووفقك من يسمع





تحياتي

سعد الاكلبي

صح السانك

تقبل فائق الاحترام

وقمت اشوف من حولي – واعس يدَي ورجولي – هذا ماهوب معقولي
انـــــــــا شـــكـــلـــي مـلـخـبــطــهــا
***

حلم


سعيد صح لسانك..........

سعد الاكلبي



صح لسانك قصيده فكاهيه جميله
بس مره ثانيه
سم وقول بسم الله الرحمن الرحيم وارقد
على شان ما عاد تجيك هالوساويس

والاّ تدري شلون توكل على الله وكمل دينك وتزوج
وهذا وجهي ان حلمت هالحلوم مره ثانيه الا كان بتحلم بوحده ماسكه جنبيه وواقفه على رأسك؟ يمكن !!!!!!!!


لك اطيب التحيات من شاعر جزل ويملك روح الدعابه
التى قلما نجد شاعر يجيدها


سلام من اخوك

ماااشاااء الله يالاكلبى عليك قصيده بقافيه راائعه

صح والله لسااانك ولاهنت يالنشمى

تحياتى لك يالرااائع

هزاع بن عبدالله

ارررحب



الله يحييك



ولاهنت



على ما قلت



وسلمت يمناك



ولا عدمناك

السلام عليكم ورحمة الله وبركاته



اخي الشاعر سعيد الاكلبي



صح الله السانك على هذه القصيده الجزله والاكثر من رائعه



والله لايهينك يالقرم وبيض الله وجهك

ياسلالالام ياسعيد ياسلالالالام ..وجعله ابرك حلم
الوكاد انك مبدع وكلمة مبدع قليله بحققك ..شاعر يعجبني تعامله مع القصيده لامن المضمون ولا السلاسه .والا التميّز
يعني ميزتك فارقه حيل ..ويعجبني ترابط البيوت ياسعيد
لله درك ..وصح السانك ولاهنت
تحياتي لك

الاخ العزيز / سعيد الاكلبي

تحيه عطره ،،،


ومشكور على هذه القصيده الرائعه والتي تحتوي على مضمون جديد وجميل في نفس الوقت

ابدعت ولك تحياتي

وفقك الله

هزاع بن عبدالله

حي والله المرور اللي يبهج العين



ارررحب



ولاهنت على هذا الكلام الجميل



شكرا ياهزاع

الله عليك دايم يا سعيد رائع وجزل


ولاهنت على هذه الارئعه باسلوب


مختلف ظريف خفيف وابداع من مبدع