كذبــ أبريل ــــــة

[ALIGN=CENTER]الشاعر/ سعيد بن علي الفهري القحطاني[/ALIGN]
[ALIGN=CENTER]شاعر برز في المحاورة شهد له عمالقة المحاورة بأنه شاعر من الطراز الأول شاعر امتاز بقوة المعنى
وتغليفه حيث لا يعرف معناه الا شاعر كبير ويمتاز ايضاً بحسن الصوت
شهد له الكثير من شعراء المحاورة الكبار

وما يميز هذا الشاعر هو تميزه ايضاً في مجال النضم فهو مبدع في النظم
ومن خلال سماعي لبعض قصائد اخترت لكم قصيد جميل جدا[/ALIGN]

[poet font="Arial,4,white,normal,normal" bkcolor="transparent" bkimage="backgrounds/22.gif" border="double,4,gray" type=2 line=200% align=center use=ex length=0 char="" num="0,black" filter=""]

كــــذبـــة إبــريــــل
-
تعودنا على ايام الشقا يا حظي الغشاش=وصارت دفة المركب سوى في اللين والشده
وحول مثل حلم ابليس في الجنة لو انه عاش=ومات الحلم في عين الفقير وكل شي ضده
وبلغت من الضما خط النهاية والركاب عطاش=ولو كان المسافة متر واحد يا بحر جده
ومن شرب البحر زاده ضما والعد ما يناش=هنيك يا اليتيم اللي روى بايديه من عده
وراك اخطيت في حق الصدق بكذبة البكاش=وصدق (كذبة ابريل) الشهيرة ولاحد لده
وضح وجه الشبه بينك وبين الخبل يا منقاش=لو ان الفرق في نوع السلاح وخزنة العده
ولا يلي جمعت المسك والريحان والخشخاش=ترى ما هي سوى في عقل من وده ولا وده
أنا ماني بحيا الله بشر لاشاف شي طاش=موازيني ثقيله والشرف قدي وانا قده
كنوز اللول في عمق البحر والا القشاش قشاش=يهوبي فوق موج البحر في جزره وفي مده
حياة بلا هدف ضياع ولو يضيع اللاش=ما ضاع اللي سنام المجد من خاله ومن جده
ويصفي مشربه وان حدته الاقدار ما ينحاش=ولو قالوا له التيار ضدك ما نكشف سده
مثل ما تغتنم بدو الجزيرة حزة المغباش=تغانم لك نصيحة طيبه ياوافي العده
ما دام ان المصير وخاتمة الانسان متر قماش=وقبر ملحود وحساب وعقاب مالنا صده
عليك بطاعة الله نافخ الروح في الخفاش=فروض وواجبات وكل ما يكتب عليك اده
وتذكر موقف فيه الوزير بجانب الفراش=سوى والفرق ميزان العمل والناس منشده
ياسعد المؤمن اللي صار له قلب ابيض من الشاش=ولا يا متعس قلوب من الاضغان مسوده
ومادام الوقت مثل السيف والصورة بدون فلاش=جلوسك مع قليل الدين عيب وشر ولا بده
على قولة هل القاله يجيك من المزون رشاش=وتلبس غترة المشبوه ودموعه على خده
وعلى المرء يأخذ من جليسه ما يروح بلاش=ويترجمها مع الأيام في مزحه وفي جده
تخير لك جليس منزله عالي ورابط جأش=ضميره حي ويروم العلا لو طالت المده
لايلعب بك زمان يشبع الجايع من الفشفاش=وتشوف الجود في كف البخيل ويجزل المده
الامانه والعدل والحيا في غرفة الانعاش=وشفاها في يدين اللي دعا المظلوم مارده
مواقيف الرجال تبين السكين والرشاش=وتعلمنا من حزام الظهر في اللين والشده
-
الشاعر / سعيد علي الفهري
16/3/1424هـ
-
[/poet]

لا هنت يالجربوعي على النقل الرائع

وصح السان الشاعر سعيد القحطاني


تقبل فائق الاحترام

لاهنت لاهنت وتسلم والله يالقرم

وصح السان الشاعر ســعــيـــد عــــلــــي الــفـــهـــري

وصح اللسانك انت ولاهنت

محمد

مرحبابك ملايين وحييت

تواجدك مكسب ومكسب غالي...

وزميلي واخوي سعيد مما لا شك فيه انه شاعر وشاعر متمكن بشهادة الغالبيه العظمى من الشعراء...


لاعدمناك يا محمد ولا عدمنا سعيد

لك تحياتي



مشهور...

الأخ الغالي محمد الجربوعي ارحب وابرك الساعات انا التقينابك وبهذه الرائعه التي اتت من رائع وهامه شعريه سوف يكتبها التاريخ للأجيال القادمه
ابو علي شاعر ولايختلف عليه اثنين بس انه فاجأنا عندما وجدنا شاعر نظم قوي وشاعر محاوره ممتاز فقد سكر علينا الدروب كلها لكن قله يخليلنا وحده من الثنتين ولا شفناله حل


سلملي عليك وعليه وقله انه تاج مرجله على جباهنا


تقبل تحياتي وتقديري

يابو عوض