مرثية بالامير الراحل طلال الرشيد

السلام عليكم ورحمة الله وبركاته
[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
مرحوم ياشيخ" بكتة الرجاجيل=
بكوة واللة لابسين العصايب
فقيدة"واللة وريث الحلاحيل=
فرقاة واللة من كبار المصايب
طلال يبكونة هل الضمر الحيل=
ويبكية من جار ت علية النوايب
ويبكية من صارت حياتة بهاذيل=
عقبة غدت مابين مخطي وصايب
وتبكية شمر والرجال المشاكيل=
والقاصية والدانية والقرايب
ويبكية من لة بالمراجل مداهيل=
ويبكية واللة ناقضات الذوايب
طلال واللة ما فقدنا بها الجيل=
اعز واطيب منة جزل الوهايب
يمناة تندا بالعطا كنها السيل=
مزن" حدتها مجهمات السحايب
وسوالفة مع ازرق العود والهيل=
يطول ليلة ما لقولة سبايب
العز في راسة كما نايف سهيل=
طايب خذاة او هو على غير طايب
بينة وبين الجود همس وتعاليل=
وسكر غلاهم بابيض العشق ذايب
حفيد منهو يتعب الجيش والخيل=
فرز الوغى يومنها بالحرايب
شيخ"خذا من راس جدة محاصيل=
قفى وهو بعيوننا بالف شايب
ياموت واللة لو عن الموت تبديل=
حرام ماتبنى علية النصايب
نواف ياذخر الليال المقابيل=
بك عوض اللة عن زبون الصعايب
فرخ الهداد اللي علية المعاويل=
طلال صلبة والكرامة ترايب
مامات منلة ورثة"يامهابيل=
واللة يبقى حي لو قيل غايب
ياللة ترحم من بكتة الرجاجيل=
وتجعل لة الفردوس نزل ووهايب


[/poet]

سويلم الشمري

صح لسانك وجزاك الله خير اخوي

ورحم الله الامير طلال الرشيد

عرفت ان الشاعر / عبدالرحمن بن غبين

يريد جمع مرثيات الفقيد طلال رحمه الله وذلك بناء لطلب ابنه نواف حتى يجمعها بديوان

وحقيقه قصيدتك تستحق ان تكون من بين تلك القصائد بالفقيد رحمه الله

تحياتي

اخوك

صلاح العنزي

الاخ سويلم الشمري


صح السانك ولاهنت


الله يرحمه ويسكنه فسيح جناته


قصيده معبره ومأثره بنفس الوقت


لك تحياتي

الاخ سويلم الشمري

الله يرحمه ويسكنه فسيح جناته

والله يعظم اجركم ويلهمكم الصبر..

الاخ صلاح شكرا لمرورك عزيزي


ولا هنت على شعورك النبيل تقبل تحياتي

صح الله السانك ياسويلم الشمري


والله يرحمه ويجبر عزاكم في فقيدكم


لاهنت وصح السانك

حسن الة لا يهينك مرورك شرف لي طال عمرك


ادري اني مقصر لكن اسمحلي طال عمرك



الف شكر