مقتطفات شعرية لـ ناصر القعيمه

[ALIGN=CENTER]ناصر القعيمه أحد الشعراء الذين قراءت لهم شعر وأعجبت به ولكم قصيدتين جميلتين لهذا الشاعر[/ALIGN]

[poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=2 line=200% align=center use=ex length=0 char="" num="0,black" filter=""]
القصيده الاولى
-------------
عذاب اللما
ياخازن اللول بين الورد عذب اللما=يسولف الشهد لاسراب النحل عن شفاك
أن كان كل البنات نجوم فانت السما=حتى القمر والنجوم تلمها في سماك
وصلك لي الماء وبعدك عن حياتي ظما=محظوظ منهو بعد طول الظما ذاق ماك
هبت هبوبك على قلبي وغصنك وما=ومالت معاليق قلبي كلها في رضاك
من حب يمشي لمحبوبه سواة العمى=لو شاف منك الخطا ما قال صحح خطاك
وحبك بقلبي قبل تدري بحبك نما=الله ياصاحبي لوقلت لك عن غلاك
نشا غرامك على روض الخفوق وهما=حبٍ يسولف لعشاق الهوى عن هواك
في كل يومٍ جديدً أحس حبك زما=الكون كله وخفاق ملكته فداك


القصيدة الثانية
---------------
لعيون شقرا
توك دريت أن القصايد جميله=صوت القلوب اللي ظمها قدرها
شتات مجروح الدروب الطويلة=يلومها خطوة وخطة عذرها
اتعب لها الهاجوس في كل ليله=أسرج لياليها واغازل قمرها
أضمها بعيون فكري دليله=أنخي سحابتها واترخص مطرها
واعرض بها سلة حسام صقيله=تشوق ناظرها بعيد نظرها
مدادها نزل الليالي العليلة=وضمادها شمس تصبح سهرها
تبعد عن الخفاف ضيق ومليله=وتشيل سمار الليالي بحرها
رددتها في كل بحر وخميله=وغنت بها قمريه في شجرها
لعيون شقرا مثل بنت الكحيله=الوجه قمرا والذهب من شعرها
حبيبتي حلوه حنون بخيله=عذروبها في خوفها من حذرها
ناصر القعيمه
[/poet]
[ALIGN=CENTER]والمعذره لو حصل تقصير[/ALIGN]

أختيار وذوق راقي



شكرا لك يالغالي